"ზოგი სწორად ინფორმირებული არ არის, სხვა კი ნაწყენია ძველებურად რომ აღარ აფინანსებენ" - "გაზპრომთან" მოლაპარაკებას კონცერტით გააპროტესტებენ
"ზოგი  სწორად ინფორმირებული არ არის, სხვა კი ნაწყენია ძველებურად რომ აღარ აფინანსებენ" - "გაზპრომთან"  მოლაპარაკებას კონცერტით გააპროტესტებენ
"ეს "ნაციონალური მოძრაობის" მიერ აგორებული კონცერტია"

"არა გაზპრომს!!! თუ რატომ არა, ჩემი აზრით, ამას ბევრი ფიქრი და ახსნა არ სჭირდება."


16 იანვარს, მთავრობის კანცელარიასთან გაზპრომთან მოლაპარაკებებისა და რუსული გაზის საქართველოში შესაძლო იმპორტის წინააღმდეგ აქცია-კონცერტი გაიმართება, რომლის ორგანიზატორები არიან ორგანიზაციები: Defend Liberty, "ჩვენი თავისუფლება", "საზოგადოებრივი ინიციატივა", "ახალგაზრდა ინიციატორთა კლუბი", უსაფრთხოების საკითხების კვლევის ინსტიტუტი", "სამოქალაქო ალტერნატივა" და "ევროპული კვლევების ინსტიტუტი". კონცერტში მონაწილეობას იღებენ ნიაზ დიასამიძე, ქეთათო, ერეკლე დეისაძე და სხვ. ამ კონცერტთან დაკავშირებით
You must have Flash Player installed in order to see this player.
გვესაუბრებიან "33ა" -სა და "ვაკის პარკის" სოლისტები ნიაზ დიასამიძე და ზაზა ხუციშვილი:

ნიაზ დიასამიძე:
- კონცერტის ორგანიზებაში მონაწილეობა არ მიმიღია, ამიტომ დეტალებზე ვერაფერს გეტყვით, რაც შეეხება თემას თუ რატომ ვმონაწილეობ პასუხი მარტივია - არა გაზპრომს!!! თუ რატომ არა, ჩემი აზრით, ამას ბევრი ფიქრი და ახსნა არ სჭირდება. ვგონებ, რომ ყველაფერი ნათელი და ცხადზე ცხადია.

ზაზა ხუციშვილი:
- ჩემი აზრით, ეს მუსიკოსები ასოცირებული არიან გარკვეულ პოლიტიკურ ძალებთან. შეიძლება ვინმე გულწრფელიცაა, შესაბამისად, გულწრფელ ადამიანებს ყოველთვის აქვთ საკუთარი აზრის გამოთქმის უფლება. რასაც ვუყურებ, გაზის თემაზე ყველაზე უფრო მეტს "ნაციონალურ მოძრაობა" ხმაურობს, მათი ყველაზე ჭკვიანი წარმომადგენელი იყო კახა ბენდუქიძე, მასზე უფრო მოაზროვნე ადამიანი "ნაციონალურ მოძრაობას" არ ჰყოლია, ჰოდა, ეს კაცი ამბობდა, რომ არამცთუ გაზის შემოტანა, არამედ მთლიანი მაგისტრალის გაყიდვაც არაა პრობლემა, როდესაც საქმე ბიზნეს ეხებაო. ახლა კი ლაპარაკი მხოლოდ ზამთრობით არსებული დეფიციტის შევსებაზეა და რუსული გაზი ამ შემთხვევაში არის ერთ-ერთი ალტერნატივა. ბიზნესის ანაბანაა, რომ როცა ერთ მომწოდებელთან გაქვს საქმე ის ყოველთვის მისთვის სასურველ ფასს შემოგთავაზებს და იძულებული ხარ დაეთანხმო, მაგრამ როგორც კი ალტერნატივა გამოჩნდება, უკვე თავისუფლად შეიძლება ფასზე ვაჭრობაც. მეტიც, შეიძლება ბლეფის დონეზე გააჟერო კიდეც, რომ სხვისგანაც ყიდულობ, რათა იმ ერთ მომწოდებელთან ფასზე გქონდეს მოლაპარაკების საშუალება. პირადად მე სწორად მიმაჩნია ენერგეტიკის სამინისტროს მიერ გატარებული პოლიტიკა.

- ანუ ეს კონცერტი ერთგვარად პოლიტიკურად ანგაჟირებულია?
- იმ რაოდენობის გაზის გამო, რის ყიდვასაც ჩვენ ვაპირებთ, ამხელა ხმაურის ატეხვა პოლიტიკური ქულების ჩაწერა უფრო მგონია. ეს არის "ნაციონალური მოძრაობის" მიერ აგორებული კონცერტი. შესაძლოა მუსიკოსთა ნაწილი გულწრფელად ფიქრობდეს, რომ მართლაც რაღაც საშიშროება გვემუქრება, ზოგი კი საერთოდ ვერ ერკვევა პოლიტიკაში და ვიღაცის ხათრით გამოდის კონცერტზე, ზოგი საკმარისად არაა ინფორმირებული, სხვა კი ნაწყენია ბიუჯეტიდან ძველებურად რომ აღარ აფინანსებენ და ა.შ.

- თქვენ თუ შემოგთავაზეს მონაწილეობა?

- ჩემთვის არ შემოუთავაზებიათ და რომც ეთქვათ არავითარ შემთხვევაში არ მივიღებდი მონაწილეობას.

ლადო გოგოლაძე (სპეციალურად საიტისთვის)
მკითხველის კომენტარი (17)
ლევანი
18 იანვარი 2016 21:57
რაც უფრო მეტი ალტერნატივა უკეთესი. ეს ანი-ბანია და ვითომ არ ესმით. კონცერტი ალბათ ფინანსდებოდა იქიდან... გაზპრომიდან 10-12% ნუ გვაშინებს, პირიქით... ირანიდანაც რომ გვქონდეს 20-25%, აზერბაიჯანი თამასას კიდე დაუწევდა. ამისთვის შეხვედრები და საუბრები აუცილებელია. ჩვენ რომ ამ ეტაპზე მინიმუმ სამი მომწოდებელი გვყავდეს, ჩვენი ვაჭრობა თითოეულთან თამამი და ხავერდოვანი იქნებოდა! ზაზა ხუციშვილს როგორც მუსიკოსს, მონადირეს, სამართლიანს და სწორად მოაზროვნეს დიდ პატივს ვცემ. ნიაზ დიასამიძეს რაც შეეხება, გაზპრომის წინააღმდეგი იქნება თუ არა, უდიდეს პატივს ვცემ, სამართლიანი ქართველი კაცია და დიდ საქმეს აკეთებს.
მზია
16 იანვარი 2016 23:49
ჰოდა, ვინმემ გასაგებად თქვას, რას აკეთებს და რატომ, ვარაუდები და ბოდიალი რომ არ იყოს! მერე ევრაზიულ კავშირში გაწევრიანებასაც მოგვთხოვენ, აქაოდა, რუსეთი გაზს ამის გარეშე არ გვაძლევსო, აზერბაიჯანს დავუჭიროთ მხარი, ის არ სჯობია,და რუსებს თავი ხახაში არ ჩავუდოთ, ისედაც შეგვჭამეს!
nikoloza
16 იანვარი 2016 13:02
ვაიმე, ვაიმე,დედა.ნიაზ მოგშივდა ხო ბრატ,ზუმბა სად არის.როგორ არაფრის არ სცხვენიატ ადამიანებს კაცო ფუფ.როგორ დაბლა შეიდზლება დაეცეს ადამიანი ხალხო ხედავტ.კატასტროფაა ხო.მოდი ნიაზ მიშას განავლის მირტმევას ნორმალურ საჯმელს გაჯმევტ.ფუუუ. აზრზე ხარტ ხალხო,სირცხვილია სირცზვილი ბიჯო,მარა ტკვენ ხო არ იციტ რაა სირცხვილი.
ანა!
16 იანვარი 2016 04:49
ეს დიასამიძე დიდი ხანია გაირკვა რაც არის,იმიტომ იღებ მონაწილეობას,რომ ნაციონალი ხარ,ახვრების მეგობარი და ნუ გვეძველბიჭები ხოლმე.რითი მოგხიბლა ამ არაკაცებმა საინტერესოა,შენი წინაპარი ნაღდად შEღცხვებოდა შენი გაგებით და არჩევანით. ძAძA!მსგ ჭკვიანმა ბენდუქიძემ სოპლის მეურნეობაც მოსპო მიშასთან ერთად თავიანთი ბიზნესის გამო და ხოცეს პრინველი და საქონელი სხვადასხვა ხერხებით,მთავარი იყო თავად შემოეტანათ ხორცი და სხვა ნაწარმი საზღვარგარეთიდან და საკუთარ ხალხზე პული ეკეთებინათ ყველა გზით.დიასამიძე კაცად თუ თვლი თავს ოდესმე ხმა ამოგეღო ნაცების არაკაცობაზე,მაგრამ რაც ხარ დავინახეთ უკვე,გინდა იმღერე და გინდა არა,მეტი მაინც არაპერი არა ხარ......
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები