"შვილის დაბრუნებაში დამეხმარეთ"
"შვილის დაბრუნებაში დამეხმარეთ"
27-01-2016
ნაწყვეტი  ჟურნალ "გზის" ექსკლუზიური სტატიიდან:

ახალგაზრდა ქალი, ნინო ახალაძე სამართალდამცავებსა და სახელმწიფოს თვე-ნახევარია, შვილის პოვნაში დახმარებას უშედეგოდ სთხოვს. მისი ერთადერთი 10 წლის შვილი ქვეყნიდან ქმარმა ისე გაიყვანა, რომ ნებართვაც არ უთხოვია. აცხადებს, რომ ქმარმა და ქმრის ოჯახის წევრებმა ბავშვი, ფაქტობრივად, მოსტაცეს. დარწმუნებულია იმაშიც, რომ განზრახვის განხორციელებაში ქმარს მისი ძმა, "მემარცხენე ალიანსის" ლიდერი, კახა ძაგანია და მისი ცოლი დაეხმარნენ.

ნინო ახალაძე 4 წელიწად-ნახევარი ქმართან, ბექა ძაგანიასა და შვილთან ერთად საფრანგეთში, კერძოდ - ნიცაში ცხოვრობდა. საქართველოში შვილთან ერთად აგვისტოში ჩამოვიდა და უკან დაბრუნებას აღარ აპირებდა. ქმართან განქორწინება სურდა და სასამართლოში გაყრის საბუთები უნდა შეეტანა, მაგრამ მოულოდნელად დედას ბავშვი წაართვეს.

ნინო ახალაძე:

- ჩემი ოჯახი 11 წლის წინ შეიქმნა. ვიცოდი, ბექა ნარკომანი რომ იყო, მაგრამ მიყვარდა და ამიტომ გავყევი ცოლად. მეგონა, ოჯახის შექმნის შემდეგ მისი ცხოვრების წესი შეიცვლებოდა, მაგრამ ასე არ მოხდა. დაქორწინებიდან მალევე პრობლემის წინაშე დავდექი. ხშირად ვკამათობდით, სულ პრობლემები გვქონდა, ბევრჯერ წამოვსულვარ კიდეც მისი სახლიდან. ჩემი შვილი რომ დაიბადა, ბექა საქართველოში არ იყო. 6 თვის იყო ჩემი შვილი, მასთან ერთად იმ სახლიდან რომ წამოვედი. 3 წელი დედაჩემთან ვცხოვრობდი და ვზრდიდი ჩემს შვილს, მერე ისევ შევრიგდით და უკან დავბრუნდი.

- რა იყო კონფლიქტის მიზეზი?

- მისი ცხოვრების წესი. ყველაფერზე შეეძლო ეჩხუბა. მერე ციხეშიც აღმოჩნდა, ნარკოტიკების ბრალდებით დააკავეს. წელიწადი და რამდენიმე თვე იქ გაატარა. ხელი მოწერილი არ გვქონდა, ციხეში პაემანზე რომ მომენახულებინა, ქორწინების მოწმობა იყო საჭირო და ამიტომ ხელის მოწერამ ციხეში მომიწია. 2010 წლის 10 დეკემბერს გამოვიდა ციხიდან. 2011 წლის თებერვალში გადავწყვიტეთ, საფრანგეთში წავსულიყავით და აქაურობას ცოტა ხანი გავრიდებოდით. იქ ჩავბარდით, როგორც დევნილები. სტატუსიც მოგვანიჭეს, დახმარებას ვიღებდით, ნაქირავებ ბინაში ვცხოვრობდით. პერიოდულად მეც ვმუშაობდი, საქართველოდანაც გვიგზავნიდა თანხას ბექას ოჯახი. მეტადონის პროგრამაში ჩაერთო, მაგრამ მედატონის პარალელურად, კოკაინს მაინც იღებდა. ბევრჯერ ვიფიქრე იქიდან წამოსვლა, მაგრამ ისევ ვჩერდებოდი მხოლოდ იმიტომ, რომ მეცოდებოდა. მას დამოუკიდებლად არაფრის გაკეთება არ შეუძლია, არც ენა იცის. 4 წელიწად-ნახევარი დავრჩი საფრანგეთში, მაგრამ ვეღარ გავუძელი და გადავწყვიტე, დავბრუნებულიყავი საქართველოში. აგვისტოში ჩამოვედით, არ ვიცოდი, დავბრუნდებოდი უკან თუ არა. ყველაფერი კარგად რომ გავაანალიზე, ბოლოს უარი ვთქვი დაბრუნებაზე.

- ეს მეუღლემ იცოდა?

- ეს არავისთვის იყო სიახლე. ყველამ იცოდა, ან დავბრუნდებოდი, ან - არა. უკან რომ აღარ დავბრუნდებოდი, ეს ვუთხარი. დედამისს ეს არ მოეწონა და ძალიან გაღიზიანდა. იმაზე გაგიჟდნენ, როგორ დავტოვე მარტო. ჩემი ქმარი ამას თავიდან არ აპროტესტებდა, მაგრამ დედამისმა გადაუბრუნა ტვინი და უთხრა, თითქოს ზურგში დანა ჩავცხე. თავიდან განქორწინებაზეც იყო თანახმა, მაგრამ დედამისთან საუბრის შემდეგ გამომიცხადა, რომ განქორწინების წინააღმდეგი იყო და ხელს არ მოაწერდა.

- შვილმა თუ იცოდა რამე?
- 10 წლის ბიჭი მყავს. მას ავუხსენი ყველაფერი. ვუთხარი, - მე ასე გადავწყვიტე და შენ რას იტყვი-მეთქი?
ბავშვი ნიცაში სწავლობდა, მისი აზრი ხომ უნდა მცოდნოდა. შენ რასაც მეტყვი, იმას გავაკეთებ-მეთქი. ბავშვმა ტირილი დაიწყო, - აქ მომწონს ცხოვრება და აქ მინდა, მაგრამ იქ თუ არ წავალთ, მამას დავკარგავ, სახლიდან წავა მამაჩემი და მისთვის მიცემულ სიტყვას გავტეხო. ეტყობა, მამამისმა უთხრა, იქ არ დარჩეო. იმდენად ჰქონდა მამისგან ეს ჩაბეჭდილი, რა საკითხზეც უნდა გელაპარაკა მასთან, ბოლოს გეტყოდა, საქართველოში დასასვენებლად ჩამოვედიო. მერე ავუხსენი, - მამას როგორ დაკარგავ, შვილო? ისიც ჩამოვა შენთან, შენც ჩახვალ არდადეგებზე-მეთქი. ეს რომ გაიგო, ძალიან ბედნიერი და გახარებული იყო...

სტატია იხილეთ სრულად ჟურნალ "გზის" 28 იანვრის ნომერში


lia
02 თებერვალი 2016 21:01
სასწრაფოდ წადი და იქ სასამართლოს ძალით დაიბრუნე ბავშვი,თუ შვილის დაბრუნება მართლა გინდა და ხარ ამისთვის საბრძოლველად მზად.საქართველო დღეს არის მათხოვარი ქვეყანა რომელსაც ფეხებზე ჰკიდია თავისი მოქალაქეები.ამ ქვეყანაში არავინ არ გაინძრევა შენს დასახმარებლად.იქ დაგჭირდება ადვოკატის აყვანა და რადგან მამას ნარკოტიკებზე ჰქონდა პრობლემა ეს ძალიან წაგეხმარება .შვილის ნახვაზე მაინც უარს ვერ გეტყვიან და თანდათან უნდა იმოქმედო იმ გზით(ბავშვს ელაპარაკო),როგორც ისინი იქცევიან. მოგიწევს იქ მუშაობაც რას იზამ.ალბათ 2-3 წელი მაინც დასჭირდება ამ ყველაფეს,თუ მათ იქაური მოქალაქეობა აქვთ მიღებული უფრო რთული იქნება ეს ყველაფერი რასაკვირველია.აქ მოაგროვე ცნობები რომ ბავშვი გაყვანილი ჰყავს თანხმობის გარეშე,ვინ იცის რაში გამოგადგება.
eka
02 თებერვალი 2016 20:50
კლავიატურის ლომები ნახე რა,იმიტომ გვენგრევა ქვეყანა თავზე,ამიტომ იმსახურებს ქართველობა იმას რაც აქვთ, ჯერ სადა ხართ ,ასეთი სიბინძურე რომ გიდევთ სულში კიდევ კარგად მოგიწევთ მოხრეკვა "ცხელ ტაფაზე".ყველაფერი უკან დაგიბრუნდებათ ,ერთი სიტყვაც კი არსაც არ იკარგება,თან ნიშნის მოგებით ნათქვამი,ეხლა ესენი წარმოიდგინე რა იქნებიან ოჯახში.ვაი თქვენი შვილებისა და საერთოდ მოდგმის ბრალი.
სხვა სიახლეები
შესაძლებლობა გეძლევათ, ვიდეოთვალის გამოყენებით პოლიტიკოსებს თქვენთვის საჭირბოროტო საკითხებზე კითხვა დაუსვათ
დაწვრილებით...
PRIME
"ნაცვლად იმისა, "ჭკვიან შუქნიშანს" დაერეგულირებინა მოძრაობა და განეტვირთა საცობები, პირიქით, ხშირად საცობის წარმოქმნის მიზეზი ხდება"

2011-2015 წლებში "სმარტშუქნიშნების" მონტაჟსა და სერვისზე დახარჯულია 13, 3 მილიონი ლარი. მერიის განმარტებით, ახალი შუქნიშნები ძველთან შედარებით ბევრად ძვირად ღირებულია
დაწვრილებით...
PRIME
"ძველი პროექტით ხიდი იმის ნახევარი იყო, ვიდრე უნდა ყოფილიყო, ბურჯები კი - მოკლე და უსაძირკვლო. ხიდის კონსტრუქციის მშენებლობა კი უკვე დაწყებული იყო"
დაწვრილებით...
PRIME
სპეციალური მომზადების დროს მფრინავს სიმულაციებით, ტრენაჟორებით უქმნიან ფორსმაჟორს, არასტანდარტულ სიტუაციებს და ავარჯიშებენ, ასწავლიან, როგორ მოიქცეს. უპირველესი პრევენციაა მუდმივი ტრენინგი და კვალიფიკაციის ამაღლება
დაწვრილებით...
PRIME
"ბიჭებს შევძახე, დაწექით-მეთქი და ჭურვი მაღლა ავაგდე, მაგრამ მას ჩემი ხელებიც თან გაჰყვა"

"ჩემს შვილებს დავუბარე, თუ ოდესმე დავბრუნდით, ჩემი ნეშტი აფხაზეთის მიწას მიაბარონ"
დაწვრილებით...
PRIME
საქართველოში პირველი და მსოფლიოში­ მეცხრე უსინათლო ვარ, ვინც მწვერვალი დალაშქრა, მაგრამ ეს არაფერი იყო ჩემთვის. უფრო მნიშვნელოვანი იმის დამტკიცება იყო, რომ ფიზიკური ნაკლის მიუხედავად, ჩვენც შეგვიძლია წვლილის შეტანა ქვეყნის აღმშენებლობაში
დაწვრილებით...
PRIME
"ჩვენი მიზანია, ახალგაზრდები უსაქმურობას გამოვტაცოთ. მეტიც, ამ თამაშით მივაღწიოთ ისეთ მომზადებას, რომ თუ დაგვჭირდა, ნამდვილ ომში საზარბაზნე ხორცი არ ვიყოთ"
დაწვრილებით...
PRIME
"პალიტრა L"-მა უფროსებსაც დიდი სიურპრიზი მოუწყო - გამომცემლობის წიგნებზე 40-დან 80%-მდე ფასდაკლება მოქმედებდა
დაწვრილებით...
PRIME
ქირავდება 1,5 ოთახიანი ბინა დღიურად,
იყიდება 2-ოთახიანი, 42 კვ.მ ბინა
ქირავდება სასტუმროს ნომრები დღიურად
ქირავდება 60 კვ.მ. 2
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები