"ჩემი მიზანია, რაც შეიძლება მეტ ადამიანს მოუნდეს სხვას დაეხმაროს" - ტაქსის მძღოლი ქალაქ "პენტოსიდან"
"ჩემი მიზანია, რაც შეიძლება მეტ ადამიანს მოუნდეს სხვას დაეხმაროს" - ტაქსის მძღოლი ქალაქ "პენტოსიდან"
24-03-2016
"გადავწყვიტე მეტაქსავა, ხოლო ნაშოვნი ფულით მეყიდა საჭმელი და დამერიგებინა"

"დღეს ისევ გავდივარ ტაქსით და დილას ერთ ძალიან ცუდ დღეში მყოფ ოჯახს ვუყიდით ორი კვირის სამყოფ საჭმელს", - უკვე რამდენიმე დღეა ამგვარი შინაარსის სტატუსებს საკუთარ "ფეისბუკგვერდზე" სცენარისტი და იუმორისტი აკა სინჯიკაშვილი აქვეყნებს, რომელმაც ერთ დღესაც გადაწყვიტა, რომ მთელი ღამის განმავლობაში ტაქსისტად ემუშავა, ხოლო ნაშოვნი ფულით მშიერი ხალხისთვის ჰამბურგერები და გაზიანი სასმელი ეყიდა და დაერიგებინა. რატომ გადაწყვიტა და როგორ შეხვდა ხალხი მის ამ ნაბიჯს, ამას თვითონ გვიყვება.

- ყველაზე მეტად მეცოდებიან ის ადამიანები, ვისაც შია, რადგან მიმაჩნია, რომ დედამიწაზე, სადაც ამდენი საჭმელია, არ შეიძლება ვინმე შიმშილობდეს. ეს მგონია ყველაზე დიდი უსამართლობა… ყოველთვის ვცდილობდი ასეთ ადამიანებს რაღაც ფორმით დავხმარებოდი. გამომდინარე იქიდან, რომ ხელფასი ისეთი რაღაცაა, რაც მალე ილევა, ამიტომ გადავწყვიტე ხალხიც ჩამერთო ამ საქმეში, თანაც გამომიჩნდა თავისუფალი დრო და გადავწყვიტე მეტაქსავა, ხოლო ნაშოვნი ფულით მეყიდა საჭმელი და დამერიგებინა. მანამდეც დავდიოდი ხოლმე ასე, მაგრამ მას მერე, რაც ეს დავწერე "ფეისბუქზე" ძალიან ბევრმა ადამიანმა გაიგო

- ვის ეხმარები და რა რეაქცია აქვთ შენს საქციელზე?

- როგორც წესი, არ სჯერათ, რადგან ჰგონიათ რომ ქვეყანაში არაფერია უფასოდ. მერე მეკითხებიან რომელი ჰუმანიტარული ორგანიზაციიდან ხართო. როცა ვარწმუნებდი, რომ ჩემი ინიციატივა იყო, არ მართმევდნენ. მერე ვეუბნებოდი "პენტოსიდან" ვარ-მეთქი (ქალაქის სახელი სერიელიდან Game of thron), უცხოური სახელი რომ ესმოდათ იჯერებდნენ და იტოვებდნენ. ვეხმარები უსახლკარო ადამიანებს, მეეზოვეებს, რადგან ნახონ ამ ძალიან მაგარმა ადამიანებმა, რომ მათ ყველა მენაგვედ არ აღიქვამს. პატრულიც გამოვკვებეთ, იქნებ, ნაკლები აგრესია და მეტი ზრდილობა ჰქონდეთ. საქართველო-რუმინეთის თამაშისას დაცვის ბიჭს მივეცით ჰამბურგერი რკინის ღობიდან. ეს რომ უფროსმა დაინახა, გამომაგდო და მერე ჩუმად მივეცი, აიღო და უბის ჯიბეში შეინახა. მთელი ამ ამბის მიზანია, რაც შეიძლება მეტ ადამიანს მოუნდეს სხვას დაეხმაროს და როდისმე დადგეს დრო, როდესაც ჩვენს ქვეყანაში მშიერი არავინ იქნება.

- მიმბაძველები თუ გამოგიჩდნენ?

- ჩემი მიზანი სწორედ ეგ იყო, რომ ბევრი ადამიანი ჩართულიყო ამ ექსპერიმენტში. მთავარია ეს იდეა გავცელდეს და სხვასაც მოუნდეს იგივეს გაკეთება. რამდენადაც ვიცი, უკვე ჩაერთო რამდენიმე ადამიანი, რაც მისასალმებელია.

- მგზავრებს, რომლებიც იგებენ შენი ექსპერიმენტის შესახებ, რა რეაქცია აქვთ?
- ყველას ვუხსნი, ვინც ჩამიჯდება, მაგრამ ზოგს უჭირს მიხვედრა თუ რას ვგულისხმობ. ზოგმა გაჩერებაც მომთხოვა, რადგან იფიქრა, რომ ფარული კამერა იყო. ვინც ხვდება რა ექსპერიმენტიცაა, ძირითადად სწორად იგებს და სწორი რეაქციაც აქვს.

- შენ ექსპერიმენტს, სოცქსელეი ძალიან დიდი გამოხმაურება მოჰყვა. ელოდი ასეთ რეაქციას?
- მყავს მეგობრები, რომლებმაც ჩემი ეს საქმიანობა იცოდნენ და ყველანაირად გვერდში მედგნენ ხოლმე. მას მერე, რაც "ფეისბუკზე" დავწერე, ველოდი რომ ვიღაცეებს მოეწონებოდათ, რადგან, მიმაჩნია, რომ არაა ეს ცუდი საქმე, მაგრამ ასეთ დიდ გამოხმაურებას ნამდვილად არ ველოდი. არასოდეს დამავიწყდება ქალბატონი ლალი თოდრია, რომელმაც ბენზინის
You must have Flash Player installed in order to see this player.
ავზი სრულად გამივსო. ეს იყო ძალიან დიდი თანადგომა. ექსპერიმენტის მთავარი აზრი ისაა, რომ არავის არ ვართმევთ ფულს ტყუილად. ბევრი მწერს რომ ანგარიშის ნომერი დაწერე და ჩაგირიცხავთ, გამოიარეთ და ფულს მოგცემთ და ა.შ. ფულის გამორთმევა ტყუილად არ მინდა, იმიტომ, რომ არაა გამორიცხული ვინმემ თქვას სად წაიღე ის ფული რაც მოგეცითო (თუმცა გამომუშავებულიც სად დავხარჯე სულ დეტალურად ვწერ "ფეისბუკზე"), მერე ვიღაც დაეჭვდეს და ამიცრუვდეს გული ყველაფერზე. ამიტომ მირჩევნია შრომით გავაკეთო ეს საქმე.


ლადო გოგოლაძე (სპეციალურად საიტისთვის)
rezo
25 მარტი 2016 20:06
კაი კაცი ხარ შენ ჩემო ძმაო. ღმერთმა ხელი მოგიმართოს.
luxo
25 მარტი 2016 17:06
ღმერთი შენშია . . .
ღმერთის შექმნილო, შენ ღმერთში ხარ, ღმერთი შენშია,
და, ღმერთმა უკვე გაპატია, თუ რამ შეგშლია. (ლ.)
გახსვს? ერთხელაც, ხიდი იწვოდა,
ფეხქვეშ სკდებოდა მუხის ფიცარი,
კაცმა რომ, ხელი გამოგიწოდა,
ის, ღმერთი იყო და ვერ იცანი.

. . . მინდორში გლახამ, რომ გთხოვა წყალი,
ღვინო რომ ასვი შენი დოქიდან,
იესო იყო, ჩვენი უფალი,
გამოსაცდელად, შენთან მოვიდა.

როცა მაცხოვრის ხელი მოგწვდება,
როცა გრძნობ ქვეყნად, მარტო არა ხარ,
შენც, სხვის ტკივილზე ცრემლი მოგწყდება,
ან სხვისი სევდის ალი გადაგწვავს,

. . .გთხოვ აღარა თქვა, რაც არ მოხდება,
გთხოვ ნუღარ იტყვი: ღმერთი არა მწამს.
*
2008წ ჯვართამაღლება


სხვა სიახლეები
დღევანდელ წერილში რამდენიმე ქართველი პოლიტიკოსის თავს გადახდენილ მხიარულ ისტორიებს მოგიყვებით.
დაწვრილებით...
"სულ ნოსტალგია მაქვს, როცა "ფეისბუკში" ჩემი მშობლიური და საყვარელი დაბა ცემის ფოტოებს ვუყურებ - წელს მაინც რამხელა თოვლი მოსულა"!
დაწვრილებით...

გერმანიის და ავსტრიის ეპარქიის სამღვდელოება და მრევლი ეპარქიის მმართველად მიტროპოლიტ სერაფიმეს (ჯოჯუა) დანიშვნის გამო პროტესტს გამოთქვამს.
დაწვრილებით...
რამდენიმე დღის წინ, საქართველოს პირველი ლედის მაკა ჩიჩუას ძმა, მიხეილ მგალობლიშვილი დააკავეს.
დაწვრილებით...
კვლევის თანახმად, გამოკითხულთა 58%-სთვის ყველაზე მნიშვნელოვანი ეროვნული საკითხი კვლავ სამუშაო ადგილებია.
დაწვრილებით...
თენგიზ აბულაძის ფილმის - "მე, ბებია,­ ილიკო და ილარიონი" - გადაღებისას ბებიის როლის შესასრულებლად 55 წლის სეს­ილია თაყაიშვილმა საღი კბილები დაიძრო.
დაწვრილებით...
PRIME
როგორც კი პუტინის მანქანა ჯორს გაუსწორდა, ეს უკანასკნელი ადგილს მოსწყდა, სწორედ პრეზიდენტის მანქანის წინ დადგა. პუტინი შეეცადა, მისთვის გვერდი აევლო, მაგრამ ამაოდ - ჯორი იქით გადადგა, რა მიმართულებითაც პუტინმა წასვლა გადაწყვიტა. ბოლოს პუტინმა ჯორს თავი დააღწია და მინიმალური სიჩქარით გააგრძელა გზა. ასე მიდიოდნენ ფეხშეწყობილად..­.
დაწვრილებით...
PRIME
"ვეფხისტყაოსანი" ქართველებისთვის­ ის ძეგლია, რომელსაც ჯერაც ვერც ერთი ქართული შედევრი ვერ გაუტოლდა, ამიტომაც მის სცენაზე გადატანას ყველა ერიდებოდა,
დაწვრილებით...
PRIME
"კარგია, როცა ქვეყანა შენდება, მაგრამ ეს იმას ხომ არ ნიშნავს,­ შენი ქვეყნის ისტორია წყალმა წაიღოს..."

შალვა ივანიძე: "სუვენირების გამყიდველი ვარ, მაგრამ შენი ქალაქის ისტორია როგორ არ უნდა იცოდე? გული მწყდება, რომ ახალმა თაობამ თავისი ქვეყნის წარსულის შესახებ ნაკლებად იცის"
დაწვრილებით...
PRIME
იყიდება დიღომში მიწის ნაკვეთი
LTD ,,NDS” გთავაზობთ დიღმის მასივში
2-ოთახიანი, 60 კვ.მ. დღიურად!
იყიდება დუპლექსის ტიპის ბინა გოთუას
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები