სტივენ კინგი - "უიმედოთა ქალაქი"
სტივენ კინგი - "უიმედოთა ქალაქი"
15-07-2013
წაიკითხეთ და ახალ სამყაროს აღმოაჩენთ!

თრილერები და საშინელებათა რომანები, ფენტეზი და მისტიკა შესაძლოა სულაც არ გიტაცებთ, მაგრამ სტივენ კინგის სახელი, დარწმუნებული ვარ, მაინც გეცოდინებათ. მხოლოდ იმიტომ არა, რომ მსოფლიოში ერთ-ერთი ყველაზე პოპულარული და მდიდარი მწერალია, არამედ იმიტომ, რომ მწერალზე მეტია. ეს არის კაცი, რომელიც თანამედროვე მასობრივ კულტურას ქმნის და, იმავდროულად, მის სახეს წარმოადგენს - ანუ სიცოცხლეშივე ლეგენდად ქცეული - ამერიკული მითის შემადგენელი ნაწილია.

რაშია სტივენ კინგის წარმატების საიდუმლოება? - კითხვა დავსვი და უკვე ვაპირებდი პასუხის "ჩამოწიკწიკებას", მაგრამ უცებ მივხვდი - არ არის საჭირო "ღრმააზროვანი" მსჯელობა და "ჭკვიანური" არგუმენტები. საიდუმლოება იმის საიდუმლოებაა, რომ დაფარულია, ჯერაც შეუცნობელი (და თანაც, შესაცნობი!). საქმე მწერალსა და მწერლობას ეხება, ანუ შემოქმედებას, მხატვრულ ლიტერატურას. მარტივად ვთქვათ: ლიტერატურის საიდუმლოება ლიტერატურაშია, წიგნის საიდუმლოება თვით წიგნში. უნდა წაიკითხო, რომ გაიგო. წაიკითხავ, მაგრამ საიდუმლოება შეიძლება ამოუხსნელი დარჩეს მაინც (თუ წიგნი მაგარია!)

სწორედ ასე დამემართა რომან "Desperation"-ის (ქართულ თარგმანში "უიმედოთა ქალაქი") შემთხვევაში. წავიკითხე და მივხვდი - მაგარია! არადა, სტივენ კინგის დიდ მოყვარულად სულაც არ მიმაჩნია თავი, მაგრამ წიგნმა ჩამითრია და გაცილებით მეტი მაგრძნობინა, მეტად დამაფიქრა, ვიდრე ველოდი.
რომანი გაცილებით ფსიქოლოგიური, უფრო ემოციური, ღრმა, უფრო რელიგიური აღმოჩნდა, ვიდრე წარმოვიდგენდი. არადა, თან ნამდვილი ბელეტრისტიკაა, ანუ გართობს - იმ გაგებით (და იმის ხარჯზე), რომ სულმოუთქმელად იკითხება, მოქმედებაში ბოლომდე ხარ ჩართული, გმირებთან ერთად განიცდი,  გაინტერესებს, რა მოხდება, როგორ გადარჩებიან (გინდა, რომ გადარჩნენ!)... მოკლედ, ისეთი წიგნია, ისეა დაწერილი, შეიძლება ღამე გაგათენებინოს.
სიუჟეტის მოყოლას, ცხადია, არ დავიწყებ - პირველად წაკითხვის (აღმოჩენის!) სიამოვნებას არ წაგართმევთ.

მაღაროელთა ერთ გადაკარგულ, პატარა ქალაქში დატრიალებული ფანტასტიკური უბედურება, წარმოუდგენელი განსაცდელი, რომელშიც რომანის გმირები აღმოჩნდებიან, იმდენად რეალისტურად არის გადმოცემული, კლასიკურ მწერლობას რომ ეკადრება. წიგნში მოთხრობილი ამბავი ნამდვილი თავგადასავალია: შიშისმომგვრელი, სასტიკი, მისტიკური და... ადამიანური! თუნდაც მხოლოდ იმისთვის ღირს ამ რომანის წაკითხვა, პატარა ბიჭის, დევიდ კარვერისა და მისი მომაკვდავი მეგობრის ამბავი რომ გაიგოთ, - როგორ სთხოვს დევიდი მეგობრის გადარჩენას ღმერთს და როგორ გადაარჩენს, - ეს ნამდვილი ლიტერატურაა!

სტივენ კინგის ცხოვრება განხორციელებული ამერიკული მითია: რთული ბავშვობა, არაერთი მარცხი, თავდაუზოგავი შრომა,  უამრავი ფული. საკუთარ თავთან ბრძოლა, მანკიერებების დაძლევა და ჰეპი-ენდი. ჰოლივუდისთვის დაწერილი სცენარი გეგონება. არადა, ეს სტივენ კინგის ცხოვრებაა. დაიბადა 1947 წელს პორტლანდში.   მშობლები, დონალდ ედვინ კინგი (ნამდვილი გვარია - სპენსკი, წარმოშობით პოლონელი) და ნელი რუთ პილსბერნი 1939 წელს დაქორწინდნენ, მაგრამ რადგან შვილი არ უჩნდებოდათ, ბავშვი იშვილეს. ამის მერე მოხდა სასწაული
და გაჩნდა სტივენი.  როდესაც მომავალი მწერალი ორი წლისა იყო, ოჯახისთავი სახლიდან გავიდა და... გაქრა. ძალიან გაუჭირდათ, დედა ყველანაირ სამუშაოზე თანხმდებოდა, ოღონდ კი ბავშვები გამოეკვება. ქალაქიდან ქალაქში გადადიოდნენ უკეთესი ხვედრის ძიებაში. ბოლოს პატარა ქალაქ დარემში მოიკიდეს ფეხი. სტივენი 7 წლისა იყო, როდესაც სხვენზე იპოვა ყუთი, რომელიც სავსე იყო ბროშურებად გამოცემული ფანტასტიკური, მისტიკური და საშინელებათა მოთხრობებით. დაიწყო კითხვა და ისე შეუყვარდა ამ ჟანრის ლიტერატურა, თვითონაც დაიწყო წერა. 1965 წელს, ჯერ კიდევ სკოლის მოწაფემ, სამოყვარულო ჟურნალში გამოაქვეყნა მოთხრობა "მე ვიყავი თინეიჯერი, რომელიც საფლავებს ძარცვავდა". ორი წლის შემდეგ კი უკვე პროფესიონალურ ჟურნალში "Startling Mystery Stories" დაუბეჭდეს დეტექტიური მოთხრობა "მინის იატაკი" და პირველი ჰონორარიც მიიღო - 35 დოლარი! 12 წლის ასაკიდან სტივენ კინგი უფროს ძმასთან, დევიდთან ერთად საინფორმაციო ბიულეტენს გამოსცემდა, სადაც პატარა მოთხრობებსა და რეცენზიებს ათავსებდა.

1966 წელს მენის შტატის უნივერსიტეტში შევიდა, სადაც ინგლისურ ლიტერატურასა და რიტორიკას სწავლობდა. ჯერ კიდევ პირველკურსელმა დაწერა რომანი და გამომცემლობას გაუგზავნა, თუმცა არ დაუბეჭდეს. მაგრამ უნივერსიტეტის პერიოდის უმთავრესი შენაძენი სტივენისთვის გახდა ერთობ მიზანსწრაფული ქალიშვილი, ტაბითა ჯეინ სპრიუსი, რომელიც ბიბლიოთეკაში გაიცნო. 1971 წელს ჯვარი დაიწერეს (დღესაც ერთად არიან - ჰყავთ სამი შვილი და სამი შვილიშვილი).

სტივენ კინგმა უნივერსიტეტი ბაკალავრის წოდებით დაამთავრა. სუსტი ჯანმრთელობის გამო ჯარში არ წაიყვანეს. მუშაობა დაიწყო ინგლისური ენის მასწავლებლად ქალაქ ჰემპდენში (მენის შტატი), თანაც წერდა, მაგრამ არ აქვეყნებდა. მისმა ცოლმა ნაგვის ყუთში იპოვა გადაგდებული, დაუმთავრებელი რომანის ხელნაწერი, წაიკითხა და აიძულა, დაესრულებინა, გამომცემლობაში გაეგზავნა და 1974 წელს გამოიცა რომანი "კერი". მას შემდეგ სტივენ კინგის პოპულარობა განუხრელად იზრდება.
სტივენ კინგი 1999 წელს კინაღამ დაიღუპა, გზის პირას მიმავალს ზურგიდან მიკროავტობუსი დაეჯახა. უმძიმესი ტრავმა მიიღო, მაგრამ გადარჩა. კიდევ ერთი რთული პერიოდი ჰქონდა - ალკოჰოლსა და ნარკოტიკებს დაეჩვია, მაგრამ მოახერხა და ამ განსაცდელსაც სძლია.

მას 200-ზე მეტი მოთხრობა და 50-ზე მეტი რომანი აქვს დაწერილი (მისი წიგნების საერთო ტირაჟი 350 მილიონს აჭარბებს!). მისი შემოქმედება მრავალი ჯილდოთი აღინიშნა, მათ შორისაა: ბრემ სტოკერის პრემია, ო'ჰენრის პრემია, ფენტეზის მსოფლიო პრემია. 2003 წელს ამერიკის წიგნის ეროვნულმა ფონდმა ოქროს მედლით დააჯილდოვა ლიტერატურაში შეტანილი განსაკუთრებული წვლილისათვის.  
ერთი სიტყვით, წაიკითხეთ სტივენ კინგი, არ ინანებთ - ახალ სამყაროს აღმოაჩენთ!

ირაკლი ლომოური
qetevani
12 აგვისტო 2013 02:24
ძალიან საინტერესო ნაწარმოებები აქვს ყველააა რაც წავიკითხეეე, გირჩევთ ყველას.
სხვა სიახლეები
"მაცხოვარი სახარებაში ბრძანებს: "ვინც სასწაულს ეძებს, მას სასწაული არასოდეს მიეცემა"

"ბეთანელი თვითმარქვია ადამიანია, რომლისთვისაც კაბის ჩაცმის ნება არავის მიუცია"

"იმ ადამიანის ცხოვრების წესი, ვინც კვეთებულს კითხულობს ისეთი უნდა იყოს, რომ გამოირჩეოდეს სხვა ადამიანების ცხოვრებისაგან და ცხოვრობდეს უფლის სათნო ცხოვრებით. საბედნიეროდ ასეთი მამები ჩვენ გვყავს"
დაწვრილებით...
"მსოფლიოდან ამ მოკლე სიაში ორი ქართული გვარია და ეს არის ყველაზე სასიხარულო... მე მანამდე "ოქროს გლობუსის" დაჯილდოებას ვესწრები, რადგან ნომინანტი ვარ"

"ჩვენთვის ასეთი მნიშვნელოვანი აფხაზეთის თემის, ასეთ რანგზე გახმაურება, მნიშვნელოვანია. ვიცი, ძალიან დიდი ქვეყნები იბრძვიან ხოლმე, რომ მათი კანდიდატი როგორმე ოსკარის "შორთ ლისტში" მოხვდეს და უცებ ჩვენ პატარა ქვეყანა ორი ქართული ფილმით, ორი ქართული ისტორიით შევედით ამ სიაში"
დაწვრილებით...
"საბუთებზე სირბილში, დედას გზაში გული გაუსკდა და დაიღუპა, სახლის მშენებლობა შეწყვიტეს და თავდაცვის სამინისტროში მიზეზსაც არ გვეუბნებიან"

"გიორგი ანწუხელიძის ოჯახს 2014 წლის თებერვლიდან დღემდე სამინისტრო დაეხმარა 46 ათასი ლარით, მათ შორის ბოლო გადარიცხვა 15 000 ლარის ოდენობით განხორციელებულია 20 ნოემბერს, ლილი ანწუხელიძის გარდაცვალების შემდეგ."
დაწვრილებით...
"გემოვნებიანი ჩაცმით გამოირჩევა სალომე ზურაბიშვილი, მაგრამ ხშირად მაინც და მაინც სწორად ვერ არჩევს სამკაულებს"

"ვის არ დაღუპვია მეუღლე, მაგრამ არავინ ჩაყოლია საფლავში. ცოტათი მარაზმი მგონია შავი სამოსის ასე გაუხდელად ტარება"

"პრემიერის მეუღლის ჩაცმულობა დიდად არ მომწონს. ცნობილია, რომ ის საკმაოდ ცნობილ და ძვირადრირებული დიზაინერების სამოსს ირჩევს..."
დაწვრილებით...
"ვინაიდან ქრისტიანზე დაქორწინდა, ჩემს ქმარს ფერეიდანში ქონების კუთვნილ წილს არ აძლევენ, არ გვიფორმებენ ჩვენს სახლს, რომ გავყიდოთ მაინც..."
"დიდი ხანია ჩვენ არავის გავხსენებივართ და არ გვიწვევენ უწმინდესობის სანახავად. არ ვიცი, რა ნიშნით ახდენენ ფერეიდნელების დიფერენციაციას"
"დედა ვარ, შვილების მომავლისთვის უნდა ვიბრძოლო. ქვეყნაში არაფერი იცვლება, ადამიანებს კვლავაც უკიდურეს გაჭირვებაში გვიწევს ცხოვრება და საშველი არ ჩანს"
დაწვრილებით...
"თვალები არ მაქვს, პროტეზი მიკეთია. სამწუხაროდ, ჩემი მდგომარეობის გათვალისწინებით. გამორიცხულია, ოდესმე თვალისჩინი დამიბრუნდეს"

"თუ ადამიანს არ აქვს თვალისჩინი ან თუნდაც კიდური, არ შეიძლება მისი გარიყვა... ჩვენ ჩვეულებრივები ვართ... მინდა, საზოგადოებაში ვიყოთ არა "ისინი" და "ჩვენ", არამედ ჩვენ, ყველა ერთად".
დაწვრილებით...
გთავაზობთ ამონარიდებს "კვირის პალიტრის" ხუთტომეულის - "ჩვენი ეპოქა" I ტომიდან

"შენს ომში ყოველთვის შენ აგებ და არა სხვა, საკუთარ ქვეყანას ომს ვერასდროს მოუგებ"
დაწვრილებით...
"საქართველოს ეკლესია გმობს ამ აქტს და იმ ადამიანებს, ვინც ეს ჩაიდინა. ჩვენ ვთხოვთ ხელისუფლებას, რომ მომხდარი გამოძიებული იყოს, რათა დადგინდეს აქტის ჩამდენი და სათანადო დაისაჯოს."

"ამ პრობლემას სჭირდება სამეცნიერო დისკუსია, დიდი ინტელექტუალური რესურსი და არა ტრაქტორების ენით ლაპარაკი"

"მიხეილ სააკაშვილი ძეგლის სტატუსს ვერ მოხსნიდა, რადგან ეს მის მოვლეობებში არ შედიოდა"
დაწვრილებით...
"მინდა, რუსეთ-საქართველოს გზა აშენდეს, რადგან რუსეთი ყველაფერში დამეხმარება. ტყუილად გვეჩხუბებიან ის ვიღაცები, გზა მაინც გაკეთდება და დავისვენებთ"

"აქ თავისას არავის გავატანინებთ. ეს ჩვენი მიწაა, დაბადებიდან აქ ჩვენ ვცხოვრობთ და შორიდან მოსული ვერ გვასწავლის რა ჯობია და რა - არა"

"აბა, იცხოვრეთ, ჩვენნაირად და მერე ნახავთ, როგორი მაგრები იქნებით, არც სამსახურია, არც ენა ვიცით წესიერად, არავის ვახსოვართ და არც ვახსოვდით არასდროს"
დაწვრილებით...
"მაიამიარტბაზელი" არის უმსხვილესი საერთაშორისო არტშოუ, რომელიც 1970 წლიდან ყოველწლიურად იმართება მაიამიში და წარადგენს თანამედროვე ხელოვნების ნამუშევრებს. მასში 250 გალერეა მონაწილეობს. არტშოუს 70 000 - მდე მაყურებელი სტუმრობს.
დაწვრილებით...
კერძო 3-სართულიანი სახლი ინდივიდუალური პრ. 200 კვ.მ....
1-ოთახიანი, ინდივიდუალური პრ. 3(8), 45 კვ.მ. ახალი...
ფასი: ...
ფასი: ...
მამულ-დედული