"საქართველოდან ყველა წავიდა, ჩემი შვილიც წავიდა... რას დაემსგავსა ქვეყანა"? - რა ელით დაკარგულ მოხუცებს?
"საქართველოდან ყველა წავიდა, ჩემი შვილიც წავიდა... რას დაემსგავსა ქვეყანა"? - რა ელით დაკარგულ მოხუცებს?
30-03-2016
გთავაზობთ ნაწყვეტს ჟურნალ "გზის" 31 მარტის ნომერში გამოქვეყნებული სტატიიდან:

ჯადოსნური წრე სახელმწიფო უწყებებს შორის, ანუ სად მივიყვანოთ დაკარგული მოხუცები?


"წავიდა... საქართველოდან ყველა წავიდა, ჩემი შვილიც წავიდა... რას დაემსგავსა ქვეყანა? ყველა გარბის. უკანმოუხედავად გვტოვებენ, შვილმა დამტოვა..." - რა გქვიათ, ბებო, რა გვარი ხართ? - ჰკითხა ვიღაცამ - "რა მქვია?.. - ჰო, სახელი რა გქვიათ?.. - ვაიმე, რა მქვია, ისა... რანაირად დამავიწყდა?.. ყველა წავიდა... რატომ წავიდნენ, რატომ... ყველა მიდის..." - დაუსრულებლად გაიძახოდა 70 წელს გადაცილებული მოხუცი ქალი. გრძელ და თბილ მოსასხამზე გრძელი და ჭრელი საშინაო ხალათი ჰქონდა შემოცმული და ხელში მამაკაცის შარფი ჩაებღუჯა...

ამ ამბავს ვაკეში, თამარაშვილის ქუჩაზე შევესწარი. მოხუცი საპატრულო პოლიციის თანამშრომლებმა ავტობუსიდან ჩამოიყვანეს. კონტროლიორი მისი არაადეკვატური პასუხებით მიმხვდარა, რომ დაკარგული იყო და პატრული გამოიძახა... მოხუცი პატრულს გაუძალიანდა, კარგა ხანს არ უნდოდა ჩამოსვლა, მაგრამ შემდეგ დაუჯერა. არაფერი ახსოვდა, - სახელი, გვარი, საცხოვრებელი ადგილი... - მეოთხე წრეზე მომყვება, რა ვიცი, სად ამოვიდა, რას დავაკვირდებოდი?.. სამ საათზე მეტია, აქ ზის, - დანანებით ამბობდა ავტობუსის მძღოლი. პატრულის თანამშრომლებმა გაჩერებასთან, სკამზე დასვეს...
- რა გქვიათ, ბებო? - უკვე მერამდენედ ეკითხებოდა პატრულის თანამშრომელი. - მე-ე?.. ისა, რა მქვია, სახელი... ჩემი სახელი... საქართველო... ჩემი საცოდავი საქართველო. რას დაემსგავსა? ყველა წავიდა... წლებია, ყველა მიდის... ჩემი შვილიც წავიდა... - ერთსა და იმავე ტექსტს გაზეპირებულივით იმეორებდა მოხუცი. - შვილს რა ჰქვია, ბებო?.. იქნებ რამე საბუთი ჰქონდეს, - გადაულაპარაკეს ერთმანეთს პატრულის თანამშრომლებმა, - ბებო, საბუთი გაქვთ? პირადობა, პასპორტი... - სადაც ვმუშაობდი, იქ სხვანიარად იყო ყველაფერი, - იმეორებდა მოხუცი... - რაიმე საბუთი თუ გაქვთ? - ამჯერად მე ვკითხე. გამიღიმა, ხელში ჩაბღუჯული შარფი მომაწოდა, შემდეგ, მისი ასაკისთვის უჩვეულოდ სწრაფად გაიძრო საშინაო ხალათი და მითხრა, თავად შემემოწმებინა
You must have Flash Player installed in order to see this player.
მისი ჯიბეები, - არ ვიცი, ბებო, აბა, ნახეო, - მითხრა.
არ ვიცი, სად იყო, რომელ წლებში, რომელ საქართველოში დატოვა დრომ და ულმობელმა დაავადებამ, მაგრამ გონებიდან უკვე დავიწყებულ-გაფანტული ტანჯვა თვალებში ჩაჰბუდებოდა... - რას არ მივცემდი, ერთი წუთით მაინც რომ გაეხსნას გონება, - თქვა ჩემ უკან მდგარმა უცნობმა ბიჭმა და ახლა მან სცადა, მოხუცს რამის გახსენებაში წაშველებოდა... - "ბომჟს" არ ჰგავს. ეტყობა, ოჯახიდანაა გამოსული. ეჰ, არავინ იცის, ვის როგორი სიბერე გველოდება, - თქვა იქვე მდგარმა ქალმა და მოხუცს ნაღვლიანი მზერა მოავლო.

ციოდა, წვიმდა და ქარი უბერავდა. მოხუცი ქალბატონი სკამზე დავსვით. ქარი სახეში უბერავდა და ჭაღარა თმას უწეწავდა... პატრულის ორივე თანამშრომელი გამალებული რეკავდა განყოფილებაში, - ზარი ხომ არ შემოსულა დაკარგული ადამიანის თაობაზეო? - მაგრამ უარყოფით პასუხს იღებდა. - როგორც კი ვინმე დარეკავს, მაშინვე გაგვაგებინეთ, - უბარებდნენ ისინი და თავიანთ ადგილსამყოფელს უთითებდნენ. მერე სთხოვეს, სხვა განყოფილებებში დაერეკათ და გაერკვიათ, დაკარგული ადამიანის შესახებ ხომ არ შესულა შეტყობინება?..

რა ელით დაკარგულ მოხუცებს თბილისში?
რატომ უწევს პატრულის ეკიპაჟს ზოგჯერ
მათი ლამის მთელი ღამე თან ტარება?
ვინ არის პასუხისმგებელი მათ დაბინავებაზე?
რას პასუხობენ ჟურნალისტს ქალაქის მერიასა და ჯანდაცვის სამინისტროში ამ პრობლემის თაობაზე?

ეს ყველაფერი წაიკითხეთ ჟურნალ "გზის" 31 მარტის ნომერში

Nino
08 დეკემბერი 2016 12:08
Gmerto gadmoxede gaukugmurtebul qvekanas
truker
02 აპრილი 2016 00:30
არტაგს ვპასუხობ.როცა რამეს იტყვი ჯერ დაუფიქრდი რას ამბობ.ზოგმა ევროპაში გადაინაცვლა ან კიდე სხვაგან.წაიღო საქართველოში ნაშოვნი და არ მინდა ძმაო საქართველოვო.მე პირადად მყავს ორი ასეთი კიტრი ნანახი.არაფერი ვუთხარი დანარჩენების ხათრით.იმ დანარჩენის რომლებიც ოჯახის სარჩენად იყვნენ ჩამოსულები ევროპაში.და ომ წუთში აარც ერთმა არ იცოდა რა გზას დადგო ოდა.ასეტი ტიპის კიტრები ღმერტის წყალობით არ არის ბევრი.ბევრია ისეთები რომლებიც აქეთ გაჭირვებამ ჩამოიყვანა.მეც მათ შორის ვარ.ვერ მოვდივარ .ვიცი მაქსიმუმ 3 თვეში კაპიკი აღარ მექნება.სახელმწიფოს კიდე უბრალო მოქალაქეები მაგრად არ ანაღვლებთ.ეს უკვე მრავალჯერ არის დამტკიცებული.არც აქეთ გვყვება ვინმე თავს.ვიტანთ რაღაცეებს.ამიტო სანამ იტყვი ჯერ დაფიქრდი და მერე თქვი
სხვა სიახლეები
კვლევის თანახმად, გამოკითხულთა 58%-სთვის ყველაზე მნიშვნელოვანი ეროვნული საკითხი კვლავ სამუშაო ადგილებია.
დაწვრილებით...
თენგიზ აბულაძის ფილმის - "მე, ბებია,­ ილიკო და ილარიონი" - გადაღებისას ბებიის როლის შესასრულებლად 55 წლის სეს­ილია თაყაიშვილმა საღი კბილები დაიძრო.
დაწვრილებით...
PRIME
როგორც კი პუტინის მანქანა ჯორს გაუსწორდა, ეს უკანასკნელი ადგილს მოსწყდა, სწორედ პრეზიდენტის მანქანის წინ დადგა. პუტინი შეეცადა, მისთვის გვერდი აევლო, მაგრამ ამაოდ - ჯორი იქით გადადგა, რა მიმართულებითაც პუტინმა წასვლა გადაწყვიტა. ბოლოს პუტინმა ჯორს თავი დააღწია და მინიმალური სიჩქარით გააგრძელა გზა. ასე მიდიოდნენ ფეხშეწყობილად..­.
დაწვრილებით...
PRIME
"ვეფხისტყაოსანი" ქართველებისთვის­ ის ძეგლია, რომელსაც ჯერაც ვერც ერთი ქართული შედევრი ვერ გაუტოლდა, ამიტომაც მის სცენაზე გადატანას ყველა ერიდებოდა,
დაწვრილებით...
PRIME
"კარგია, როცა ქვეყანა შენდება, მაგრამ ეს იმას ხომ არ ნიშნავს,­ შენი ქვეყნის ისტორია წყალმა წაიღოს..."

შალვა ივანიძე: "სუვენირების გამყიდველი ვარ, მაგრამ შენი ქალაქის ისტორია როგორ არ უნდა იცოდე? გული მწყდება, რომ ახალმა თაობამ თავისი ქვეყნის წარსულის შესახებ ნაკლებად იცის"
დაწვრილებით...
PRIME
"არიქა, გურიკიე, რამაზიე... გოგიე ღორს კლავს, მისახმარებელია და კაი ყაურმა გვექნება!" - აბა, გურიაში "ღორის ქელეხში" მეზობლების­ მთელი ამალა რომ არ დაპატიჟონ და გათენებამდე კრიმანჭული არ შემოსძახონ, რა გურია იქნება!
დაწვრილებით...
PRIME
დავით ბეგიაშვილმა 2012 წელს დაამყარა მსოფლიო რეკორდი - სამ საათში 7237 პრესი

ანა ლომინაძემ ორჯერ დაამყარა მსოფლიო რეკორდი ცურვაში. 2012 წელს 17 წლისამ ხელფეხშეკრულმა დარდანელის სრუტის 5, 500 მეტრი 46 წუთსა და 47 წამში გადაცურა, მეორედ, 2014 წელს, 21, 76 წამში - 25-მეტრიანი აუზი
დაწვრილებით...
PRIME
აგვისტოს ომის დროს, როცა ხმა გავრცელდა, რუსები შეიძლება თბილისში შემოვიდნენო, პატრიარქის ევაკუაცია გადაწყდა, თუმცა უწმინდესი ცივ უარზე იყო იმათგან განსხვავებით, ვინც ქალაქიდან გარბოდა. ამბობდა, ჩემს ხალხს მარტო არ დავტოვებ, საპატრიარქოდან ფეხს არ მოვიცვლიო...

ერთხელ ახალგაზრდა კაცი დანით გადმოძვრა საპატრიარქოში. ბიჭებმა დააკავეს... მოგვიანებით ამ ბიჭმა თავი დაიჭრა. კაცმა არ იცის, რას ჩაიდენდა, შენობაში რომ შეეღწია...
დაწვრილებით...
PRIME
შთაბეჭდილების წიგნში გამორჩეული ჩანაწერია: "ბუნებასთან სიახლოვე კურნავს და აკეთილშობილებს ადამიანს, სულიერად ათბობს მას. ღმერთმა დალოცოს ბატონი შოთა კუდავა, რომელიც საოცრად გრძნობს ბუნების ცხოველმყოფელ ძალას". ილია II, 1986 წელი

"მე ქვის კაცი ვარ", - ასე გამეცნო 72 წლის შოთა კუდავა­ და ულამაზეს სამყაროში შემიძღვა.­ გაქვავებული ცხოველებისა და ფრინველების ბუნებრივი ექსპონ­ატები შოთა კუდავას­ 35 წლის მანძილზე საქართველოს სხვადასხვა კუთხეში შეუკრებია­ და ერთ ჭერქვეშ დაუბინავებია.
დაწვრილებით...
PRIME
მძიმე სენსა და დუხჭირ ცხოვრებასთან მარტო დარჩენილი ქალი მომავალს იმედით შეჰყურებს
დაწვრილებით...
PRIME
იყიდება კერძო სახლი ბაგების ბოლოს,
მთაწმინდის ხედით უმაღლესი ხარისხის კორპუსი
ქირავდება სავაჭრო ფართი(მაღაზია), ბიზნეს ცენტრ
ულტრა თანამედროვე რემონტი, იდეალური სისუფთავე,
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები