"თუ დაგვიანდება, მეტად გაჭირდება ჩემი პატარას გადარჩენა..." - დედა შვილის სიცოცხლისთვის იბრძვის
"თავიდან კანი ჩაუღრმავდა და ლაქები გაუჩნდა, როდესაც ექიმთან მივიყვანე (2 წლის იყო), რადგან თეთრი ლაქები ჰქონდა ვიტილიკო ეგონათ, მაშინ სისტემური სკლეროდერმიის დადგენა გაუჭირდათ"
"ძალიან მძიმეა ჩვენთვის 2000 დოლარის შოვნა. მე კი არავის ვამადლი, ღმერთმა ყველას მილიონი მისცეს, მაგრამ როცა ვუყურებ, რომ ვიღაცისთვის რა ცოტაა 2000 დოლარი, გული მიკვდება"
თამარ ლაცაბიძე სურამში ცხოვრობს და თებერვალში 6 წლის ხდება. როგორც ყველა მის თანატოლ პატარას, თამაში და საყვარელი თოჯინების მოვლა ყველაზე მეტად უყვარს, თუმცა სხვებისგან განსხვავებით, მისი მთავარი საფიქარლია თოჯინები ავად არ გახდნენ, არ გაცივდნენ... ბავშვურად განიცდის თავის ადამყოფობას, რომლის სახელიც არ იცის, მაგრამ იცის რომ მალე კარგად იქნება, რადგან ამას დედიკო შეპირდა. ამბობს, რომ როცა დიდი გოგო გაიზრდება, თვითონაც ექიმი გახდება, თუმცა მანამდე ჩვენი დახმარების მოლოდინშია. თამარს კანის უიშვიათესი დაავადება აქვს. რომელსაც მთელი ცხოვრება კონტროლი სჭირდება. საქართველოში მისი მკურნალობა ვერ ხერხდება. ისრაელის და თურქეთის კლინიკებში ოჯახს გარანტიას კი აძლვენ, რომ დაავადების პროგრესირებას შეაჩერებენ, თუმცა ოჯახს მკურნალობის საშუალება არ აქვს.
ინგა ჩაჩანიძე, თამარის დედა:
- დაავადებას სისტემური სკლეროდერმია ჰქვია, რომელიც კანზე დეფექტების გაჩენით იწყება, ხოლო გართულბის შემთხვევაში, გადადის სხვადსხვა ორგანოებზე, პირველ რიგში კი სახსრებზე და თირკმელებზე, იწყება გაუსაძლისი ტკივილები და რაც ყველაზე ცუდია, ავადმყოფობა შემდეგ უკვე მკურნალობას აღარ ექვემდებარება. ეს დაავადება იწვევს კუნთოვანის ქსოვილების კვდმას ანუ ხორცი კვდება და თუ მკურნალობა სწორად არ წარმიმართა, როგორც გითხარით, გადადის სხვადსხვა ორგანოებზე, რასაც შესაძლოა ლეტალური შედეგის მოჰყვეს.
- საქართველოში თუ ხერხდება ამ დაავადების მკურნალობა?
- საქართველოში ერთადერთი ქალბატონი ვნახე, ვინც ამ დაავადებას მკურნალობს და ამ წამს სწორედ მასთან ვმკურნალობთ, მაგრამ, სამწუხაროდ,იმის გარანტიასა ვერ გვაძლევენ რომ პროცესს შეაჩერებენ, თანაც იმდენად იშვიათი დაავადებაა, რომ ხშირი პრაქტიკა არ აქვთ და მიჭირს ნდობა. ისრაელის კლინიკა იმის გარანტიას გვაძლევს, რომ პროცესს უსათუოდ შეაჩერებენ.
- თავდაპირველად როგორ შეატყვეთ რომ ეს დაავადება ჰქონდა?
- თავიდან კანი ჩაუღრმავდა და ლაქები გაუჩნდა, როდესაც ექიმთან მივიყვანე (2 წლის იყო), რადგან თეთრი ლაქები ჰქონდა ვიტილიკო ეგონათ, მაშინ სისტემური სკლეროდერმიის დადგენა გაუჭირდათ, რადგან კერა არ იყო სრულად გაჩენილი. თამარი თებერვალში ხდება ექვის წლის ანუ 4 წელია ეს დაავადება აქვს, სხვათაშორის ექიმმა მითხრა: 4 წელი დაკარგული გვაქვსო, სამწუხაროა, მაგრამ ასეა. ისრაელიდან მოგვწერეს, თუ მკურნალობა სწორად წარიმართა, უკვე დაწყებულ პროცესს შევაჩერებთ, მაგრამ უკვე დაზიანებული ქსოვილის აღდგენა შეუძლებელიაო. ამ წამს თამარს შუბლზე და თავზე უკვე აქვს დაზიანებული ქსოვილი. სულ დაავადების 4 კერა აქვს. ამ ადგილებში კანი ჩავარდნილია და გაუხეშებული, ხოლო თავზე თმა სცვივა.
- რა ჯდება მკურნალობა?
- სხვათა შორის, ამჟამად რითაც ვმკურნალობთ, ის მედიკამენტიც არ იშოვება საქართველოში, მეტიც, რეგისტრირებულიც კი არაა და იძულებული ვართ რუსეთიდან გამოვაგზავნინოთ, პლუს დანარჩენი წამლებიც და ამას დაუმატეთ თითქმის ყოველთვიურად გამოკვლევები, რაც საკმაოდ დიდ თანხებთანაა დაკავშირებული. რაც შეეხება უცხოეთში მკურნალობას, ისრაელის კლინიკამ გვითხრა, რომ მინიმუმ 2000 დოლარიც მაინც დაგვჭირდება მკურნალობისთვის (ბუნებრივია ჩვენი მგზავრობის და იქ ყოფნის ხარჯები კიდევ ცალკეა), ხოლო თურქეთში კიდევ უფრო იაფი ჯდება, დაახლოებით 2000 დოლარი დაჯდება ყველაფერი ერთად, მაგრამ ისარელის კლინიკაში გვითხრეს, რომ მერე იქ ჩასვლა აღარ დაგვიჭირდება და დისტანციურად მოხდება მკურნალობის გაგრძელება, რაც ბუნებრივია ხარჯებს დაზოგავს. შეიძლება ბევრმა თქვას, რომ 2000 დოლარის შოვნას რა უნდა, მაგრამ.... ჩვენი ოჯახი სოციალურად დაუცველია, თუმცა ეს ვერაფერში გვეხმარება. ჩვენ აღრიცხვაზე სურამში ვართ და ამ დაავადების ანალიზის აქ გაკეთება შეუძლებელია, ვერც ხაშურში კეთდება ამის ანალიზი, მეტიც, თბილისშიც არ გაკეთდა ერთი ანალიზი და გერმანიაში გაგზავნეს. ამ წამს სახელმწიფო ვერაფრით გვეხმარება, მაგრამ იმედი მაქვს, იქნებ, ისეთ პროგრამაში მოვხვდე, რომ მედიკამენტები მაინც დამიფინანსონ. პედაგოგი ვარ და ოჯახის შემოსავლის ძირითადი წყარო სწორედ ჩემი ხელფასია მეუღლე უმუშევარია და მართლა ძალიან მძიმეა ჩვენთვის 2000 დოლარის შოვნა. მე კი არავის ვამადლი, ღმერთმა ყველას მილიონი მისცეს, მაგრამ როცა ვუყურებ, რომ ვიღაცისთვის რა ცოტაა 2000 დოლარი, გული მიკვდება, მე შვილის სიცოცხლისთვის ვიბრძვი... თუ დაგვიანდება, მეტად გაჭირდება ჩემი პატარას გადარჩენა.. მინდა, ჩემი თამარი კარგად იყოს, თორემ ფულში ნამდვილად არაა ბედნიერება. თვითონ თამარი ვერ ხვდება რა დაავადება აქვს, უბრალოდ იცის რომ რაღაც აწუხებს, მაგრამ ბავშვია, ლაღია და ამ სილაღით ყველაფერს ფარავს. მეგობრებთან თამაშის მეტი არც ახსოვს არაფერი, სიცოცხლე უხარია. უფლის და ხალხის თანადგომის იმედი მაქვს. ვიცი, რომ ბევრს დახმარებიან და ბევრი პატარა დაუყენებიათ ფეხზე, იქნებ, ჩემთვისაც მოხდეს სასწაული.
პ.ს. თუ ვინმეს ოჯახის დახმარების სურვილი ექნება, შეუძლიათ ქალბატონ ინგას დაუკავშირდნენ ტელეფონზე - 599972027 ან თანხა გადარიცხონ "ლიბერთი ბანკის" შემდეგ ანგარიშზე: GE09LB0711143477680000 მიმღები ცირა ჩაჩანიძე
ლადო გოგოლაძე (სპეციალურად საიტისთვის)