"ქალს ბავშვი ჩახუტებული ჰყავდა და დახმარებას განწირულად ითხოვდა"
"ქალს ბავშვი ჩახუტებული ჰყავდა და დახმარებას განწირულად ითხოვდა"
"აგურები კორპუსის ზედა ქონგურიდან ადრეც ჩამოცვივდა"

5 იანვარს, ქუთაისში მომხდარმა ტრაგედიამ მთელი ქალაქი შეძრა, - კონსტანტინე გამსახურდიას ქუჩაზე 4 წლის გოგონა მრავალსართულიანი კორპუსიდან ჩამოვარდნილმა ბეტონის კონსტრუქციამ იმსხვერპლა. კორპუსის მაცხოვრებლები, ამბობენ, რომ ქალის განწირული კივილი გაიგონეს, რის შემდეგაც ქუჩაში გასულები საშინელ ვითარებას შეესწრნენ.

მარინა ნოზაძე. კორპუსის მცხოვრები:
- ქალის განწირული კივილი გავიგონე, ფანჯარას მივვარდი და რაც დავინახე, იმის დანახვას არავის ვუსურვებ, - ქალს ბავშვი ჩახუტებული ჰყავდა და დახმარებას განწირულად ითხოვდა.
You must have Flash Player installed in order to see this player.
ბავშვი, სამწუხაროდ, ადგილზევე გარდაიცვალა, დედაც დაშავდა... თუმცა, როგორც ვიცი, მის სიცოცხლეს არაფერი ემუქრება. გულწრფელად ვუსამძიმრებ მშობლებს ამ უბედურებას, საშინლებაა შვილის დაკარგვა. ჩვენი კორპუსის მაცხოვრებლები არ არიან, როგორც გავიგე, შემთხვევითი გამვლელები იყვნენ, დედას ბავშვი ხელში ეჭირა, როდესაც ეს ტრაგედია დაატყდათ.

- გავრცელებული ინფორმაციით, თქვენი კორპუსიდან ბეტონის კონსტრუქცია ჩამოვრდა, რა შეიძლებოდა გამხდარიყო ამის მიზეზი, ძლიერი ქარი იყო?

- არა, მშვიდი ამინდი იყო, შენობიდან ჩამოვარდა აგური, თავისი ნალესით, ეს კორპუსი 40 წელზე მეტისაა, აგურები კორპუსის ზედა ქონგურიდან ადრეც ჩამოცვივდა, თუმცა მაშინ მსხვერპლის გარეშე
გადავრჩით... იმედია, ახლა მაინც მოგვხედავენ ქალაქის შესაბამისი სამსახურები და გაამაგრებენ კორპუსის ქონგურებს.

ქუთაისის საავადმყოფოს მედპერსონალის ცნობით, დედ-შვილი საავადმყოფოში ბავშვის მამამ თვითონვე გადაიყვანა. ამ დროს ბავშვი უკვე გარდაცვლილი იყო, დედა კი ქალატვინის ტრამვით საავადმყოფოშია მოთავსებული. ტრამვა სიცოცხლესთან შეუთავსებელი არ არის. თუმცაღა შეიძლება ითქვას, რომ მომხდარი შეუთავსებელია საღ აზრთან, - თუ კორპუსის მაცხოვრებლები ხედავდნენ, რომ კორპუსიდან აგურები ცვიოდა, ალბათ უნდა ეიძულებინათ ქალაქის თვითმმართველობა მიეხედა იქაურობისთვის.

ეთერ ერაძე (სპეციალურად საიტისთვის)

მკითხველის კომენტარი (31)
ana
15 იანვარი 2016 23:55
არავინ არ ვართ დაზღვეული ასეთი რამისგან გმერთმა ყველას გვაცილოს მაგრამ ალბათ ეწერა ამ საცოდავ ბავშვს ასე თორე რაგა მაინდამაინც იმ დროს ჩამოინგრა, დამეწვა გული ამ ბავშვის ყურებით უფალმა მიიბაროს მისი უცოდველი სული,
keti
14 იანვარი 2016 14:05
Gagvifrinda chveni patara angelozi, gvtismshobeli faravdes shen lamaz suls patara mariam :'(
...
14 იანვარი 2016 13:56
Patara mariami :'(
petre petrosiani
13 იანვარი 2016 11:41
შემოიხედოს ქუთაისის მერიის შესაბამისმა სამსახურმა 9 აპრილის №8-ში პირველი სადარბაზოს თავზე აიხედოს და მომავალ მსხვერპლს აიცილებს თავიდან.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები