”ვო ტაკ!” - ვინ არის პატარა მეგრელი გოგონა, რომელის ვიდეოც სოციალურ ქსელში აიტაცეს
”ვო ტაკ!” - ვინ არის პატარა მეგრელი გოგონა, რომელის ვიდეოც სოციალურ ქსელში აიტაცეს
სოციალურ ქსელში ცოტა ხნის წინ ერთი პატარა მეგრელი გოგონას ვიდეო სახელწოდებით: "ვოტ ტაკ!" გავრცელდა: გოგონა კამერის წინ საოცარი მანერებით, მეგრული აქცენტითა და ინტონაციით ჰყვება ამბავს, თუ როგორ გააბრაზა მეგობარმა, როგორ უმადურად მოექცა, მიუხედავად იმისა, რომ მან თავისი ფულით დაქალს შოკოლადი "ოზმოც" კი უყიდა. მოკლედ, პატარა ნინია წუხს იმაზე, რომ მადლობაც არ გადაუხადეს... ვიდეო სოციალურ ქსელში მაშინვე პოპულარული გახდა, მოიარა ყველა საიტი, უამრავმა ადამიანმა მოიწონა და "ფეისბუქის" პირად გვერდებზეც ატვირთეს და
You must have Flash Player installed in order to see this player.
გაიზიარეს.

ამ პატარა გოგონას ვინაობით დავინტერესდი და დავადგინე, რომ ის წალენჯიხის მუნიციპალიტეტში, კერძოდ, ჯვარში ცხოვრობს. შვილის შესახებ ნინია ციმინტიას დედას, ლანა შენგელიას ვესაუბრე:

- ნინია ჯერ 5 წლის არ არის. ორი ვაჟკაცის შემდეგ მისი ამ ქვეყნად მოვლენა ჩვენი ოჯახისთვის უდიდესი სიხარული იყო. ის უფროსი ძამიკოს, დაჩის დაბადების დღეზე გაჩნდა.

- ოჯახის ნაბოლარა შვილია და ალბათ, ანებივრებთ...

- ვერ გეტყვით, რომ განებივრებულია, არ მიყვარს, როცა პატარას ყველა სურვილს უსრულებენ. ზომიერება ყველაფერში საჭიროა.

- რას გვეტყვით მის ცნობილ ვიდეოზე და იქ ასახულ თქვენი შვილის ემოციებზე?


- ძალიან გულწრფელია ვიდეოში მისი ემოცია, თუმცა იცის, რომ უღებენ და ცოტას თამაშობს კიდეც, სხვადასხვა მიმიკას იღებს... იმ კონკრეტულ ვიდეოში ნათესავის გოგონა სანდრაზეა ნაწყენი, რომელმაც მასთან თამაში რატომღაც არ ისურვა. იმაზეცაა შეწუხებული, რომ მისთვის "ოზმო" ჰქონდა
ნაყიდი და მისგან ერთი მადლობაც ვერ მიიღო...
მოკლედ, იმ დღეს სანდრას სახლიდან გაბრაზებული წამოვიყვანე, მაგრამ რაც მთავარია, წყენა გულში დიდხანს არ დაუტოვებია და მეგობართან შემდეგი შეხვედრისას ის გაბრაზება არც კი ახსოვდა, ერთმანეთის ნახვა ისე გაუხარდათ!

- ვინ უღებს ვიდეოს?

- ჩვენი ნათესავი ლანა ქარდავა მას სხვადასხვა ხასიათის სახალისო ვიდეოს უღებს და თავის "ფეისბუქის" გვერდზე ტვირთავს. ბევრს ვხალისობ ადამიანების კომენტარებზე. უღრმესი მადლობა ყველა იმ ნაცნობ თუ უცნობს, რომლებიც ესიყვარულებიან და ჩემს გოგონას კეთილ სურვილებს უგზავნიან. ყველა დედას დაულოცოს შვილი!

- რაზე ოცნებს პატარა ნინია?

- მისი სურვილია, რომ ექიმი გამოვიდეს და ყველას უმკურნალოს. ძალიან განიცდის, როცა გაიგებს, რომ ამა თუ იმ პატარას დედა ან მამა არ ჰყავს. ხშირად შემოუთავაზებია - ვინახულოთ და საჩუქარი მივუტანოთ, ცოდოაო. ჩვენც შეძლებისდაგვარად ამას ვახერხებთ...

ლანა ქარდავა, ადამიანი, როემლიც გოგონას ვიდეოებს უღებს და ინტერნეტით ავრცელებს:

- ნინია ჩემი უმცროსი მეგობარია, დაქალი (იცინის). ძალიან თბილი, ჭკვიანი და საყვარელია ჩვილობიდან. მისი ვიდეოები ხალხს ისე მოსწონს, რომ "ფეისბუქის" გვერდებზე აზიარებენ. ბევრს მატრაკვეცა ჰგონია, მაგრამ სცდება...

- ვიდეოდან, რომელიც გადაუღეთ და სადაც მეგობარზე ბრაზობს, ჩანს, რომ უმადურობა არ უყვარს...


- კი, პატარა სამართლიანი ადამიანია. მეგობარს შოკოლადი "ოზმო" უყიდა და მისგან მადლობაც ვერ მიიღო, ამაზე გული დასწყდა...

- როდესაც ვიდეოს უღებთ, არ აპროტესტებს?

- მერე იმ გადაღებულ მასალას თვითონ მორცხვად უყურებს ხოლმე. პაროდიის საოცარი უნარიც აქვს. ბევრ ადამიანს ბაძავს... სოციალურ ქსელში მისი რამდენიმე ვიდეო მაქვს სხვადასხვა დროს ატვირთული, მაგრამ ბოლომ საოცარი მოწონება დაიმსახურა. "იუთუბზეც" ძალიან ბევრმა ადამიანმა ნახა.

იხ. ვიდეო: ”ვო ტაკ!” - მეგობარზე განაწყენებული პატარა მეგრელი


ლალი ფაცია (სპეციალურად საიტისთვის)
მკითხველის კომენტარი (13)
ანა
29 ივლისი 2014 13:43
მაგარი ბავშვია ძალიან.
davit -ს რომელი კუთხის წარმომადგენელი ბრძანდებით, პატივცემულო? დავესესხები luxo-ს და ,,თითო-ოროლა ბრიყვი, უბირი, უზნეო, მლიქვნელი, უჟმური და ვიგინდარა ყველგან შეგხვდებათ" . ჰოდა თუ ის ხუმრობით დაწერეთ, ჩათვალეთ მეც გაგეხუმრეთ, თუ არადა თქვენზე ყოფილა ნათქვამი ეს სიტყვები.
luxo
29 ივლისი 2014 12:01
ბატონო "დავიტ"თუ კი ამის საშუალება გექნებათ, შემოიარეთ საქართველო და თითო კვირა მაინც იცხოვრეთ მის სხვადასხვა ეთნოსში, და გარწმუნბთ, დარწმუნდებით იმაში რომ ჩვენ, საქართველოდან გასაყრელი ხალხი არა გვყავს. ისე კი გეტყვით; თითო-ოროლა ბრიყვი, უბირი, უზნეო, მლიქვნელი, უჟმური და ვიგინდარა ყველგან შეგხვდებათ, მაგრამ ბოლოს მაინც იტყვით: "სხვა საქართველო სად არის რომელი კუთხე ქვეყნისა, ერი გულადი პურადი მებრძოლი თავის ბედისა"
davit
28 ივლისი 2014 18:37
ყველა ბავშვს გაუმარჯოს,მეგრელებს 5 წლამდე,რა ნაციაა ეგ საერთოდ,უნდა გავყაროთ საქართველოდან
tamuunas
28 ივლისი 2014 17:03
ვაი ვაი რა ეგოისტები ხარტ ზოგიერთები :) ორივე კარგები არიან,საყვარლები და თბილები...
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
მნიშვნელოვანი ინფორმაცია
მამულ-დედული
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა