ქინძი, ბარიკადები... უცებ ორი "გრეჩიხაც"
ქინძი, ბარიკადები... უცებ ორი "გრეჩიხაც"
11-02-2016
მოახლოვდა არჩევნები და ყველას მოუნდა ბეჭდვითი, სატელევიზიო თუ ინტერნეტმედია, მაგარი დრო დგება. პროვოკატორი კი არა, ვერცხლისმოყვარე ჟურნალისტი რომ ვიყო, იცოცხლე, მაყუთს გავჭრიდი, მაგრამ ჩემი სიდედრის არ იყოს, ერთი ენამყრალი პროვოკატორი ვარ, ამიტომ გავკრავ კბილს (ჰკიდიათ, მაგრამ მაინც) ერთ, ორ, სამ, ოთხ, ხუთ, ექვს... ას, მოკლედ - ბევრ პერსონას.

სანამ სტატიას დავიწყებდი, თუ მედიაზე წერ, კოლეგიალობა დაიცავიო, - შემახსენა მეგობარმა ჟურნალისტმა. არ მჭირდება მე შეხსენება, სულ ასე ვშვრები, პროვოკატორებზე ცუდს არასოდეს დავწერ (ესენი არიან ჩემი კოლეგები) და თუ ვინმემ მაინც ჩათვალა, რომ კოლეგიალობა არ დავიცავი, მაშინ აღიაროს, რომ პროვოკატორია ისიც და ბოდიშს მოვიხდი. მაშ, ასე, წავიდა პროვოკატორობა!

ყველაფერი ინგა გრიგოლიათი დაიწყო (აბა, ინგას გარეშე რა უნდა დაიწყოს ჟურნალისტიკაში?!). გაუშვეს ჩვენი ინგა "იმედიდან" და სარედაქციო პოლიტიკას დააბრალეს. ბევრი იყვირა ინგამ, მაგრამ არაფერი გამოუვიდა. მერე "ზეობიქტურმა" "რუსთავი 2"-მა დაიწყო - "ჰელფ, ჰელფ!"-ის ძახილი სიტყვის თავისუფლების სახელით. მოკლედ, ატყდა ამბავი, მაგრამ რა ატყდა!..

ქინძი და ბარიკადები მონელებული არ გვქონდა ერს, რომ უცებ ორი "გრეჩიხა" ერთად გამოხტა: პატარამ, - ტელევიზიის მფლობელი ვარო, და დიდმა, - დირექტორიო; ვინც ძველი დირექტორი იყო, იმან,- უიმე, გვიშველეთ, თავისუფალ სიტყვას ებრძვიანო, - და არც ერთი გაჩეჩილაძე ტელევიზიაში არ შეუშვა. მოკლედ, ტემპერატურამ მაღლა აიწია, ჩემნაირი პროვოკატორები სიხარულისგან სულ ხელებს იფშვნეტდნენ და ახალი, კაი ქართველური სისულელის მოლოდინით ვიყავით შეპყრობილი. ისე აგიხდათ ყველაფერი კარგი, ჩემო მკითხველო: ერთ დროს თითქმის ერის მამა, ბატონი "უცნობი" კამერების წინ კეკლუცად გამოვიდა და, - კვირიკაშვილს შევხვდიო, ჩემი ძმაკაციაო, - განაცხადა. ხომ გეუბნებით, ხელისუფლებას ტელევიზიის ხელში ჩაგდება უნდაო,- აყვირდნენ არასამთავრობოები, ის კი არა და, 2012 წლიდან თავისუფალი სიტყვისთვის მებრძოლმა გვარამიამ, "ბიძინა რუსეთის კაცია"-ს რეპორტაჟის საკეთებლად წასული ჟურნალისტიც კი მოაბრუნა და "მაესტროზე" მიუშვა. უხერხულში ჩავარდა ახალი პრემიერი, ისე ანერვიულდა, ალ კაპონესავით მუდამ დავარცხნილი თმაც კი აეშალა და, არმაზის ბილინგვას გარდა, ყველა საფიცარი დაიფიცა,- "უცნობთან" "მაესტროს" საკითხზე არ კრინტი არ დაგვიძრავს, მისი ძმაკაცის გაჭირვებაზე ვსაუბრობდითო.

ჰოდა, ვაგრძელებთ. ლარისა და დოლარის დედა ვატირე, ისეთი ამბებია! ჯერ სადა ვართ, მალე ისეთ ფაზაში შევა არჩევნები, ჩვენი ჟურნალი დღეში ოცჯერ რომ გამოდიოდეს, პროვოკატორობა არ მოგაკლდებათ. ახლა კი გავაანალიზოთ - რა? სად? როდის და რატომ? ძალიან მოკლედ ვიტყვი: პროვოკატორებს ლაქლაქი არ გვჩვევია, ყველაფერი რაც ხდება, რაც მომხდარა და რაც მოხდება, არჩევნებს უკავშირდება, ძალაუფლებას, ფულს და ყოველი სიტყვა თავისუფალ სიტყვაზე - ფარისევლობაა. არა მგონია, გვარამია ზრუნავდეს თავისუფალ სიტყვაზე, "ოცნებას" ებრძვის და "ნაცების" დაბრუნება უნდა; არც ის მგონია, "გრეჩიხებს" რომ წლებია დააქვთ "მაესტროს" დარდი გულის ფიცრით, და არც ის, მაკა ასათიანი ჟურნალისტებისთვის სამსახურის შენარჩუნებაზე ნერვიულობის გამო ჩამოვიდა. ყველას რაღაც გავლენის, ან ფულის, ან ხელისუფლებაში მოსვლის სურვილი კლავს და აწვალებს მხოლოდ. რა ვიცი, მე ასე მგონია და თქვენ თქვენი
თქვით, ძვირფასო მკითხველო.

ასე რომ, თავისუფალ სიტყვას, რომელზეც მსოფლიო საზოგადოება და ცივილიზაცია დგას, საქართველოში სულ სხვა დანიშნულება მიეცა.
მოკლედ, ბოდიში და, ყველა იმ კაცის "თავისუფალ სიტყვას" რა ვუთხარი, ვისაც ის სხვა რამისთვის სჭირდება!

პ.ს.
ერთ ანეკდოტს გეტყვით, ცოტა რომ მოვეშვათ:

რაბინთან ახალგაზრდა მივიდა.
- მოძღვარო, ცოლს ვთხოულობ.
- ძალიან კარგი, შვილო.
- ჰო, მაგრამ შესახედავად ძალიან ლამაზია, მე კი რას ვგავარ?!
- მაშინ, არ ითხოვო, თორემ ჰარმონია ვერ გექნებათ!
- მაგრამ სიცოცხლეზე მეტად რომ მიყვარს?!
- მაშინ, ითხოვე და სიყვარულის ძალა გადაფარავს ყველა შეუსაბამობას.
- მაგრამ ის გოგო ძალიან მდიდარია, მე კი- ღარიბი!..
- მაშინ, არ ითხოვო, თორემ გაგიბატონდება!
- კი, მოძღვარო, მაგრამ ისე მიყვარს, სიზმარშიც არ მშორდება!
- მაშინ, ითხოვე და სიყვარული ყველა მინუსს გადაფარავს.
- მაგრამ, მოძღვარო, ის უნიჭიერესია და უმაღლესი განათლებით, მე კიდევ- საშუალოდაც ვერ ვსწავლობდი.
გაბრაზებული მოძღვარი:
- რას გეტყვი, იცი, დაგენაცვლე: ეგერ, ხომ ხედავ ქრისტიანების ეკლესიას?
- ?..
- ჰოდა, წადი იქ და მოინათლე ქრისტიანულად!
- რატომ?
- რატომ და, ქრისტიან მღვდელს მოუშალე ნერვები, მე რას გადამეკიდე?!. :)))
ჰოდა, ამ ანეკდოტის არ იყოს, წადით, მიშასავით, და ახლა სხვებს მოუშალეთ ნერვები, ძმაო; უკრაინა გინდათ, რუსეთი, ამერიკა- სადაც გინდათ, წადით, ოღონდ აქ პატიოსან ჟურნალისტებს აცადეთ ამ სიტყვის თავისუფლების პატივისცემა!

პ.პ.ს
სოფელში გაგონილი სადღეგრძელოს ჟურნალისტური ინტერპრეტაციით მინდა დავასრულო: ვინც გაზეთების ჯიხურებთან გაიარ-გამოიარა, ჟურნალი "გზა" იყიდა, ეს სტატია წაიკითხა და, რისი თქმაც მინდოდა, ზუსტად ისე გაიგო და სხვა არაფერი, იმ კაცს გაუმარჯოს! ვინც ვერ გაიგო, ჩემნაირი პროვოკატორი დაუჯდეს სახლში. "ვოტ ტაკ!"



uf, gaixare
12 თებერვალი 2016 14:48
ნამეტანი ვისიამოვნე, მაგარი იყო.
natia varancovidan
12 თებერვალი 2016 13:52
ყველას გასაგონაD, მესმის ტველა ტელევიზიას უნდა რეიტინგული იყოს და ამის მისაღწევად ყველაფერს ცდილობენ. ზოგი მიცვალებულებს გვაჩვენებს, ზოგი ტანსაცმელშემოგლეჯილ მთვრალს, ზოგი მეუღლის მკვლელს და ზოგიც სახურავ გადახდილ ან მინებჩამსხვრეულ სახლს, წყალდიდობებს და თქეშად წამოსულ წვიმას ხომ ყველა ტელევიზია აჩვენებს. ამ ბოლო დროს საროსკიპოებიც გვაჩვენეს, ნარკომანებს, ლოთებს და შეშლილ შეფერთხილებს ხომ თვლა არ აქვს. ამიხსენით ერთი, ეს არის საწერი თემა? სხვა არაფერი გვაწუხებს ხუთჯერ რომ არ გვაჩვენოთ ქმარშვილის მკვლელი ქალი? ერთხელ გვაჩვენეთ სკოლები, კარგი მასწავლებლები, კარგი ბავშვები, კარგი მშობლები, კარგად მოვლილი სკოლები, სანიმუშო დირექტორები, ვითომ უფრო საინტერესო არ იქნება ამდენ უბედურ ადამიანებზე რომ ხუთ -ხუთჯერ ლაპარაკობთ და თან ყველა არხი.
ვისი გასაკეთებელია ეს საქმე ისინი უყურებენ? არ უყურებენ. სირცხვილია, ვრთავ რუსეთის ან საფრანგეთის არხს და ვუყურებ ფილმებს, რომლებიც ყოველგვარი რეკლამების გარეშე გადის, ასეთი გამოსავალი ვიპოვნე, თქვენ კი წერეთ ამოთხრილ ქვაფენილზე და პირდაუბანელ, გაუპარსავ ბიჭებზე, კიევის სადგურში რომ ათევენ ღამეს....
სხვა სიახლეები
ჯერ გაოცება ვერ მოვასწარით "ნანაციონალარი" ბუკიას ხობის მაჟორიტარობაზე წარდგენის გამო და ამ კანდიდატმა თქვა, რომ უნდა დავუბრუნდე ჩემს საყვარელ წიაღს - ბიზნესსო.
დაწვრილებით...
ჩვენ ახლა მხოლოდ 8 ოქტომბრის მოლოდინით ვცხოვრობთ და არჩევნების ფინალამდე ეგებ მივაღწიოთ ხმათა მფლობელმა, მრავალარჩევნებგადატანილმა ხალხმა! ალასანიას შტაბის უფროსი გაჰქცევია, თინა ხიდაშელი ზესტაფონშია გადაბარგებული, "ფორუმელმა" გუბაზმა, - მე აღარ ვიყრი კენჭს ქუთაისში, სხვა ფორუმელს გავუშვებთო და "ქართულმა ოცნებამ" თბილისს იმნაირი "სასტავი" წარუდგინა მაჟორიტარებად, სოციალურ ქსელში უკვე ხარხარისგან პოლიტიკური "ვოლები" დაიქცა!
დაწვრილებით...
ამ ბოლოს პოლიტიკური პირები არაადეკვატურ და სასაცილო მდგომარეობაში ისე ცვივდებიან, როგორც ამფიბიები დიდი სიცხის დროს - ტბორში. სხვა რა შეიძლება იყოს "მემარჯვენეების", "გირჩისა" და ვაშაძის გაერთიანება? ერთმა "ფეისბუკელმა" ირონიით თქვა, ეს გაერთიანება მაგონებს ანდაზას: მკვდარი მკვდარს აეკიდა, სამარემდე მიმათრიეო.
დაწვრილებით...
მოგეხსენებათ, გასულ კვირაში "რესპუბლიკელი" მინისტრები მოგვცილდნენ (აგულაშვილს არც და ვერც ვგულისხმობ უკვე "რესპუბლიკელებში", გასაგები მიზეზების გამო), აგილერამ გვიმღერა და მეგონა, სხვა საქართველოში გავიღვიძებდი, მაგრამ არაფერი არ შეცვლილა!
დაწვრილებით...
თუ გამომივიდა, დღეს "ნაციონალებსა" და "რუსთავი 2"-ზე ხმას არ ამოვიღებ. "ქართული ოცნების" მაჟორიტარობის კანდიდატების წარდგენა ქუთაისში ასე თუ ისე, გადაგორდა...
დაწვრილებით...
წინასაარჩევნო პერიოდში პარტიულებს სალაპარაკო არ ელევათ, მე - საწერ-საპროვოკაციო. გასაოცარია და ღლონტის მოწოდება აჯანყების თაობაზე იმდენად რეზონანსული აღმოჩნდა, მთელი ევრაზია კინაღამ აჰყვა ჩვენი დროის გავროშს, ქართველებს კი ყურზე გვძინავს და არც "რუსთავი 2"-ის დასაცავად ავჯანყდით, არც ვანო ახალციხის მეორედ მაშენებლის პატიმრობა გვადარდებს და ფეხებზეც დავიკიდეთ მომავლის საბინაო არქიტექტურის ინდუსტრიის კერვალიშვილების დინასტია და გიგი თბილისელიც!
დაწვრილებით...
რა კარგი და სასიამოვნო კვირა გავატარეთ! ჯერ იყო და მატარებელი გაეტია გვირაბში, მერე შეკვეთილის 200-მილიონიანი "არენა" აჩუქა ბიძინამ სახელმწიფოს და სულ ბოლოს კიდევ, "ცენტრ პოინტის" ხალხს მიხედეს მგონი.
დაწვრილებით...
2015 წლის დეკემბრიდან მოყოლებული, პაპიძის განსჯაშია სრულიად საქართველო და ეს ბოლო დღეებია, კლავიატურაზე მუჭების ბრახუნით ვგმობთ "ნაციონალური მოძრაობის" კიდევ ერთ ავკაცობას.
დაწვრილებით...
"რესპუბლიკელები" ისევ ფორმაში არიან! სულ არ ეტყობა წვრილფეხობის გაქცევა ამ პარტიას. თინა ხიდაშელმა ბრძანა და უკვე აღარავის მიუვა სახლში "პრიზივნოი"
დაწვრილებით...
ამას წინათ ჩემ მიერ "ბანის პარტიის" გაქილიკების გამო გული დასწყდა მკითხველთა ნაწილს. პაატას რომ ბევრი კარგი უკეთებია, ამაზე ლაპარაკი ზედმეტია, მაგრამ თავს რად იტკივებდა ეს ჩვენი სახელგანთქმული მომღერალი და ქველმოქმედი? ვის იღებდა პარტიაში, ათას პარტიაგამოვლილ მედროვეებს და მერყევ "ნაციონალებს"?!
დაწვრილებით...
2-ოთახიანი, 60 კვ.მ. დღიურად!
ქირავდება 1,5 ოთახიანი ბინა დღიურად,
ქირავდება ბინა დღიურად, 2 комнатная
იყიდება შავი კარკასი საბურთალოს ცენტრში,
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები