"არ მაქვს სქელი ფარდები, რადგან მიყვარს მზე, სინათლე, სითბო"
"არ მაქვს სქელი ფარდები, რადგან მიყვარს მზე, სინათლე, სითბო"
14-03-2016
სალომე ბაკურაძის კომფორტული ბინა, რომელიც თავად დააპროექტა

თუ ცნობილი ადამიანების რეალური საცხოვრებელი ადგილი გაინტერესებთ, "შინ" გაძლევთ შანსს, ერთად გავიგოთ, როგორ გარემოში ცხოვრობენ ისინი, სად გრძნობენ თავს კომფორტულად, როგორია მათი საოცნებო სახლი. ამჯერად სალომე ბაკურაძის თბილი, ნათელი და გემოვნებით მოწყობილი ბინა დავათვალიერეთ.

- ამ ბინაში დაახლოებით სამი წლის წინ გადმოვედი, თუმცა გაცილებით ადრე შევიტანე სამშენებლო კომპანიაში საბუთები­. იმ დროისთვის დეიდაჩემთან ვცხოვრობდი სოლოლაკში, არაჩვეულებრივ ადგილას, ბეთლემის აღმართზე. თუ მექნება საშუალება, რომ ავიშენო­ დიდი სახლი, აუცილებლად ავიშენებ ძველ თბილისში, რომელსაც ერქმევა ჩემი სახელოსნო-სტუდია, შევქმნი ძალიან მყუდრო და ნათელ გარემოს, გავუმასპინძლდები ბევრ სტუმარს. თუმცა აქაც არაჩვეულებრივად ვგრძნობ თავს, ძალიან უყვართ ჩემს მეგობრებს ჩემთან სტუმრობა, შესაბამისად, აქ ხშირად ვიკრიბებით.

მშენებლობა-რემონტის საკითხის მთელი სირთულეები საკუთარ თავზე ავიღე. მოვიკითხე ახლობლებში, მეგობრებში საუკეთესო ხელოსნები, საქმის პროფესიონალები, შევკრიბე არაჩვეულებრივი გუნდი და მათ მივანდე რემონტის საკითხი, თუმცა ვაკონტროლებდი და ყველაფერი ჩემი მოთხოვნით კეთდებოდა. მართალია, სარემონტო მასალებზე სიარული მე არ მიწევდა, ხარი­სხი იყო, ფერები თუ დიზაინი, ყველაფერი ჩემი გემოვნებით შეირჩა. მაშინ გათხოვილი არ ვიყავი, ამიტომ ჩემი მეგობრები მეხმარებოდნენ, მაკვალიანებდნენ, მათი რჩევების საფუძველზე და ჩემი დიდი ძალისხმევით საბოლოოდ გამოვიდა ის, რასაც ხედავთ. არც მიფიქრია, დიზაინერისთვის მიმემართა, მირჩევნია, მე გადავწყვიტო, როგორ გარემოში ვიგრძნობ თავს უფრო კომფორტულად. ძალიან მიყვარს დიდი და ნათელი ბინები, მოყვითალო, თბილი განათებით.­ ვგიჟდები ღია ფერებზე. ძალიან მინდა მქონდეს დიდი სახლი, აუზით, ულამაზესი ტერასით და გამწვანებული, ყვავილებიანი ეზოთი. იმედი მაქვს, ამ სურვილს ავისრულებ.

ჩემი სახლი სტუდიოს ტიპისაა. ყველანაირად ვეცადე, მინიმალისტური, პრაქტიკული და მოსახერხებელი გამოსულიყო.­ სივრცე მაქსიმალურად გამოვიყენე, ყველა კარადა ჰოლშიც და საძინებელშიც კედელში ჩავამონტაჟებინე. საერთო ოთახში დგას რბილი სამეული. შემთხვევით ვნახე მაღაზიაში, მხოლოდ ერთი იყო დარჩენილი, ჯერ რემონტი დასრულებული არ იყო, ამიტომ შევანახვინე. ძალიან მოუხდა ოთახს,­ ფუნქციურადაც ძალიან მოსახერხებელია.

ოთახში პატარა ჟურნალების მაგიდა მაქვს, წინ კი ტელევიზორის კედელი, რომელზეც დაკიდებული კარადებია. თაროებზე ძირითადად ნახავთ პატარა მინიატიურების და სასმელების კოლექციას. თუ სადმე მივდივართ საზღვარგარეთ, აუცილებლად ჩამოგვაქვს სუვენირი და მაცივარზე დასაკრავები.
ჩემთვის ძალიან ძვირფასია ოქროსფერი ვიოლინოს გასაღები, რომელიც მოლდავეთში მივიღე ,,მეგობრული სახეების" კონკურსში. მომწონს გამჭვირვალე ჭურჭელი, ვფიქრობ, ეს გამჭვირვალე დოქი და ლარნაკები ვიზუალურად ადიდებს და ანათებს ოთახს. იატაკზე შეამჩნევდით ჭიამაიას. ზოგადად ჭიამაია ძალიან მიყვარს, ამიტომ შევიძინე და ყოველთვის პოზიტიურ განწყობაზე მაყენებს. შავი სპილო სანათს ორიგინალურობას მატებს. ოთახი დიდი რომ გამოჩენილიყო, კედლებიც და ფარდებიც ღია, ნეიტრალურ ფერში შევაღებინე...

სამზარეულოს კარადა, ბარის მაგიდა,­ სკამები ჩემი დიზაინით ამიწყვეს. როცა დრო მაქვს, ყოველთვის მიწევს სამზარეულოში ტრიალი, ამიტომ ვეცადე, ხალასი და პოზიტიური ფერები შემეხამებინა, სივრცე კი კომფორტული ყოფილიყო.
ყველაზე მეტად მომწონს და მიყვარს ჩემი საძინებელი, აქ მშვიდად ვგრძნობ თავს. მყუდრო და თბილია. ოთახში დგას ორადგილიანი საწოლი, ტანსაცმლის კარადა­ კი კედელშია ჩამონტაჟებული. საწოლთან მაქვს დამატებითი განათება. არ მაქვს სქელი ფარდები, რადგან მიყვარს დღის შუქი, მზე,
You must have Flash Player installed in order to see this player.
სინათლე, სითბო. მზე ამოსვლისთანავე ჩემს ოთახს ანათებს, მაგრამ ეს არასოდეს მაწუხებს...

კედელზე ხედავთ საათს ჩემი სურათით, რომელიც მეგობრებმა მაჩუქეს. ჩემი მეგობარი სარეკლამო კომპანიაში მუშაობს და მან გააკეთებინა. უნდოდათ, რამე ორიგინალური და განსხვავებული ეჩუქებინათ და ნამდვილად გამოუვიდათ.

მერი ბლიაძე
ჟურნალი "შინ"
1111
21 მარტი 2016 09:50
რა გააჭირეთ საქმე გავიგეთ ერთხელ, უნდა დავიზეპიროთ?
სხვა სიახლეები
დღევანდელ წერილში რამდენიმე ქართველი პოლიტიკოსის თავს გადახდენილ მხიარულ ისტორიებს მოგიყვებით.
დაწვრილებით...
"სულ ნოსტალგია მაქვს, როცა "ფეისბუკში" ჩემი მშობლიური და საყვარელი დაბა ცემის ფოტოებს ვუყურებ - წელს მაინც რამხელა თოვლი მოსულა"!
დაწვრილებით...

გერმანიის და ავსტრიის ეპარქიის სამღვდელოება და მრევლი ეპარქიის მმართველად მიტროპოლიტ სერაფიმეს (ჯოჯუა) დანიშვნის გამო პროტესტს გამოთქვამს.
დაწვრილებით...
რამდენიმე დღის წინ, საქართველოს პირველი ლედის მაკა ჩიჩუას ძმა, მიხეილ მგალობლიშვილი დააკავეს.
დაწვრილებით...
კვლევის თანახმად, გამოკითხულთა 58%-სთვის ყველაზე მნიშვნელოვანი ეროვნული საკითხი კვლავ სამუშაო ადგილებია.
დაწვრილებით...
თენგიზ აბულაძის ფილმის - "მე, ბებია,­ ილიკო და ილარიონი" - გადაღებისას ბებიის როლის შესასრულებლად 55 წლის სეს­ილია თაყაიშვილმა საღი კბილები დაიძრო.
დაწვრილებით...
PRIME
როგორც კი პუტინის მანქანა ჯორს გაუსწორდა, ეს უკანასკნელი ადგილს მოსწყდა, სწორედ პრეზიდენტის მანქანის წინ დადგა. პუტინი შეეცადა, მისთვის გვერდი აევლო, მაგრამ ამაოდ - ჯორი იქით გადადგა, რა მიმართულებითაც პუტინმა წასვლა გადაწყვიტა. ბოლოს პუტინმა ჯორს თავი დააღწია და მინიმალური სიჩქარით გააგრძელა გზა. ასე მიდიოდნენ ფეხშეწყობილად..­.
დაწვრილებით...
PRIME
"ვეფხისტყაოსანი" ქართველებისთვის­ ის ძეგლია, რომელსაც ჯერაც ვერც ერთი ქართული შედევრი ვერ გაუტოლდა, ამიტომაც მის სცენაზე გადატანას ყველა ერიდებოდა,
დაწვრილებით...
PRIME
"კარგია, როცა ქვეყანა შენდება, მაგრამ ეს იმას ხომ არ ნიშნავს,­ შენი ქვეყნის ისტორია წყალმა წაიღოს..."

შალვა ივანიძე: "სუვენირების გამყიდველი ვარ, მაგრამ შენი ქალაქის ისტორია როგორ არ უნდა იცოდე? გული მწყდება, რომ ახალმა თაობამ თავისი ქვეყნის წარსულის შესახებ ნაკლებად იცის"
დაწვრილებით...
PRIME
ქირავდება სავაჭრო ფართი(მაღაზია), ბიზნეს ცენტრ
სასწრაფოდ! იყიდება მშენებარე კორპუსში ბინა
ნუცუბიძის ქ. 201-ში ქირავდება დღიურად,
ქირავდება სასაწყობე ფართი აღჭურვილია ამწე
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები