რომელი ენა უნდა ვისწავლოთ - რუსული, ინგლისური, თუ ჩინური?
რომელი ენა უნდა ვისწავლოთ - რუსული, ინგლისური, თუ ჩინური?
15-01-2013
როცა რუსული ენის ცოდნაზე ჩამოვარდება ლაპარაკი, არ შეიძლება ოლღა ბებიას ცნობილი გამონათქვამი არ გაგახსენდეს - ”რუსულის სწავლას რა უნდა ბიჭო, მთელი რუსეთი რუსულად ლაპარაკობს”... იყო დრო, როდესაც რუსულ ენას ჩვენს ქვეყანაში ქართულზე უფრო პრესტიჟულად მიიჩნევდნენ, თანამედროვე საქართველოში კი ყველაფერი სხვაგვარადაა: რუსული ინგლისურმა ჩაანაცვლა, თუმცა კვლავ აქტუალურად რჩება კითხვა - უნდა იცოდნენ ქართველმა ბავშვებმა მავანთა მიერ ”ოკუპანტების ენად” შერაცხული ენა, თუ - არა?

ლევან ღვინჯილია - ენათმეცნიერი, ფილოლოგიის დოქტორი:

- რუსული ენა მსოფლიოში ერთ-ერთი უდიდესი ერის, დიდი კულტურის მქონე ხალხის ენაა. მე ვფიქრობ, რომ რუსული ენის ცოდნა ჩვენს მომავალ თაობებს მხოლოდ გაამდიდრებს. ყოფილ ხელისუფლებას და იმ განათლების სისტემას, რომელიც მათ შექმნეს, მიაჩნდა, რომ მთავარი ინგლისურის ცოდნაა და სხვა ყველაფერი მეორე პლანზე უნდა გადავწიოთ. ასევე გაუმართლებლად მიმაჩნია მოსაზრება, რომ ეს ოკუპანტების ენაა. თუ ასე ვიმსჯელებთ, მაშინ გერმანულიც უნდა მოვიძულოთ, რადგან ამ ენაზე ერთ დროს ფაშისტები ლაპარაკობდნენ. ენების ცოდნა ბავშვის უნარსა და სურვილზეც არის დამოკიდებული, მაგრამ სახელმწიფოს მოვალეობაა, დაინტერესებულ პირებს შეუქმნას შესაძლებლობა იმ ენის შესასწავლად, რომელიც მათ აინტერესებთ.

მაია მიმინოშვილი - გამოცდების ეროვნული ცენტრის დირექტორი:

- როგორც ვიცით, რუსული ენა საქართველოში თანდათან ავიწყდებათ, განსაკუთრებით, ახალ თაობას. მუდმივად კლებულობს იმ აბიტურიენტების რიცხვი, ვინც მისაღებ გამოცდებზე რუსულს ირჩევს, ჯერჯერობით კი მათი რაოდენობის მიხედვით რუსული ენა მეორე ადგილზეა. მე ვფიქრობ, რომ ჩვენმა ახალგაზრდობამ რუსული უნდა იცოდეს, რადგან ეს არის უმდიდრესი ენა. როცა გაქვს საშუალება ორიგინალში წაიკითხო დოსტოევსკი და ჩეხოვი, ამაზე კარგი რა შეიძლება იყოს? ინგლისურის, ან სხვა ენების ცოდნა სულაც არ უშლის ხელს რუსულის ცოდნას. დღეს სკოლებში არჩევითობის პრინციპი მოქმედებს, რუსული აღარ არის მიჩნეული სავალდებულო ენად, მაგრამ მისი ცოდნა მაინც საჭიროდ მიმაჩნია.

შოთა მალაშხია - საპარლამენტო უმცირესობის წევრი, ტერიტორიული მთლიანობის კომისიის თავმჯდომარის მოადგილე:

- ვფიქრობ, რომ რუსული ენის შესწავლა არანაირ კავშირში არ არის ჩვენი ქვეყნის ოკუპაციასთან. ოკუპაციას ახორციელებს რუსეთის დღევანდელი ხელისუფლება, რუსული ხელოვნება და ლიტერატურა კი სულ სხვა მოვლენად მიმაჩნია. ჩემი აზრით, საქართველოში სავალდებულო ენა უნდა იყოს ქართული, შემდეგ კი - ინგლისური, როგორც საერთაშორისო ენა. პრაგმატული თვალსაზრისითაც რომ ვიმსჯელოთ, ინგლისურის ცოდნა უკეთესია. ადრე, როცა საქართველო საბჭოთა კავშირის შემადგენლობაში იყო, რუსული ენა უფრო ინტენსიურად ისწავლებოდა, ახლა კი, არჩევითობის პრინციპი მოქმედებს, მგონი, ეს ყველასათვის მისაღებია, თუ რა თქმა უნდა, სკოლა სპეციფიკური არ არის. ჩემი აზრით, არანაკლებ გონივრული იქნება, თუ ჩვენი ხალხი ჩინურსაც შეისწავლის, რადგან მსოფლიოს ერთი მესამედი ამ ენაზე ლაპარაკობს. თუ დავაკვირდებით, ჩინეთის ეკონომიკის განვითარებას, ოცი-ოცდაათი წლის შემდეგ ეს ერთ-ერთი გავლენიანი ქვეყანა იქნება მსოფლიოში და ჩინური ენის ცოდნა არანაკლებ აუცილებელი და მნიშვნელოვანი გახდება...

ლალი მოროშკინა - სასჯელაღსრულების, პრობაციისა და იურიდიულ საკითხთა მინისტრის მთავარი მრჩეველი:

პირველ რიგში ვიტყვი, რომ ადამიანმა რაც უფრო მეტი ენა იცის, ეს მისი სიმდიდრეა. სხვათა შორის,
საქართველოშიც ძალიან საინტერესო ენები და დიალექტები გვაქვს და მე სულ ვამბობ: არ შეიძლება მეგრელმა არ იცოდეს მეგრული ენა, ხოლო სვანმა - სვანური. მით უმეტეს, როცა დიდ ენებზე ვლაპარაკობთ, რუსული კი ნამდვილად დიდი ენაა. ჩემი, როგორც ამ ერის წარმომადგენლის აზრი შეიძლება ცოტა სუბიექტურადაც კი ჟღერდეს, მაგრამ მერწმუნეთ - ასეა. ჩვენს შემთხვევაში რუსულს უფრო დიდი მნიშვნელობა იმიტომ ენიჭება, რომ ეს არ არის მხოლოდ რუსეთის ენა, ეს არის მთელი კავკასიის ენა. მე კარგად ვიცი ამ რეგიონის პრობლემები, წლების განმავლობაში ამ საკითხებზე ვმუშაობ, მინისტრის მოადგილეც ვიყავი კონფლიქტების მოგვარების დარგში. სრულიად წარმოუდგენელია ჩახვიდე ოსებთან, ან აფხაზებთან და ინგლისურად დაელაპარაკო. რუსული იყო და არის კავკასიელების შემკვრელი ენა. დიპლომატიური მოლაპარაკებების პროცესში ძალიან დიდი მნიშვნელობა ენიჭება მხარეებს შორის უშუალო კონტაქტს, ჩემი აზრით, ეს ინგლისურის მეშვეობით ვერ მოხერხდება, ამ ენისადმი ჩემი ღრმა პატივისცემის მიუხედავად. რუსეთი არის ჩვენი მეზობელი, მასთან საერთო საზღვარი გვაკავშირებს და სხვა არჩევანი უბრალოდ არა გვაქვს. მარტივი ჭეშმარიტებაა, რომ მეზობლებს მათთვის გასაგებ ენაზე უნდა ელაპარაკო. იმის მიუხედავად, რომ დედაც და მამაც რუსეთიდან მყავს, ყველაფერი გავაკეთე, რომ ქართული მცოდნოდა, როგორც ჩემი მშობლიური ენა. ცუდი ნამდვილად არ იქნება, თუ ჩემს ქართველს შვილებს რუსული ენა ისევე კარგად ეცოდინებათ, როგორც მე ქართული ვიცი.

პ.ს. როგორც გავარკვიეთ, განათლების სამინისტროს პოზიციაც ასეთია: არჩევითობის პრინციპი ნარჩუნდება და ბავშვს ექნება უფლება აირჩიოს, რომელი ენის შესწავლა სურს. ჯერ-ჯერობით რუსული ენის სავალდებულო ენად ხელახლა დამკვიდრების საკითხი დღის წესრიგში არ დგასო, განგვიცხადეს სამინისტროს წარმომადგენლებმა

ხათუნა ჩიგოგიძე
(სპეციალურად საიტისთვის)
მკითხველის კომენტარი (38)
tornike
16 დეკემბერი 2014 21:57
ჩემი აზრით ყველამ არანაკლებ 3 ენა უნდა იცოდეს, მე სკოლის მოსწავლე ვარ და 3 ენას ვფლობ ინგლისური რუსული და გერმანული, რაც უფრო მეტი ენა გვეცოდინება მით უფრო მეტი გვექნება ცხოვრებაში.
khatuna
27 მარტი 2013 23:51
ზოგი წერს მეზობლის ენა ვიცოდეთო,რა სისულელა,რუსეთმა ისწავლოს აბა ქართული თუ ჩვენ არაფერს წარმოვადგენთ?მე პირადად რუსებს რო შევხვდი საქათველოში მშვენივრად გავესაუბრე ინგლისურად სამივემ კარგად იცოდნენ ინგლისული.ასე რომ არაა აუცილებელი რუსული ვიცოდეთ.
khatuna
27 მარტი 2013 23:46
რუსული არ უნდა იყოს საქართველოში აუცილებელი.პირველ რიგში ქართული.რამდენმა ქართველმა არ იცის ქართული და ამაყობენ ჩვენ რუსულ სკოლაში დავდიან და სიამაყით ამბობონე და არ მალავენ,ამით კი შეურაცყოფას გვაყენებნ,ჩვენცა და ჩვენს ენას!
Teymuraz
18 იანვარი 2013 20:26
რაც მეტი ენა იცი მით მეტი კაცი ხარ. აუცილებელია ინგლისური.
რუსულის გერმანულის ესპანურის ფრანგულ იტალიურის ცოდნაც არ გაწყენთ არც მესამედი მსოფლიო არ ლაპარაკობს ჩინურად ეს ტყვილია ჩინურად ჩინელები ლაპარაკობენ .მე მეზღვაური კაცი ვარ და საფრანგეთში და ბევრ ქვეყნებში ინგლისური ყველამ არ იცის მთავარია რა სპეციალობას ირჩევ ცხოვრებაში და იქედან გამომდინარე აირჩიე ენა მეზღვაური ინგლისურის გარეშე ვერ იმუშავებს
Maka
18 იანვარი 2013 18:16
მეორე კლასიდან რუსული ენა ისწავლებოდა და მეხუთე კლასიდან შემოდიოდა ინგლისური.ახლა შეიძლება რომ გადაადგილება მოხდეს:ჯერ ინგლისური შემდეგ რუსული და არა მეშვიდე კლასიდან რომ ისწავლება ზოგიერთ სკოლაში.
david67
18 იანვარი 2013 05:27
მხოლოდ სვანური და მეგრული ენები უნდა ვისწავლოთ))
valodia
18 იანვარი 2013 00:04
არ არის სავალდებულო რუსულის ცოდნა მაგრამ სასურველია.ინგლისური კდევ საჭიროა და არ უნდა იდგეს საკუტარზე წინ.მხოლოდ პრიმიტივს შეუძლია ტქვას რუსული ოკუპანტების ენააო.
nanuka
18 იანვარი 2013 00:00
მალაშხიას მარტო ჩინურის შესწავლა აკლია მაღალი დონისტვის.
i.k.
17 იანვარი 2013 19:23
ნეტავი რაა ახლა აქ საჩხუბარი,ქართული ხომ აუცილებელია და მის მერე ვისაც რა ენა ჭირდება ის ისწავლოს.არც ისაა კარგი ,რუსული რომ თითქმის ამოიღეს სწავლებიდან და არც ინგლისურის დაკნინებას მივესალმები.ასე,რომ დემოკრატია ჩემო ბატონო,თუ საშუალება გაქვს და ნიჭიც გიწყობს ხელს 10 ენა ისწავლე .
anna
17 იანვარი 2013 19:09
რამდენი ენაც იცი, იმდენი კაცი ხარო უთქვამთ!
me
16 იანვარი 2013 16:01
kaxetski! გეთანხმები და მაგას ვწერ მეც! წოვა_თუშური, სვანური და მეგრული დ ი ა ლ ე ქ ტ ე ბ ი ა!!!! ენას გაცილებით მეტი მითხოვნები აქვს და დამწერლობას ხომ საერთოდ! ამიტომ როცა ამ საკითხზე კომენტარს გთხოვენ, ენასა და დიალექტს შორის რა განსხვავებაა, ის მაინც უნდა იცოდე! "და ენაი იგი შემკული და კურთხეული სახელითა უფლისაითა...."
qeti
16 იანვარი 2013 15:04
ახალი თაობა რუსეთში და სხვა მეზობელ ქვეყნებში წარმატებით (ჩვენზე არანაკლებ )ეუფლება ინგლისურს,ასე რომ მათ ჩვენთან ურთიერთობის პრობლემა არ ექნებათ,ხოლო,რაც შეეხება რეგიონს,იმედი მაქვს(ცოტას წავიოცნებებ)ჩვენი ქვეყანა, როგორც ოდესღაც ერთხელ,ისეთი ძლიერი მოთამაშე გახდება,რომ ქართული იქნება რეგიონალური ურთიერთობის ენა.
,.,.,.
16 იანვარი 2013 14:57
irina ,ძალიან მაინტერესებს რა დონეზე იცი რუსული და რა დონეზე ინგლისური,თუ არ შეწუხდები მოიწერე.
qeti
16 იანვარი 2013 14:55
ჩვენს რეგიონშიც და ყველა რეგიონშიც ჯერ ინგლისური უნდა იცოდე და მერე ყველა სხვა ენა,თუნდაც რუსულის თამადობით.
და, რა თქმა უნდა, მშობლიურ ენას სათანადო პატივს უნდა მივაგებდეთ,არ უნდა ირღვეოდეს ქართული ენის ნორმები ,ტელევიზიით არ უნდა გვესმოდეს დამახინჯებული ქართული,საჭიროა ჩამოყალიბდეს სამსახური,რომელიც იზრუნებს ენის სიწმინდეზე. ...
irina
16 იანვარი 2013 01:26
რუსული ენის სწავლა რატომ არის წარსულში დაბრუნება არ მესმის,ვისაც არ უნდა ნუ ისწავლის,არავინ აძალებს.მე პირადად ჩემი მშობლიური ენის შემდეგ რუსულის ცოდნას მივიჩნევ უპირატესად,შემდეგ კი ინგლისურისას და ა. შ.
გააკეთე კომენტარი
 *   

ყურადღება!!!
უხამსი კომენტარები არ გამოქვეყნდება.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
სხვა სიახლეები
"მაცხოვარი სახარებაში ბრძანებს: "ვინც სასწაულს ეძებს, მას სასწაული არასოდეს მიეცემა"

"ბეთანელი თვითმარქვია ადამიანია, რომლისთვისაც კაბის ჩაცმის ნება არავის მიუცია"

"იმ ადამიანის ცხოვრების წესი, ვინც კვეთებულს კითხულობს ისეთი უნდა იყოს, რომ გამოირჩეოდეს სხვა ადამიანების ცხოვრებისაგან და ცხოვრობდეს უფლის სათნო ცხოვრებით. საბედნიეროდ ასეთი მამები ჩვენ გვყავს"
დაწვრილებით...
"მსოფლიოდან ამ მოკლე სიაში ორი ქართული გვარია და ეს არის ყველაზე სასიხარულო... მე მანამდე "ოქროს გლობუსის" დაჯილდოებას ვესწრები, რადგან ნომინანტი ვარ"

"ჩვენთვის ასეთი მნიშვნელოვანი აფხაზეთის თემის, ასეთ რანგზე გახმაურება, მნიშვნელოვანია. ვიცი, ძალიან დიდი ქვეყნები იბრძვიან ხოლმე, რომ მათი კანდიდატი როგორმე ოსკარის "შორთ ლისტში" მოხვდეს და უცებ ჩვენ პატარა ქვეყანა ორი ქართული ფილმით, ორი ქართული ისტორიით შევედით ამ სიაში"
დაწვრილებით...
"საბუთებზე სირბილში, დედას გზაში გული გაუსკდა და დაიღუპა, სახლის მშენებლობა შეწყვიტეს და თავდაცვის სამინისტროში მიზეზსაც არ გვეუბნებიან"

"გიორგი ანწუხელიძის ოჯახს 2014 წლის თებერვლიდან დღემდე სამინისტრო დაეხმარა 46 ათასი ლარით, მათ შორის ბოლო გადარიცხვა 15 000 ლარის ოდენობით განხორციელებულია 20 ნოემბერს, ლილი ანწუხელიძის გარდაცვალების შემდეგ."
დაწვრილებით...
"გემოვნებიანი ჩაცმით გამოირჩევა სალომე ზურაბიშვილი, მაგრამ ხშირად მაინც და მაინც სწორად ვერ არჩევს სამკაულებს"

"ვის არ დაღუპვია მეუღლე, მაგრამ არავინ ჩაყოლია საფლავში. ცოტათი მარაზმი მგონია შავი სამოსის ასე გაუხდელად ტარება"

"პრემიერის მეუღლის ჩაცმულობა დიდად არ მომწონს. ცნობილია, რომ ის საკმაოდ ცნობილ და ძვირადრირებული დიზაინერების სამოსს ირჩევს..."
დაწვრილებით...
"ვინაიდან ქრისტიანზე დაქორწინდა, ჩემს ქმარს ფერეიდანში ქონების კუთვნილ წილს არ აძლევენ, არ გვიფორმებენ ჩვენს სახლს, რომ გავყიდოთ მაინც..."
"დიდი ხანია ჩვენ არავის გავხსენებივართ და არ გვიწვევენ უწმინდესობის სანახავად. არ ვიცი, რა ნიშნით ახდენენ ფერეიდნელების დიფერენციაციას"
"დედა ვარ, შვილების მომავლისთვის უნდა ვიბრძოლო. ქვეყნაში არაფერი იცვლება, ადამიანებს კვლავაც უკიდურეს გაჭირვებაში გვიწევს ცხოვრება და საშველი არ ჩანს"
დაწვრილებით...
"თვალები არ მაქვს, პროტეზი მიკეთია. სამწუხაროდ, ჩემი მდგომარეობის გათვალისწინებით. გამორიცხულია, ოდესმე თვალისჩინი დამიბრუნდეს"

"თუ ადამიანს არ აქვს თვალისჩინი ან თუნდაც კიდური, არ შეიძლება მისი გარიყვა... ჩვენ ჩვეულებრივები ვართ... მინდა, საზოგადოებაში ვიყოთ არა "ისინი" და "ჩვენ", არამედ ჩვენ, ყველა ერთად".
დაწვრილებით...
გთავაზობთ ამონარიდებს "კვირის პალიტრის" ხუთტომეულის - "ჩვენი ეპოქა" I ტომიდან

"შენს ომში ყოველთვის შენ აგებ და არა სხვა, საკუთარ ქვეყანას ომს ვერასდროს მოუგებ"
დაწვრილებით...
"საქართველოს ეკლესია გმობს ამ აქტს და იმ ადამიანებს, ვინც ეს ჩაიდინა. ჩვენ ვთხოვთ ხელისუფლებას, რომ მომხდარი გამოძიებული იყოს, რათა დადგინდეს აქტის ჩამდენი და სათანადო დაისაჯოს."

"ამ პრობლემას სჭირდება სამეცნიერო დისკუსია, დიდი ინტელექტუალური რესურსი და არა ტრაქტორების ენით ლაპარაკი"

"მიხეილ სააკაშვილი ძეგლის სტატუსს ვერ მოხსნიდა, რადგან ეს მის მოვლეობებში არ შედიოდა"
დაწვრილებით...
"მინდა, რუსეთ-საქართველოს გზა აშენდეს, რადგან რუსეთი ყველაფერში დამეხმარება. ტყუილად გვეჩხუბებიან ის ვიღაცები, გზა მაინც გაკეთდება და დავისვენებთ"

"აქ თავისას არავის გავატანინებთ. ეს ჩვენი მიწაა, დაბადებიდან აქ ჩვენ ვცხოვრობთ და შორიდან მოსული ვერ გვასწავლის რა ჯობია და რა - არა"

"აბა, იცხოვრეთ, ჩვენნაირად და მერე ნახავთ, როგორი მაგრები იქნებით, არც სამსახურია, არც ენა ვიცით წესიერად, არავის ვახსოვართ და არც ვახსოვდით არასდროს"
დაწვრილებით...
"მაიამიარტბაზელი" არის უმსხვილესი საერთაშორისო არტშოუ, რომელიც 1970 წლიდან ყოველწლიურად იმართება მაიამიში და წარადგენს თანამედროვე ხელოვნების ნამუშევრებს. მასში 250 გალერეა მონაწილეობს. არტშოუს 70 000 - მდე მაყურებელი სტუმრობს.
დაწვრილებით...
5-ოთახიანი, 2(4), 152 კვ.მ. ძველი რემონტი 127კვმ...
5-ოთახიანი, მოსკოვის პრ. 6(6), 198 კვ.მ. თეთრი...
ფასი: ...
ფასი: ...
მამულ-დედული