თენგიზ არჩვაძე: "ბარემ მერაბიშვილიც გამოუშვან, ახალაიაზე ნაკლები ანგელოზია თუ რა?!"
თენგიზ არჩვაძე: "ბარემ მერაბიშვილიც გამოუშვან, ახალაიაზე ნაკლები ანგელოზია თუ რა?!"
თბილისის საქალაქო სასამართლომ თავდაცვის ყოფილი მინისტრი ბაჩო ახალაია და შეიარაღებული ძალების გაერთიანებული შტაბის ყოფილი უფროსი, გენერალი გიგი კალანდაძე უდანაშაულოდ სცნო. საქმე ეხებოდა სამხედრო მოსამსახურეებისთვის სიტყვიერი და ფიზიკური შეურაცხყოფის მიყენების, თავისუფლების აღკვეთის ეპიზოდებსა და ზვიად აბესაძესთან დაკავშირებულ ეპიზოდს, როდესაც მას, პროკურატურის ინფორმაციით, სიტყვიერი და ფიზიკური შეურაცხყოფა მიაყენეს და თავისუფლება უკანონოდ აღუკვეთეს... ახალაიას გამამართლებელმა განაჩენმა ბევრი აღაშფოთა, მათ შორის ცნობილი მსახიობი - თენგიზ არჩვაძე...

- ძალიან აღელვებული ვარ, თან ავად გახლავართ
You must have Flash Player installed in order to see this player.
და მიჭირს საუბარი, მაგრამ როგორ გავჩუმდე? ესე იგი, ბაჩო ახალაია არ დასაჯეს და ისე გამოუშვეს გარეთ?... რას ქვია, ეს რა საქციელია?! რომ იძახით, სასამართლოდან გაანთავისუფლესო, სასამართლო აღარ ქვია მაგას ბატონო! ვიცი, რომ ხალხი აღშფოთებას ვერ მალავს და მეც მათ რიგებში ჩამწერეთ... რომ იძახიან, ევროპას არ მოსწონს ეს დაპატიმრებებიო, ევროპელები ისეთ საქართველოში იცხოვრებდნენ ჩვენ რომ გვქონდა?! მიბრძანებულიყვნენ მაშინ ციხეებში და თავად ენახათ, რაც იქ ხდებოდა. მერე გვაკრიტიკონ ჩვენ... უკვე აღარაფერი მესმის, სრულიად აღარაფერი. წინა ხელისუფლება არაფერში არ მომწონდა და ახალიც მაბნევს
უკვე... ხალხს იმის იმედი ჰქონდა, რომ ვინც დამნაშავე იქნებოდა, დაისჯებოდა კიდეც. ახლა რა გამოვიდა?! მაშინ ვანო მერაბიშვილიც გამოუშვან - ეგ რა, ახალაიაზე ნაკლები ანგელოზია თუ?!. ოღონდ ისიც აგვიხსნან, ვინ ჩაიდინა ის ამბავი, ციხეებში რომ ხდებოდა. ეს ყველაფერი უკვე სისტემური იყო და დამნაშავე სისტემა უნდა დაისაჯოს! იმ სისტემის ერთ-ერთი მთავარი წევრი იყო ეგ ვაჟბატონი - ახალაია. რა უნდათ, მაინცადამაინც ქვა და ჯოხები აიღოს ხალხმა ხელში და გამოვიდნენ სიმართლის დასაცავად?! რას დადიან ამ ცვედანი ევროპის ჭკუაზე, ან მთავრობას აღარ აქვს ჭკუა, ან ხალხს?!
ხომ გვარწმუნებდნენ, ვინც დამნაშავე არის, დაისჯებაო, ესაა?! - გამოდის, რომ დამნაშავე ახალაია არ ყოფილა, მაშინ ვინ იყო დამნაშავე, ის მაინც გვითხრან?! მე არ ვარ მსაჯული, მსაჯული ღმერთია და ის ადგენს ყველაფერს. უბრალოდ ძალიან გულნატკენი ვარ, ასე რომ წავიდა საქმე.

- მუშნი ზარანდიას როლი რომ მოირგოთ...

- კაცო, რაღა მუშნი ზარანდია უნდა ამას? მუშნი ზარანდიამდე და დათა თუთაშხიამდე არსებობდა საქართველო, ქვეყანაში სამართალი იყო და აუცილებლად უნდა აღდგეს ისევ სამართალი და პური ჭამოს!

მანანა გაბრიჭიძე (სპეციალურად საიტისთვის)






romali
13 აგვისტო 2013 14:12
თენგიზ არჩვაძე კარგი პიროვნებაა,მაგრამ არ არის მაგის საქმე როგორც ბევრი ხელოვნების წარმომადგენლებისა,პოლიტიკაში ჩართვა,მას არც ასაკი უწყობს ხელს და არც პროფესია.თუმცა მესმის რომ დავალებულია ბიძინასგან და რაგაცით ხომ უნდა გადაუხადოს პატივისცემა.ასე იყვნენ საბჭოეტიდან მოყოლებული თითქმის ყველა ხელოვანი,ვინც აფინანსებდა მას უკრავდნენ თავს და ახლაც ასეა.
aleko
09 აგვისტო 2013 08:06
არა ბატონო თენგიზ-ახალლაია და მერაბიშვილი დასახვრეტია.
ხოლო ჯაბა რომ დიდი გლოვით დამისვენეთ დიდუბის პანთეონში უსამართლობაა-მთაწმინდაზე გადავასვენოთ
მაშინ იქნება სამართლიანი საქარტველო
1 1
რუბრიკის სხვა სიახლეები
თვის კითხვადი სტატიები