"სასაცილოა იმის თქმა, რომ ეს სიმღერა სომხურია" - ვინ მიითვისა "ყვავილების ქვეყანა?"
"სასაცილოა იმის თქმა, რომ ეს სიმღერა სომხურია" - ვინ მიითვისა "ყვავილების ქვეყანა?"
20-01-2016
ინტერნეტსივრცეში გავრცელებულმა სომხურმა ვიდეორგოლმა ქართველ საზოგადოებაში უკმაყოფილება და პროტესტი გამოიწვია. კლიპში, სადაც სომხურ ენაზე სიმღერას სერობ არჯემიანი ასრულებს, გამოყენებულია ქართული მუსიკალური კულტურის ნიმუშის, სიმღერის  "ყვავილების ქვეყანა" მელოდია. თან მინიშნებულია, რომ ტექსტის ავტორი თავად მომღერალია, ხოლო მუსიკა თურმე მანუკ ხაჩატრიანს ეკუთვნის. სიმღერისთვის სახელად "ჰაიასტანი" დაურქმევიათ, რაც სომხეთს ნიშნავს.

მოგეხსენებათ, რომ წლების განმავლობაში ამ სიმღერას დიდი ჯანო ბაგრატიონი, ხოლო მაესტროს გარდაცვალების შემდეგ, მისი შვილი ასევე ჯანო ბაგრატიონი ასრულებდა. "კვირის პალიტრა" დაუკავშირდა ბატონ ჯანოს:

-  მოგიყვებით ამ სიმღერის ისტორიას. ერთხელ როცა მამის დიდი ჯანოს მეგობარი გოგი ვასაძე ქუთაისში წვეულებაზე იმყოფებოდა, იქ უცნობმა ქალბატონმა მოითხოვა გიტარა, მას რა თქმა უნდა, მიართვეს ბაფთიანი გიტარა, ქალბატონმა კი, რომლის სახელიც, სამწუხაროდ, უცნობია, გიტარაზე გრიშაშვილის ლექსი "ყვავილების ქვეყანა" შეასრულა.

ეს სიმღერა თბილისში ჩამოსვლის შემდეგ გოგიმ მამას მოასმენინა, რომელსაც ძალიან მოეწონა და გადაწყვიტა ემღერა, თუმცა სიმღერას დამუშავება, არანჟირება სჭირდებოდა და მან მიმართა მიხეილ ჩირინაშვილს, ჩირინაშვილის რჩევით კი მათ გადაწყვიტეს ტექსტი უფრო "შეელამაზებინათ" და მიმართეს მამის მეგობარს ბიძინა ფერაძეს. ბიძინას ტექსტი კი, რომელიც შემდეგ მამამ შეასრულა, იწყებოდა ასე: "ყვავილების მეუფევ, თვალი დამიზიანე..."  1946 წლის 6 დეკემბერს კონსერვატორიის დიდ საკონცერტო დარბაზში გაიმართა ქართული ჯაზ-ორჯესტრის ოფიციალური კონცერტი, რომელზეც მამაჩემმა ეს სიმღერა პირველად შეასრულა.

მინდა, გითხრათ, რომ ეს არის ქართული კულტურის მემკვიდრეობა და თუ საჭირო შეიქმნა მისი დაცვა, მე შენახული მაქვს მამის ნამღერი აუდიოვერსია, ჩემი ნამღერი კი ალბათ მოსმენილი გექნებათ... თუმცა მამის სიცოცხლეში ეს სიმღერა არ შემისრულებია, მისი მერიდებოდა და ვერ ვბედავდი, დიდ ჯანოს ჰქონდა შესანიშნავი ლირიული ტენორი. ადრე ვმღეროდი ტექნიკური უნივერსიტეტის გუნდში და ერთხელაც გვთხოვეს, რომ საიუბილეო კონცერტზე სიმღერები შეგვესრულებინა, ორკესტრის ხელმძღვანელს სოსო ტუღუშს, რომელიც ძალიან კარგი
You must have Flash Player installed in order to see this player.
მუსიკალური ხელმძღვანელი იყო ვთხოვე ჩემს ტონალობაში გაეკეთებინა არანჟირება და მართლაც 50 წლის იუბილეზე ვიმღერე გრიშაშვილის ტექსტზე "ყვავილების ქვეყანა" და ასე მივაგე პატივი მამაჩემის ხსოვნას.

სასაცილოა იმის თქმა, რომ ეს სიმღერა სომხურია. ეს არის მიხეილ ჩირინაშვილის დამუშავებული სიმღერა, მან მამის თხოვნით გაუკეთა არანჟირება, გიორგი ვასაძე კი მამას მეგობარი იყო, რომელმაც პირველად მოისმინა ეს სიმღერა უცნობი ქალბატონისგან. ნებისმიერ სასამართლოში შევძლებთ ამის დამტკიცებას...

ეკა გადახაბაძე (სპეციალურად საიტისთვის)

ვიდეო
luxo
23 იანვარი 2016 11:54
გივიკო, შენ კი მართალი არა ხარ! ბუბა თავის გადაცდომებიანათ, მაინც სულით ქართველია, უბრალოდ მედროვე ქართველი, როგორც ქართველთა ორმოცადაერთი პრპცენტი.
beriberi
23 იანვარი 2016 11:43
სიცილით,(ანუ სიცუღლუტით) იწყება ყველა სიბინძურე, გაიხსენეთ" ჯაყოს ხიზნები", დღეს იმის დამტკიცების უფლებასაც არ გვაძლევენ რომ "ცხინვალი" ქართული სიტყვაა და რომ გვირაბის გაჭრა რუსეთისაკენ, მოსკოვის სურვილი და შევარდნაძის ახირება იყო.
სხვა სიახლეები
"მუდმივად ვფიქრობ, ვიეჭვიანებ თუ არა, როცა გაიზრდება, ნიკას დედამისის ნახვა და მასთან ცხოვრება რომ მოუნდეს. ამ დროს, საკითხს ასე ვსვამ: თუ ჩვენ, მშობლებს, შვილი იმისთვის არ გვინდა, რომ სიბერეში მოგვიარონ და "ამაგი" დაგვიბრუნონ, არამედ იმისთვის, რომ ინდივიდებად და მოსიყვარულე ადამიანებად გაზარდოთ, არანაირი ეჭვიანობის საფუძველი არ არსებობს"
დაწვრილებით...
"გამოჩნდებოდა ეკრანზე მშვიდი, ლამაზი, მუდამ გემოვნებით ჩაცმული მომღიმარი ხათუნა დონდუა და ერთგვარი შვება მოჰქონდა საზოგადოებისთვის"
დაწვრილებით...
ადამიანი იწყება ღირსებიდან და მას მხოლოდ საკუთარი ღირსების გავლით შეუძლია, ჭეშმარიტად გააცნობიეროს თავი ამა თუ იმ ერის შვილად!
დაწვრილებით...
უწმინდესს რომ გამართული დაცვის სამსახური სჭირდებოდა, კარგად ხედავდა მამა ნიკოლოზ მინდიაშვილიც (ჩვენი მოძღვარი იყო). როგორც მოგვიანებით გავიგე, სწორედ მან ჩამოუგდო ამ თემაზე პატრიარქს სიტყვა - კარგი ბიჭები მყავს, სამსახურს კარგად ააწყობენ და იქნებ თქვენთან წაიყვანოთო.
დაწვრილებით...
დღევანდელ წერილში რამდენიმე ქართველი პოლიტიკოსის თავს გადახდენილ მხიარულ ისტორიებს მოგიყვებით.
დაწვრილებით...
"სულ ნოსტალგია მაქვს, როცა "ფეისბუკში" ჩემი მშობლიური და საყვარელი დაბა ცემის ფოტოებს ვუყურებ - წელს მაინც რამხელა თოვლი მოსულა"!
დაწვრილებით...

გერმანიის და ავსტრიის ეპარქიის სამღვდელოება და მრევლი ეპარქიის მმართველად მიტროპოლიტ სერაფიმეს (ჯოჯუა) დანიშვნის გამო პროტესტს გამოთქვამს.
დაწვრილებით...
რამდენიმე დღის წინ, საქართველოს პირველი ლედის მაკა ჩიჩუას ძმა, მიხეილ მგალობლიშვილი დააკავეს.
დაწვრილებით...
კვლევის თანახმად, გამოკითხულთა 58%-სთვის ყველაზე მნიშვნელოვანი ეროვნული საკითხი კვლავ სამუშაო ადგილებია.
დაწვრილებით...
ქირავდება 2-ოთახიანი ბინა დღიურად თვიურად
მდებარეობს წერეთლის გამზირზე "კოკა-კოლის" ქარხნის
იყიდება კუთხის, მზიანი
2-ოთახიანი, 60 კვ.მ. დღიურად!
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები