"საშინელი ტრაგედია ტრიალებს - ერთი ოჯახიდან ხუთი ადამიანი დაიღუპა" - რა მოხდა უჯარმის ციხესთან?!
"საშინელი ტრაგედია ტრიალებს - ერთი ოჯახიდან ხუთი ადამიანი დაიღუპა" - რა მოხდა უჯარმის ციხესთან?!
24-02-2016
"მანქანები ისეა დაჭყლეტილი, ვერც გაარჩევ, მანქანაა, თუ ჯართი"

"რეგიონებში მომხდარი ტრაგედიების ძირითადი მიზეზი მართლაც ის არის, რომ არსად კონტროლდება არც სიჩქარის გადაჭარბება და არც ნასვამ მდგომარეობაში ყოფნა"

უჯარმაში
მორიგი ავტოკატასტროფის დროს 6 ადამიანი დაიღუპა. ბოლო 2 თვის განმავლობაში ეს მესამე ავტოკატასტროფაა, როცა ავტოსაგზაო შემთხვევებს ერთდროულად 5 და მეტი ადამიანი შეეწირა. უჯარმასთან დატრიალებული ტრაგედიისას დაღუპულთა შორის ერთია შედარებით ასაკოვანი, დანარჩენები ახალგაზრდები არიან, რომელთა შორის ორი  - 7 და 12 წლის ბავშვები არიან. ადგილობრივთა თქმით, გომბორის უღელტეხილზე ეს პირველი ავარია არ არის, რა დროსაც რამდენიმე ადამიანი ერთად იღუპება. უბედურების მთავარი მიზეზი კი ხშირად ალკოჰოლი და სიჩქარის გადაჭარბებაა. ავტოკატასტროფის ხუთი მსხვერპლი სოფელ გომბორში ცხოვრობდა. მომხდარზე გამოძიება ს/ს 276-ე მუხლის მე-7 ნაწილით არის დაწყებული, რაც ტრანსპორტის ექსპლუატაციის წესების დარღვევისას 2 ან მეტი ადამიანის სიცოცხლის მოსპობას გულისხმობს.

ადგილობრივი მცხოვრები, რომელმაც ვინაობის გამხელა არ ისურვა, ტრაგედიის დეტალებზე საუბრობს:
- მას შემდეგ რაც ე.წ. გომბორის გზა გაკეთდა და აღმოსავლეთის მხრიდან მოძრაობის ცენტრმა აქ გადმოინაცვლა, ავტოკატასტროფები არ გვაკლია; ყველა მათგანი რატომღაც არ ხმაურდება, არ ვიცი, რატომ. ამ ავტოკატასტროფებში ავბედითი როლი მაინც იმ ტაქსისტებს მიუძღვით, რომელთაც თბილისიდან კახეთში და, - პირიქით გადაჰყავთ მგზავრები. კახეთის ყველა კუთხის ტრანსპორტი, გარდა გურჯაანისა, ამ ტრასაზე გადაადგილდება და ადვილი წარმოსადგენია, როგორ ეჯიბრებიან ერთმანეთს ტაქსის მძღოლები, რომ მგზავრები ერთმანეთზე უფრო სწრაფად გადაიყვანონ. ამასობაში ხალხი ნადგურდება. ისაც მოძრაობის რაიმე გაეგება, იმას თუ ჰკითხავთ, გეტყვით, რომ ამ შემთხვევაში კარგი გამოსავალი სიჩქარის გადაჭარბების მაკონტროლებელი რადარების დადგმა იქნებოდა, ისე როგორც დასავლეთის მიმართულების ავტობანზეა გაკეთებული. გადაჭარბებულ სიჩქარეს ეს რადარები დააფიქსირებდნენ და მძღოლებსაც ჯარიმების ქვითრები მიუვიდოდათ. ამის შემდეგ სიჩქარის გადაჭარბებას ბევრი მოერიდებოდა; ამავე დროს, თუნდაც ერთი ადამიანის გადარჩენა, რამხელა რამ არის! რატომღაც ეს არავის უნდა, რომ გააკეთოს; ისე კი, ჩვენდა სამწუხაროდ, უნდა ვთქვა, რომ სიჩქარის რადარების დაყენების შემთხვევაშიც კი, ჩვენს ტრასაზე რიგი ავარიები მაინც მოხდება, რადგან ჩვენს ახალგაზრდობას არ აქვს გაცნობიერებული პასუხისმგებლობა არც ოჯახის და არც სხვისი სიცოცხლის წინაშე, - ბევრი ნასვამი ჯდება საჭესთან და ასე ახდენს ამ უბედურებებს.

- იმის თქმა გნებავთ, რომ უჯარმის ავტოკატასტროფის მიზეზიც ალკოჰოლი იყო?

- ამას საბოლოოდ ექსპერტები დაადგენენ… უჯარმასთან ორი ურთიერთ საწინააღმდეგოდ მოძრავი სამარშრუტო ტაქსი შეეჯახა ერთმანეთს და როგორც სოფელში ლაპარაკობენ, ერთ-ერთის მძღოლი, ტელმან ალიევი ოჯახთან ერთად ნათესავის წვეულებაზე იყო გაჩიანში და იქედან მოდიოდა ნასვამი, - საერთოდ, სოფელში ყველამ ყველას ამბავი იცის და ეს ამბავიც არ ქცეულა დიდ საიდუმლოდ. უბედურება ის არის, რომ ტელმანს 4 ადამიანი ეჯდა მანქანაში, - ცოლი, ძმისშვილი და საკუთარი შვილები და ოთხივე დაიღუპა, მათთან ერთად ტელმანიც. ეს ენითაუწერელი უბედურებაა, - ერთ ოჯახში ხუთი მიცვალებული! მაგათი ცოდვით მთელი სოფელი შეძრულია. ამათგან ტელმანის ძმისშვილი 17
You must have Flash Player installed in order to see this player.
წლის არის, შვილები კი 12-ის და 7 -ის. თავად ტელმანი და მისი უმცროსი 7 წლის შვილი სასწრაფო დახმარებამ ცოცხლები კი წაიყვანა საავადმყოფოში, იმ იმედით, რომ ისინი მაინც გადარჩებოდნენ, მაგრამ ვერ შეძლეს, - ბავშვი გზაშივე დაიღუპა, ტელმანმა 2 დღე იცოცხლა, მაგრამ… მეორე "სამარშრუტოს" მძღოლი - დათო ნიბლოშვილიც იქვე დაიღუპა, ერთადერთი ნიკო ნადირაშვილია ცოცხალი, ის დათო ნიბლოშვილს ეჯდა გვერდით. ღმერთმა ინებოს, რომ ის გამოჯანმრთელდეს, ისიც მძიმედ არის. იმ მანქანებიდან ცოცხალი კაცის გადარჩენა სასწაულია, - მანქანები ისეა დაჭყლეტილი, ვერც გაარჩევ, მანქანაა, თუ რაიმე ჯართი.


გელა კვეშილავა, ექსპერტი ავტოსაგზაო საკითხებში:
- პირდაპირ შემიძლია ვთქვა, რომ ჩვენი ქვეყნის ტრასებზე სიკვდილია ჩასაფრებული. შარშანდელი სტატისტიკით ჩვენს გზებზე მომხდარ კატასტროფებში 9000 ადამიანია დაშავებული, მათგან 608 გარდაიცვალა. რეგიონებში მომხდარი ტრაგედიების ძირითადი მიზეზი მართლაც ის არის, რომ არსად კონტროლდება არც სიჩქარის გადაჭარბება და არც ნასვამ მდგომარეობაში ყოფნა. თუ ამას სახელმწიფომ არ მიხედა, კიდევ უარესი დაგვემართება! ასე რომ, ამ უბედურებაში ჩვენი სახელმწიფოს წვლილიცაა იმ მოქალაქეებთან ერთად, რომლებიც უპასუხიმგებლობას იჩენენ თავისი თუ სხვისი სიცოცხლის მიმართ!

იხილეთ ვიდეო


ეთერ ერაძე( სპეციალურად საიტისთვის!)

Eka
13 მარტი 2016 11:01
natelshi iyos mati sulebi.
ანი პირდაპირი
27 თებერვალი 2016 13:01
ალიევები რომ არიან 23 კომენტარიდან ნათელი და სანთელი არ უხსენებია არავის:))
სხვა სიახლეები

"ნებისმიერი ადამიანის კონსტიტუციური უფლებაა თუ კანონს არ არღვევს და არავიზე არ ძალადობს, რანაირი ფოტოც უნდა ისეთი გადაიღოს საკუთარ საცხოვრებელში და საჯაროდ გამოფინოს. გინდ შიშველი პოზირებდეს, გინდ ტიტველი და გინდ წურბელებით კისერზე"

დაწვრილებით...
"ძალიან მინდა ვიყო... გრიშა კაკაჩიასავით მდიდარი, რომ ქველმოქმედების საშუალება მქონდეს"

დაწვრილებით...
ბათუმი განსაკუთრებული ახალი წლისთვის ემზადება.
დაწვრილებით...
შარშან ნაძალადევში, ნაქირავებ ბინაში, ახალგაზრდა­ ცოლ-ქმარი დაიღუპა. ქალი 7 თვის ფეხმძიმე იყო, როცა ახალგაზრდები­ აღარ გამოჩნდნენ, მეზობლებმა მოიკითხეს. ბინა მაშველებმა შეანგრიეს და...
დაწვრილებით...
6 დეკემბერს სასტუმრო რედისონში პაშა ბანკი პროექტის MEETING ROOM-ის ფარგლებში გაიმართა რიგით მეორე ბიზნეს-კონფერენცია,
დაწვრილებით...
"გვარამია ნულია ჩემს თვალში! ეს არის მიხეილ სააკაშვილის რუპორი და ყოფილი პროკურორი, რომელმაც რატომღაც გადაწყვიტა, რომ მუსიკაში ერკვევა..."
დაწვრილებით...
ძველად ონიქსს „ბელადების ქვას“ უწოდებდნენ, რადგან მას თავისი ძალით შეუძლია მფლობელს მოუტანოს ძალაუფლება, გონებამახვილობა, დაეხმაროს პატრონს მტრის გეგმების გამოცნობაში.
დაწვრილებით...
5 დეკემებრს, ბათუმში, შაჰინის სახელობის სკოლა-ლიცეუმის ორგანიზებით ჟურნალისტებისთვის სპეციალური საინფომაციო ტური ჩატარდა.
დაწვრილებით...

სილქნეტის მომხმარებლები სულ უფრო ხშირად იყენებენ ისეთ მომსახურებას, რომელიც გაუმარტივებს ყოველდღიურობას ან სახლიდან გაუსვლელად  მოუგვარებს პრობლემას.

დაწვრილებით...
"დგახარ 5049 მეტრ სიმაღლეზე და ქვეყანა შენი გგონია"

"მყინვარზე ასასვლელი­ რთული გზაც არსებობს და იოლიც. ჩემს ასაკში გაცილებით რთულია, მაგრამ ერთი რამ, რაც მთებში სიარულმა მასწავლა, ძალისა და ენერგიის განაწილებაა. მიზნის მიღწევაში, რა თქმა უნდა, ბუნებამ და ამინდმაც უნდა შეგიწყოს ხელი"
დაწვრილებით...
კუთხის მზიანი ბინა,
ქირავდება 1,5 ოთახიანი ბინა დღიურად,
აღმაშენებლის ხეივანზე დიღომი 7-ში 2100
აღმაშენებლის ხეივანზე დიღომი 8-ში 2000კვმ
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები