"ფაშისტი არ ვარ და სისულელეზე ხელს არ მოვაწერდი" - ვინ მოაწერა პეტიციაზე "განგაშის ზარები" ხელი?!
"ფაშისტი არ ვარ და სისულელეზე ხელს არ მოვაწერდი" - ვინ მოაწერა პეტიციაზე "განგაშის ზარები" ხელი?!
12-02-2016
ამ რამდენიმე დღის წინ, "კვირის პალიტრის" რედაქციაში შემოვიდა წერილი, სახელწოდებით "განგაშის ზარები" (იხილეთ პეტიცია), სადაც ქართველი საზოგადოების წარმომადგენლები საქართველოს მთავრობასა და პარლამენტს მიმართავენ და კატეგორიულად მოითხოვენ, არ დაუშვან და აკრძალონ "უბინძურესი გარყვნილების, მამათმავლობის დამნერგავი და სარწმუნოებისა და ეროვნული იდენტობის შეურაცხმყოფელი იდეოლოგიით გაჟღენთილი ახალი საგნების "მე და საზოგადოება" და "ჩემი საქართველო"-ს ახალი ვერსიის შემოტანა საშუალო სკოლებში, ასევე ამ სიბილწის ნებისმიერი ფორმით პროპაგანდაც.
ჩვენი ვალია დავიცვათ ჩვენი შვილები, რათა ისინი სულით და ხორცით ჯანსაღნი, წესიერნი, ზნეობრივნი, სამშობლოს მოყვარულნი და ღვთისმოსავნი გაიზარდონ".

პეტიციის ავტორებს განათლების მინისტრმა თამარ სანიკიძემ უპასუხა და განაცხდა: "ის, რაც წავიკითხე პეტიციაში, ეს არ იყო ჯანმრთელი ადამიანის დაწერილი. თავიდან ბოლომდე ტყუილი, ცილისწამება, ხოლო რა დგას ამ განზრახვის უკან, ვკითხოთ იმ ადამიანებს. იმიტომ, რომ ამაში მარცვალიც კი რეალობისა არ იყო... ტყუილის საფუძველზე მოაგროვეს ხელმოწერები და ძალიან ბევრ ადამიანს უკვე დაუკავშირდნენ, რომლებსაც წარმოდგენა არ აქვთ, ხელი რაზე მოაწერეს...

მე ამ თემას აუცილებლად გავშლი და როგორც კი მე ამას დავასაბუთებ და ძალიან მარტივია ამის დასაბუთება იმიტომ, რომ სხვა რომ არაფერი გავაკეთო, არსებობს საგნის სტანდარტი, რომელზედაც ვსაუბრობთ, წერა კითხვა ვინც იცის, ყველას შეუძლია ნახოს და წაიკითხოს...
თუ საჭირო გახდა, სასამართლოსაც კი მივმართავ იმ ცილისწამებისთვის, რომელიც ასმენინეს სრულიად საზოგადოებას" (წყარო).

მისი თქმით, საგნის სტანდარტის შემუშავებაში საპატრიარქოც ჩართულია. თამარ სანიკიძემ ტელეკომპანია GDS-თან საუბრისას განაცხადა, რომ ამონარიდები, რომელსაც პეტიცია შეიცავს, არის წიგნიდან - "კომპასი" და "კომპასიტო", რომელიც რამდენიმე წლის წინ ერთ-ერთმა არასამთავრობო ორგანიზაციამ მცირე ტირაჟით გამოსცა, თუმცა ტყუილია ის, რომ სკოლებში მისი შეტანა იგეგემებოდა.

ვცადეთ პეტიციის ხელმომწერებთან დაკავშირება, მაგრამ მათი ნაწილი ან ჩვენს ზარს არ პასუხობდა, ან კომენტარისთვის არ ეცალა (!)
რამდენიმე ხელმომწერმა კი, ვისთანაც დაკავშირება მოვახერხეთ, განაცხადეს:

არჩილ არველაძე, ფეხბურთელი:

- ხელი არ მომიწერია, თუმცა განვაცხადე პროტესტი, რომ თუკი წიგნში ასეთი რამ მართლა წერია, არ მომწონს - მეთქი. რელიგიაზე და ტოლერანტობაზე არაფერი წამიკითხავს. სკოლის დირექტორი ვიყავი და ვიცი რას ნიშნავს ეს სისტემა და რა გავლენა შეიძლება ჰქონდეს ასეთ სწავლებას ბავშვებზე. მითხრეს, რომ ქალბატონი ნანი ბრეგვაძე და სხვებიც წინააღმდეგნი იყვნენ ამ საგნის პროექტის. ახლა კი წავიკითხე, რომ პროექტში ამგვარი თემა არ იქნება და განათლების სამინისტრო საპატრიარქოსთან ერთად ყველა სიტყვას გადის. დარწმუნებული ვარ, რომ საგანი ყველასთვის მისაღები იქნება. გაუგებრობაში აღმოვჩნდი გარეული, მაგრამ, ვაი, რა უბედურება დაგვემართა -მეთქი, ასეც არ ვთვლი. თუ კი ამ თემამ აჟიოტაჟი გამოიწვია, მით უკეთესი, ყველაფერი უფრო კარგად გაკეთდება.

რობერტ გოგოლაშვილი, მომღერალი, ლოტბარი:

- რა თქმა უნდა, ვეთანხმები ამ პეტიციას. აღარ უნდათ ჩვენს ბავშვებს კიდევ გაუბედურება, ისიც ეყოფათ, რაც აქვთ, მით უმეტეს, ის, რაც მამათმავლობაზე იმოქმედებს! ჩემი ასაკის კაცზე, ძნელია, რაიმემ იმოქმედოს, მაგრამ ბავშვი ხომ, ნათელი გონებაა და რატომ უნდა მოახვიო რაღაც თავზე!

- ეს პეტიცია ალბათ ნანახი და წაკითხულიც გაქვთ,
You must have Flash Player installed in order to see this player.
ვინც შეადგინა, გაჩვენათ კიდეც, ხომ?

- მართალი გითხრათ, დეტალურად არ მახსოვს. დიდი ხნისაა. ალბათ, სიტყვიერად გამაცნეს და მითხრეს, შეგიტანთ სიაშიო და მეც დავთანხმდი, რა თქმა უნდა. ასეთ ამბავზე სხვაგვარად ვერ მოვიქცეოდი, ხომ?! თქვენც ხომ ნახეთ, ახლა, საუბრის დასაწყისშივე, პეტიციის მოთხოვნა რომ შემახსენეთ, იმ წუთას არ გითხარით, თუ არ ვარ სიაში, ჩემი გვარიც შეიტანეთ-მეთქი?! ყველა ადამიანი, ვინც საღად მოაზროვნეა, მაგას აუცილებლად მოაწერს ხელს, ასე მგონია.

ნონა გაფრინდაშვილი, მოჭადრაკე, დიდოსტატი, მსოფლიოს მრავალგზის ჩემპიონი:
- სწორია ეს მოთხოვნა და ხელიც მოვაწერე! პატარა ბავშვებში ასეთი წიგნების შეტანა და გავრცელება არ მიმაჩნია ბუნებრივად და ნორმალურად.

გიორგი გურგულია, მსახიობი:

- ეს პეტიცია შეიძლება თავდაცვის მიზნით გაკეთდა და ახლა თუ საპატრიარქოც ჩართულია, მაგ წიგნებში ყველაფერი გასწორდება და ნორმალურად იქნება.
- ე. ი. არ ნანობთ, ხელი რომ მოაწერეთ ამ პეტიციას?
- თუ რაღაც სიგიჟეა და ფაშიზმია ამ იდეაში, რა თქმა უნდა, ფაშისტი არ ვარ და სისულელეზე ხელს არ მოვაწერდი. თუკი იმ წიგნებში რაღაც შეიძლება ისეთი იყოს, რაც ჩვენს ბავშვებს ავნებს და ამით საფრთხეს ავარიდებთ მათ, რა თქმა უნდა, არ ვნანობ, კარგი მიქნია, რომ ხელი მომიწერია!

ირმა ხარშილაძე
თეა ბეჟიტაშვილი

(სპეციალურად საიტისთვის)


david
12 თებერვალი 2016 15:46
ბოდიშის მოხდით:
რამდენმა წაიკითხა სახელმძღვანელოს ვერსია, სანამ ხელს მოაწერდნენ?
n
12 თებერვალი 2016 15:30
დილეტანტიზმი ევრივეა :(
სხვა სიახლეები
კვლევის თანახმად, გამოკითხულთა 58%-სთვის ყველაზე მნიშვნელოვანი ეროვნული საკითხი კვლავ სამუშაო ადგილებია.
დაწვრილებით...
თენგიზ აბულაძის ფილმის - "მე, ბებია,­ ილიკო და ილარიონი" - გადაღებისას ბებიის როლის შესასრულებლად 55 წლის სეს­ილია თაყაიშვილმა საღი კბილები დაიძრო.
დაწვრილებით...
PRIME
როგორც კი პუტინის მანქანა ჯორს გაუსწორდა, ეს უკანასკნელი ადგილს მოსწყდა, სწორედ პრეზიდენტის მანქანის წინ დადგა. პუტინი შეეცადა, მისთვის გვერდი აევლო, მაგრამ ამაოდ - ჯორი იქით გადადგა, რა მიმართულებითაც პუტინმა წასვლა გადაწყვიტა. ბოლოს პუტინმა ჯორს თავი დააღწია და მინიმალური სიჩქარით გააგრძელა გზა. ასე მიდიოდნენ ფეხშეწყობილად..­.
დაწვრილებით...
PRIME
"ვეფხისტყაოსანი" ქართველებისთვის­ ის ძეგლია, რომელსაც ჯერაც ვერც ერთი ქართული შედევრი ვერ გაუტოლდა, ამიტომაც მის სცენაზე გადატანას ყველა ერიდებოდა,
დაწვრილებით...
PRIME
"კარგია, როცა ქვეყანა შენდება, მაგრამ ეს იმას ხომ არ ნიშნავს,­ შენი ქვეყნის ისტორია წყალმა წაიღოს..."

შალვა ივანიძე: "სუვენირების გამყიდველი ვარ, მაგრამ შენი ქალაქის ისტორია როგორ არ უნდა იცოდე? გული მწყდება, რომ ახალმა თაობამ თავისი ქვეყნის წარსულის შესახებ ნაკლებად იცის"
დაწვრილებით...
PRIME
"არიქა, გურიკიე, რამაზიე... გოგიე ღორს კლავს, მისახმარებელია და კაი ყაურმა გვექნება!" - აბა, გურიაში "ღორის ქელეხში" მეზობლების­ მთელი ამალა რომ არ დაპატიჟონ და გათენებამდე კრიმანჭული არ შემოსძახონ, რა გურია იქნება!
დაწვრილებით...
PRIME
დავით ბეგიაშვილმა 2012 წელს დაამყარა მსოფლიო რეკორდი - სამ საათში 7237 პრესი

ანა ლომინაძემ ორჯერ დაამყარა მსოფლიო რეკორდი ცურვაში. 2012 წელს 17 წლისამ ხელფეხშეკრულმა დარდანელის სრუტის 5, 500 მეტრი 46 წუთსა და 47 წამში გადაცურა, მეორედ, 2014 წელს, 21, 76 წამში - 25-მეტრიანი აუზი
დაწვრილებით...
PRIME
აგვისტოს ომის დროს, როცა ხმა გავრცელდა, რუსები შეიძლება თბილისში შემოვიდნენო, პატრიარქის ევაკუაცია გადაწყდა, თუმცა უწმინდესი ცივ უარზე იყო იმათგან განსხვავებით, ვინც ქალაქიდან გარბოდა. ამბობდა, ჩემს ხალხს მარტო არ დავტოვებ, საპატრიარქოდან ფეხს არ მოვიცვლიო...

ერთხელ ახალგაზრდა კაცი დანით გადმოძვრა საპატრიარქოში. ბიჭებმა დააკავეს... მოგვიანებით ამ ბიჭმა თავი დაიჭრა. კაცმა არ იცის, რას ჩაიდენდა, შენობაში რომ შეეღწია...
დაწვრილებით...
PRIME
შთაბეჭდილების წიგნში გამორჩეული ჩანაწერია: "ბუნებასთან სიახლოვე კურნავს და აკეთილშობილებს ადამიანს, სულიერად ათბობს მას. ღმერთმა დალოცოს ბატონი შოთა კუდავა, რომელიც საოცრად გრძნობს ბუნების ცხოველმყოფელ ძალას". ილია II, 1986 წელი

"მე ქვის კაცი ვარ", - ასე გამეცნო 72 წლის შოთა კუდავა­ და ულამაზეს სამყაროში შემიძღვა.­ გაქვავებული ცხოველებისა და ფრინველების ბუნებრივი ექსპონ­ატები შოთა კუდავას­ 35 წლის მანძილზე საქართველოს სხვადასხვა კუთხეში შეუკრებია­ და ერთ ჭერქვეშ დაუბინავებია.
დაწვრილებით...
PRIME
მძიმე სენსა და დუხჭირ ცხოვრებასთან მარტო დარჩენილი ქალი მომავალს იმედით შეჰყურებს
დაწვრილებით...
PRIME
ქირავდება/იყიდება ორ-სართულიანი კერძო სახლი, რომელიც
გირავდება ბინა
გირავდება ბინა ცხოვრების უფლებით იპოთეკის
გირავდება ბინა 101 კვარდრატი
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები