"ორივე დედისერთა იყო" - მორიგ საზარელ ავტოავარიას შეწირული სამი სიცოცხლე
"ორივე დედისერთა იყო" - მორიგ საზარელ ავტოავარიას შეწირული სამი სიცოცხლე
სამი ადამიანის სიცოცხლე ემსხვერპლა მორიგ საზარელ ავტოავარიას. ტრაგედია წყალტუბოს მუნიციპალიტეტის სოფელ გეგუთის მახლობლად, ავტობანზე დატრიალდა. ერთმანეთს ორი მსუბუქი ავტომანქანა შეეჯახა, რის შედეგადაც ერთ-ერთი აფეთქდა.

შემთხვევის გამომწვევ მიზეზად ამ დროისათვის სიჩქარის გადაჭარბება სახელდება. შინაგან საქმეთა სამინისტროს პრესსამსახურში აცხადებენ, რომ მომხდართან დაკავშირებით გამოძიება 276-ე მუხლის მე-7 ნაწილით მიმდინარეობს.

გარდაცვლილთაგან ორი - 22 წლის ჟულვერ ონიანი და 20 წლის გიორგი გორგოძე, რომლებიც BMW-ს ტიპის მანქანაში იყვნენ, წყალტუბოს სოფელ ტყაჩირში ერთმანთის
You must have Flash Player installed in order to see this player.
მეზობლად ცხოვრობდნენ, მესამე კი - 37 წლის მამაკაცი, რომელიც მეორე მანქანას მართავდა საჩხერის მკვიდრი იყო. სამივე მათგანი ადგილზევე გარდაიცვალა; ადგილობრივთა თქმით, მათი გადარჩენა შეუძლებელი იყო. ტრაგედიის შესახებ სოფელ ტყვაჩირის მცხოვრები მოგვითხრობს:

- საშინელება მოხდა, გონზე არ მოვსულვართ ჯერაც ისეთი ჯიშის და გენის ბიჭები მოგვიკვდნენ ან რა ჭკუაზე უნდა ვიყოთ. ხარობდა მაგათი სიკარგით მთელი სოფელი, გულს უხაროდა ამ ბიჭების დანახვა. გიორგი მოცეკვავე იყო, მეორე დღეს გასტროლებზე უნდა წასულიყო ანსამბლთან ერთად... მეტირება, რომ მახსენდება, მთელი სოფელი ტირის. ორივე დედისერთა იყო, ჩვენს
თვალწინ ორივე დიდი ჯაფით გაზრდილი...
ორივე ისეთი ლაღი იყო, კეთილშობილი, მეგობრებისა და ახლობლების სული და გული, თითქოს საუბედუროდ იყვნენ ასეთი კარგები, არ არსებობს სიტყვა, რომელიც მათ გამწარებულ დედებს ანუგეშებს.

- ავტოკატასტროფების უმრავლესობა მძღოლების სიმთვრალის გამო ხდება...
- ამ
შემთხვევაში ეგ მიზეზი არ ყოფილა... ბიჭები ქუთაისში იყვნენ და იქიდან ბრუნდებოდენ უკან სოფელში. ჟულვერი იჯდა საჭესთან. საერთოდ, მანქანაც მისი იყო, - საბრალო დედამისი იტალიაშია გადახვეწილი და იქ ნამუშევარი ფულით უყიდა შვილს მანქანა, რომ გაეხარებინა. ასე დაჰფოფინებდა თავზე...  თავად ჟულვერის მამაც ავარიაში დაიღუპა და ბიჭი ძალიან მალე დაობლდა; დედამისი ყველაფერს აკეთებდა შვილის ბედნიერებისთვის.

მოკლედ, ბიჭები უკან რომ ბრუნდებოდნენ, ჩვეულებრივად ტრასით კი არ წამოვიდნენ, რადგან იქ საგზაო სამუშაოები მიდის, მათ ამ სამუშაოებს თავი აარიდეს და სოფელ ვარციხეში გადაუხვიეს, რომ იქიდან ამოსულიყვნენ სოფელ გეგუთში, მერე კი - ტყაჩირში, სახლში.

სწორედ გეგუთთან რომ ამოვიდნენ ავტობანზე, მაშინ მოხდა ავარია.  ამაზე, იმ ტრაილერის მძღოლი ლაპარაკობს, რომელიც ამ ავარიის მოწმე გახდა, თორემ მანქანაში მყოფნი ისე დაიხოცნენ, ამბის გამომტანი არავინ დარჩა. როგორც ტრაილერის მძღოლმა თქვა, ჟულვერი უკან მოჰყვებოდა და მისი გადასწრება მოინდომა. გადაუსწრო კიდეც და სწორედ ამ დროს შეეჯახა საპირისპირო მხრიდან მომავალ მანქანას.
უბედურებას სხვა რამემაც შეუწყო ხელი, - რადგან ავტობანზე სამუშაობი მიმდინარეობს, გზა ნაწვიმარზე სველი და ტალახიანი იყო, ჟულვერი ტრაილერის გასწრებისას ამ ტალახზეც მოსრიალდა და საპირისპიროდ მოძრავ მანქანას ისეთი ძალით დაეჯახა, რომ ამ ორ მანქანაში მყოფი სამივე ადამიანი ადგილზევე დაიღუპა. მიცვალებულების გადმოყვანა გამვლელი ავტომანქანების მძღოლებმა სცადეს, მაგრამ მხოლოდ ორის გამოყვანა შეძლეს, - ჟულვერის მანქანიდან ერთ-ერთი რომ გადმოიყვანეს, მეორის გადმოსაყვანად ვეღარც შებრუნდნენ, მანქანა აფეთქდა და ცეცხლის ალში გაეხვა...

ეთერ ერაძე (სპეციალურად საიტისთვის)
მკითხველის კომენტარი (43)
gio
02 აპრილი 2016 21:14
gmertma natelshi amkopos tkveni sulebi patara vajkazebo, martlaz gulit metirebit , mez tkveni dedebivit gaubedurebuli deda var, zalian mzared ganvizdi aset shemtxvevebs, upalma gaazlieros tkveni mshoblebi
gio
02 აპრილი 2016 20:11
gmertma natelshi amkopos tkveni sulebi patara vajkazebo, martlaz gulit metirebit , mez tkveni dedebivit gaubedurebuli deda var, zalian mzared ganvizdi aset shemtxvevebs, upalma gaazlieros tkveni mshoblebi
versace
01 აპრილი 2016 02:03
საცოდავი მაგათი დედები,ნუთუ ემიგრანტობა საკმარისი ტანჯვა არ იყოს,ეს უბედურება რომ არ დამატებოდათ? საცოდავი იმ ადამიანის ოჯახი ვინც უდანაშაულოდ შეეეცირა ამ უბედურებას.სამწუხაროდ დღეს ვისაც სწრაფად დაყავს მანქანა მაგარ ბიჭად ითველება გონიათ,თუ არ გადაუსწარი სხვას ისე როგორ შეიძლება? რაც არ უნდა გაამკაცრონ კანონი სანამ თითოეული მზგოლის შეგნებამდე არ დავა რომ უნდადაიცვას მოძრაბის წესები არაფერი გვეშველება.თავის თავი ხომ არ ეცოდებათ მაგრამ სხვას რაგას ერჩიან.ასეთ პირობებში ჯარიმაც ცოტაა ალბათ,ციხესაც დიდი სიამოვნებით ვახეხიებდი.
kaxi
31 მარტი 2016 17:06
ძველი მანქანა+გამოუცდელი მძღოლი+გადაჭარბებული სიჩქარე=ავარიას. ხშირ შემთხვევაში ნასვამობაც ემატება. როდემდე უნდა გაგრძელდეს ასე?
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
რუბრიკის სხვა სიახლეები
თვის კითხვადი სტატიები