კოტე გოგელია დავით კეზერაშვილთან მოლაპარაკებას აგრძელებს?!
კოტე გოგელია დავით კეზერაშვილთან მოლაპარაკებას აგრძელებს?!
"მაესტროში" დაძაბულობის განმუხტვა მხოლოდ დროებითი და ისიც მოჩვენებითია - რეალურად ორივე მხარე ბოლო, გადამწყვეტი ბრძოლისთვის ემზადება. გია გაჩეჩილაძის ადვოკატი საჯარო რეესტრში ტელეკომპანიის დირექტორად ლევან გაჩეჩილაძის დანიშვნას მესამედ შეეცდება, ბაია გადაბაძე კი პროცესის შეჩერებას სასამართლოში სარჩელების შეტანით უკვე რამდენიმე დღეა ცდილობს.

რა მოხდა რეალურად "მაესტროში", რატომ მივიდა კომპანია გაკოტრებამდე და რა კავშირი აქვს პროცესებთან დავით კეზერაშვილს? – ეს ის კითხვებია, რომლებიც უკვე მეორე კვირაა საზოგადოებაში აქტიურად ისმის. რაც
You must have Flash Player installed in order to see this player.
მთავარია, აღნიშნულ კითხვებზე მოდავე მხარეებს ერთმანეთისგან რადიკალურად განსხვავებული პასუხები აქვთ, რაც რეალობას კიდევ უფრო ბუნდოვანს ხდის და სხვადასხვა ვერსიების განვითარების შესაძლებლობას იძლევა. ერთ-ერთი ვერსიით, კოტე გოგელიას "მაესტროსთვის" 54-მილიონიანი ვალის გაცემა თავიდანვე გათვლილი ჰქონდა - ტელევიზია გაკოტრებამდე უნდა მისულიყო, რაც მას შესაძლებლობას მისცემდა დანარჩენი დამფუძნებლები ნელ-ნელა გზიდან ჩამოეცილებინა და ტელეკომპანიის სრულუფლებიანი მფლობელი გამხდარიყო. ამავე ვერსიის მიხედვით, აღნიშნული გეგმის წარმატებით განხორციელების შემთხვევაში, "მაესტროს" 100%-იანი წილი დავით კეზერაშვილს უნდა შეეძინა, თანაც საკმაოდ სოლიდურ ფასად.

გოგელია, რომ ტელევიზიის მართვიდან გასვლასა და კუთვნილი წილის გაყიდვას გეგმავდა, ეს იმითაც დასტურდება, რომ ირაკლი რუხაძესთან "მაესტროს" საკითხზე მოლაპარაკებებს ჯერ კიდევ ერთი წლის წინ მართავდა. თუმცა პატარკაციშვილის ფინანსისტისგან სასურველი ცხრა მილიონი, მოგვიანებით კი, ვერც ხუთი მილიონი მიიღო.

სავარაუდოდ, გოგელიასთან ვაჭრობის შემდეგ რუხაძემ ბევრად მარტივი გამოსავალი გამონახა და "მაესტრომდე" მისასვლელი გზა ნახევარ
ფასად, გია გაჩეჩილაძის საშუალებით იპოვა. პროცესში მთავარ ფიგურანტად თავდაცვის ყოფილი მინისტრი დავით კეზერაშვილი გია გაჩეჩილაძემ "მაესტროს" გაკოტრების დაწყების გამოცხადებისთანავე დაასახელა.
ერთ-ერთი წყაროს მტკიცებით, გოგელია კეზერაშვილთან ახლაც აგრძელებს მოლაპარაკებას იმ შემთხვევისთვის თუ ტელეკომპანიის გაკოტრების საქმე ბოლომდე მაინც მივიდა.

მოკლედ, ახლა მთავარი საკითხად მაინც ის რჩება, რა მოხდება იმ შემთხვევაში თუ დავის დასრულებამდე "მაესტროს" სასამართლო გაკოტრებულ ტელევიზიად გამოაცხადებს. სამოქმედო გეგმის გარკვევას "კვირის პალიტრა" "უცნობთან" შეეცადა:

- როგორც კი, გადაბაძემ "მაესტროს" გაკოტრებაზე განაცხადი სასამართლოში შეიტანა, მაშინათვე ვთქვი, რომ ტელევიზიის ხელში ჩაგდება კეზერაშვილს უნდოდა. მადლობა ღმერთს, ეს გეგმა ჩაიშალა, ახლა კი, ეთერ გადაბაძე და ნიკოლოზ გვარამია სახელმწიფოს დაშანტაჟებას ცდილობენ. რადგან მედიის წარმომადგენელი ხარ, საკუთარ თავს ყველაფრის კეთების უფლება უნდა მისცე? რა ქვეყანაში ვცხოვრობთ, მსგავსი რამ დედამიწის ზურგზე არსად ხდება! როგორც გითხარით, მე მაინც ვერავინ შემაშინებს - "მაესტრო" ისეთი ტელევიზია გახდება, როგორიც მას ეკადრება.

- დააკონკრეტეთ, რაზე მიანიშნებთ - გაკოტრებული "მაესტრო" კოტე გოგელიას კეზერაშვილისთვის რა მექანიზმით უნდა მიეყიდა?
- ყველა კითხვას მალე გაეცემა პასუხი. მანამდე სამართლიან ბრძოლაში უნდა გავიმარჯვო და ტელევიზიის დირექტორად ჩემი ძმა დაინიშნოს. კოტე გოგელია ირაკლი რუხაძესთანაც მართავდა წილის გაყიდვაზე მოლაპარაკებებს... მოლაპარაკებები საკმაოდ მძიმე ვითარებაში მიმდინარეობდა, ამიტომ დეტალების გახმაურებაც საჯაროდ არ მინდა. რეალობა კი მართლაც ასეთია - ტელევიზიაში აჟიოტაჟის შექმნითა და შანტაჟით გოგელია ტელევიზიის ღირებულების გაზრდას ცდილობს.

- თუ დავის დასრულებამდე სასამართლომ ტელევიზია გაკოტრებულად გამოაცხადა, რა გეგმა გაქვთ?
- "მაესტროს" გაკოტრებას არ დავუშვებ, ეს წარმოუდგენელია.

კოტე გოგელიასთან მოლაპარაკებებში დავით კეზერაშვილის მონაწილეობას "მაესტროს" მოქმედი დირექტორი ბაია გადაბაძე კი კატეგორიულად გამორიცხავს: "რაც მე ამ ტელევიზიის დირექტორი ვარ, დავით კეზერაშვილთან შესაძლო მოლაპარაკებაზე საუბარიც კი არასოდეს ყოფილა. არ ვიცი მსგავსი ბრალდების გაჟღერებისას გია გაჩეჩილაძე კონკრეტულად რა ფაქტებს ეყრდნობა. ტელეკომპანიის გაკოტრებაზე სასამართლოსთვის მიმართვას კი კანონი მავალდებულებდა, რადგან კომპანიას სხვადასხვა მიმართულებით დავალიანებები დაუგროვდა. საუბარია, ჯამში 54 მილიონზე, რაც წლების განმავლობაში "მაეტსროს" განვითარებაზე დაიხარჯა. საინტერესოა, თუ შეძლებს გია გაჩეჩილაძე გეგმის წარმოდგენას, როგორ უნდა შეაჩეროს გაკოტრების პროცესი. ამ პროექტის ხილვას უკვე ექვსი თვეა უშედეგოდ ველოდებით".

პ.ს. გია გაჩეჩილაძე საჯარო რეესტრისგან ლევან გაჩეჩილაძის დრექტორად დარეგისტრირებაზე პასუხს დღეს ელოდება, დადასტურების შემთხვევაში კი, "მაესტროში" მისვლას, ძმასთან ერთად, დღესვე აპირებს.

რუსუდან შელია (სპეციალურად საიტისთვის)

მკითხველის კომენტარი (14)
გიორგი 9 ნომერი გლეხი
19 თებერვალი 2016 06:03
ბ-იძინეთ!!!
nikoloza
16 თებერვალი 2016 16:36
ოოო,რა გოიმები ხართ რა ზოგიერთები.ხო ეშინიათ სპეცნაზით და ძალადობით ტ ვ იაში და საერთოდ ძალადობა არა ოცნებას. აუ რა სოფელია რა.თქვე ქაჯებო ესენი ყველა უნდა მიუშვა და თვითონ შეჭამენ ერთმანეთს,როგორც მოსამართლეებს არასამთავრობოები. გოიმებო ბიძინა მოჭადრაკეა და თქვენ ყველამ მარტო დომინოს თამაში იცით.ვაი თქვენს პატრონს, უნიათოები არიან არა? ეეხ სოფელი სიფელია და გოიმი გოიმი.აცალეთ კატები ისე უნდა იხმარო არ დაგფხაჭნოსო ნათქვამია. აი ორნი რო დარჩებიან ვირთხები მერე ნახეთ.უაზრო სისხლი არავის ჭირდება მაინც ცოდვაა და ერთმანეთი დაჭამონ ჯერ.სად ეჩქარებათ გოიმებო.
ინგა
16 თებერვალი 2016 15:50
რა მოპარული მილიონები 400 მილიონიანი ბიუჯეტი 9 მილიარდად აქციეს და თან ქვეყანაში უამრავი რაღაც ააშენეს, მარტო ბათუმი რად ღირს, იაზროვნეთ ქოცებო, ამათ არაფერი აუშენებიათ და 700 მილიონიანი გარღვევა აქვთ ბიუჯეტში
gia
16 თებერვალი 2016 12:51
ორივე ქუჩის აფერისტი - კეზერაშვილი და გოგელია!
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები