"მანიაკები საკუთარი ჭიის გასართობად კი არ იღებდნენ..." - როგორია აგენტურული ყოფის ანატომია?
"მანიაკები საკუთარი ჭიის გასართობად კი არ იღებდნენ..." - როგორია აგენტურული ყოფის ანატომია?
16-03-2016
"სპეცსამსახურების მიერ მოპოვებული ყველა კომპრომატი, მათ შორის პირადი საიდუმლოს შემცველი ვიდეოები ან უკვე გამოყენებული იყო "ვერბოვკისთვის", ან აპირებდნენ მის გამოყენებას საჭირო მომენტში"

პუბლიცისტი ვასილ მაღლაფერიძე "ფეისბუკში" პირადი ცხოვრების ამსახველ ვიდეობის თემას გამოეხმაურა და ვრცელი პოსტი მიუძღვნა:

"წინა ხელისუფლების დროს, მადისკრიდიტებელ ვიდეოებს რომ იღებდნენ და არ ასაჯაროებდნენ, ამაში სატრაბახო არაფერია. აგენტურული ყოფის ანატომია გულისხმობს, რომ კომპრომატი გამოიყენება "ვერბოვკის" ინსტრუმენტად და როცა ის საჯაროვდება, კარგავს კომპრომატის ღირებულებას. ათასობით ვიდეოს ვიღაც ერთეული მანიაკები საკუთარი ჭიის გასართობად კი არ იღებდნენ როგორც ეს დღეს სურთ რომ წარმოაჩინონ, ეს ცალკეული შემთხვევები კი არ იყო, არამედ კომპრომატებით შანტაჟი იყო ქვეყნის მართვის ერთ-ერთი მნიშვნელოვანი ინსტრუმენტი და ამის შესახებ ყველაფერი დეტალურად იცოდა მმართველმა ჯგუფმა, რომლის მითითებითაც ხდებოდა ყველაფერი, რაც ხდებოდა.

სპეცსამსახურების მიერ მოპოვებული ყველა კომპრომატი, მათ შორის პირადი საიდუმლოს შემცველი ვიდეოები ან უკვე გამოყენებული იყო "ვერბოვკისთვის", ან აპირებდნენ მის გამოყენებას საჭირო მომენტში.

სისტემა კომპრომატ-ვიდეოებს მოქალაქეების დასათრგუნად იყენებდა, თუმცა, არ არის გამორიცხული, რომ ამის პარალელურად, სისტემის ცალკეული ნაწილები, ამ ვიდეოებს ანგარების და გამორჩენის მიზნით გადასცემდნენ ხოლმე სხვა ქვეყნების სპეცსამსახურებსაც, რომლებიც, ცხადია, ამ მასალებს ასევე "ვერბოვკისთვის გამოიყენებდნენ.

ჩვენ ამჟამად ვსაუბრობთ ვიდეოებით გამოწვეულ ადამიანურ ტრაგედიებზე, მაგრამ ჩვენ ჯერ წარმოდგენა არ გვაქვს, რა ზიანი მიაყენა სხვა ქვეყნის სპეცსამსახურების ხელში მოხვედრილმა "დასავერბოვკებელმა" მასალებმა ჩვენი ქვეყნის უსაფრთხოებას და რა ადამიანური ტრაგედიები და მსხვერპლი მოჰყვა ამას (და შეიძლება კიდევ მოჰყვეს)! ამას ცალკე გამოძიება სჭირდება!

ამიტომ, სრული სიბეცე და სიბრიყვე იყო თავის დროზე ამ ვიდეოების განადგურებაზე საუბარი. თანამედროვე ტექნოლოგიების პირობებში როდესაც ერთი "ფლეშკა" ათასობით ფაილს იტევს, ხოლო გადაწერას წამები სჭირდება, ზედმეტია რაიმეს განადგურებაზე საუბარი. ასევე რთულია იმის განსაზღვრა, ვის როდის მოუნდება ამ ვიდეოების გავრცელება პოლიტიკური, ანგარების ან სულაც მანიაკალური მიზნებიდან გამომდინარე.
You must have Flash Player installed in order to see this player.
როგორც სპეციალისტები ამბობენ, ასეთი ვიდეოების გავრცელება ინტერნეტში არც ისე რთულია, ხოლო გამოძიება ძალიან ძნელი.

ჩვენ ბევრს ვსაუბრობთ აგრესიულ საგარეო განზრახვებზე საქართველოს მიმართ და განზრახვები სწორედაც რომ "დავერბოვკებული" აგენტების მეშვეობით ხორციელდება. "დავერბოვკება", როგორც წესი, სისუსტეების პოვნით და კომპრომატების მოგროვებით ხდება. ამიტომ ეს ავადსახსენებელი ვიდეოები მხოლოდ ცალკეულ მოქალაქეების პრობლემას კი არ წარმოადგენს, მთელი ქვეყნის უსაფრთხოების თემას უკავშირდება.

ცალკეული შემთხვევების გამოძიება მნიშვნელოვანია, მაგრამ, ამავე დროს, აუცილებელია გამოძიება, რომელიც მთელ სისტემას წარმოაჩენს - რა მოვლენასთან გვქონდა საქმე, რა მასშტაბი ჰქონდა დანაშაულს?! უნდა გამოაშკარავდეს ჯაჭვი შემსრულებლიდან დამკვეთამდე. ეს, სხვათა შორის, იმ მძიმე კითხვასაც გასცემს პასუხს, ვინ არიან და სად არიან დღეს ამ ჯგუფური და სისტემური დანაშაულის თანამონაწილეები და რამდენად ვართ დაზღვეულები, რომ ისინი კვლავაც აქტიურად არ მონაწილეობენ საზოგადოებისთვის სახიფათო პროცესებში", - წერს ვასილ მაღლაფერიძე სოციალურ ქსელში.

წყარო
ელიზა
28 მარტი 2016 07:38
ანიდან - ჰაემდე თუ არ გამოაშკარავდა ამის ,,შემოქმედნი" კიდევ ბერჯერ მოგვიწევს თითზე კბენანი,მართალი. ბატონი ვასო !
luxo
24 მარტი 2016 12:13
ბატონო გიო! რომ იძახი მონღოლ, მონღოლს, საქმე ის კი არ არი ვის ვგევართ სახით, არამედ ის ვინა ვართ გულით, რას ვაკეთრბთ ჩვენი ხალხისათვის, ჩვენი სამშობლოსათვის, ჩვენი მათხოვრებისათვის, ჩვენი მეძავებისა და ჩვენი მომავლისათვის.
და კიდევ გადამწყვეტი არ არის ვინა ხარ შენ: მოძღვარი, გლეხი თუ მასწავლებელი, რასაკვირველია როცა გავლენა გაქვს საზოგადოებაზე და შენ სიტყვას წონა აქვს და ამავდროულად გონიერიცა ხარ დიდებულია მაგრამ, მთავარია თუნდაც რიგითი ადამიანი იყო, სწორად იაზროვნო და შენ თავს ხშირად ჰკითხო: სწორად ვიქცევი თუ არა? იმით კი არ იხემძღვანელო, მოგწომს თუ არა ის პიროვნება ვისზედაც მსჯელობ, არამედ იმით თუ რა გააკეთა და რა გააფუჭა ამ პიროვნებამ შენი ქვეყნისათვის, და თუ არაფერი გაუფუჭებია მადლობა უთხარ!, თუ კარგი გაუკეთებიამადლობა საჭირო არ არის, ღმერთი გადაუხდის
სხვა სიახლეები
საქართველოში ჩამოსვლა საბედიწერო გამოდგა 41 წლის ფრიცისთვის. 12 აგვისტოს თუსეთისკენ მიმავალ გზაზე მისი მოგზაურობა სამუდამოდ დასრულდა.
დაწვრილებით...
10 დეკემბერს "თეთრი ხმაურის" მოძრაობამ ნარკოტიკული საშუალებების დეკრიმინალიზაციის მოთხოვნით, პარლამენტის შენობის წინ აქცია გამართა.
დაწვრილებით...

"ნებისმიერი ადამიანის კონსტიტუციური უფლებაა თუ კანონს არ არღვევს და არავიზე არ ძალადობს, რანაირი ფოტოც უნდა ისეთი გადაიღოს საკუთარ საცხოვრებელში და საჯაროდ გამოფინოს. გინდ შიშველი პოზირებდეს, გინდ ტიტველი და გინდ წურბელებით კისერზე"

დაწვრილებით...
"ძალიან მინდა ვიყო... გრიშა კაკაჩიასავით მდიდარი, რომ ქველმოქმედების საშუალება მქონდეს"

დაწვრილებით...
ბათუმი განსაკუთრებული ახალი წლისთვის ემზადება.
დაწვრილებით...
შარშან ნაძალადევში, ნაქირავებ ბინაში, ახალგაზრდა­ ცოლ-ქმარი დაიღუპა. ქალი 7 თვის ფეხმძიმე იყო, როცა ახალგაზრდები­ აღარ გამოჩნდნენ, მეზობლებმა მოიკითხეს. ბინა მაშველებმა შეანგრიეს და...
დაწვრილებით...
6 დეკემბერს სასტუმრო რედისონში პაშა ბანკი პროექტის MEETING ROOM-ის ფარგლებში გაიმართა რიგით მეორე ბიზნეს-კონფერენცია,
დაწვრილებით...
"გვარამია ნულია ჩემს თვალში! ეს არის მიხეილ სააკაშვილის რუპორი და ყოფილი პროკურორი, რომელმაც რატომღაც გადაწყვიტა, რომ მუსიკაში ერკვევა..."
დაწვრილებით...
ძველად ონიქსს „ბელადების ქვას“ უწოდებდნენ, რადგან მას თავისი ძალით შეუძლია მფლობელს მოუტანოს ძალაუფლება, გონებამახვილობა, დაეხმაროს პატრონს მტრის გეგმების გამოცნობაში.
დაწვრილებით...
5 დეკემებრს, ბათუმში, შაჰინის სახელობის სკოლა-ლიცეუმის ორგანიზებით ჟურნალისტებისთვის სპეციალური საინფომაციო ტური ჩატარდა.
დაწვრილებით...
სასწრაფოდ და იაფად! იყიდება 1
LTD ,,NDS” გთავაზობთ დიღმის მასივში
აღმაშენებლის ხეივანზე, დიღომი-7 1520კვმ მიწის
იყიდება ბინა (ლილოს ბაზრობასთან 2
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები