"უბრალოდ ვცხოვრობ და მადლობას ვუხდი უფალს ყოველი დღისთვის" - "ტიფლისელი" ქიარიმას - გიორგი ცაავას ცხოვრების კრედო
"უბრალოდ ვცხოვრობ და მადლობას ვუხდი უფალს ყოველი დღისთვის" - "ტიფლისელი" ქიარიმას - გიორგი ცაავას ცხოვრების კრედო
22-01-2016
"მინდა, უდიდესი მადლობა გადავუხადო ყველა მაყურებელს ამ სითბოსთვის"

მსახიობი გიორგი ცაავა თავის პროფესიაზე უზომოდ შეყვარებული ადამიანია. არაერთი როლი აქავს შესრულებული, თუმცა განსაკუთრებული პოპულარობა სერიალ "ტიფლისში" ტყეში ყაჩაღად გავარდნილი ქიარიმას როლმა მოუტანა, რის შემდეგაც მაყურებელი ტელეკომპანია GDS - ის კიდევ ერთ ტელესერიალ "ქერჩში" მის გამოჩენას დიდი სიხარულით შეხვდა და შეიყვარა კიდეც დედით ქართველი უკრაინელი კაპიტანი. ასევე ინტერნეტსივრცის ჰიტად იქცა მისი შესრულებული სიმღერა. (იხილეთ ვიდეო).
"კვირის პალიტრის" კითხვებს გიორგი ცაავა პასუხობს:

- ბავშვობიდანვე ფიქრობდით, რომ მსახიობის პროფესიას აირჩევდით?

- კი, ადრეული ასაკიდან მომწონდა კინო, თეატრი, სცენა. სულ რაღაცეებს ვაკეთებდი, ვწერდი სიმღერებს, ვმღეროდი... სკოლა როცა დავამთავრე, უკვე მტკიცედ მქონდა გადაწყვეტილი მსახიობობა, ჩავაბარე ხელოვნების ინსტიტუტში სამსახიობო ფაკულტეტზე. მაქვს თეატრალურის დიპლომიც.

- თეატრში თამაში არ გიცდიათ?
- კი, როცა ვამთავრებდი ინტიტუტს, მაშინ ვითამაშე მოზარდ მაყურებელთა თეატრის სპექტაკლში და დირექტორმა შემომთავაზა დავრჩენილიყავი თეატრში. იქ საკმაოდ დიდ ხანს ვიმუშავე. მერე კი უცებ შეიცვალა ყველაფერი - თეატრში მოვიდნენ კინოსტუდიიდან, რეჟისორ ერეკლე ბადურაშვილს მხატვრულ ფილმში "კიდევ ერთი ქართული ისტორია" რაღაც ეპიზოდური როლების სათამაშოდ სჭირდებოდა ქერათმიანი ახალგაზრდები და შეგვარჩიეს რამდენიმე მსახიობი, თუმცა ისე მოხდა, რომ რეჟისორმა გადაწყვიტა, რომ ეპიზოდური როლი აღარ მეთამაშა და მთავარი გმირის პარტნიორი ვყოფილიყავი, ასე მოვიწამლე კინოთი...

ოცამდე ფილმში ვითამაშე უკვე, ყველა ჩემი როლი მიყვარს, არა აქვს მნიშვნელობა ეპიზოდურია, მთავარი თუ მეორეხარისხოვანი... ყველა როლისთვის მაქსიმალურად ვიხარჯები, რათა ბოლომდე შევძვრე გმირის ტყავში. გამორჩეული ალბათ მაინც "ტიფლისია", რომელმაც განსაკუთრებული პოპულარობა მომიტანა...


- "ჩემი ცოლის დაქალებში" გამოჩნდით...
- მინდა ვთქვა, რომ "ჩემი ცოლის დაქალებს" აკეთებს ძალიან ნიჭიერი გუნდი, რომელთაც დიდ პატივს ვცემ. როგორც უკვე გითხარით, ჩემთვის არ არსებობს პატარა და დიდი როლი, საქართველოში არ გვაქვს იმის ფუფუნება, რომ რაღაცაზე უარი ვთქვათ, იმიტომ რომ ზოგადად კინოინდუსტრია ამ ბოლო წლების განმავლობაში ცოტა მოიკოჭლებს, უფრო სწორედ მოიკოჭლებდა. ახლა აშკარად იგრძნობა წინსვლა.

- რას იტყვით ფილმ "მანდარინებზე", სადაც ასევე მოგიწიათ თამაში?
- რა უნდა ვთქვა, "მანდარინებმა", ფილმმა თვითონ თქვა უკვე ყველაფერი. ბატონი ზაზა ურუშაძე არის უძლიერესი რეჟისორი, რომელსაც დიდ პატივს ვცემ. ძალიან მიხარია, რომ ამ ფილმში მივიღე მონაწილეობა.

- ახლა ტელეკომპანია GDS-ში მუშაობთ...

- GDS-ში ვმუშაობ, ფაქტობრივად, მისი დაარსებიდანვე. ვარ პროდიუსერი, "ტიფლისში" რასაც მაყურებელი ხედავს, ლოკაციებს, ყველაფერი არის ჩემი და ჩემი მეგობრების ნაპოვნი და გაკეთებული. GDS-ი არის ჩემი ცხოვრების ნაწილი და უდიდეს პატივს ვცემ ყველას დიდიან-პატარიანად. "მიხარია, რომ მაქვს საშუალება ვაკეთო ჩემი საყვარელი საქმე, ყველას ვუსურვებ ასეთ ბედნიერებას, რადგან იმაზე დიდი ბედნიერება არაფერია, როცა რაც გიყვარს, იმის გაკეთების საშუალება გეძლევა!

- დავუბრუნდეთ სერიალ "ტიფლისს", რომელმაც დიდი პოპულარობა მოგიტანათ, როგორ მოხვდით ამ სერიალში?

- დიდი ხანია ვმეგობრობ ლევან დაბრუნდაშვილთან,
You must have Flash Player installed in order to see this player.
"ტიფლისის" და "ქერჩის"და არა მარტო ამ ფილმების რეჟისორთან. ლევან დაბრუნდაშვილი მაშინ იყო GDS-ის დირექტორი. იმ დროისათვის, ასე ვთქვათ, ჩემი პროფილით არ ვმუშაობდი და საუბარში შემომთავაზა GDS-ში მუშაობა, გვერდში დგომა და დახმარება, რაზეც დიდი სიამოვნებით დავთანხმდი და დღემდე ერთად ვმუშაობთ.

ტიფლისმა არსებითად შეცვალა ჩემი ცხოვრება, ქიარიმას დამსახურრებაა ჩემი პოპულარობა, უდიდეს სიამოვნებას და ბედნიერებას მანიჭებს, როცა სრულიად უცნობი ადამიანები ქუჩაში მცნობენ, მოდიან და გულახდილად მადლობას მიხდიან. ამაზე დიდი ბედნიერება მართლა არ არსებობს. მინდა, უდიდესი მადლობა გადავუხადო ყველა მაყურებელს ამ სითბოსთვის, ყველას  დიდ მადლობას გიხდით!


- კიდევ ერთი სერიალი, რომელშიც მონაწილეობთ "ქერჩში - დაკარგული გმირებია", რომელშიც ოცმეთაურის გრიგორი მალკოვიჩის როლს ასრულებთ. რას იტყოდით ამ სერიალსა და თავად თქვენს პერსონაჟზე?
- მინდა გითხრათ, რომ ეს არის პირველი ფილმი, რომელშიც მთავარ როლს ვთამაშობ, რაც უდიდესი გამოწვევაა ჩემთვის. თვრამეტი წელია კინოში ვარ და ეს არის პირველი ფილმი, რომელშიც მთავარი როლის თამაშის პატივი მხვდა წილად. რაც შეეხება პერსონაჟს, გრიგორი გამოცდილი მეომარია, რომელსაც გამოვლილი აქვს ნახევარი ომი იმ დროისათვის და ხვდება ამ პატარა ქართველ ბიჭებს, რომლებიც გაწვეულები არიან ომში, და შემდგომ მივდივართ ყველა ქერჩში. მამასავით უვლის და უფრთხილდება მათ, შეიძლება თავიდან ეს არ ჩანს, მაყურებელი თავადვე ნახავს რაც მოხდება ფილმის ბოლო ეპიზოდებში...

- სამომავლო გეგმებზე რას გვეტყვით?

- კონკრეტული გეგმა არ მაქვს, უბრალოდ ვცხოვრობ და მადლობას ვუხდი უფალს ყოველი დღისთვის. რაღაც ხომ მაინც იქნება ხვალ, ზეგ... მთავარია არ უნდა დაკარგო სტიმული, არ უნდა მოდუნდე, იცხოვრო სიკეთით და გაუფრთხილდეთ იმ ადამიანებს ვინც ირგვლივ გყავთ.

იხილეთ ფოტოგალერეა: "ტიფლისელი" ქიარიმა - გიორგი ცაავა


მარიამ კაპანაძე (სპეციალურად საიტისთვის)



LEVANI
22 იანვარი 2016 23:03
სად ვნახო ტიფლისი
levani
22 იანვარი 2016 23:01
სად შეიძლება სერიალის ტიფლისის ნახვა
სხვა სიახლეები

ტელეკომპანია PalitraNews-ი ახალ გადაცემას იწყებს, სახელწოდებით "არცოდნა აკრძალულია".

 

დაწვრილებით...
"მნიშვნელოვანია, ნინო კასრაძის თამაშის პროცესს თვალი ადევნო, როგორ უდგება თითოეულ საკითხს, როგორ ირგებს როლს, რაოდენ დიდია მისი პასუხისმგებლობა თითოეული დეტალის მიმართ. სუნთქვას როგორ "იღებს". ეს ჩვეულებრივი მასტერკლასია"
დაწვრილებით...
“თეგეტა მოტორსის” ახალი შეთავაზება ავტომფლობელთათვის „მოამზადე ავტომობილი ზამთრისთვის“.
დაწვრილებით...
აჭარაში, საუკეთესო სერვისის მქონე ტურისტული ობიექტების ვინაობა წლის ბოლომდე გახდება ცნობილი.
დაწვრილებით...
28 ნოემბერს კინოთეატრ ამირანში თბილისის მე-17 საერთაშორისო კინოფესტივალი დაიწყო,
დაწვრილებით...
ეთიოპიის დედაქალაქ ადის-აბებაში, იუნესკოს არამატერიალური კულტურული მემკვიდრეობის დაცვის მთავრობათაშორისი კომიტეტის მე-11 სესიაზე (28 ნოემბერი-2 დეკემბერი) მიიღეს გადაწყვეტილება, საქართველოს მიერ წარდგენილი ნომინაციის "ქართული ანბანის სამი სახეობის ცოცხალი კულტურა" არამატერიალური კულტურული მემკვიდრეობის წარმომადგენლობით სიაში შეტანის თაობაზე.
დაწვრილებით...
"ჩემს დაბადების დღეზე ირინა მეგობართან ერთად მოვიდა. პირველად თვალში მისი თვალები მომხვდა და მერე როგორც ხდება ხოლმე, ჩვენს ურთიერთობაში ეტაპობრივად მოვიდა მოწონება, ვნება, სიყვარული..."
დაწვრილებით...
"კარგია, რომ კულტურის სამინისტრომ დააფინანასა მისი ამ კონკურსებში მონაწილეობა, მაგრამ ამ ფონზე, კიდევ უარესად ჩანს - ამის გამო მისთვის სოციალური სტატუსის შეცვლა და დახმარების მოხსნა"

"იმის გარდა, რომ მარტო ვცხოვრობ და ყველაფერი ჩემი გასაკეთებელია, ელემენტარული საარსებო პირობებიც კი არ მაქვს..."
დაწვრილებით...
ქირავდება ჩეხური 1-ოთახიანი საბურთალოს ქუჩაზე,
3 ოთახიანი ბინა 100კვ.მ. დღიურად,
კუთხის მზიანი ბინა
იყიდება 2500 კვ.მ მიწის ნაკვეთი
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები