"მამა არ მინდა და არც - დედა. მამაჩემის მეშინია"!
"მამა არ მინდა და არც - დედა. მამაჩემის მეშინია"!
23-03-2016
ჟურნალი "გზა" 24 მარტის ნომერში აქვეყნებს სტატიას დასავლეთ საქართველოს ერთ-ერთ სოფელში არსებულ სოციალურ სახლზე, რომელიც ახალგაზრდა კაცმა დაარსა და დღეს ის სახლის პატარა ბენეფიციარების ოჯახის წევრი, მეგობარი და მშობელია...

გთავაზობთ ამონარიდს სტატიიდან:

ამ წერილში რასაც წაიკითხავთ, გამოგონილი არაფერია. სახელ-გვარებს არ მივუთითებ, რათა არ მოხდეს იმ ადამიანების იდენტიფიცირება, ვისზედაც ვისაუბრებ.  ის სოციალური სახლი, რომელზეც უნდა გესაუბროთ, დასავლეთ საქართველოს ერთ-ერთ სოფელშია. მას მაღალი, ქერა ახალგაზრდა კაცი ხელმძღვანელობს - დავარქვათ პირობითად, ლადო. ოცდაათიოდე წლისაა და ასაკთან შეუსაბამო ნაოჭები გასჩენია თვალების გარშემო. ამის მიზეზი, ადრე დაობლების გარდა, ისიც არის, რომ ლადოს ხშირად უწევს მოძალადე მშობლებთან ურთიერთობა.

სოციალური სახლის ერთ-ერთ ბენეფიციარს დავარქვათ ლუკა. ისიც ქერაა. ცხვირი ოდნავ აპრეხილი აქვს, თმა - "ასლაქული", თვალები - მორუხო-მოცისფრო და ნაღვლიანი. სოციალური სახლის ფანჯარასთან ხშირად ჯდება და გადასცქერის ყვავილებად აფეთქებულ ატმებსა და ტყემლებს. გარეთ გაზაფხულია, ბავშვის გულში კი ზამთრობს დარდები. ამაზე ლაპარაკი ლუკას არ უყვარს, მაგრამ საუბრისას მაინც იკვეთება დარდის მიზეზი. ეს ჩემსა და ლუკას შორის დიალოგია:

- მე უკვე დიდი ვარ. მეექვსეკლასელი გახლავართ და ლადომ კომპიუტერთან დაჯდომის უფლება მომცა. ვინც ვიმსახურებთ, მორიგეობით ვიყენებთ ინტერნეტს. ლადოს იცნობ?

- კი, ვიცნობ.
- ჩემს ლადოს იცნობ?! მას არ უთქვამს, არადა, ყველაფერს მეუბნება ხოლმე.

- ტელეფონი თუ გაქვს? დაგირეკავ ხოლმე...
- მაქვს და მინდა, დამირეკო ხოლმე, მაგრამ ჩემი "კარტა" ხშირად მირზას (ესეც სოციალური სახლის ბენეფიციარია. - ავტ.) აქვს. საღამოობით სულ თავის შეყვარებულს ელაპარაკება და როგორ წავართვა? ჰო, იცი, მე ხაშლამის მომზადება ვისწავლე...

- ლადო ახლა სად არის?

- ბიბლიოთეკაში ზის და რაღაცებს წერს. თან, შოთასა და ნიკას ამეცადინებს.

- ლადოსთან კარგია?

- ლადო ჩემია! გოჩა რომ მეუბნება, - ჩემიაო, ნერვები მეშლება!

- ლუკა, დედა არ მყავსო, - თქვი.
მამა თუ გყავს?

- მამა არ მინდა და არც - დედა. მამაჩემის მეშინია! სახლში სულ მეჩხუბებოდა. ჩემი უფროსი ძმა ავად არის. სახლში გალახეს და ავადმყოფობს. დავიღალე ნერვიულობით... მშობლებზე სულ ასე ვამბობ, რომ არ მყავს! ასეთ ლაპარაკს ლადო მიშლის, მაგრამ მე ისინი არ მიყვარს! ერთხელ ლადომ მამას შემახვედრა და მერე იმან ლადოს დაარტყა. კინაღამ მოვკვდი. ლადოს რომ რამე დაემართოს, რა გვეშველება?!

- სულ რამდენი და-ძმა ხართ?

- მე სამი ძმა და ერთი და მყავს... ლადო ბიძიამ წაართვა ყველა შვილი ჩემს მშობლებს და ახლა აქ რომ ვართ, ეს მიხარია. მგონი, ლადოს უნდა, რომ სახლში დამაბრუნოს. ეგებ უთხრათ, რომ მე იქ არ მინდა. მსურს, სულ ჩემს ლადოსთან ვიყო...

ლადოსა და ლუკას სიკეთით სავსე ამბავი სრულად წაიკითხეთ ჟურნალ "გზის" 24 მარტის ნომერში

nino
24 მარტი 2016 12:38
მე მქონდა ურთიერთობა ასეთი სახლების აღსაზრდელებთან და დამერწმუნეთ იოტისოდენა სითბოს შემთხვევაში სამაგიეროდ რამხელა სიყვარულს და პატივისცემას იღებთ,ვერ აგიწერთ.
222
24 მარტი 2016 09:35
სიამოვნებით ვიშვილებდი ასეთ ბავშვს.. მაგრამ სამწუხაროდ ამ ქვეყანაში ეს ვერ ხერხდება ისევ, არსებული კანონმდებლობის გამო.. ეგეთ მშობლებს ეგრევე უნდა ჩამოართვა მშობლის უფლება და იშვილოს იმან, ვინც ბავშვობას გაუფერადებს ამ საწყალ ბავშვებს.
სხვა სიახლეები
წარმოიდგინეთ, რომ დასაწერი გაქვთ თემა "მასწავლებლის სახე ქართულ ლიტერატურაში", რა გაგახსენდებათ? - კარგი არც არაფერი.
დაწვრილებით...
დღეიდან, 29 აგვისტოდან, ტელეკომპანია "პალიტრანიუსი" ახალ სატელევიზიო სეზონზე სიახლეებით ბრუნდება ეთერში. წინასაარჩევნო პერიოდში ტელეკომპანია მაყურებელს მრავალფეროვან და საინტერესო ეთერს ჰპირდება.
დაწვრილებით...
4 ქვეყანა, 24 ანსამბლი და 400-მდე მონაწილე დიდ ქართულ სცენაზე
დაწვრილებით...
1783 წელს ერეკლე II-მ ხელი მოაწერა რუსეთთან ხელშეკრულებას, რომელიც "გეორგიევსკის ტრაქტატის" სახელით არის ცნობილი.
დაწვრილებით...
„თეგეტა მოტორსი“ მომხმარებლებს აკუმულატორებზე ახალ პირობებს სთავაზობს.
დაწვრილებით...
შინაბერა მარპლის პროტოტიპი მწერლის ბებიაა, რომელიც, ავტორის თქმით, უბოროტო ადამიანი იყო, მაგრამ მუდამ,­ ყველასა და ყველაფრისგან ცუდსა და უარესს ელოდა.­ მისი მოლოდინი კი პერიოდულად მართლდებოდა­...
დაწვრილებით...
PRIME
"კომპიუტერული სისტემა ხომ ვერ ხედავს,­ სიგარეტს აბოლებ, თუ ხანძარი გაჩნდა. იბლოკება მთელი სისტემა და მატარებელი ჩერდება"
დაწვრილებით...
PRIME
რამდენიმე ხნის წინ სოციალურ ქსელებში საგზაო შემთხვევისას დაღუპული ზოლებიანი აფთრის (Hyaena hyaena) ფოტო გავრცელდა.
დაწვრილებით...
PRIME
რამდენიმე დღის წინ გორის კულტურისა და დასვენების პარკში, იქ, სადაც მინიზოოპარკია, დათვის ვოლიერს დაუპატიჟებელი სტუმარი ეწვია.
დაწვრილებით...
PRIME
სერვისის მიმწოდებელმა პირმა თქვენ თვალწინ უნდა ჩაიცვას ახალი, ერთჯერადი, სტერილური ხელთათმანი, თქვენ თვალწინ უნდა გაიხსნას სათანადო დონეზე დამუშავებული, სტერილურ პაკეტში მოთავსებული ინსტრუმენტები. უნდა იცოდეთ, რომ თუ ტატუს რამდენიმე მომხმარებელს ერთი ნემსით უკეთებს სპეციალისტი, ეს სასტიკი დარღვევაა
დაწვრილებით...
PRIME
სასწრაფოდ! იყიდება 1 სართულიანი,
სოფელ ვაზიანის ცენტრში ლილო მოლიდან
იყიდება 3 სართულიანი (+1 სარდაფი)
ქირავდება ან იყიდება 65 კვ.მ
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები