Facebook, ნუ მისცემ საშუალებას გაგვაწევრიანონ ჯგუფებში ჩვენი დასტურის გარეშე!
საქართველოში, უკვე წელიწადზე მეტია, მომხმარებლის სურვილის მიუხედავად, ხდება Facebook - ჯგუფებში ვირუსულად გაერთიანება.
ეს ჯგუფები ძირითადად ავრცელებენ სპამ-ინფორმაციას, რომელიც ხშირად შეიცავს სიძულვილის ენას, დეზინფორმაციას ან არის სექსუალური შინაარსის, რაც Facebook-ის აუდიტორიისთვის დიდ დისკომფორტს ქმნის.
Facebook-ის ჯგუფებში უნებართვოდ გაწევრიანება
კიდევ უფრო შემაწუხებელი გახდა, რის გამოც ზოგიერთი მომხმარებელი უკვე მიმართავს Facebook-ს, გაამკაცროს კონტროლი ჯგუფებში გაწევრიანებაზე.
ჩვენ გადავწყვიტეთ, რომ მოთხოვნას მივცეთ პეტიციის სახე. გთხოვთ, შეავსოთ პეტიცია ჯგუფებში უნებართვოდ გაწევრიანების აკრძალვის მოთხოვნით. გვსურს 30 000 ხელმოწერის შეგროვება, რომელიც გაეგზავნება Facebook-ის ადმინისტრაციას. რაც მეტი ადამიანი შეავსებს პეტიციას, მით უფრო დამაჯერებელი იქნება ჩვენი მოთხოვნა.