სულხან მოლაშვილი გარდაიცვალა
კონტროლის პალატის ყოფილი თავმჯდომარე სულხან მოლაშვილი გარდაიცვალა.
როგორც ”ინტერპრესნიუსს” გარდაცვლილის ძმამ, თორნიკე მოლაშვილმა განუცხადა, სულხან მოლაშვილი დღეს, დილით 07:00 საათზე გარდაიცვალა.
მისივე ინფორმაციით, გარდაცვალების მიზეზი ღვიძლის უკმარისობა გახდა.
სულხან მოლაშვილი პარიზში სამკურნალოდ რამდენიმე დღის წინ გაემგზავრა. ის ერთ-ერთ საავადმყოფოში დაიღუპა.