"ამ ფილმის პორნოგრაფიად განხილვა საბჭოთა ეპოქაში დაბრუნებაა" - რატომ გახდა გასპარ ნოეს "Love" გამოძიების დაწყების მიზეზი?!
"ამ ფილმის პორნოგრაფიად განხილვა საბჭოთა ეპოქაში დაბრუნებაა" - რატომ გახდა გასპარ ნოეს "Love" გამოძიების დაწყების მიზეზი?!
05-03-2016
"სამწუხაროა, რომ ესაა სამსჯელო თემა, მაშინ როდესაც ძალადობრივი სექსუალური სცენების კინოჩვენებას აწყობენ ქალაქის ცენტრში, როემლსაც უყურებს ყველა ასაკის ადამიანი. საჯარო მოხელეები კი, ვინც ამაში მონაწილებდნენ, არავის დაუსჯია".

როგორც ოფიციალური განცხადებიდან ირკვევა, შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარმა სამმართველომ, კიბერდანაშაულთან ბრძოლის დეპარტამენტში შესული ინფორმაციის საფუძველზე, კონკრეტული საიტებით პორნოგრაფიული მასალების გავრცელების ფაქტზე გამოძიება დაიწყო. შსს-ს განცხადებით, სისხლის სამართლის კოდექსის 255-ე მუხლით საქართველოში აკრძალულია პორნოგრაფიის შემცველი მასალის გავრცელება. "შინაგან საქმეთა სამინისტრო ვალდებულია, დაიცვას და აღასრულოს საქართველოში მოქმედი კანონმდებლობა. გამოძიების მიერ, სამართლებრივი წესის შესაბამისად, დაინიშნა შესაბამისი ექსპერტიზები და შსს-ს მიეწოდა დასკვნა, რომ აღნიშნული ფილმი (ლაპარაკია გასპარ ნოეს ფილმზე ,,ლოვე", რომლის არასაკონკურსო ჩვენება გაიმართა 2015 წლის კანის კინოფესტივალზე, ასევე აჩვენს საქართველოში - ბათუმის კინოფესტივალზე - ავტ.) მიეკუთვნება პორნოგრაფიას. ამჟამად მიმდინარეობს საგამოძიებო მოქმედებები". ამ ინფორმაციას ჩვენში დიდი გამოხმაურება მოჰყვა. რიგი ხელოვნებათმცოდნეების თქმით, ამ ყველაფერს ცენზურის სუნი აქვს. გამოითქვა ასეთი აზრიც, ქვეყნაში, სადაც ყოველდღიურად მძიმე თუ ნაკლებად მძიმე დანაშაული ხდება, სამართალდამცავებს ფილმებისთვის ნაკლებად უნდა ეცალოთ.

გვესაუბრება "საქართველოს დემოკრატიული ინიციატივის" გამგეობის წევრი გიორგი მშვენიერაძე:
- ხელთ მაქვს განჩინება, რომელიც 2016 წლის თებერვალშია გამოტანილი და მასში პირდაპირ წერია, რომ გამოძიება დაწყებულია. ათამდე პირს, რომლებიც არიან სხვადასხვა დომენების მფლობელები ამ განჩინებით, სთხოვენ ინფორმაციის მიწოდებას, თუ ვის მიერ მოხდა ამ ფილმის ატვირთვა ამა თუ იმ საიტზე.
გასპარ ნოე, ფილმის მსახიობებთან ერთად, კანის კინოფესტივალზე

- რამდენად სწორია ამ ფილმის პორნოგრაფიად მიჩნევა?
- სისხლის სამართლის კოდექსის 255-ე მუხლს აქვს კონკრეტული შენიშვნა - პორნოგრაფიად არ შეგვიძლია მივიჩნიოთ ფილმი, რომელსაც აქვს სამეცნიერო, სამედიცინო, საგანმანათლებლო ან სახელოვნებო ღირებულება. ამ კონკრეტულ ფილმზე შეიძლება ვიდაოთ ვის მოსწონს და ვის - არა, მაგრამ მას ნამდვილად აქვს სახელოვნებო ღირებულება და მისი პორნოგრაფიად განხილვა საბჭოთა პერიოდში დაბრუნებაა, როცა კულტურის კომისია არსებობდა და ფილმები უმკაცრეს ცენზურას გადიოდა. ეს არის სწორედ ამ ტიპის გადაწყვეტილება, როგორ შეიძლება შსს-ს გამომძიებელმა ან ვინმე კონკრეტულმა ადამიანმა გადაწყვიტოს, რადგან მას არ მოეწონა ფილმი, ამიტომ პორნოგრაფიაა?!
კადრი ფილმიდან

- ამ ლოგიკით, ხომ არაა მოსალოდნელი მსოფლიო კლასიკად აღიარებული იმ ფილმების აკრძალვაც, სადაც თამამი სცენებია?
- ყველაფერს შეიძლება ველოდოთ, რა იცი ვის რა მოუვა თავში. ჩვენთან არათუ მსგავსი ფილმი, არამედ პორნოგრაფიაც კი დაცულია გამოხატვის თავისუფლებით, თუ საქმე არ ეხება არასრულწლოვანთა სექსუალურ აქტს. სხვა შემთხვევაში მსგავსი ტიპის აკრძალვა არაკონსტიტუციურია. შეიძლება ვინმეს არ მოსწონს ის ფაქტი, რომ შესაძლოა ეს პროდუქცია მისმა შვილმა ნახოს, ბუნებრივია, მეც არ მინდა რომ პორნოგრფია ჩემმა შვილმა ნახოს, ვიდრე შესაბამისი ასაკი არ ექნება. ჩემი ვალდებულებაა, ის კომპიუტერი, რომელზეც ბავშვს წვდომა აქვს, ისეთი უსაფრთხოების სისტემით აღვჭურვო, რომ ჩემ შვილს პორნოსაიტებზე შესვლა არ შეეძლოს. ესაა მსოფლიო გამოცდილება, თორემ საქართველოში
You must have Flash Player installed in order to see this player.
ყველა საიტიც რომ გავაუქმოთ, მსოფლიოში მილიონობით პორნოსაიტია...

- ამ ცოტა ხნის წინ, პარლამენტის ჯანდაცვისა და სოციალურ საკითხთა კომიტეტის თავმჯდომარე დიმიტრი ხუნდაძე გამოვიდა ინიციატივით, რომ ქვეყანაში პორნოგრაფიის გავრცელება შეიზღუდოს. ამ ინიციატივას ხომ არ მოჰყვა ეს გამოძიება?
- თუ გახსოვთ, ცოტა ხნის წინ, რამდენიმე ათეული პირი მისცეს პასუხისგებაში. მათ ბრალად, სწორედ პორნოგრაფიის გავრცელება ედებოდათ. ამ პირებს მოაწერინეს ხელი საპროცესო შეთანხმებაზე და ემუქრებოდნენ, რომ თუ ისინი არ ითანამშრომლებდნენ პოლიციასთან გაასაჯაროებდნენ მათ ვინაობას. ეს ქმედება რადგან შერჩათ ახლა გადავიდნენ უხეშად რომ ვთქვათ, რეკეტზე, დადიან სახლებში და პიროვნებებს ეუბნებიან - ჩვენ შვილებს რატომ რყვნით, რატომ ავრცელებთ პორნოგრაფიას და სხვ. ასეთი ტიპის დამოკიდებულება არის სხვა არაფერი თუ არა საბჭოთა პერიოდში დაბრუნება. ზოგადად ბატონ ხუნდაძეს და ამ მთავრობას ახასიათებს ბუსუსებიანი პრეზერვატივის აკრძალვა და ახლა უკვე უფრო მაღალ ეტაპზე ავედით. სამწუხაროა, რომ ესაა სამსჯელო თემა, მაშინ როდესაც ძალადობრივი სექსუალური სცენების კინოჩვენებას აწყობენ ქალაქის ცენტრში, რომელსაც უყურებს ყველა ასაკის ადამიანი. საჯარო მოხელეები კი, ვინც ამაში მონაწილეობდნენ, არავის დაუსჯია.

ლადო გოგოლაძე (სპეციალურად საიტისთვის)

...
07 მარტი 2016 09:39
ეს მართლა ცენზურაა. არ შეიძლება ფილმის ჩვენების აკრძალვა რაც შეეხება პატარებს მათ, რომ ასეთი ჟანრის ფილმები არ ნახონ პირველ რიგში მშობლების ვალდებულებაა.
სხვა სიახლეები

ტელეკომპანია PalitraNews-ი ახალ გადაცემას იწყებს, სახელწოდებით "არცოდნა აკრძალულია".

 

დაწვრილებით...
"მნიშვნელოვანია, ნინო კასრაძის თამაშის პროცესს თვალი ადევნო, როგორ უდგება თითოეულ საკითხს, როგორ ირგებს როლს, რაოდენ დიდია მისი პასუხისმგებლობა თითოეული დეტალის მიმართ. სუნთქვას როგორ "იღებს". ეს ჩვეულებრივი მასტერკლასია"
დაწვრილებით...
“თეგეტა მოტორსის” ახალი შეთავაზება ავტომფლობელთათვის „მოამზადე ავტომობილი ზამთრისთვის“.
დაწვრილებით...
აჭარაში, საუკეთესო სერვისის მქონე ტურისტული ობიექტების ვინაობა წლის ბოლომდე გახდება ცნობილი.
დაწვრილებით...
28 ნოემბერს კინოთეატრ ამირანში თბილისის მე-17 საერთაშორისო კინოფესტივალი დაიწყო,
დაწვრილებით...
ეთიოპიის დედაქალაქ ადის-აბებაში, იუნესკოს არამატერიალური კულტურული მემკვიდრეობის დაცვის მთავრობათაშორისი კომიტეტის მე-11 სესიაზე (28 ნოემბერი-2 დეკემბერი) მიიღეს გადაწყვეტილება, საქართველოს მიერ წარდგენილი ნომინაციის "ქართული ანბანის სამი სახეობის ცოცხალი კულტურა" არამატერიალური კულტურული მემკვიდრეობის წარმომადგენლობით სიაში შეტანის თაობაზე.
დაწვრილებით...
"ჩემს დაბადების დღეზე ირინა მეგობართან ერთად მოვიდა. პირველად თვალში მისი თვალები მომხვდა და მერე როგორც ხდება ხოლმე, ჩვენს ურთიერთობაში ეტაპობრივად მოვიდა მოწონება, ვნება, სიყვარული..."
დაწვრილებით...
"კარგია, რომ კულტურის სამინისტრომ დააფინანასა მისი ამ კონკურსებში მონაწილეობა, მაგრამ ამ ფონზე, კიდევ უარესად ჩანს - ამის გამო მისთვის სოციალური სტატუსის შეცვლა და დახმარების მოხსნა"

"იმის გარდა, რომ მარტო ვცხოვრობ და ყველაფერი ჩემი გასაკეთებელია, ელემენტარული საარსებო პირობებიც კი არ მაქვს..."
დაწვრილებით...
ქირავდება ახალ აშენებულ კორპუსში ახალი
ქირავდება დღიურად 5 ოთახიანი ბინა
იყიდება განვადებით 80 კვ/მ ბინა
ქირავდებ დღიურად 2 ოთახიანი ბინა
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები