"შეცდომა ჩავიდინე, რუსთაველის თეატრში რომ დავბრუნდი"
"შეცდომა ჩავიდინე, რუსთაველის თეატრში რომ დავბრუნდი"
01-04-2013
"ძალიან კარგად ვიცი ჩვენი ბობოლა მთავრობის წევრები პუტინის მისაღებში რომ ისხდნენ და მასთან აუდიენციას უცდიდნენ, მაგრამ არ მიიღეს"

"ვიტყვი, როცა საჭირო იქნება, ახლა არ მივიჩნევ მათ ამის ღირსად"

"ორი წლის განმავლობაში მსახიობებმა ბევრი დააკლეს თავიანთ ოსტატობას..."


ცოტა ხნის წინ რუსთაველის თეატრში რამდენიმე სპექტაკლის მოხსნას ვნებათაღელვა მოჰყვა. ითქვა, რომ რობერტ სტურუამ ეს სპექტაკლები მოძველებულად ჩათვალა. მათ შორისაა მაყურებლის საყვარელი სპექტაკლი "მოხუცი ჯამბაზები". თეატრმცოდნე ლაშა ჩხარტიშვილი მიიჩნევს, რომ სტურუამ თეატრში რეპრესიები დაიწყო. "კვირის პალიტრა" ამ და სხვა საკითხებზე სასაუბროდ რობერტ სტურუას დაუკავშირდა:


- თეატრმცოდნეებს თავიანთი აზრი აქვთ. წინასწარმეტყველებენ რაღაცებს და სამხატვრო ხელმძღვანელი თუ რამეს გადაწყვეტს, ჰგონიათ, არიქა, რეპრესიები დაიწყოო.

- ამბობენ, თითქოს ანგარიშსწორებისთვის დაბრუნდით თეატრში.
- ვის უნდა გავუსწორო ანგარიში?!.. მსახიობები ძალიან მიყვარს და არ აქვს მნიშვნელობა, რომელ პარტიაში არიან. ვთქვი კიდეც, არ მაინტერესებს თქვენი პარტიულობა-მეთქი.

- მოიხსნა თუ არა თეატრიდან სპექტაკლები, მაგალითად, "მოხუცი ჯამბაზები"?

- "მოხუცი ჯამბაზების" პეწი ის იყო, რომ ხანდაზმული მსახიობები თამაშობდნენ. როცა მედეა ჩახავას ნაცვლად შესანიშნავი მსახიობი მანანა გამცემლიძე თამაშობს, კიდევ მისაღებია, მაგრამ შემდეგ გარდაიცვალა ზინაიდა კვერენჩხილაძე, გურამ საღარაძე... თითქოს ხიბლი დაკარგა სპექტაკლმა, რადგან ეს იყო ჩვენი ღვაწლმოსილი მსახიობებისადმი ერთგვარი მიძღვნა. ასეთი ანშლაგებიც ამიტომ იყო. სპექტაკლი, ცოტა არ იყოს, დაძველდა. უნდა შეიყვანონ ახალი მსახიობები ზინაიდა კვერენჩხილაძის და გურამ საღარაძის ნაცვლად. მეჩვენება, რომ ეს უხერხულიც არის, რადგან ახალი გარდაცვლილები არიან.    

- ანუ სპექტაკლი მოიხსნა...

- მიმაჩნია, რომ უნდა მოიხსნას. ზნეობრივი თვალსაზრისითაც ეს უფრო მართებული იქნება. თუ მსახიობები დაიჟინებენ, გვსურს ვითამაშოთო, კი ბატონო, ითამაშონ.

- ამბობენ, თითქოს სხვა სპექტაკლებიც მოიხსნა, მაგალითად, "მარიამ სტიუარტი"...

- "მარიამ სტიუარტი" ძველი სპექტაკლია. Mმე ვიღებდი მის დადგმაში მონაწილეობას. გოჩა კაპანაძეს თუ ძალიან უნდა, შეუძლია, სადმე სხვაგან დადგას ის, მე კი არ მომწონს, რადგან უკვე ძალიან დაძველდა.

მსურს, რაღაცები შევცვალო. ყველაზე მეტად ის მწყინს, რომ ორი წლის განმავლობაში მსახიობებმა ბევრი დააკლეს თავიანთ ოსტატობას... კიდევაც ვთქვი კრებაზე, რუსთაველის თეატრის მსახიობი რომ იყო, მხოლოდ წოდება არ კმარა-მეთქი... საბედნიეროდ, საქართველოში დავიბადე და ქართველი ვარ, მაგრამ თუ ავირჩიე რუსთაველის თეატრი, ამ თეატრის მოქალაქეც უნდა გავხდე და უნდა ვიმუშაო, პირობითად, "გრინ კარტა" მაინც რომ დავიმსახურო... ბევრმა მსახიობმა ჯერ "გრინ კარტაც" ვერ დაიმსახურა...

- ცოტა ხნის წინ ხმაური მოჰყვა გრიგოლ ვაშაძის წერილს, რომელიც რუსეთის კულტურის მინისტრს მისწერა...
- ძალიან კარგად ვიცი, ჩვენი ბობოლა მთავრობის წევრები პუტინის მისაღებში რომ ისხდნენ და მასთან აუდიენციას უცდიდნენ, მაგრამ არ მიიღეს. ეს ბოლო პერიოდში ხდებოდა, როცა იგრძნეს, რომ შეიძლებოდა წაეგოთ. რაც შეეხება ვაშაძეს, ისედაც ყველაფერი ვიცოდი. ეს წერილი არ წამიკითხავს, მაგრამ ყველაფერს ვგრძნობდი. თუმცა ომის შემდეგ სამ თვეში თუ მისწერდა ასეთ წერილს, ვერ წარმოვიდგენდი.

- ჩანს, ყოფილი მთავრობის წევრებზე უფრო მეტი იცით, ვიდრე ამბობთ...
- რატომ უნდა ვთქვა?!.. ვიტყვი, როცა საჭირო იქნება, ახლა არ მივიჩნევ მათ ამის ღირსად.

- "ეტ
სეტერას" თეატრში რჩებით?

- დიახ, როგორც ვიყავი... მალე არგენტინაში ვაპირებ წასვლას სპექტაკლის დასადგმელად, თუ ქართველებმა არ ჩამქოლეს და არ ჩამთვალეს არგენტინის შპიონად.

- რუსთაველის თეატრში ამდენი საქმე რომ გაქვთ?
- ჩემი აზრით, დიდი შეცდომა ჩავიდინე, რუსთაველის თეატრში რომ დავბრუნდი.

- წასვლა ხომ არ განიზრახეთ?

- არა, მოხვიდე-წახვიდე - სისულელეა. მაგრამ ვთვლი, რომ არ უნდა მოვსულიყავი. შესანიშნავად წავედი, არ ვუღალატე რუსთაველის თეატრის ტრადიციებს. სამხატვრო ხელმძღვანელებს სულ ყრიდნენ, სანდრო ახმეტელი დახვრიტეს კიდეც. მსახიობების ჯგუფი გადაასახლეს, შემდეგ თუმანიშვილი გააგდეს, ალექსიძე... მეც ისეთივე "ლოგიკით" გამიშვეს.

გოჩა კაპანაძე, რეჟისორი:
- თეატრში რობიკო სტურუამ გამოაკრა სია, თუ რა სპექტაკლები დატოვა რეპერტუარში.

- როგორც რეჟისორს, არ გაგჩენიათ პრეტენზია?
- როცა საკითხი გადაწყვეტილია, რა პრეტენზია უნდა გქონდეს?!.. ბატონი რობიკოსთვის არ მიკითხავს, რატომ მოიხსნა სპექტაკლები. თეატრებში ასეთი რამ ხდება. თუმცა სპექტაკლს ხსნის მაყურებელი - თუ არ მოვა, უნდა მოიხსნას...

კახი კავსაძე, მსახიობი:
- თუ "მოხუცი ჯამბაზები" აღდგება, რა თქმა უნდა, ვითამაშებ. თუ მოძებნიან გურამ საღარაძის შემცვლელს... ეს გურამის ხსოვნასაც მიეძღვნება.

- ბატონი რობიკოს მოსაზრებით, უხერხულია სპექტაკლის გაგრძელება, რადგან მსახიობები ახალი გარდაცვლილი არიან... თითქოს სპექტაკლმა პეწიც დაკარგა...
- ბევრი მსახიობი გარდაიცვალა და ესე იგი მათი შეცვლაც უზნეობა ყოფილა. თუ მხატვრულად მოძველდა სპექტაკლი და მაყურებელს აღარ უნდა, რა თქმა უნდა, საჭირო არ არის მისი აღდგენა, მაგრამ თუ მაყურებელს კვლავ სურს მისი ნახვა, უნდა აღდგეს. ვერ ვიტყვი, რომ სიამოვნებით ვითამაშებ, რადგან ამდენი მსახიობი გამოგვაკლდა, თუმცა ამ სპექტაკლით მათ ხსოვნას კიდევ ერთხელ მივაგებთ პატივს.

მანანა გაბრიჭიძე
vika
04 აპრილი 2013 01:39
აქ, როგორც ჩანს, ისეთ უნიჭოებს აქვთ პრეტენზიები, ცხოვრებაში ერთი ლექსიც ზეპირად რომ არ უთქვამს უშეცდომოდ."მერე რა მოხდა, ორი სპექტაკლი დადგაო"?! თავად რა გაგიკეთებიათ, დაგისვამთ კითხვა საკუთარი თავისთვის? ვინ ხართ ასეთი ჭკვიანები, რომ კომპიუტერს ამოფარებულები ილანძღებით? ბამოდით აბა ერთი სადმე, ეთერში და ღიად თქვით, თუ რამის თქმა გინდათ.
vika
04 აპრილი 2013 01:34
ბებერი ხარის რქაც ხნავსო--ნათქვამია. უგუნურებო! რეჟისორისთვის ასაკი და გამოცდილება სიმდიდრეა და არა ნაკლი.არსადაც არ წახვიდეთ ბატონო რობიკო! თქვენ უკეთ იცით, როდის თქვათ სათქმელი. როცა მოგესურვებათ მაშინ თქვით თქვენი "სეფე სიტყვა". მე და ბევრი ჩემნაირი მოთმინებით დაგელოდებით, რათა კიდევ ერთხელ ვეზიაროთ ჭეშმარიტი ხელოვნების დღესასწაულს. დიდხანს ჯანმრთელად იცოცხლეთ.გვიიიიყვაააააააააააარხააააააააართ!!!
სხვა სიახლეები
"შემდეგი 4 წელი, - ირაკლი ეძებს ცხედარს, ატყუებენ, გატანთო, ცინკის კუბოთი დადის აფხაზეთში და მოყავს სხვისი მიცვალებული. მიყავს ოჯახებში და იქ მას სიხარულით ხვდებიან, - უხარიათ, რომ საფლავი ექნებათ."

"სააკაშვილი იძულებული გახდა მისთვის დაემატებინა სპეციალური რწმუნებულის სტატუსი და ირაკლი დაფრინავდა ნიუ იორკიდან ჟენევაში. მერე იყო 2008.
რუსეთმა გამოაცხადა აფხაზეთის დამოუკიდებლობა. ირაკლი გადადგა გაეროს მისიის ელჩის თანამდებობიდან.
მას მერე ამბები იცით"
დაწვრილებით...
"როგორც კი დაინახა, რომ მატარებელი გვირაბიდან გადმოვიდა, იმ წუთში ლიანდაგებში ჩახტა... საწყალი მემანქანე ასეთ დროს ვერაფრით დაამუხრუჭებდა"

"გოგო ლიანდაგებს შორის ჩაღრმავებაში იწვა, ეტყობა, როცა მიხვდა, რომ მატარებელი გადუვლიდა, სიკვდილის მაინც შეეშინდა..."

"ამ ცოტა ხნის წინ ზუსტად ასე დაიღუპა 19 წლის ბიჭი. საწყალი, სიკვდილის ალბათ იმასაც შეეშინდა, მაგრამ მან ლიანდაგებს შორის ჩაწოლა ვერ მოასწრო, მატარებელმა რელზე გადაუარა"

გვითხრა, თავს იმიტომ ვიკლავდი, თმები შევიჭერი და სახლში გამიბრაზდნენო.
დაწვრილებით...
"ერთი სიკვდილი გავათავე, ვიდრე მეშვიდე სართულიდან დაბლა ჩავიდოდი და ვნახავდი, დაშავებული მამაკაცი რა მდგომარეობაში იყო"

"კარადა ახლახან დავალაგე... ძირითადად ცარიელი მინის ქილები მქონდა შენახული"

"სავარაუდოდ, გახშირებული წვიმის გამო კარადის ერთი ნაწილი დაზიანდა, რის შემდეგაც დაზიანებული ნაწილი და თაროები აივნიდან გადავარდა."
დაწვრილებით...
"მოდილიანი იმდენად მოიხიბლა ქართველი თავადის ქალის არისტოკრატიული შარმითა და გარეგნობით, რომ ეჭვიანობით ცნობილი ახმატოვაც არაფრად ჩააგდო და განაცხადა, ალექსანდრა უნდა დავხატოო."

"როგორ დაითანხმა გათხოვილი, თანაც თავისი სიამაყით ცნობილი თავადის ქალი შიშველ ნატურად დადგომოდა, ამაზე არაფერია ცნობილი..."
დაწვრილებით...
რამდენიმე დღის წინ საზოგადოებრივი ტრანსპორტით მგზავრობისას გვერდით ახალგაზრდა ქალბატონი მომიჯდა. გმირთა მოედანზე საცობში მოხვედრილები დაახლოებით ნახევარი საათი ველოდებოდით გზის გაგრძელებას. ქალბატონს დრო უქმად არ დაუკარგავს, ჩანთიდან პატარა ბროშურა ამოიღო და გულმოდგინედ დაიწყო მისი ფურცვლა. მერე ტელეფონი მოიმარჯვა და ვიღაცას დაურეკა:
დაწვრილებით...
"ვერ ვიჯერებ, რომ ეს უბედურება  მე შემემთხვა, ახლაც მგონია, რომ სიზმარში ვარ და მალე გამოვიღვიძებ..."

19 წლის დათო ალიხანაშვილი უბედურმა შემთხვევამ ინვალიდის ეტლს მიაჯაჭვა
დაწვრილებით...
"ნუ დააბინძურებ და არ გადაიხდი!"

"გარემოს დაბინძურების ფაქტებს ვიდეოთვალიც დააფიქსირებს, მაგრამ ორი მოწმის ჩვენებაც საკმარისი იქნება - იმ მოწმეებისა, ვინც დაინახეს, რომ ამა თუ იმ პირმა ქუჩაში რაღაც დაყარა"
დაწვრილებით...
მისი აპლიკაციები ფერადი ნაკუწებით შემდგარი ფერწერული ტილოებია სიყვარულზე, ერთგულებაზე, აღმოსავლურ ზღაპრებსა და ქართულ ფოლკლორზე... მისი ცხოვრებაც პატარ-პატარა "ნაკუწებისგან" შემდგარი "პანოა" - მოგონებების ფრაგმენტებით აკინძული წარსული.
დაწვრილებით...
ისინი თავისუფლად დადიან ქუჩაში, ცხოვრობენ ან მუშაობენ ჩვეულებრივ გარემოში, სადაც მათი თავდასხმისგან არავინ არის დაზღვეული

მამას საწოლზე ჯაჭვით ჰყავდა დაბმული გოგონა, ვიდრე მეზობლებმა არ გაიგეს და საპატრულო პოლიციას არ უხმეს ჯაჭვით დაბმული ბავშვის დასახმარებლად.
დაწვრილებით...
ორი კვირის წინ, სამსახურში მისულს, სოციალურ ქსელში შეტყობინება დამხვდა: "მოგესალმები, თორნიკე. მე ბრიტანეთის მოქალაქე ლეია ბეთლსი ვარ. რამდენიმე თვის წინ ქუჩაში სამი ქართველი ახალგაზრდა გავიცანი. ისინი ქართულ მრავალხმიან სიმღერას მღეროდნენ. ეს ხმები იმდენად კარგად ერწყმოდა ერთმანეთს, რომ კარგა ხანს ერთ ადგილზე ვიდექი და ხმას ვერ ვიღებდი. ეს იყო საოცრება. მსგავსი რამ აქამდე არ მომისმენია.
დაწვრილებით...
3-ოთახიანი, 4(10), 71 კვ.მ. თეთრი კარკასი ყაზბეგის...
1-ოთახიანი, 40 კვ.მ. დღიურად საბურთალოზე, საუკეთესო ადგილმდებარეობით....
ფასი: ...
ფასი: ...