"წაიკითხე წიგნები, უკეთესად იქნები!" - "ბიბლუსი" 5 წლისაა!
"წაიკითხე წიგნები, უკეთესად იქნები!" - "ბიბლუსი" 5 წლისაა!
20-05-2013
"ბიბლუსის" წარმატების საიდუმლო მომხმარებელზე ზრუნვაშია"

"წიგნი გინდა? - "ბიბლუსი" აქ არის"


უკვე ხუთი წელია, წიგნის მაღაზიათა ქსელი "ბიბლუსი" მომხმარებელს ნაბეჭდი პროდუქციის მრავალფეროვან არჩევანს სთავაზობს. კომპანია, რომელიც 2008 წლის 23 მაისს დაარსდა, საქართველოში საგამომცემლო პროდუქტების ყველაზე ფართო სავაჭრო ქსელია და საქართველოს მასშტაბით 40-მდე მაღაზიას აერთიანებს. კომფორტული და თანამედროვე სტანდარტებით მოწყობილ ინტერიერში მომხმარებელს წიგნის თაროზე საქართველოს საგამომცემლო სახლებისა და კერძო ავტორების მიერ გამოცემული ყველა ჟანრისა და თემატიკის ლიტერატურა ხვდება. ფასდაკლებები, სასაჩუქრე აქციები და დაგროვებითი ბარათი ყველა ლოიალური მომხმარებლისთვის - ამ და სხვა შეთავაზებებით "ბიბლუსი" მუდმივად ანებივრებს თავის მომხმარებელს და წიგნს ყველასთვის ხელმისაწვდომს ხდის.

აღსანიშნავია, რომ კომპანია "ბიბლუსი" არც თავის დაბადების დღეზე ივიწყებს მომხმარებელს და მეტად სარფიან შეთავაზებას ჰპირდება. 23 მაისს "ბიბლუსის" მაღაზიების მთელ ქსელში, თბილისშიც და რეგიონებშიც, მომხმარებელს დაგროვებით ბარათზე გაორმაგებული ქულები დაერიცხება. გარდა ამისა, 5 წლის იუბილეზე ქავთარაძის #1-ში, "გუდვილის" ფილიალში მდებარე "ბიბლუსში", ქსელის ბესტსელერები გამოვლინდება და მათ შეძენას ნებისმიერი მსურველი 50%-იანი ფასდაკლებით შეძლებს(!).


ირაკლი გაგნიძე, კომპანია "ბიბლუსის" დირექტორი: - "ჩვენი მიზანია მაქსიმალურად შევუწყოთ ხელი საქართველოში წიგნის კითხვის პოპულარიზაციასა და ხელმისაწვდომობის ზრდას, რაც ძალიან მნიშვნელოვანია საზოგადოებაში განათლების დონის ამაღლებისა და ქვეყნის განვითარებისთვის. როგორ დაიბადა "ბიბლუსი"? წლების წინ "პალიტრამედიამ" მომხმარებელს ინოვაციური პროდუქტი შესთავაზა - წიგნები პერიოდიკასთან ერთად ხელმისაწვდომ ფასად. ბუნებრივია, შემდეგ წიგნების გარკვეული რაოდენობა დაგროვდა და გაჩნდა საჭიროება იმისა, რომ გავრცელებულიყო მთელი საქართველოს მასშტაბით. სამწუხაროდ, აღმოჩნდა, რომ გავრცელების ისეთი ქსელი, რომლის დახმარებითაც წიგნი ყველა მომხმარებლამდე მიაღწევდა, არ არსებობდა. "პალიტრამედიამ" გადაწყვიტა, თავად გაეხსნა ასეთი სავაჭრო ობიექტები.

აღსანიშნავია, რომ იმთავითვე დიდი ყურადღება ეთმობოდა რეგიონებსაც და "ბიბლუსის" პირველი სავაჭრო ობიექტები თბილისთან ერთად რეგიონებშიც გაიხსნა. "ბიბლუსის" განვითარების ყველა ეტაპზე განსაკუთრებული ყურადღება ეთმობოდა როგორც მომსახურების ხარისხს, ასევე იმასაც, რომ წიგნი ყველასთვის ხელმისაწვდომი ყოფილიყო. სწორედ ამას ემსახურება მომხმარებლისთვის დამატებითი შეთავაზებები, დიდი ფასდაკლებები, წლის განმავლობაში სხვადასხვა აქცია. აღსანიშნავია "ბიბლუსის" დაგროვებითი ბარათი, რომელიც უკვე 70 ათასზე მეტ მომხმარებელს აქვს. ეს კი იმას ნიშნავს, რომ "ბიბლუსს" 70 ათასზე მეტი ლოიალური მომხმარებელი ჰყავს.

- "ბიბლუსი" მომავალშიც აპირებს სავაჭრო ქსელის გაფართოებას?
- ამ ეტაპზე "ბიბლუსს" მთელი საქართველოს მასშტაბით 39 სავაჭრო ობიექტი აქვს. ძალიან მალე "ბიბლუსის" მე-40 მაღაზია გაიხსნება თემქაზე, მოგვიანებით კი კიდევ ერთი ჩვენი წიგნის მაღაზია შეემატება ვაკეს. ეს იქნება უკვე მეორე ფილიალი ვაკეში, კავსაძის ქუჩაზე. მნიშვნელოვანია, რომ "ბიბლუსში" წარმოდგენილია საქართველოში გამოცემული ნაბეჭდი პროდუქციის სრული ასორტიმენტი და გარდა ამისა, ჩვენ ვთანამშრომლობთ რამდენიმე ევროპულ გამომცემლობასთან. შესაბამისად, "ბიბლუსის" დახლებზე წიგნის მოყვარულს შეუძლია აღმოაჩინოს ინგლისური და გერმანული გამოცემების პროდუქცია და აგრეთვე რუსულენოვანი გამოცემები. ჩვენმა ერთგულმა მომხმარებელმა კარგად იცის, რომ "ბიბლუსი" ხშირად მასპინძლობს ახალი წიგნის პრეზენტაციას და თავისი შესაძლებლობების ფარგლებში მხარში უდგას უკვე ცნობილ თუ ახალბედა ავტორებს.

- "ბიბლუსს" საქართველოში წიგნების მაღაზიის ყველაზე ფართო ქსელი აქვს. რაშია "ბიბლუსის" წარმატების საიდუმლო?

- "ბიბლუსის"
წარმატების საიდუმლო მომხმარებელზე ზრუნვაშია. ჩვენი მიზანია, მივაღწიოთ იმას, რომ წიგნის მაღაზია და შესაბამისად, წიგნი, ხელმისაწვდომი იყოს არა მარტო დიდ ქალაქებში, არამედ რეგიონებშიც. ჩვენი ყველა ნაბიჯი იმით არის ნაკარნახები, რომ ვიყოთ ყველა ოჯახის საყვარელი წიგნის მაღაზია ქვეყნის ნებისმიერ  წერტილში. დღეს "ბიბლუსში" 200-ზე მეტი ადამიანი მუშაობს. ყოველი თანამშრომლისთვის საამაყოა, რომ ატარებს "ბიბლუსელის" სახელს და ემსახურება წიგნიერების განვითარებას. ძალიან ბევრ რეგიონს, სადაც ფაქტობრივად შეუძლებელი იყო ახალი გამოცემების შეძენა, ახლა "ბიბლუსი"  ფართო ასორტიმენტსა და დიდ არჩევანს სთავაზობს. წიგნი ხელმისაწვდომი გახდა ყველა ოჯახისთვის, რის გამოც ძალიან ბევრი მადლიერების წერილი მოდის. იწერებიან და გვთხოვენ, რომ ყველგან, საქართველოს ყველა კუთხეში, გავხსნათ ჩვენი სავაჭრო ობიექტები. ჩვენ ყველა ღონეს ვხმარობთ, მაგრამ ერთბაშად ამის გაკეთება ფიზიკურად შეუძლებელია. თუმცა, ვპირდებით ყველა წიგნის მოყვარულს, რომ "ბიბლუსის" დახმარებით წიგნი საქართველოს ყველა კუთხესა და ოჯახში მივა. ჩვენ ვემსახურებით იდეას, "წიგნი გინდა? - "ბიბლუსი" აქ არის". რაც ასევე ძალიან მნიშვნელოვანია, "ბიბლუსის" მაღაზიათა ქსელში, საქართველოს ნებისმიერ კუთხეში, პროდუქციაზე ერთი და იგივე ფასები გვაქვს და არ ხდება ფასნამატის გაკეთება იმის მიხედვით, თბილისში იყიდება წიგნი, ბათუმში თუ თელავში.

- "ბიბლუსი" ხშირად ანებივრებს მომხმარებელს სიახლეებით. სამომავლოდ რას გვპირდებით?
- ძალიან მალე მომხმარებელს შესაძლებლობა ექნება ისარგებლოს "ბიბლუსის" გაყიდვების ვებგვერდით, რომლითაც ყველა იმ ბენეფიტს შესთავაზებს მომხმარებელს, რისი მიღებაც მას ჩვენს სავაჭრო ობიექტებში შეუძლია. საკმაოდ დიდი მოლოდინი გვაქვს, რადგან დიდია მომხმარებლის მოთხოვნა წიგნისა და ნაბეჭდი პროდუქციის ინტერნეტმაღაზიაზე, რაც ბუნებრივია, შენაძენის ადგილზე მიტანის სერვისს გულისხმობს. კიდევ ბევრი საინტერესო სიახლე გვაქვს წიგნის მოყვარულებისთვის, მაგრამ ჯერ არ გავახმაურებთ, რადგან გვინდა, ეს სასიამოვნო მოულოდნელობა იყოს.
makrine
20 მაისი 2013 19:49
მართლაც რომ გააუმჯობესოთ მომსახურების დონე არ იქნებოდა ცუდი და კიდე არჩევანს თუ გაზრდით წიგნებისას,განსკუტრებით უცხოენოვანისა და შემეცნებითს.სხვა მხრივ სიამოვნებით ვსარგებლობ ბიბლუსის მომსახურებით,საჩუქრის არჩევისთვის ბევრი ფიქრი და ძებნა არ მიწევს,სადაც არ უნდა ვიყო ბიბლუსი ახლომახლოა!
სხვა სიახლეები
უკრაინის აღმოსავლეთ ნაწილში საბრძოლო მოქმედებებს თელავის მუნიციპალიტეტის სოფელ ლაფანყურის მკვიდრი რევაზ წიკლაური ემსხვერპლა.
დაწვრილებით...
ეს ფაქტი მნიშვნელოვანია იმითაც, რომ AMBEBI.GE-მ Facebook-ს მთელი 5%-ით გაუსწრო. ხშირად ვხუმრობთ, მარკ ცუკერბერგს ვაჯობეთო
დაწვრილებით...
PRIME
"ჩვენი ტელევიზია მულტიმედიური პროდუქტია, რადგანაც მასში რამდენიმე პლატფორმაა გაერთიანებული"

ემა ტუხიაშვილი: "ჩვენ ვქმნით პროდუქტს, რომელიც მაყურებელს ძალიან მოსწონს"

გიორგი მიქანაძე: "აქ მეტი საშუალებაა, ემსახურო საზოგადოებას"
დაწვრილებით...
PRIME
"ეს დღე უნდა გახდეს არა მხოლოდ საქართველოს, არამედ კავკასიის სავიზიტო ბარათი"

"წელს გვინდა, მეცხრამეტე საუკუნე გავაცოცხლოთ. სწორედ ამ საუკუნეში დაიწყო ევროპასთან ინტეგრაცია საქართველომ და ეს ეპოქაა დასტური იმისა, რომ ეროვნულობა ხელს არ უშლის ევროპულობას და პირიქით"
დაწვრილებით...
PRIME
"სიცოცხლე წუთია და იმან დაიქადოს, ვინც ამ წუთს მართალი გაატარებს"

მეცოდება ეს ბალახგადავლილი საფლავები, განსაკუთრებით აღდგომის დღეებში - სხვა საფლავებზე რომ წითელ კვერცხებს გადააგორებენ, მათ საფლავზე კი არავინ მიდის

კუკიის სასაფლაოზე გვერდიგვერდ მდგარ ორ საფლავს წავაწყდი, ერთი მტკიცე კომუნისტის საფლავის ქვაზე წაეწერათ: - ვამაყობ, რომ 36 წელიწადი პირსისხლიანი მეფის დამქაშებს ვებრძოდიო და მეორე ახალგაზრდა იუნკრის გაცრეცილ ობელისკზე კი ეს სიტყვები ამოეტვიფრათ, - შხამად შეერგოს დედის რძე იმას, ვისი სიცოცხლეც სამშობლოს დასჭირდეს და არ გაიღოსო!
დაწვრილებით...
PRIME
"პოლიტიკაში მოსვლის არაერთგზის შემოთავაზება მქონია"

"ლენუკასთან ერთად დაზვერვაშიც წავალ და საბრძოლველადაც. გიორგის სულ ვეუბნები, შენთან ერთად დაზვერვაში კი არა, ლუდის საყიდლად არ წამოვალ-მეთქი, უდარდელაა"

"ერთხანს კოტე მახარაძის მძღოლი ვიყავი, შავი ვოლგით დავდიოდი. მეხალისებოდა. მარიგებდა, - ხულიგანი ძმაკაცები არ უნდა გყავდესო. თქვენც ხომ გყავთ-მეთქი, - ვედავებოდი..."
დაწვრილებით...
PRIME
"ზურა ყიფშიძეც ჩემსავით უცნაურობებით გამოირჩეოდა, ჯგუფში ჩვეულებრივად არ შემოვიდოდა, აუცილებლად მერხებზე უნდა გადაევლო და ისე დამჯდარიყო"
დაწვრილებით...
PRIME
ტრადიციული საჩუქარი "კვირის პალიტრის" მკითხველებისათვის

მთავარანგელოზ მიქაელის ხატი დიდი ძლიერებით შემობრძანდება­ თქვენს ოჯახებში
დაწვრილებით...
PRIME
"ჩემი მინისტრობისას სსიპ-ების წარმო­მადგენლები მთხოვდნენ, რომელიღაც ხელმძღვანელი მომეხსნა და სხვა დამენიშნა"

მაინც ვერ ვხვდები, უცხოელ ვარსკვლავს უცხოელების მოსაზიდად რისი გაკეთება შეუძლია შენს ქვეყანაში?! ვერც იმას ვხვდები, რატომ დახარჯავს ამერიკელი აქ კონცერტზე ჩამოსასვლელად დიდ თანხას...
დაწვრილებით...
PRIME
PRIME
იყიდება კორპუსის ბინა ორთაჭალაში, ბაგრატიონის
დეველოპერული კომპანია „სიმეტრია“, გთავაზობთ საცხოვრებელ
მეპატრონისგან სასწრაფოდ იყიდება 1.5-ოთახიანი ახალი
საქართველოს უნივერსიტეტს აქვს სტუდენტური საცხოვრებელი
მამულ-დედული
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები