"მერე კი ეს საშინელი სტიქია მოხდა და ორი და წამართვა..."
"მერე კი ეს საშინელი სტიქია მოხდა და ორი და წამართვა..."
"კვირის პალიტრამ" გერმანიაში გამართული საქველმოქმედო კონცერტიდან შემოსული თანხა 13-14 ივნისის სტიქიით დაზარალებულებს გადასცა

გასული წლის 25 სექტემბერს, ფრანკფურტში, 13-14 ივნისის სტიქიის შედეგად დაზარალებულთა დასახმარებლად, კონცერტი გაიმართა, რომლის ორგანიზატორებიც მარიამ შტილერი-ფოფხაძე და პაატა ბოლოთაშვილი იყვნენ. კონცერტის იდეის ავტორმა, პაატა ბოლოთაშვილმა საღამოს პირველ ნაწილში, პრეზენტაციის სახით, სტუმრებს საქართველოსა და თბილისში 13 ივნისს დატრიალებული ტრაგედიის შესახებ უამბო. კონცერტის მეორე ნაწილი კი ცნობილ, გერმანიაში მოღვაწე ვირტუოზ მუსიკოსებს
You must have Flash Player installed in order to see this player.
დაეთმო. დასწრება თავისუფალი იყო.
შემდეგ, მათ ქართული კერძები და ღვინო დააგემოვნეს, რომელთა საფასურიც, ასევე შემოწირულობის სახით, დაზარალებულთათვის შეგროვდა და გადმოეგზავნა.
როგორც "კვირის პალიტრასთან" საუბარში ერთ-ერთი ორგანიზატორი მარიამ შტილერი-ფოფხაძე აცხადებს, მათ თავად აარჩიეს ორი
13 ივნისის დაზარალებული და შეგროვილი თანხა მათზე გაიყო.


დავით ხიჯაკაძე, 13 ივნისის დაზარალებული:
- სტიქიისას მე და ჩემი ცოლ-შვილი ვერეს ხეობაში ვიყავით, ივნისის ტრაგედიის შემდეგ, ფაქტობრივად, ბოსელში გვიწევდა ცხოვრება, მაშინ, ლამის ყველა ტელევიზიამ გააშუქა ჩვენი საცხოვრებელი პირობები... შემდეგ, მერიის ქონების მართვის სააგენტოს წარმომადგენლის რეკომენდაციით (მან მოამზადა ყველა საჭირო დოკუმენტი და მიმართვა) სულ რამდენიმე კვირაა, მოსკოვში
მოღვაწე მომღერლებმა, დებმა მედეა და მირანდა მირიანიშვილებმა, გვიყიდეს ოროთახიანი ბინა, სადაც შეგვასახლეს. მეუღლეს მწვავე არითმია აქვს. მე, როგორც გითხარით, უმუშევარი ვარ, ეს თანხა, მართლაც მისწრებაა ჩვენთვის. ათასი რამე გვაქვს შესაძენი, მაგიდა და სკამებიც კი არ გვაქვს.

ლუკა ზარანდია, 14 წლის, 13 ივნისის დაზარალებული:
- იმ ღამეს, როდესაც ტრაგედია მოხდა, სახლში ვიყავი ნუცუბიძეზე, მეძინა...

ჩემი დები მარჯანიშვილზე იყვნენ, კაფეში, მეგობრებთან ერთად... როდესაც წვიმა დაიწყო, იმ დროს ისინი გმირთა მოედანით ტაქსით ბრუნდებოდნენ სახლში.
ინდირამ თავის შეყვარებულს, ირაკლის დაურეკა, ამა და ამ ადგილზე ვართ და სახლში რომ მივალთ, შეგეხმიანებიო, მაგრამ არ შეხმიანებია, ირაკლიმ ლიზისაც დაურეკა, მაგრამ ვერც მას დაუკავშირდა... მათთან დაკავშირება ვერც დედაჩემმა შეძლო და დავიწყეთ ძებნა... რამდენიმედღიანი ძებნის შემდეგ, ჯერ ინდირა იპოვეს, შემდეგ ლიზი... სერგი, ჩემი დის შეყვარებული დღემდე არ არის ნაპოვნი. ისევე როგორც ტაქსის მძღოლი, ვინც მართავდა მანქანას...
13 ივნისს გარდაცვლილი ინდირა და ლიზი ზარანდიები

- ლუკა, ახლა სად ცხოვრობ?
- ახლა ხობში დავბრუნდი საცხოვრებლად, მშობლებიც იქ არიან... ამ თანხას დედას ჩავუტან და ერთად გადავწყვეტთ, რაში უნდა მოვიხმაროთ. ძალიან დიდი მადლობა ყველას, ვინც გერმანიაში ჩვენი ტრაგედია გულთან მიიტანა და ასევე "კვირის პალიტრას". საბედნიეროდ, გულისხმიერი ადმიანები ბევრი არიან, ისეთი შემთხვევებიც ყოფილა, რომ პენსიონერს დაურეკავს, - 50 ლარს გირიცხავთო და სახელი და გვარიც არ უთქვამს. ასევე, მოსკოველმა დებმა მირიანაშვილებმა გვიყიდეს ბინა თბილისში. იქამდე ქირით ვიყავით. დედ-მამა გარევაჭრობით არჩენდნენ ოჯახს. ჩემი ორივე და მუშაობდა და ასე გაგვქონდა თავი. თითქოს ყველაფერი კარგად იყო... მერე კი ეს საშინელი სტიქია მოხდა და ორი და წამართვა...


იხილეთ ასევე: საქველმოქმედო კონცერტი გერმანიაში – რას ჰყვებიან გაწბილებული და მადლიერი ორგანიზატორები?

ლალი პაპასკირი (სპეციალურად საიტისთვის)


მკითხველის კომენტარი (4)
sofo
28 იანვარი 2016 10:17
ძალიან კარგია, რომ გაშუქდა ეს ქველმოქმედება. ყველა სიკეთეზე უნდა დაიწეროს და ითქვას, რაც კეთდება. აგერ, ვინმე დებ მირიანაშვილებს ბინაც უყიდიათ ზარანდიების ოჯახისათვის. ამაზეც ვრცლად უნდა დაიწეროს, ვინ არიან ეს ქველმოქმედი დები. ჟურბალისტებს ვთხოვ, მეტი წერონ სიკეთეზე და ადამიანობაზე და ნაკლები სისასტიკესა და არაჰუმანურობაზე. სკანდალებით და რეიტინგული, მაგრამ არაფრისმთქმელი ინფორმაციით მხოლოდ ბოროტებას თესავთ და ამას მერე ყველა ერთად ვიმკით. არადა, სიკეთე ბევრად ჭარბობს ბოროტებას, თუნდაც თანამედროვეობაში.
rrrrrrrrr
28 იანვარი 2016 09:08
ეს ყველაფერი ზალიან კარგი დასასიამოვნოა, მაგრამ რა თანხა შემოვიდა რატომ არ წერენ?????
qeti
27 იანვარი 2016 23:15
Chven dgesvro mxned vart im ketili xalxis damsaxureebaa vinc ar dagvtova marto.da gagvamxneva
...
27 იანვარი 2016 23:13
Gaixaret ro daexmaret.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
თვის კითხვადი სტატიები