"როცა ყველას გვეძინა, შუქი მოვიდა და სახლში მხუთავი კვამლი დატრიალდა" - როგორ გადაარჩინა ძაღლმა სიკვდილს ზურა ყიფშიძის ოჯახი
"როცა ყველას გვეძინა, შუქი მოვიდა და სახლში მხუთავი კვამლი დატრიალდა" - როგორ გადაარჩინა ძაღლმა სიკვდილს ზურა ყიფშიძის ოჯახი
10-01-2016
თურმე მსახიობ ზურა ყიფშიძეს ცხოველები განსაკუთრებულად ჰყვარებია. აი, რა გაიხსენა ბატონმა ზურამ ჟურნალ "გზასთან":

- მყავს ბავშვობის მეგობარი დიმა გედევანიშვილი, რომელიც ფილმში "როცა აყვავდა ნუში" თამაშობს. მის ბინაში, სოლოლაკში ცოლ-შვილთან ერთად ვცხოვრობდი და ჩვენს ძაღლს პატარა სახლი აივანზე მოვუწყვეთ. ერთ საღამოს შუქი ჩაქრა, დენის გამათბობელი კი ჩართული დაგვრჩა. როგორც ჩანს, ღამით ფეხი წავკარი და წავაქციე, მაგრამ ამისთვის ყურადღება არ მიმიქცევია. შუაღამისას, როცა ყველას გვეძინა, შუქი მოვიდა და სახლში მხუთავი კვამლი დატრიალდა... ეს იგრძნო ძაღლმა და აივნის კარს მანამდე ურტყა თათი, ვიდრე კარი არ შემოანგრია; ოთახში შემოვარდა, ყველა გაგვაღვიძა და სიკვდილს გადაგვარჩინა. ამ ზამთარს ბაგირას ვასეირნებდი და ყინულზე ისე დავეცი, ფილტვები "ჩამეკეტა", ვეღარ ამოვისუნთქე. საწყალს, ძალიან შეეშინდა და დიდხანს მლოკავდა; ვიდრე არ ამოვისუნთქე, არ მომეშვა.

-ცხოველები ალბათ ბავშვობაშიც გიყვარდათ?

- კი, ძალიან მიყვარდა, მაგრამ მათი ყოლის უფლებას არ მაძლევდნენ. დეიდები ბინაში სისუფთავეს იცავდნენ და აბა, ბაცილებიან ძაღლს შინ ვინ მიმაყვანინებდა?!. უფლის წყალობით, ახლა ისეთი ოჯახი მაქვს, რომ რამდენ ძაღლსაც მინდა, იმდენს
You must have Flash Player installed in order to see this player.
ვიყოლიებ. ერთი ახლა დაანახვა ჩემი სახლი დეიდებს... გუშინ ღამით საწოლიდან ცოტა ხნით ავდექი. დასაწოლად რომ დავბრუნდი, დავინახე, ბაგირა ჩემს ლოგინში იწვა, თან ისე, რომ ადგილი ჩემთვისაც ჰქონდა დატოვებული (იღიმის). ცხოველები ჩემს მეუღლესაც ძალიან უყვარს. ბავშვობაში თურმე, თავისი ნაგაზი სკოლაში აცილებდა და ეზოში ელოდებოდა; ბოლო გაკვეთილის დასრულების მანიშნებელი ზარი რომ დაირეკებოდა, საკლასო ოთახის კარს თათით აღებდა, ჩემი ცოლის ჩანთას პირით იღებდა და ბავშვი შინ მიჰყავდა. თუ ზარის დარეკვის შემდეგ მასწავლებელი ბავშვებს კლასში შეაყოვნებდა, შანსი არ იყო, ძაღლი პატრონს იქ აღარ გააჩერებდა: მან იცოდა, რომ წასვლის დრო იყო! ვფიქრობ, ბავშვები ცხოველებთან ერთად უნდა იზრდებოდნენ.

ამას წინათ, ჩემს მეგობარს ძაღლი მოუწამლეს და ლამის გავგიჟდი; ადამიანი, რომელიც ამას იკადრებს, ციხეში უნდა ჩასვა! არ მიყვარს ის ხალხიც, ვინც ძაღლებს აჩხუბებს. ოჯახის წევრები უფრო მეტად მიშლიან ნერვებს, ვიდრე ძაღლი და აბა, პატივი არ უნდა ვცე ასეთ ცხოველს?!

იხილეთ სრულად




მერაბი
11 იანვარი 2016 15:29
ნამდვილად მართალი ბრძანდებით პატივს თუცემთ ძაღლი ამას გრძნობს და ცდილობს დაგიფასოს ადამიანებს კი რამდენიც არუნდაც პატივი თან გადაყვე აქეთ გეტყვიან უსირცხვილოთ რაპატივი მეცი ასეთიო.
სხვა სიახლეები
"გამოჩნდებოდა ეკრანზე მშვიდი, ლამაზი, მუდამ გემოვნებით ჩაცმული მომღიმარი ხათუნა დონდუა და ერთგვარი შვება მოჰქონდა საზოგადოებისთვის"
დაწვრილებით...
ადამიანი იწყება ღირსებიდან და მას მხოლოდ საკუთარი ღირსების გავლით შეუძლია, ჭეშმარიტად გააცნობიეროს თავი ამა თუ იმ ერის შვილად!
დაწვრილებით...
უწმინდესს რომ გამართული დაცვის სამსახური სჭირდებოდა, კარგად ხედავდა მამა ნიკოლოზ მინდიაშვილიც (ჩვენი მოძღვარი იყო). როგორც მოგვიანებით გავიგე, სწორედ მან ჩამოუგდო ამ თემაზე პატრიარქს სიტყვა - კარგი ბიჭები მყავს, სამსახურს კარგად ააწყობენ და იქნებ თქვენთან წაიყვანოთო.
დაწვრილებით...
დღევანდელ წერილში რამდენიმე ქართველი პოლიტიკოსის თავს გადახდენილ მხიარულ ისტორიებს მოგიყვებით.
დაწვრილებით...
"სულ ნოსტალგია მაქვს, როცა "ფეისბუკში" ჩემი მშობლიური და საყვარელი დაბა ცემის ფოტოებს ვუყურებ - წელს მაინც რამხელა თოვლი მოსულა"!
დაწვრილებით...

გერმანიის და ავსტრიის ეპარქიის სამღვდელოება და მრევლი ეპარქიის მმართველად მიტროპოლიტ სერაფიმეს (ჯოჯუა) დანიშვნის გამო პროტესტს გამოთქვამს.
დაწვრილებით...
რამდენიმე დღის წინ, საქართველოს პირველი ლედის მაკა ჩიჩუას ძმა, მიხეილ მგალობლიშვილი დააკავეს.
დაწვრილებით...
კვლევის თანახმად, გამოკითხულთა 58%-სთვის ყველაზე მნიშვნელოვანი ეროვნული საკითხი კვლავ სამუშაო ადგილებია.
დაწვრილებით...
თენგიზ აბულაძის ფილმის - "მე, ბებია,­ ილიკო და ილარიონი" - გადაღებისას ბებიის როლის შესასრულებლად 55 წლის სეს­ილია თაყაიშვილმა საღი კბილები დაიძრო.
დაწვრილებით...
ქირავდება 1,5 ოთახიანი ბინა დღიურად,
სასწრაფოდ და იაფად! იყიდება
იყიდება ნაყოფიერი სახნავი მიწა 34
სასწრაფოდ მფლობელისგან! იყიდება ვაჟა-ფშაველას მე-6
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები