"ოღონდ თქვენ იყოთ ახლა ცოცხლები!" - საშინელი ავტოავარია და სავალალო ქრონიკა
"ოღონდ თქვენ იყოთ ახლა ცოცხლები!" - საშინელი ავტოავარია და სავალალო ქრონიკა
06-02-2016
"ღმერთო, დაიფარე გადარჩენილები!"

28 იანვარს სამეგრელოში საშინელი ტრაგედია დატრიალდა. საღამოს საათებში, ზუგდიდი-ჯვრის საგზაო მონაკვეთზე "ფორდისა" და "ოპელის" მარკის ავტომობილები ერთმანეთს შეეჯახა. მანქანა, რომელშიც 6 ახალგაზრდა იჯდა, შეჯახების შემდეგ რკინის ღობეს შეასკდა და ისე დაიმტვრა, ხალხს დაშავებულების გამოყვანა ძალიან გაუჭირდა.

ოთხი ახალგაზრდა ადგილზევე დაიღუპა, ხოლო მათი ორი მეგობარი დღემდე ებრძვის სიკვდილს. ისინი კომატოზურ მდგომარეობაში არიან და ექიმები ყველაფერს აკეთებენ მათ გადასარჩენად.

მეგობრები თურმე, ზუგდიდიდან ჯვარში ბრუნდებოდნენ. სახლამდე რამდენიმე კილომეტრი ჰქონდათ გასავლელი. მანქანას ავთო ქუხილავა მართავდა, მასთან ერთად კი იყვნენ: გიორგი ციმინტია, ბაჩანა შონია და ლევან მატუა. ეს ბიჭები დაიღუპნენ. სიკვდილს ვერ გადაურჩა მეორე მანქანის მძღოლი, 19 წლის დათო ბერიშვილიც, ხოლო მის მანქანაში მყოფები, თვითმხილველების თქმით, სასწაულებრივად გადაურჩნენ სიკვდილს. ავარიის დროს მძიმედ დაშავდა 6 ადამიანი. იმედია, ექიმები მათ გადარჩენას შეძლებენ.

გარდაცვლილი მეგობრები ჯვარში ერთმანეთის მეზობლად ცხოვრობდნენ. ხუთივე ერთსა და იმავე დღეს მიაბარეს მიწას. ფაქტზე გამოძიება სისხლის სამართლის 276-ე მუხლის მე-7 ნაწილით მიმდინარეობს, რაც სატრანსპორტო საშუალების ექსპლუატაციის წესების დარღვევას გულისხმობს. ერთ-ერთი ვერსიით, ავთო ქუხილავას დათოვლილ გზაზე მანქანა მოუსრიალდა, საჭის დამორჩილება ვეღარ შეძლო და ჯვარიდან სოფელ ლიაში მიმავალ ავტომანქანას შეასკდა, რომელსაც დათო ბერიშვილი მართავდა.

სტავრო ჭანტურია, გამგებლის წარმომადგენელი ჯვარში:
- ახლა იმის გასარკვევად არავის სცალია, თუ რა მოხდა. მთელი ქალაქი გლოვობს ამ ახალგაზრდებს. ძნელია, რაიმე სანუგეშო უთხრა მათი ოჯახის წევრებს. ბიჭები ერთად გაიზარდნენ. ყველა კარგი ოჯახის შვილია. პატიოსანი, სიცოცხლით სავსე ახალგაზრდები იყვნენ. ყველა ერთად მივაბარეთ მიწას და ხომ წარმოგიდგენიათ, რა დღეში ვიქნებით. მეორე მანქანა სოფელ ლიაში მიდიოდა. იმ მანქანის საჭესთან დათო ბერიშვილი იჯდა და ისიც ფაქტობრივად, ჯვარში გაიზარდა. 5 წელია, დათო აქ ცხოვრობს. მართალია, მისი მშობლები სოფელ ლიაში არიან და დათო იქ დაიბადა, მაგრამ ბაბუა ჯვარში ჰყავდა, ამიტომ ხშირად ჩამოდიოდა. ბაბუამ შვილიშვილს აჩუქა თავისი სახლი და ახლა ოჯახთან ერთად, აქ ცხოვრობდა. დათოც ჯვარში დაიკრძალა. მას ოჯახი ახალი შექმნილი ჰქონდა, ერთი ვაჟი დარჩა. დაღუპულ ბიჭებსაც კარგად იცნობდა. დაღუპულებს შორის დათო ყველაზე უმცროსი იყო - 19 წლის. ბაჩანა შონიაც დაოჯახებული იყო. მას ობლად დარჩა ორი პატარა. რაც შეეხება ლევან მატუას, ის დედისერთაა. უმაღლესი სასწავლებელი დაამთავრა და ახლა სამსახურის დაწყებას აპირებდა. პერსპექტიული ახალგაზრდა იყო. სამწუხაროა ჯან-ღონით სავსე ახალგაზრდების გარდაცვალება. ახლა იმ ბიჭებისთვის ვლოცულობთ, რომლებიც სიკვდილს ებრძვიან. ისინი კომაში არიან. ერთს გაუკეთეს ოპერაცია და ხობის საავადმყოფოში წევს, მეორე ზუგდიდშია, ორი კი თბილისშია გადაყვანილი. გერგედავა და ქარდავა დათო ბერიშვილის მანქანაში ისხდნენ. ზუსტად რა მოხდა, არავინ იცის. ვარაუდობენ, რომ სოფელ ლიადან მომავალ მძღოლს მანქანა მოუცურდა.

"საშინელებაა იმის გადმოცემა, რაც ვნახეთ: ჯართად ქცეული მანქანები, საიდანაც დასისხლიანებული ბიჭები გამოჰყავდათ. ყველა მხრიდან ისმოდა ხმა, - მიშველეთ! იქნებ ცოცხალია, იქნებ გადავარჩინოთო. წამებში გაივსო
ხალხით იქაურობა, გამოიძახეს სამაშველო სამსახურები. ვერ შევძელი ამის ყურება, ვიდექი და ვკიოდი ისტერიულად. ზოგი შველას
You must have Flash Player installed in order to see this player.
ითხოვდა, ტანჯვა არ წყდებოდა. თითქოს ღმერთმა მიგვატოვა იმწუთას. ვუყურებდით, აშოლტილი, სიცოცხლით სავსე ბიჭები როგორ გვეცლებოდნენ ხელიდან. მალე მათი ოჯახის წევრებიც მოვიდნენ. დედის კივილი ახლაც ყურში ჩამესმის, - ჩემი შვილი მანახეთო!.. ახლოს არ უშვებდნენ. რამდენიმე უკვე გარდაცვლილი იყო, რამდენიმე საავადმყოფოში წაიყვანეს. მართლა შავად შეიმოსა მთელი სამეგრელო. ეს რა დღე იყო, ამის დავიწყება შეუძლებელია!", - ამბობს მეზობელი.

ბიჭების ერთ-ერთი მეგობარი წერს (სტილი დაცულია):

"დღეს მთელი ჯვარი ტირის და ყველას გვტკივა, რომ წახვედით ამქვეყნიდან და მხოლოდ უსაშველო ტკივილი და სიცარიელე დაგვიტოვეთ. არ გვინდა, ეს მწარე სიმართლე დავიჯეროთ. ნეტავ, სიზმარი იყოს. რას არ ვიზამდით, ოღონდ თქვენ იყოთ ახლა ცოცხლები!.."  ღმერთო, დაიფარე გადარჩენილები!"

საუბედუროდ, ძალზე ხშირად სრულდება ავტოსაგზაო შემთხვევა უმძიმესი შედეგით. სტატისტიკაც საგანგაშოა. არაერთი ადამიანი ემს­ხვერპლა ავარიას და ბევრი ოჯახი განადგურდა. ფაქტების ჩამოთვლა ალბათ, შორს წაგვიყვანს, მაგრამ ბოლო დროს მომხდარ რამდენიმე შემთხვევას გავიხსენებთ:

* ახალი წლის დღეებში უდიდესი ტრაგედია დატრიალდა სოფელ ნორიოში: მომხდარი ავტოსაგზაო შემთხვევის შედეგად გარდაიცვალა 6 ადამიანი, მათ შორის, ერთი ოჯახის 4 წევრი იყო!.. იმ საბედისწერო დღეს, ცოფურაშვილების ოჯახი სოფელ გამარჯვებიდან შინ, ნორიოში ბრუნდებოდა. მანქანაში ისხდნენ: 53 წლის მანანა გოგოლაძე, მისი შვილები: 25 და 23 წლის ცოტნე და ნატო ცოფურაშვილები და მანანას დისშვილი, 22 წლის ცოტნე აფციაური. გავრცელებული ინფორმაციით, მათ ავტომობილს საპირისპირო მხრიდან მომავალი მსუბუქი მანქანა შეეჯახა, რის შედეგადაც ავტომობილი ხევში გადავარდა. მეორე მანქანაში მყოფი ორი მგზავრიც ადგილზევე დაიღუპა, ერთი კი მძიმედ დაშავდა და საავადმყოფოში გადაიყვანეს.

იხილეთ სრულად
მკითხველის კომენტარი (0)
კომენტარი ჯერ არ გაკეთებულა.
იყავი პირველი!
სხვა სიახლეები
"გვარამია ნულია ჩემს თვალში! ეს არის მიხეილ სააკაშვილის რუპორი და ყოფილი პროკურორი, რომელმაც რატომღაც გადაწყვიტა, რომ მუსიკაში ერკვევა..."
დაწვრილებით...
ძველად ონიქსს „ბელადების ქვას“ უწოდებდნენ, რადგან მას თავისი ძალით შეუძლია მფლობელს მოუტანოს ძალაუფლება, გონებამახვილობა, დაეხმაროს პატრონს მტრის გეგმების გამოცნობაში.
დაწვრილებით...

სილქნეტის მომხმარებლები სულ უფრო ხშირად იყენებენ ისეთ მომსახურებას, რომელიც გაუმარტივებს ყოველდღიურობას ან სახლიდან გაუსვლელად  მოუგვარებს პრობლემას.

დაწვრილებით...
"დგახარ 5049 მეტრ სიმაღლეზე და ქვეყანა შენი გგონია"

"მყინვარზე ასასვლელი­ რთული გზაც არსებობს და იოლიც. ჩემს ასაკში გაცილებით რთულია, მაგრამ ერთი რამ, რაც მთებში სიარულმა მასწავლა, ძალისა და ენერგიის განაწილებაა. მიზნის მიღწევაში, რა თქმა უნდა, ბუნებამ და ამინდმაც უნდა შეგიწყოს ხელი"
დაწვრილებით...
PRIME
"სიკვდილის შიში არ მქონდა, ან რა უფლება მქონდა, ამაზე მეფიქრა, როცა ვიცოდი, რომ ორივე შვილი ფრონტის წინა ხაზზე მყავდა"

"ამ ომში კარგი ახალგაზრდები დავკარგეთ. გული მწყდება, რომ ახალმა თაობამ მათ შესახებ არაფერი იცის. იყო შემთხვევები, როცა ხუთი კაცი ერთი იარაღით იბრძოდა. ეს ხომ არ უნდა მიეცეს დავიწყებას?! ყოველთვის უნდა გვახსოვდეს ჩვენი გმირები, რომლებმაც საქართველოს უახლესი ისტორია შექმნეს"
დაწვრილებით...
PRIME
რამდენჯერ მინატრია ბეღურობა - ავფრინდებოდი და საკენკს მოვიძიებდი... გიჟი არ გეგონო, შვილო, ამას რომ ვამბობ, მაგრამ ეს პატარა ფრინველი ჩემზე ბედნიერიც არის და თავისუფალიც

"ამ უბნის ყველა კატა მიცნობს, მაგრამ ახლა ხედავ რომელიმეს? როგორც კი განათდება, ეს ონავრებიც საშოვარზე გამოდიან და ხომ უნდა დავასწრო, მერე ნაგვის მანქანაც ჩამოივლის და ჭირი მოგჭამა ჩემმა ნამცეცებმა... კიდევ, ხალხს ვერიდები, შვილო..."
დაწვრილებით...
PRIME
"ინგლისში სცენაზე ავიდნენ დედოფალი და პრინცი ჩარლზი და დათოს პირადად მიულოცეს წარმატება. რამდენჯერმე ბუკინგემის სასახლეშიც მიიწვიეს"

"ამერიკაში საბალეტო სკოლას ვხელმძღვანელობ, ბევრი ხელოვანი აღვზარდე, ჯილდოც ბევრი მივიღე...
დაწვრილებით...
PRIME
"ბათუმი თურქეთს ყოველთვის ქართულად მოლაპარაკე თურქებით დასახლებულ თურქულ ქალაქად მიაჩნდა"
დაწვრილებით...
PRIME
"ერთხელ გავეხუმრე, მკლავზე მოვკიდე ხელი - ბატონო დოდო, მართლა ასეთი მაგარი იყავით ახალგაზრდობაში-მეთქი? გასწიე, ბიჭო, ხელი, შენისთანას თორმეტს მაინც მოვერეოდიო"
დაწვრილებით...
PRIME
"მარტოხელა დედა თურქეთში წავედი სამუშაოდ. გავიცანი კაცი, რომელიც ნარკოტიკების მომხმარებელი გამოდგა. მერე მეც მომინდა გამესინჯა, რას განიცდიდნენ მისი ზემოქმედებისას"
დაწვრილებით...
PRIME
ქირავდება 4 ოთახიანი, დიდი, ნათელი,
ქირავდება დღიურად, ყველანაირი კომფორტით, ინტერნეტი,
ქირავდება ახალ აშენებულ კორპუსში ახალი
სასწრაფოდ და იაფად! შიდა განვადებით
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები