"მიმატოვეს და გამწარებულმა, 5 დოლარით ჯიბეში, დავტოვე საქართველო"
"მიმატოვეს და გამწარებულმა, 5 დოლარით ჯიბეში, დავტოვე საქართველო"
08-02-2016
"ჩემი შვილი ნიკოლას ტაგი 2 წლის და 10 თვისაა. მეუღლე თეიმურაზი ჩემი პროდიუსერი, მეგობარი და კარგი მამაა"

"აბსოლუტური შოკი იყო, როცა ობრაზცოვა ამოვიდა სცენაზე, ბეჭედი წაიძრო (პლატინასა და ოქროში ჩასმული უზარმაზარი ტოპაზი 22 ბრილიანტით) და თითზე გამიკეთა"


ვერის სასაფლაოსთან ერთ ჩვეულებრივ, საბჭოთა დროინდელ 9-სართულიან კორპუსში ატარებს თავის თბილისურ დღეებს ნუცა შანშიაშვილი. მისთვის ეს სახლი მშობლიურია. აქ მას ყველა იცნობს. აქაურებისთვის 20 წლის რომ იყო, ნუცა დღესაც ისეთია. ტაქსის მძღოლი თუ მაღაზიის გამყიდველი, ყველა მიგანიშნებს მის ბინას... ნუცა კარს მიღებს. სამზარეულოში ვსხდებით და ფინჯანი ყავის თანხლებით ვიწყებთ საუბარს.

- 6 წელია, რაც საქართველოში არ ვყოფილვარ. მესმოდა, ძალიან ცუდი მდგომარეობაა, ხალხს ძალიან უჭირსო. იმედია, გამოკეთდება ვითარება. თუმცა თბილისი ულამაზესია. თითქოს ევროპის რომელიღაცა ქალაქში ვარ. საოცარი არქიტექტურაა. ტრანსფორმაცია, ძველისა და ახლის შერწყმა, ძალიან საინტერესოა.

20 წელია ნიუ-იორკსა და მოსკოვში ვმოღვაწეობ. გჯერათ, რომ ახლა ნიუ-იორკში, იმ ქალაქში, რომელიც ყველაზე ძალიან მიყვარს, არ მინდა წასვლა? თბილისში დიდხანს მინდა დავრჩე, აქ არის რაღაც ჯადოსნური ურთიერთობები, სიყვარულით გაჟღენთილი ჰაერი, რომლის მსგავსი არსად არის დედამიწაზე.

ახლახან მოსკოვში შეხვედრა მქონდა ცნობილ სასულიერო პირთან, არტემ ვლადიმიროვთან. მის ლექსებზე დავწერე სიმღ­ერები, რომლებიც დისკად გამოუშვეს. რომ იცოდეთ, რა სითბოთი­ წარმადგინა­ მან. სუფრასთან იურისტი ქალი, მარინა რენარი იჯდა. წამოდგა და მომიბოდიშა, - მაპატიოს ყველა ქართველმა იმ არასწორი რუსული პოლიტიკისთვის, რამაც­ ჩვენ ქართველებთან დაგვაშორა, განვიცდი, რომ ჩვენს ქვეყნებს შორის დღეს მტრობააო.­ გავგიჟდი, რუსები რა სიტყვებს ამბობდნენ საქართველოზე, რამხელა სიყვარულს გამოხატავდნენ. მერე ყველამ ფეხზე წამომდგარმა შესვა საქართველოს სადღეგრძელო. თუმცა ბოლოს ვიღაც გამწარებული ჩინოვნიკი­ წამოდგა, - გადაირია, საქართველოზე ამდენი კარგი რომ მოისმინა და რიხიანად წარმოთქვა, - მინდა ახლა ვლადიმირ პუტინის სადღეგრძელო შევსვაო. გვერდით მჯდომმა კი ცინიკურად გადაულაპარაკა, - ნუ გეშინია,­ ყველაფერი ჩაწერილია, ყველამ გაიგო შენი სიტყვები, ახლა დაწყნარდი და დაჯექიო...

ჩემი მოგონილი არ არის, რომ კარის მეზობელთან ურთიერთობა არ უნდა გაიფ­უჭო. თუმცა, თუ ის ხანჯლით შემოგივარდა, თავდაცვის უნარი უნდა გქონდეს. მე ქვეყნებს შორის ურთიერთობის დიპლომატიურ კურსს ავირჩევდი, მაგრამ თუ მაინც უნდა დამგლიჯო, ქვეყანა წამართვა და დამიმონო, რა თქმა უნდა, კატეგორიული და დაუნდობელი ვიქნებოდი. დღეს სრულიად მსოფლიო ხალხს "აბოლებს". ჩვენ რაც გვჭირს, მსოფლიო პოლიტიკის შედეგია. იზრდება მეტი ფულის წაგლეჯის მოთხოვნა, ომი კი ამის საუკეთესო საშუალებაა, ამ გზით ადვილია ფულის კეთება...
რა კარგია, სასაფლაოს რომ გაჰყურებს ჩემი ფანჯრები. გავხედავ და ყველა პრობლემა მავიწყდება. ბოლოს ხომ ყველანი იქ მივდივართ. როგორ შეიძლება, არ დაუსვა­ საკუთარ თავს კითხვა: რატომ გავჩნდი? როგორ უნდა მოვიქცე, რომ წუთისოფელი ბედნიერად განვვლო? ეს კითხვა უნდა დაისვას ყველას გულში...

- პოლიტიკაში არაერთი ხელოვანი გვიხილავს. თქვენ თუ დაინტერესდებოდით ოდესმე ამით?
- პოლიტიკაში არასდროს წავიდოდი! თუ წავიდოდი, ამოვატრიალებდი ყველაფერს და ალბათ, ერთ თვეში მომკლავდნენ...

- იმედი თუ გაგცრუებიათ ოდესმე...
- 20 წლის ვიყავი,
You must have Flash Player installed in order to see this player.
როცა თბილისის სამხატვრო აკადემიას ვამთავრებდი. მიუხედავად იმისა, რომ ძალიან ვუყვარდი, ჩემმა­ რჩეულმა ქორწინებისგან თავი შეიკავა, ამისთვის მზად არ ვარო. მაშინ რომ არ მივეტოვებინე, შესაძლოა, დღეს სხვაგვარად მეცხოვრა. გამწარებულ გულზე, 5 დოლარით ჯიბეში, არ გავემგზავრებოდი მოსკოვში, არ ვიმღერებდი ბარებში, არ იქნებოდა ჩემს კარიერაში ედიტ პიაფი, რამაც ძალიან დიდი სახელი მომიტანა. ამას არ მოჰყვებოდა ჩემი სოლო კონცერტები ამერიკაში. არც ნიუ-იორკის "მილენიუმში", 2000-კაციან დარბაზში 5 დამატებითი კონცერტი­ მექნებოდა, არც ბროდვეიზე კონცერტები და არც საოცრად საინტერესო ცხოვრება... ჩემთვის აბსოლუტური შოკი იყო, როდესაც მოსკოვში, ედიტ პიაფის შესრულებისას ელენა ობრაზცოვა ამოვიდა სცენაზე, ბეჭედი წაიძრო (პლატინასა და ოქროში ჩასმული უზარმაზარი ტოპაზი 22 ბრილიანტით), თითზე გამიკეთა და მითხრა - მე ვტირი და მადლობელი ვარ იმისთვის, რომ ასეთი ხარო.

- როგორი დედა ხართ?

- ჩემი შვილი ნიკოლას ტაგი 2 წლის და 10 თვისაა. ვცდილობ, არაფერი მოვაკლო, თუმცა ისეთი დედა არ ვარ, ენისმოჩლექით რომ დასდევენ შვილებს... მეუღლე თეიმურაზი ჩემი პროდიუსერი, მეგობარი და კარგი მამაა. ტაგი ძველი რუსული გვარია. ივანე მრისხანე თურმე ამ გვარს გამორჩეულ თავადებს ჩუქნიდა...

- როგორი დიასახლისი ხართ?
- თეიმურაზს ჩახოხბილი უყვარს და ვუმზადებ. კიდევ, გოჭზე გიჟდება.

- რა არის ადამიანისთვის მთავარი?
- უსიყვარულოდ ღირებული არაფერი იქმნება. აუცილებელია საკუთარ თავთან ჰარმონიაში ყოფნა. ყოველი დღე ადამიანისთვის დღესასწაული უნდა იყოს.

ეკა სალაღაია
მარი
02 დეკემბერი 2016 13:39
ვულგარულობა და ასეთი ქცევა მისი მსახიობური სტილია და შემოსავლის წყარო. ის არ არის საჯარო მოხელე, რომ ოფიციალური ეტიკეტი მოირგოს. ნუცა დიდი მომრერალი არ არის და პრეტენზიაც არ აქვს. ის გარკვეული, საშუალო ნიშა უჭირავს და ცხოვრებითაც ამერიკის საშუალო დონის შესაბამისად ცხოვრობს. საქართველოში ჩამოსვლისას, როგორც ხდება, მაინც ვიღაცეებს "ზემოდან" უყურებს. ეს დაახლოებით "ქეთო და კოტე"-ს "მამამ პარიზში რომ წამიღო"-ს ვარიანტია, თუმცა ეს გამაღიზიანებელი არ უნდა იყოს. ზოგს ელენა ობრაზცოვა რაღაცად მიაჩნია, ზოგს არაფრად. პატარა ქვეყნიდან წასული მომღერლისთვის ნიუ-იორკის 2 000 კაციან დარბაზში გამოსვლა სატრაბახოა, ბევრი ბრიტანელის, ან ამერიკელისთვის ჩვეულებრივი მოვლენა. ჩვენს ქვეყანაში, სადაც საშუალო ხელფასი 200 დოლარია, 5 000 დოლარიანი ამერიკელი მდიდრად ითვლება. ყველაფერი შეფარდებითია, ჰოდა ამ ფონზე ნუცა წარმატებულია.
ლინა
08 აგვისტო 2016 16:50
ნუცა,ძალიან ნიჭიერი ხარ ...ძალიან საყვარელი,თავისუფალი,ბუნებრივი,ყოველგვარი სიყალბის გარეშე....ანგრევ ქართულ სტერეოტიპს... '
სხვა სიახლეები
დღევანდელ წერილში რამდენიმე ქართველი პოლიტიკოსის თავს გადახდენილ მხიარულ ისტორიებს მოგიყვებით.
დაწვრილებით...
"სულ ნოსტალგია მაქვს, როცა "ფეისბუკში" ჩემი მშობლიური და საყვარელი დაბა ცემის ფოტოებს ვუყურებ - წელს მაინც რამხელა თოვლი მოსულა"!
დაწვრილებით...

გერმანიის და ავსტრიის ეპარქიის სამღვდელოება და მრევლი ეპარქიის მმართველად მიტროპოლიტ სერაფიმეს (ჯოჯუა) დანიშვნის გამო პროტესტს გამოთქვამს.
დაწვრილებით...
რამდენიმე დღის წინ, საქართველოს პირველი ლედის მაკა ჩიჩუას ძმა, მიხეილ მგალობლიშვილი დააკავეს.
დაწვრილებით...
კვლევის თანახმად, გამოკითხულთა 58%-სთვის ყველაზე მნიშვნელოვანი ეროვნული საკითხი კვლავ სამუშაო ადგილებია.
დაწვრილებით...
თენგიზ აბულაძის ფილმის - "მე, ბებია,­ ილიკო და ილარიონი" - გადაღებისას ბებიის როლის შესასრულებლად 55 წლის სეს­ილია თაყაიშვილმა საღი კბილები დაიძრო.
დაწვრილებით...
PRIME
როგორც კი პუტინის მანქანა ჯორს გაუსწორდა, ეს უკანასკნელი ადგილს მოსწყდა, სწორედ პრეზიდენტის მანქანის წინ დადგა. პუტინი შეეცადა, მისთვის გვერდი აევლო, მაგრამ ამაოდ - ჯორი იქით გადადგა, რა მიმართულებითაც პუტინმა წასვლა გადაწყვიტა. ბოლოს პუტინმა ჯორს თავი დააღწია და მინიმალური სიჩქარით გააგრძელა გზა. ასე მიდიოდნენ ფეხშეწყობილად..­.
დაწვრილებით...
PRIME
"ვეფხისტყაოსანი" ქართველებისთვის­ ის ძეგლია, რომელსაც ჯერაც ვერც ერთი ქართული შედევრი ვერ გაუტოლდა, ამიტომაც მის სცენაზე გადატანას ყველა ერიდებოდა,
დაწვრილებით...
PRIME
"კარგია, როცა ქვეყანა შენდება, მაგრამ ეს იმას ხომ არ ნიშნავს,­ შენი ქვეყნის ისტორია წყალმა წაიღოს..."

შალვა ივანიძე: "სუვენირების გამყიდველი ვარ, მაგრამ შენი ქალაქის ისტორია როგორ არ უნდა იცოდე? გული მწყდება, რომ ახალმა თაობამ თავისი ქვეყნის წარსულის შესახებ ნაკლებად იცის"
დაწვრილებით...
PRIME
იყიდება მშენებარე კორპუსში ბინა(სვეტის ქალაქში).
ქირავდება მაღაზია ბიზნეს ცენტრ "პანორამა"-ში
იყიდება სამშენებლო მიწის ნაკვეთი მშენებლობის
LTD ,,NDS” გთავაზობთ დიღმის მასივში
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები