საშინელი ტრაგედია თბილისში - ბუნებრივ აირს ამჯერად ახალგაზრდა ცოლ-ქმარი ემსხვერპლა
საშინელი ტრაგედია თბილისში - ბუნებრივ აირს ამჯერად ახალგაზრდა ცოლ-ქმარი ემსხვერპლა
23-01-2016
21 იანვარს, ნაძალადევის რაიონში, ხორნაბუჯის ქუჩაზე ახალგაზრდა ცოლ-ქმარი ბუნებრივი აირის გაჟონვის შედეგად გარდაიცვალა.

27 წლის შორენა აბულაძე და 32 წლის ზაზა ხუხუნაიშვილი რამდენიმე თვის დაქორწინებულები იყვნენ. როგორც ირკვევა, ახალდაოჯახებულებს ბინა ნაქირავები ჰქონდათ. მეზობლებმა მას შემდეგ, რაც მათთან დაკავშირება ვერ მოახერხეს, სამაშველო სამსახური გამოიძახეს. შემთხვევის ადგილზე მისულ მაშველებს ახალგაზრდა ცოლ-ქმარი გარდაცვლილი დახვდათ.

დაღუპული შორენა აბულაძე იუსტიციის სამინისტროს თანამშრომელი იყო. სამინისტროს "ფეისბუკის" გვერდზე სამძიმრის ტექსტი გავრცელდა:

"შორენა აბულაძე 2009 წლის 25 ნოემბრიდან გადიოდა სტაჟირებას აღსრულების ეროვნულ ბიუროში. 2010 წლის 2 აგვისტოს დაინიშნა აღსრულების ეროვნული ბიუროს ადმინისტრაციის საზოგადოებასთან ურთიერთობისა და მარკეტინგის განყოფილების სატელეფონო კონსულტანტის თანამდებობაზე. 2014 წლის 8 მაისიდან მუშაობდა საქმისწარმოებისა და საინფორმაციო სამსახურის საინფორმაციო განყოფილების სატელეფონო კონსულტანტის თანამდებობაზე. იუსტიციის სამინისტრო სამძიმარს უცხადებს გარდაცვლილების ოჯახებსა და ახლობლებს".

"ვერაფრით ვერ ვიჯერებ და ვერ ვინელებ, დღე
და ღამე ვფიქრობ და ვერ ვხვდები ესეთი უსამართლობა რატო უნდა ხდებოდეს, ადამიანებს რომლებსაც ესე უყვარდათ ერთმანეთი სულ თვალებში შესციცინებდნენ, ესე ნაადრევად და ესე საცოდავად რატო უნდა დაესრულებინათ ცხოვრება, როგორ გინდა ახლა რამის გჯეროდეს კიდე და ცხოვრება გიხაროდეს"
.

"რა არის ეს ცხოვრება, დღეს ვართ და ხვალ შეიძლება აღარ ვიყოთ. ადამიანისგან მხოლოდ ტკბილი მოგონებები გრჩება, მთელი დღე შენს სურათებს ვათვალიერებ, ასჯერ შემოვედი შენ საიტზე, სულ აქ იყავი და მგონია შემოხვალ, მთელი დღე ვიხსენებთ შენთან გატარებულ დღეებს, არაფერი ცუდი არ მახსენდება, ერთი მომენტი არ გამახსენდა, სადაც მოწყენილი იყავი, როგორ შეიძლებოდა შენი სიკვდილი, სიცოცხლით სავსე იყავი, ვერცერთს ვერ მოგინელებთ ვერასოდეს", - წერენ გარდაცვლილი შორენა აბულაძის მეგობარები "ფეისბუკში". მათი თქმით, შორენა საოცრად ხალისიანი და სიცოცხლით სავსე გოგონა იყო.

ზაზა ხუხუნეიშვილის "ფეისბუკგვერდიდან" ირკვევა, რომ ახალგაზრდა "იბერია ბიზნეს ჯგუფის" თანამშრომელი იყო.


რუსო
08 თებერვალი 2016 18:27
ღმერთმა შეიწყალოს მათი სულები. ძალიან გული დამწყდა.
...
27 იანვარი 2016 17:23
90-იანი წლებიდან ყოველწლიურად ეწირება ათეულობით ადამიანის სიცოცხლე გაზის გამათბობლებსა და წყლის გამაცხელებლებს და დღემდე არ არის მოსახლეობა ინფორმირებული რეალური გამომწვევი მიზეზის თაობაზე, რაშიც შესაბამისი პასუხისმგებელი უწყებების გარდა ბრალი მიუძღვის მასმედიას, რომელიც არასწორ, გადაუმოწმებელ ინფორმაციას ავრცელებს. აბსოლიტურად უმრავლეს შემთხვევაში სიკვდილის გამომწვევი მიზეზია არა "გაზის გაჟონვა", არამედ ოთახში ნამწვი აირის (გაზის წვის პროდუქტი)დაგროვება, რომელსაც არ აქვს სუნი და თანდათან იწვევს ადამიანის მოწამვლას. ხშირ შემთხვევაში მას ეძინება და შემდგომ გონზე მოუსვლელად იგუდება. რადგან აქცენტი კეთდება "გაზის გაჟონვაზე" ადამიანები უშვებენ საბედისწერო შეცდომას: გულდასმით ამოწმებენ გაზის მილებსა და დამჭერებს (ე.წ. "ხამუტებს") და თუ გაზი არ ჟონავს მშვიდააა. ნამწვი აირის დაგროვების თავიდან ასაცილებლად არსებობს სპეციალური მოწყობილობა, რომელიც განსაზღვრავს ნამწვი აირის კონცენტრაციას ოთახში და ზღვრული კონცენტრაციის შემთხვევაში იძლევა სიგნალს.ასეთი მოწყობილობის არქონის შემთხვევაში, მათ ვინც რისკავს და უდგას "ნიკალას" ტიპის გამათბობელი ან გამაცხელებელი, რომლებშიც ნამწვი აირის სექცია არ არის ჰერმერტულად გამოყოფილი ოთახისგან, ღია უნდა დატოვონ სარკმელი და ხშირად გაანიავონ ოთახი. ღამით კი მსგავსი ტიპის გამათბობლის ჩართული დატოვება ყოვლად დაუშვებელია!
სხვა სიახლეები
„თეგეტა მოტორსი“ ცენტრალურ ფილიალში მსუბუქი ავტომობილებისთვის 20 დამატებითი მომსახურების ადგილი გაიხსნა.
დაწვრილებით...
ყველასთვის საყვარელ კომპოზიტორს, გოგი ცაბაძეს 24 აგვისტოს 92 წელი შეუსრულდებოდა. მან იცხოვრა ისე, როგორც ნაღდმა თბილისელმა, უნიჭიერესმა ადამიანმა... სცენაზე გარდაიცვალა, როგორც ჭეშმარიტი ხელოვანი.
დაწვრილებით...
შეფასებისა და გამოცდების ეროვნული ცენტრი აბიტურიენტების ჩარიცხვებთან დაკავშირებით განმარტებას აკეთებს.
დაწვრილებით...
1744 წელს ირანის 139-წლიანი ბატონობის შემდეგ სვეტიცხოველში, ქრისტიანული წესით, ქართლის მეფედ ეკურთხა ბაგრატიონთა კახეთის შტოს წარმომადგენელი თეიმურაზ II (1744-1762),
დაწვრილებით...
ბათუმმა რიგით მეთერთმეტე მასშტაბურ ავტორბოლას ,,Bridgestone Black Sea Cup-2016” უმასპინძლა
დაწვრილებით...
გიორგი II (1565-1585) იმერეთის მეფემ ხანგრძლივად იმეფა.
დაწვრილებით...
"გზა მქონდა გადაკეტილი და როდესაც საზღვრები გაიხსნა, უკვე სიბერემ მომისწრო... უკვე 72 წლის ვარ. ზოგჯერ მავიწყდება ჩემი ასაკი, განსაკუთრებით მაშინ, როდესაც ვცურავ. ყოველდღე დავდივარ აუზზე. ზოგჯერ გამისწრებენ ახალგაზრდები, მაგრამ მერე ვცდილობ, არ მაჯობონ!..."
დაწვრილებით...
PRIME
ლეილა აბაშიძე: "როდესაც გადასაღებ მოედანზე გამოჩნდა, ამერიკული კინოს გმირს ჰგავდა. თენგიზი არაჩვეულებრივი პარტნიორი იყო, საოცრად მგრძნობიარე, ტაქტიანი და ჭკვიანი. მან შექმნა ქართულ კინოში მამაკაცის ახალი, ინტელექტუალური გმირის სახე"
დაწვრილებით...
PRIME
ჟურნალისტი, "პროფესიით" - ტურისტი, ზღვასა და მთას ვეწვიე. ყველაფერს უცხო თვალით შევხედე, რომ სამშობლოს სიყვარულს არ გადაეძალა და ხარვეზებზე თვალი არ დამეხუჭა

"სანაპიროს ალაგებენ, მაგრამ დამსვენებლები ზღვაში ყრიან ნაგავს, პირდაპირ პლაჟზე ყრიან საზამთროს ქერქებსა და სიმინდის ნარჩენებს, სიგარეტის კოლოფებსა და ნაყინის ქაღალდებს..."
დაწვრილებით...
PRIME
"არ დავასახელებ იმ ადამიანებს, რომელთა სცენაზე დანახვა უფრო გამიხარდებოდა, ვიდრე პარლამენტში"
დაწვრილებით...
PRIME
ქირავდება ან იყიდება 65 კვ.მ
სასწრაფოდ! იაფად იყიდება სახლი ბორჯომში,
ქირავდება ახალგარემონტებული, უცხოვრებელი 2 ოთახიანი
იყიდება სასწრაფოდ. არასტანდარტული, სუფთა,
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები