რას გულისხმობდა ალენ დალესის გეგმა
29-03-2010
"იმედის" ტელედივერსიის შემდეგ 65 ათასმა კაცმა სხვადასხვა საელჩოში შეიტანა განცხადება ქვეყნიდან გასვლაზე"

"გვახსოვდეს, ღმერთს თავისუფალი ადამიანი უყვარს!"

II მსოფლიო ომის შემდგომი სამოქმედო გეგმა, შემუშავებული ამერიკის  მთავარი სადაზვერვო სამსახურის მეთაურის, ალენ დალესის მიერ.

(ნაწყვეტი)

*  *  *
"დავთესავთ ქაოსს და შეუმჩნევლად გავუყალბებთ მათ ფასეულობებს და იძულებულს ვყოფთ, ირწმუნონ ისინი. ამისათვის მოვძებნით თანამოაზრეებს, მოკავშირეებსა და დამხმარეთ. ერთმანეთის მიყოლებით გათამაშდება უდიდესი უბედურება დედამიწის ყველაზე დაუმორჩილებელი ხალხის თვითშეგნების საბოლოო და შეუქცევადი გაქრობისა.

KvirisPalitra.Ge"ლიტერატურიდან", ხელოვნებიდან ჩვენ ამოვშანთავთ მათ ყოფით რაობას, განვაცალკევებთ მხატვრებს, გავუქრობთ სახვითი ხელოვნებით დაკავების სურვილს და იმ არსის ძიებისასაც, რასაც ხალხთა მასების სულის სიღრმეში აქვს ადგილი. მწერლობა, თეატრი, კინო, გამოცემები - ყველაფერი უნდა გამოსახავდეს და ქებას შეასხამდეს ადამიანის ყველაზე დაცემულ გრძნობებს. ჩვენ ყველანაირად დავუჭერთ მხარს და წინ წამოვწევთ ისეთ ხელოვანთ, რომელნიც ადამიანთა ცნობიერებაში დაამკვიდრებენ და დღენიადაგ ჩასჩიჩინებენ სექსის, ძალადობის, ღალატის კულტს - ერთი სიტყვით, ყველანაირ უზნეობას.

სახელმწიფოს მმართველობაში შევქმნით ქაოსსა და გაუგებრობას; შეუმჩნევლად, მაგრამ გამძაფრებულად და მუდმივად შევუწყობთ ხელს მოხელეთა და მექრთამეთა თვითნებობას, უზნეობას. თავხედობა და საქმეთა გაჭიანურება აყვანილი იქნება სათნოების სიმაღლეზე.

პატიოსნება და წესიერება წარსულის გადმონაშთად გადაიქცევა, გამასხარავდება და აღარავის დასჭირდება. უზრდელობა და თავხედობა, ცილისწამება და ტყუილი, ლოთობა და ნარკომანია, ერთიმეორის ცხოველური შიში და ურცხვობა, გამცემლობა და გაუტანლობა და ერთა შორის, აღმსარებლობათა შორის და თაობათა შორის მტრობა - ყოველივე ამას ოსტატურად და შეუმჩნევლად დავნერგავთ, ეს ყველაფერი აყვავდება.

მხოლოდ ცოტანი, ძლიერ მცირენი თუ მიხვდებიან და გაიგებენ იმას, რაც ხდება, მაგრამ მათ უმწეო მდგომარეობაში ჩავაგდებთ, ხალხის სამასხარაოდ გავხდით, გამოვძებნით ხერხს, რათა მათ ცილი დასწამონ და გამოაცხადონ საზოგადოების ნაძირლებად.... ჩვენ ვიბრძოლებთ ადამიანთა გარყვნისათვის ბავშვობისა და ჭაბუკობის ასაკიდან, ყოველთვის გავაკეთებთ არჩევანს ახალგაზრდებზე, რომ მოვთაფლოთ და გავხრწნათ ისინი. ახალგაზრდებისაგან შევქმნით ზნედაცემულ, სულიერებისაგან დაცლილ ჯაშუშებსა და მოღალატეებს".

ალენ დალესის  "ნაშრომის" გამოქვეყნება "კვირის პალიტრის" ინტერნეტსაიტზე: www.kvirispalitra.ge მოდელირებულ "ქრონიკაზე"  მსჯელობას მოჰყვა. ალბათ, არაერთ მკითხველს გაუჩნდა კითხვა, როდის და რა მიზნით შეიქმნა ე.წ. დალესის გეგმა. ამ საკითხზე ისტორიკოს სოსო მანჯავიძეს ვესაუბრეთ:

- ალენ დალესი აშშ-ის ცენტრალური სადაზვერვო სამმართველოს მესამე დირექტორი იყო. მეორე მსოფლიო ომის დროს დალესი ევროპის პოლიტიკურ დაზვერვას ხელმძღვანელობდა და მკვეთრად ანტიკომუნისტური განწყობის ადამიანი და ცივი ომის იდეოლოგი იყო. დალესის დოქტრინა, როგორც დოკუმენტი, არ გამოქვეყნებულა და არც მისი ორიგინალი არსებობს. ყველაზე ახლოს ამ დოკუმენტთან არის 1948 წლის აშშ-ის ეროვნული უსაფრთხოების საბჭოს მოხსენება, რომელიც ამერიკის თავდაცვის მინისტრ ჯეიმს ფორესტოლის მოთხოვნით გაკეთდა.

ეს მოხსენება ეხებოდა იმას, თუ რა უნდა გაეკეთებინათ ამერიკელებს საბჭოთა კავშირისა და სოციალისტური ქვეყნების დასანგრევად. გეგმაში მოცემულია საბჭოთა კავშირში რა სახის იდეოლოგიური დივერსია უნდა მოეწყოს, როგორ უნდა დაინგრეს ეკონომიკა, რა ტიპის სახელმწიფოდ უნდა გადააქციონ საბჭოთა კავშირი და ა.შ.  

დალესის გეგმა გულისხმობს ამა თუ იმ ქვეყანაში მარიონეტული ხელისუფლების დასმასა და ეთნიკური სიძულვილის გაღრმავებას (სახელმწიფოს წარმომქმნელი ერებისადმი მცირე ერების სიძულვილის გაღვივებას).
საქართველოს ბოლო 20 წლის ისტორია, სამოქალაქო ომი, აფხაზეთისა და სამხრეთ ოსეთის კონფლიქტები შეიძლება ამ ჭრილში განვიხილოთ.

დალესის გეგმა გულისხმობს, რომ ზესახელმწიფოს რაც შეიძლება მეტი ქვეყანა ჰყავდეს დამორჩილებული. ჩვენ არც ერთი დიდი სისტემის ნაწილი არა ვართ. აზერბაიჯანი, თურქეთი  და შუა აზია თურქული მოდგმით დასახლებული სახელმწიფოებია, რომელთაც ერთმანეთის მიმართ ბუნებრივი სოლიდარობა აქვთ.

ამიტომაც როგორც ჩვენზე ტარდება ექსპერიმენტი, ისე ამ ქვეყნებში ექსპერიმენტის ჩატარება გაძნელდება. სომხეთს ძლიერი დიასპორა ჰყავს მთელ მსოფლიოში და ეს შველის. ჩვენ კი უმოკავშირეოდ ვართ და რუსეთთან დაპირისპირების შემდეგ მიგვაჩნია, რომ ჩვენი ერთადერთი მშველელი იქ არის, სადაც ეს (დალესის) გეგმა დაიწერა.

ამიტომაც გვაქვს ქვეყანაში ასეთი ვითარება. დალესის გეგმის თანახმად, მთავარი სამიზნე ხალხის ეთნიკური და მსოფლშეგნების ცენტრებია (მწერლობა, უნივერსიტეტი, მეცნიერებათა აკადემია და ეკლესია).

ამიტომაც მწერალთა კავშირი დაშალეს. ეს იმიტომ იყო აუცილებელი, რომ სწორედ ჩვენი მწერლობაა ქართული ეთნიკური ცნობიერების მატარებელი. თუ ერში მყარი ეთნიკური ერთობა არის, არის ეროვნული იდეალები და ჰყავთ ავტორიტეტები, იმ ერის მართვა ძალზე რთულია.

მიზნის მისაღწევად აუცილებელია ეროვნული ცნობიერების დაშლა. ეს კი სწორედ ეროვნული ცნობიერების ბურჯების გამოცლით ხდება. ტრაგედიაა, როდესაც თეა თუთბერიძე და ლევან რამიშვილი აკრიტიკებენ ეკლესიას. ისინი ხომ ქართული ინსტიტუტების ნგრევის აგენტები არიან. მათი ამოცანა ეროვნული ცნობიერების დანგრევაა.

ამათ კარგად იციან, რომ საზოგადოების გაკონტროლებისთვის ეკლესიაა უმთავრესი ძალა. ეკლესიიდან  მოდის  ის ნათელი, რაც ადამიანს ზნეობრივს ხდის. ზნეობრივ ადამიანს კი ვერც ერთ სქემაში ვერ ჩასვამ. ამიტომაც ამკვიდრებენ უზნეობასა და ლაფს ასხამენ ავტორიტეტებს.

ავტორიტეტი არ უნდა არსებობდეს, რადგან ის საზოგადოების თვითრეგულაციის მექანიზმია. უავტორიტეტოდ ხალხი ვერ გაერთიანდება, ერთიან აზრს ვერ გამოიმუშავებს და ვერც კონსოლიდირებულად იმოქმედებს. ამიტომაც მიზანმიმართულად ანადგურებენ ავტორიტეტებს ზოგიერთი მედიასაშუალების მეშვეობით.

საინფორმაციო საშუალებები საზოგადოების გარყვნისთვის ყველა ხერხს მიმართავენ. თუ ბავშვმა არ ისწავლა მოწიწება, პატივისცემა და თავშეკავება, თუ ბავშვობიდანვე უყურა ავტორიტეტების შეურაცხყოფას, ის ადამიანად ვეღარ ჩამოყალიბდება. ის იქნება ინფორმაციულ-ბიოლოგიური არსება, რომელიც სრულ მართვას ექვემდებარება. ასეთ ადამიანებს ზომბებს, სულმოპარულებს უწოდებენ. სახარებაში წერია: "რა არს კაცისთვის, უკეთუ მოიპოვოს მთელი ქვეყანა და სული თვისი დაკარგოსო". თუ კაცს სული არა აქვს, რად უნდა, მთელი მსოფლიოც მის ფეხქვეშ რომ იყოს? ხელისუფლებაში ისეთი ხალხია, ვინც საკუთარ თავს ქართული კულტურის ორგანულ ნაწილად არ განიხილავს და ძალაუფლებას შურისძიების იარაღად იყენებს.

დააკვირდით, რისკენ მოუწოდებს ქვეყნის პირველი პირი. მოზარდებს ეუბნება, ბუჩქებში გაერთეთო და ეს ნიშნავს, რომ სრულად არის  ჩართული მომავალი თაობის გარყვნის პროგრამა. როგორ შეიძლება პიროვნებას ავითარებდეს ადამიანის უპატივცემულობა, ტყუილი, მაბეზღარობა? სახარებაში წერია, ვაი მას, ვისი პირიდანაც საცდური გამოდის, რომ იცოდნენ, რა ელოდებათ, ურჩევნიათ, თავიანთი ხელით დაიკიდონ ლოდი და დაინთქან უფსკრულთა შინა ზღვისასაო. ადამიანები ადვილად რომ მართონ, მათში სოლიდარობის განცდას კლავენ. არ უნდათ, რომ ხალხში თანაგრძნობა და თანაგანცდა არსებობდეს.

ამ ვითარებას შევადარებდი ანტილოპების ჯოგზე ლომების შეტევას. როდესაც მტაცებელი ანტილოპას მოიხელთებს, მისი თანამოძმეები მხოლოდ კუნტრუშობენ და ვერ აცნობიერებენ, ხვალ თავადაც რომ მოელით მტაცებლის კლანჭებში სულის დალევა. არ უნდა გადავიქცეთ ჩლიქოსნებად!.. სხვა გამოსავალი არ არის, უნდა დავჭკვიანდეთ, უნდა ვიფიქროთ, სოლიდარობის განცდა არ უნდა დავკარგოთ და ამ სისტემას ერთობით დავუპირისპირდეთ!

"იმედის" ტელედივერსიის შემდეგ 65 ათასმა კაცმა სხვადასხვა საელჩოში შეიტანა განცხადება ქვეყნიდან გასვლაზე. ქართველი ერის დეპოპულაცია მიმდინარეობს და ვინც გადავრჩით, ისინი მაინც გავერთიანდეთ. თუ გავერთიანდებით, ვერავინ გვმართავს. თუ ასე არ მოვიქეცით, ამ ქვეყნის პატრონები აღარ ვიქნებით. გვახსოვდეს, ღმერთს თავისუფალი ადამიანი უყვარს!
გიო რაჭველი
20 აპრილი 2015 19:46
ზოგჯერ რაც ,,დასავლური" გვგონია აღმოვაჩენთ რომ სუფთა რუსულ მოვლენასთან გვაქვს საქმე)) მალხაზ, ხომ არ გეცნობა ეს სიტყვები?! ალენ დალესის ,,პროგრამიდანაა"))) აი, ასე ასულელებდა ტვინგაყინულებს საბჭოთა КГБ!
План Даллеса от советского писателя Иванова...
" Как сказать, как сказать: - покачал головой Лахновский .... Потому что голова у тебя не тем заполнена, чем, скажем, у меня. О будущем ты не задумывался. Окончится война - все как-то утрясется, устроится. И мы бросим все, что имеем, чем располагаем: все золото, всю материальную мощь на оболванивание и одурачивание людей! Человеческий мозг, сознание людей способно к изменению. Посеяв там хаос, мы незаметно подменим их ценности на фальшивые и заставим их в эти фальшивые ценности поверить! Как, спрашиваешь? Как?! ..Будем вырывать эти духовные корни большевизма, опошлять и уничтожать главные основы народной нравственности. Мы будем расшатывать таким образом поколение за поколениемх, выветривать этот ленинский фанатизм. Мы будем браться за людей с детских, юношеских лет, будем всегда главную ставку делать на молодежь, станем разлагать, развращать, растлевать ее!...http://from-ua.com/articles/281055-plan-dallesa-falshivka-ili-instrukciya.html
Lasha
01 აპრილი 2015 01:35
ეს სტატია დაიწერა 2010 წელს რომელიც მოგვითხრობს 1948წელს შედგენილ გეგმაზე და ეხლა 2015წელს ვკითხულობ მე ამ სტატიას ვიხსენებ თუ კი რამე ისტორიული ფაქტის დაკავშირება შეიძლება ამ დოკუმენტთან და ჰოი საოცრებავ,მეტისმეტად ბევრი ფაქტი და მოვლენა ემთხვევა ამ ზემოთხსენებულ დალასის გეგმას. და ვისი დაწერილიც არ უნდა იყოს ეს გეგმა ელვის სისწრაფით ვრცელდება არამხოლოდ ყოფილი საბჭოთა კავშირის ტერიტორიაზე,არამედ თავად ამერიკაში.ეს არის ეპიდემია რომელსაც ვაქცინა სჭირდება მაგრამ რაღაც ამ ვაქცინის შექმნას არა და არ დაადგა საშველი...
სხვა სიახლეები
"და მაინც, ვისი დამარცხება უნდა, რისთვის იბრძვის? გვარისთვის? არა, მან მითხრა, რომ ჩვენი გვარი არ სჭირდება. იგი ფულისთვის იბრძვის და ვერც ხვდება, რომ სინამდვილეში კახას ებრძვის, მის სიცოცხლეს, ოჯახს, მის მთავარ ცხოვრებისეულ პრინციპებს."

"ყველაზე მძიმე ჩემთვის ის, რომ მამიდაჩემი ნატალიას უჭერს მხარს - მან უარი თქვა ექსპერტიზისთვის თავისი დნმ-ის ნიმუშების მიცემაზე. ასევე სასამართლოში ჩემს წინააღმდეგ მოწმედ გამოდის. მე არ ველოდებოდი, ასეთ რეაქციის მისგან, ის ხომ კახას ღვიძლი დაა, ჩვენ სისხლით ნათესავები ვართ."
დაწვრილებით...
"წლინახევრის იყო დედა რომ გარდაეცვალა, დედამისი - ანა ანგელოზივით ლამაზი იყო, სერგის დედის ნაკვთები გამოჰყვა... ანა 24 წლის იყო რომ გარდაიცვალა, შვილზე ნერვიულობას გადაყვა ანას დედაც, ანუ სერგის ბებია, ის ჩემი და იყო და ბავშვი მე ჩამაბარა გასაზრდელად. მეც შვილივით გავზარდე, ჩემს ბიჭს 17 წელი თვალებში შევციცინებდი"
დაწვრილებით...
"რაც შეეხება მეჯლისის ცინიკურ შეფასებებს, ჩემი აზრით, ეს არის ნეობოლშევიზმის გამოხატულება. თავად-აზნაურობა მარტო მამულები და გვარები კი არ იყო, ეს ხალხი სამშობლოს ეწირებოდა..."
დაწვრილებით...
სრულიად საქართველოს კათოლიკოს-პატრიარქი ილია მეორე დღეს გერმანიიდან დაბრუნება. უწმინდესი თბილისის აეროპორტიდან პირდაპირ სამების ტაძრისკენ გაემართა, ტაძარი მოილოცა და იქ მყოფი მრევლი დალოცა. პატრიარქმა მცირე პარაკლისი გადაიხადა და მრევლს ქადაგებით მიმართა.
დაწვრილებით...
ცნობილ მომღერალსა და ქართველებისთვის საამაყო ქალბატონ ნანი ბრეგვაძეს ქვეყანაში მიმდინარე მოვლენებზე სასაუბროდ დავუკავშირდით. მოზღვავებული ემოციების გამო ჩვენი საუბარი არაერთხელ შეფერხდა...
დაწვრილებით...
ისტორია, რომელზეც ახლა უნდა გიამბოთ, შეიძლება დაუჯერებლად მოგეჩვენოთ, თუმცა ის რეალობაა. როგორ შეცვალა გორელი გოგონას ცხოვრება 2008 წელმა და როგორ იქცა პოლონეთი მის მეორე სამშობლოდ, ამაზე ცოტა ქვემოთ, მანამდე კი...
დაწვრილებით...
ქვეყანაში უმძიმესი ეკოლოგიური ვითარებაა. სპეციალისტების პროგნოზი შემაშფოთებელია: თუ ეკოლოგიას სასწრაფოდ არ მივხედეთ, 50 წლის შემდეგ საქართველოს მოსახლეობა მილიონზე ნაკლები დარჩება, გადარჩენილთაგან ნახევარი კი მძიმე სენით იქნება დაავადებული!
დაწვრილებით...
"2008 წელს უწმინდესმა სტენტი­რება გაიკეთა. სწორედ სტენტებში იყო რაღაც პრობლემა. საბედნიეროდ, ყველაფერი­ მოგვარდა. ჩატარდა მარტივი პროცედურა.­ ღვთის წყალობით, ყველაფერი კარგადაა."
დაწვრილებით...
"ადამიანი ლევილშია დაკრძალული და საქართველოში მემორიალი მე-8 "ატეკის" სასადილოს ეზოში დაუდგეს, ეს დაცინვა და უზნეობაა"

ზურაბ კოკაია: "ის ისწრაფვის ცისკენ და ორ ნაწილად არის გაყოფილი.... კლდის ნახეთქში ემუხვარის ზნეობრივი თვისებები და შინაგანი მრწამსია გადმოცემული"

"იმ ადგილას სხვა რამის გაკეთება, უბრალოდ, სასაცილო იქნებოდა, არ მოუხდებოდა იქაურობას"
დაწვრილებით...
კომუნისტური რეჟიმი უცხოენოვან, განსაკუთრებით ინგლისურ სიმღერებს ანტისაბჭოთა პროპაგანდად მიიჩნევდა, ამიტომ მუსიკოსები ხშირად ხმარობდნენ ფანდებს. ინგლისური სიმღერის წინ აცხადებდნენ - "ზანგური ხალხური სიმღერა"!

კანადურმა პრესამ "ორერა", "ბითლზისა" და "როლინგ სთოუნზის" შემდეგ, მესამე საუკეთესო ჯგუფად დაასახელა
დაწვრილებით...
ქირავდება დღიურად ყველანაირად კეთილმოწყობილი, კომფორტული,
საოფისე ფართი 3$-დან კვ.მ. ღირებულებაში
იყიდება ან ქირავდება 400
სასწრაფოდ იყიდება ბინა იოსელიანის ქუჩაზე,