"მეხუთეზე კი არა, მეთოთხმეტეზე რომ მეცხოვრა, იქაც ავიყვანდი" - როგორ მოხვდა "ჟიგული" მე-5 სართულზე?!
"მეხუთეზე კი არა, მეთოთხმეტეზე რომ მეცხოვრა, იქაც ავიყვანდი" - როგორ მოხვდა "ჟიგული" მე-5 სართულზე?!
მანქანა 25 წელია აივანზე ჟანგდება

ამას წინათ დიღმის მასივში ტაქსით მივდიოდი. უცებ კორპუსის მიშენებულ აივანზე მანქანა შევნიშნე. ვიფიქრე, ხომ არ მელანდება-მეთქი? ფანჯრიდან თავი გავყავი და კისერი ისე წავიგრძელე,­ მძღოლი მიხვდა, ცნობისმოყვარეობამ მძლია და დამამშვიდა, - არ გეჩვენებათ, მანდ ეგ მანქანა პატრონმა 25 წლის წინ აიტანაო!

მძღოლს მადლობა გადავუხადე, ტაქსიდან გადმოვედი და მანქანის პატრონთან ავიჭერი. კარი გვიან გამიღეს. როცა ვუთხარი, რაც მინდოდა, ცხვირწინ მომიხურეს, - გაგვიწყალეთ გული ჟურნალისტებმა, რით ვეღარ გაიგეთ, რომ
You must have Flash Player installed in order to see this player.
ამ მანქანაზე არავის ველაპარაკებითო!­ მანქანაზე ლაპარაკი თქვენი ნებაა, მაგრამ არა მგონია, ჟურნალისტებს თქვენთვის რაიმე დაეშავებინოთ, მით უფრო "კვირის­ პალიტრას"-მეთქი. "კვირის პალიტრის" ხსენებაზე კარი კვლავ გაიღო, - თქვენ უარს ვერ გეტყვითო...

- მითხრეს, დიდი ხანია, ეგ მანქანა მანდ დგასო... უბრალო ნივთი ხომ არ იყო, 2-ტონიან მანქანას ხელი დაავლეთ და მეხუთე სართულზე­ აიტაცეთ?!
- 90-იანი წლები ხომ გახსოვთ, ხალხმა ყველაფრის მოპარვა დაიწყო. რატომ უნდა გამეტანებინა ჩემი ქონება სხვისთვის? მეხუთეზე კი არა, მეთოთხმეტე სართულზე რომ მეცხოვრა, იქაც ავიყვანდი. მაგრამ უშველა, რო? აქაც გამიძარცვეს - სახურავზე დადგნენ და ბაწრით ჩამოეშვნენ ჩემს სართულზე...

ეგ საბჭოთა "ჟიგული" მაშინ ბევრისთვის სანატრელი მანქანა იყო, პრესტიჟული სამსახური თუ არ გქონდა, ვერ იყიდდი. მეც მქონდა და ვიყიდე, ახალთახალი იყო, სულ 39 კილომეტრი ჰქონდა გავლილი; მოეწონათ ყაჩაღებს და დახსნეს რაღაც-რაღაცები.
ახლობელი ამწეზე მუშაობდა, ვთხოვე, მიშველე-მეთქი. ამწით დამისვა აივანზე!

- ახლა რატომ აღარ ჩაგყავთ ეზოში, ამწის ფული აღარ გაქვთ?
- აღარც ფული მაქვს და აღარც თავი. მანქანა კი შემრჩა, მაგრამ ცხოვრებამ ბევრი ცუდი რამე მომიწყო... გზაზე ყაჩაღები დამხვდნენ. თავში­ ჩამარტყეს და ასფალტზე დაგდებული მხოლოდ დილით მოვედი გონს. მას შემდეგ წავიდა ჩემი საქმე უკან. მანქანა კი დამიჟანგდა, - ქარ-წვიმამ ფერი შეუცვალა. რომ გადავაფარე, უარესი მოხდა­ - ნესტმა გამოჭამა. ახლა ნაწილებს სადღაც-სადღაც ვშოულობ და საკუთარი ხელით ვარემონტებ - გაყიდვა მინდა.

- საბჭოთა მანქანას დღეს ვინ იყიდის?!
- ვისაც სჭირდება! - მომიჭრა გაღიზიანებულმა.

ნაჩქარევად გამოვემშვიდობე და კიბეზე დავეშვი. ეზოში გამოსულმა კი­ კიდევ ერთხელ შევავლე თვალი დეკორაციად ქცეულ მანქანას...

ეთერ ერაძე (სპეცოალურად საიტისთვის)

მკითხველის კომენტარი (23)
leonsio
03 აპრილი 2016 22:14
თავისი გაჭირვება ეყოფა იმ კაცს..უნდადა ყავდეს იქ, სხვისი რა საქმე:))
dima
30 მარტი 2016 12:15
პარანოიკია მაგ ტიპი.... რა ვიცი, 3 მანქანა გვყავდა ოჯახში მაგ პერიოდში,ორი ვოლგა და ერთი 07-ი და მშვიდობით მოიარეს თავისი,გაყიდვამდე.
არც ,,ქურდი,, ვყოფილვარ, არც მხედრიონელ-გვარდიელი და არც პოლიციელი..)))
zvio
30 მარტი 2016 12:08
მომავალი თაობის ჟურნალისტებიც გაკვირვებულები დაწერენ
ng
30 მარტი 2016 11:16
ეს ჟურნალისტიც რა ტიპია ვითომ პირველად გაიგო, აივანზე დაპარკინგებული ჟიგულის შესახებ :დ
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები