"არ მიყვარს დამარცხებული ქართველის ყურება" - ქართული კაფე ირანში და ისპაჰანელი ქართველის ოცნება
"არ მიყვარს დამარცხებული ქართველის ყურება" - ქართული კაფე ირანში და ისპაჰანელი ქართველის ოცნება
08-02-2016
"ქართულად იმიტომ ვმღერი, რომ ჩვენი თაობის ვალია არ დავკარგოთ ის მონაპოვარი, რაც ამ ოთხი საუკუნის მანძილზე ჩვენმა წინაპრებმა შეინარჩუნეს უცხო ქვეყანაში"

"mc XBoy" ირანში საკმაოდ პოპულარული რეპერია. მისი ნამდვილი სახელი და გვარი ანდრია (ჰადი )იოსელიანია. ანდრია ისპაჰანში ცხოვრობს. მისი წინაპარი საქართველოდან მეჩვიდმეტე საუკუნეში, შაჰ-აბასის ლაშქრობის მერე ძალით წაიყვანეს ირანში.

"მანდ სულ სხვანაირად ვიმღერებ"
ანდრია 25 წლისაა. 10 წლიდან რეპს მღერის, ძირითადად ქართულად: "ქართულად იმიტომ ვმღერი, რომ ჩვენი თაობის ვალია არ დავკარგოთ ის მონაპოვარი, რაც ამ ოთხი საუკუნის მანძილზე ჩვენმა წინაპრებმა შეინარჩუნეს უცხო ქვეყანაში. ყველაზე დიდი მონაპოვარი ქართული ენაა და ვცდილობ ჩემი სიმღერით მეც შევიტანო წვლილი, რომ ხალხს არ დაავიწყდეს წინაპრებისს ენა". ირანში რეპის მიმდინარეობა მკაცრ ცენზურას გადის, მაგრამ იმის გამო რომ ანდრიას სიმღერებში არაა პოლიტიკური მოწოდებები და მავნე აზრები, სიმღერის გამო პრობლემები არ ექმნება: "ზოგჯერ მეშლება ხელი სიმღერაში, აბა, რა ვიცი რა ვთქვა, მაგრამ მთავარია რომ ქართულად ვმღერი"

ანდრიასთვის ქართველობა ძალიან ბევრს ნიშნავს: "ქართველობა და საქართველო ჩვენთვის არის როგორც ღმერთი. საქართველო ჩვენს გულშია.  ჩემი მშობლიური მიწაა, მამა-პაპათა სისხლი მეძახის და მოვალე ვარ რომ ჩამოვიდე. მე საქართველოზე ვოცნებობ და მინდა, ჩემი სამშობლოს მიწაზე ვიცხოვრო."
ქართული კაფე ირანში

ანდრიამ და მისმა მეგობრებმა ცოტა ხნის წინ ისპაჰანში ქართული კაფე გახსნეს: "ქართული კაფე იმიტომ გავხსენი, რომ ირანში განსაკუთრებით ისპაჰან ქალაქში ხალხმა უფრო მეტად გაიცნოს საქართველო."

მენიუში ბევრი ქართული კერძი არ აქვთ, თუმცა ანდრიას მეგობარი არსენ გურგენიძე საქართველოში ქართული კერძების შესასწავლად ჩამოვიდა. კაფეს დიზაინი ქართული და ირანული ელემენტებისგან შედგება: "მე და ჩემს მეგობრებს, რა თქმა უნდა გვიხარია კაფის გახსნა, რადგან ეს არის პირველი ნაბიჯი ირანში, როცა ქართული სახელით ასეთი დაწესებულება მუშაობს. ჩვენ ვეცდებით იგივე სხვა ქალაქებში გავაკეთოთ."

ანდრიას ძალიან უყვარს ქართული ფოლკლორი, ოცნებობს ქართველებთან ერთად სიმღერაზე: "მანდ სულ სხვანაირად ვიმღერებ, რადგან საქართველო ჩემთვის ყველაფერია, ჩემი ოცნება და ჩემი სიყვარულია".

განსაკუთრებული აღატცებით იხსენებს, როდესაც პირველად იმღერა ქართულად: " აქ მცხოვრებმა ქართველებმა თავდაპირველად არ იცოდნენ ქართულად რომ ვმღეროდი, არ დამავიწყდება მათი სიხარული, როდესაც მათთვის სრულიად მოულოდნელად ქართულად ავმღერდი. ეს სიხარული ჩემთვის დამატებითი მოტივაციაა".

ანდრია სიმღერის მუსიკას და ტექსტს თვითონვე წერს, რადიო "სეფაანში" ხშირად გადის მისი სიმღერები.

სპორტის დიდი გულშემატკივარია, თუ ქართველი მონაწილეობს, მაშინ შეხვედრებს განსაკუთრებული აღტკინებით უყურებს: "განსაკუთრებით ჭიდაობისა და რაგბის ყურება მიყვარს, რადგან ქართველები ძალიან ძლიერები არიან, როცა იგებენ მეამაყება ხოლმე. არ მიყვარს დამარცხებული ქართველის ყურება".

ქართველი სპორტსმენებიდან განსაკუთრებით კახი კალაძე და ლუკა კურტანიძე უყვარს: "ყველაფერს შრომით მიაღწიეს და ასე მგონია ყველასთვის სამაგალითოები უნდა იყვნენ."

ყავს იდეალი ადამიანი - საქართველოს კათოლიკოს-პატრიარქი, ილია მეორე: "ის მართლაც უწმინდესია. საკუთარი ბაბუა მგონია, რომელსაც კალთაში ვუჯდებოდი და ბევრს ვეფერებოდი ხოლმე. საყვარელი და თბილი ადამიანია. მიყვარს მისი ლაპარაკის მოსმენა"

ჩვენი საუბრის დასასრულს ანდრიამ ოცნებაც გაგვიმხილა: " ჩემი დიდი ოცნებაა, ჩამოვიდე საქართველოში და ვიყო ჩემი სამშობლოს ღირსეული შვილი..."

ლადო გოგოლაძე (სპეციალურად საიტისთვის)

ციცო გოლიაძე
23 მაისი 2016 08:03
გაიხარეეე...
მერაბი
21 მაისი 2016 12:26
ქართველებო, თქვენი შეუდრეკელი სულით საქართველოში კიდევ უფრო ამაყები და ღირსებით აღსილნი ვართ! ასეულმა წლებმა ვერაფერი დაგვაკლო! გვეამაყებით...!!!
სხვა სიახლეები

ტელეკომპანია PalitraNews-ი ახალ გადაცემას იწყებს, სახელწოდებით "არცოდნა აკრძალულია".

 

დაწვრილებით...
"მნიშვნელოვანია, ნინო კასრაძის თამაშის პროცესს თვალი ადევნო, როგორ უდგება თითოეულ საკითხს, როგორ ირგებს როლს, რაოდენ დიდია მისი პასუხისმგებლობა თითოეული დეტალის მიმართ. სუნთქვას როგორ "იღებს". ეს ჩვეულებრივი მასტერკლასია"
დაწვრილებით...
“თეგეტა მოტორსის” ახალი შეთავაზება ავტომფლობელთათვის „მოამზადე ავტომობილი ზამთრისთვის“.
დაწვრილებით...
აჭარაში, საუკეთესო სერვისის მქონე ტურისტული ობიექტების ვინაობა წლის ბოლომდე გახდება ცნობილი.
დაწვრილებით...
28 ნოემბერს კინოთეატრ ამირანში თბილისის მე-17 საერთაშორისო კინოფესტივალი დაიწყო,
დაწვრილებით...
ეთიოპიის დედაქალაქ ადის-აბებაში, იუნესკოს არამატერიალური კულტურული მემკვიდრეობის დაცვის მთავრობათაშორისი კომიტეტის მე-11 სესიაზე (28 ნოემბერი-2 დეკემბერი) მიიღეს გადაწყვეტილება, საქართველოს მიერ წარდგენილი ნომინაციის "ქართული ანბანის სამი სახეობის ცოცხალი კულტურა" არამატერიალური კულტურული მემკვიდრეობის წარმომადგენლობით სიაში შეტანის თაობაზე.
დაწვრილებით...
"ჩემს დაბადების დღეზე ირინა მეგობართან ერთად მოვიდა. პირველად თვალში მისი თვალები მომხვდა და მერე როგორც ხდება ხოლმე, ჩვენს ურთიერთობაში ეტაპობრივად მოვიდა მოწონება, ვნება, სიყვარული..."
დაწვრილებით...
"კარგია, რომ კულტურის სამინისტრომ დააფინანასა მისი ამ კონკურსებში მონაწილეობა, მაგრამ ამ ფონზე, კიდევ უარესად ჩანს - ამის გამო მისთვის სოციალური სტატუსის შეცვლა და დახმარების მოხსნა"

"იმის გარდა, რომ მარტო ვცხოვრობ და ყველაფერი ჩემი გასაკეთებელია, ელემენტარული საარსებო პირობებიც კი არ მაქვს..."
დაწვრილებით...
არაჩვეულებრივ ადაგილზე. დ. გამრეკელის
ბინა მდებარეობს თბილისის ცენტრალურ უბანში,
3 ოთახიანი ბინა 110 კვ.მ.
ბინა არის ახალი აშენებული, თეთრი
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები