პარტია "ცენტრისტები" საარჩევნო რეგისტრაციიდან მოიხსნა
პოლიტიკური გაერთიანება "ცენტრისტები" საარჩევნო რეგისტრაციიდან მოიხსნა. შესაბამისი განკარგულება ცესკო-ს თავმჯდომარე თამარ ჟვანიამ გამოსცა.
ცენტრალური საარჩევნო კომისიის თავმჯდომარის განკარგულებას საფუძვლად საჯარო რეესტრის ინფორმაცია უდევს, რომლის მიხედვითაც, პარტია "ცენტრისტების" ხელმძღვანელ პირებს უფლებამოსილება იურიდიულად არ გააჩნიათ.
"დღეის მდგომარეობით, ჩვენთვის უკვე ცნობილია, რომ პოლიტიკური გაერთიანება "ცენტრისტების" ხელმძღვანელი პირის უფლებამოსილებას არ გააჩნია იურიდიული ძალა. შესაბამისად, ხელი მოვაწერე განკარგულებას, "ცენტრისტების" რეგისტრაციის განკარგულების ბათილად ცნობის შესახებ. ეს უფლებამოსილება გააჩნია ცესკოს თავმჯდომარეს ახალი გარემოებიდან გამომდინარე, რაც ჩვენთვის მხოლოდ გუშინ გახდა ცნობილი", - განაცხადა თამარ ჟვანიამ.
"ინტერპრესნიუსი"