"დეგენერატ, ესლი გავნო, პიში გოძიაშვილი" - რატომ ეცოდება ქალები ზურა ყიფშიძეს?!
"დეგენერატ, ესლი გავნო, პიში გოძიაშვილი" - რატომ ეცოდება ქალები ზურა ყიფშიძეს?!
04-01-2016
ყოველთვის საინტერესო და სახალისოა ზურაბ ყიფშიძესთან საუბარი, მაგრამ საახალწლო ინტერვიუ ნამეტნავად სახალისო გამოგვივიდა.

მას კინომსახიობთა­ თეატრში შევხვდით. გვითხრა, - ახალი წელი არ მიყვარსო, მაგრამ საუბარში გაირკვა, რომ ამას გასული ახალი წლების ნოსტალგია უფრო ალაპარაკებდა.

- ეს ამბავი მრავალი ახალი წლის წინ მოხდა. თავისუფლების მოედანზე ხვდებოდნენ ახალ წელს და მეც მიმიწვიეს. ისე დაემთხვა, რომ მე და ქალაქის მერს ერთად გაგვესაუბრა ჟურნალისტი. მე ვთქვი, მძულს ეს დღესასწაული-მეთქი. მერი ამ დროს არ მჩქმეტდა, მაგრამ ამის სურვილი რომ გასჩენოდა, არ გამიკვირდებოდა. რომ ვეღარ გამაჩერა, სიტყვა ჩამომართვა: მე მიყვარს ახალი წელიო. ისეთი გადასვლა იყო, ღირდა საყურებლად, იხალისებდით. მას შემდეგ მსგავს ღონისძიებებზე აღარ მიწვევენ.

- ახალი წელი რატომ არ გიყვართ?
- ვერ ვიტან, ფაციფუცი რომ იწყება,­ ხალხი ქათმებსა და გოჭებს ყიდულო­ბს, მეორე დღეს კი კვერცხის ფული აღარ აქვთ.

- მეკვლედ ვინ მოდიოდა თქვენთან?

- ეროსი მანჯგალაძე, რამაზ ჩხიკვაძე, თემიკო ჩირგაძე. დღესასწაულს ოჯახში შევხვდებოდით და მერე მივდი-მოვდიოდით ერთმანეთთან სტუმრად. სულ რომ გაბრაზებულები ყოფილიყვნენ შენზე, ერთ შამპანურს, ყვავილებს უყიდდი, დედა იქნებოდა თუ ცოლი და ნაპატიები იყავი.
არა, განა არ მიყვარს ახალი წელი, მაგრამ ბზრიალ-ტრიალს ვერ ვიტან. ქალები მეცოდებიან. შეიძლება ვაჭარბებ, მაგრამ სიგიჟეა, ახალ წელს განუმეორებლად შეხვდე­, რომ მერე ყველაფერი კარგად იქნება...

რამაზ ჩხიკვაძე მეზობლად ცხოვრობდა და არაერთი ახალი წელი გაგვიტარებია ერთად. თემიკო ჩირგაძის თამადობა ერთი დიდი წარმოდგენა იყო. ასეთ დროს ისვენებდა ყველა. სულ ახალგაზრდა ექიმი იყო, პარაზიტოლოგიის ინსტიტუტის დირექტორად რომ დანიშნეს. ისე უყვარდა თეატრი, წარმოდგენას არ ტოვებდა. განსაკუთრებით გიჟდებოდა სესილია თაყაიშვილზე. მაშინ ინსტიტუტში თუ სკოლაში ყველას გვაბარებინებდნენ გამოსაკვლევად შარდს და განავალს ასანთის კოლოფებით. ვაბარებდით და მიჰქონდათ სადღაც... ერთ დღეს სესილიას მიაქვს პარაზიტოლოგიის ინსტიტუტში ეს "გამოსაცდელი პრეპარატი". თემო ჩირგაძემ რომ დაინახა, გაგიჟდა,­ სუფრა გაშალა...
You must have Flash Player installed in order to see this player.
ბოლოს, დაემშვიდობნენ ერთმანეთს. მიდის სესილია და თემო ეკითხება: უკაცრავად, ქალბატონო სესილია, რა მივ­აწერო მასალას - თაყაიშვილი თუ გოძიაშვილიო. მოუტრიალდა სესილია და ეუბნება: "დეგენერატ, ესლი გავნო, პიში გოძიაშვილი".

თემო ამას ისე ჰყვებოდა, სიცილისგან ცუდად გახდებოდით. ჩემი თაობა მაგარი იყო... მათთან ერთად გატარებული ახალი წლები კი - განუმეორებელი.

ახალ წელს ვულოცავ ყველა მკითხველს, ჯანმრთელობას და სიმშვიდეს ვუსურვებ. სადღაც ომია, ვიღაცა ვიღაცას კლავს, აქეთ დოლარმა აიწია და ხალხი დადის გადარეული. მოდით, ყველას ჩვენ-ჩვენი საქმე გვეკეთებინოს და ყოველ ახალ წელს, განვლილ დღეებს რომ გადავხედავთ, გვეთქვას, არ იყო ცუდი წელიო.

ეკა სალაღაია
gogi
07 იანვარი 2016 15:56
კარგი კაცია!ღმერთმა ადღეგრძელოს!!!!!!!
სენაკი - სოფელი ზანა
05 იანვარი 2016 19:45
ნატვრა მაქვს , თეატრში ზურას სპექტაკლზე მინდა დასწრება , თითქოს ეს არ არის ძნელი ამბავი, მაგრამ არა ყველასთვის...
ზურა სამეგრელოს ამ პატარა სოფლიდან გილოცავ შობა ახალ წელს, მაგარი მსახიობი ხარ და ასევე მაგარი ადამიანი ამიტომ უყვარხარ და დიდ პატივს გცემს უბრალო გლეხი ხალხი.
სხვა სიახლეები
დღევანდელ წერილში რამდენიმე ქართველი პოლიტიკოსის თავს გადახდენილ მხიარულ ისტორიებს მოგიყვებით.
დაწვრილებით...
"სულ ნოსტალგია მაქვს, როცა "ფეისბუკში" ჩემი მშობლიური და საყვარელი დაბა ცემის ფოტოებს ვუყურებ - წელს მაინც რამხელა თოვლი მოსულა"!
დაწვრილებით...

გერმანიის და ავსტრიის ეპარქიის სამღვდელოება და მრევლი ეპარქიის მმართველად მიტროპოლიტ სერაფიმეს (ჯოჯუა) დანიშვნის გამო პროტესტს გამოთქვამს.
დაწვრილებით...
რამდენიმე დღის წინ, საქართველოს პირველი ლედის მაკა ჩიჩუას ძმა, მიხეილ მგალობლიშვილი დააკავეს.
დაწვრილებით...
კვლევის თანახმად, გამოკითხულთა 58%-სთვის ყველაზე მნიშვნელოვანი ეროვნული საკითხი კვლავ სამუშაო ადგილებია.
დაწვრილებით...
თენგიზ აბულაძის ფილმის - "მე, ბებია,­ ილიკო და ილარიონი" - გადაღებისას ბებიის როლის შესასრულებლად 55 წლის სეს­ილია თაყაიშვილმა საღი კბილები დაიძრო.
დაწვრილებით...
PRIME
როგორც კი პუტინის მანქანა ჯორს გაუსწორდა, ეს უკანასკნელი ადგილს მოსწყდა, სწორედ პრეზიდენტის მანქანის წინ დადგა. პუტინი შეეცადა, მისთვის გვერდი აევლო, მაგრამ ამაოდ - ჯორი იქით გადადგა, რა მიმართულებითაც პუტინმა წასვლა გადაწყვიტა. ბოლოს პუტინმა ჯორს თავი დააღწია და მინიმალური სიჩქარით გააგრძელა გზა. ასე მიდიოდნენ ფეხშეწყობილად..­.
დაწვრილებით...
PRIME
"ვეფხისტყაოსანი" ქართველებისთვის­ ის ძეგლია, რომელსაც ჯერაც ვერც ერთი ქართული შედევრი ვერ გაუტოლდა, ამიტომაც მის სცენაზე გადატანას ყველა ერიდებოდა,
დაწვრილებით...
PRIME
"კარგია, როცა ქვეყანა შენდება, მაგრამ ეს იმას ხომ არ ნიშნავს,­ შენი ქვეყნის ისტორია წყალმა წაიღოს..."

შალვა ივანიძე: "სუვენირების გამყიდველი ვარ, მაგრამ შენი ქალაქის ისტორია როგორ არ უნდა იცოდე? გული მწყდება, რომ ახალმა თაობამ თავისი ქვეყნის წარსულის შესახებ ნაკლებად იცის"
დაწვრილებით...
PRIME
ქირავდება მაღაზია ბიზნეს ცენტრ "პანორამა"-ში
იყიდება მშენებარე კორპუსში ბინა(სვეტის ქალაქში).
ქირავდება 2-ოთახიანი ბინა დღიურად თვიურად
LTD ,,NDS” გთავაზობთ დიღმის მასივში
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები