"ასეთი მარკეტინგით უამრავი კლიენტი მყავს"
"ასეთი მარკეტინგით უამრავი კლიენტი მყავს"
პაატა წკრიალაშვილი: "როცა მგზავრი მაჩერებს და ავტომობილში ჯდება, პირველი რეაქცია გაოცებაა, ზოგი აღფრთოვანებას ვერ მალავს, ზოგიც ცდილობს, არ შეიმჩნიოს. როცა ყავას, ჩაის ან ტკბილეულს ვთავაზობ, აი, მაშინ კი უფართოვდებათ თვალები და მეკითხებიან, რომელი რა ღირს. როცა ვეუბნები, რომ უფასოა, ვერ იჯერებენ..."

რამდენიმე დღის წინ სამსახ­ურიდან­ გამოსულმა პეკინის ქუჩაზე ტაქსი გავაჩერე. მძღოლმა საქარე მინა რომ ჩამოსწია, შევამჩნიე, რომ მანქანის სალონი ორიგინალური­ და საინტერესო იყო. ტარიფზე­ შევთანხმდით და
You must have Flash Player installed in order to see this player.
დანიშნულების­ ადგილამდე მისასვლელი გზა მძღოლთან საუბარში გავატარე... მანქანის სალონში სავარძლები, თავის მისაყუდებლები და სახელ­ურები სხვადასხვა ფერის ბენდენებით იყო გაფორმებული. მძღოლის გვერდით სავარძელთან კი, არც მეტი, არც ნაკლები, ბარია, სადაც სხვადასხვა ტკბილეულთან ერთად, ყავის და ჩაის ჭიქები შევნიშნე...

- სურნელოვანი სიგარეტი ან სიგარა ხომ არ გნებავთ?! - თავაზიანად მეკითხება მძღოლი და პასუხის მიღებამდე, კითხვას კითხვითვე მიბრუნებს, - რა ჟანრის მუსიკას უსმენთ?! - ჯაზს! - ვპასუხობ და ისიც ფლეილისტში შესაფერის მუსიკას ეძებს... ერთი სიტყვით, დანიშნულების ადგილამდე მისასვლელი გზა ასე საინტერესოდ და კომფორტულად
არასდროს გამივლია... მძღოლი თბილისელი 38 წლის პაატა­ წკრიალაშვილი ინტერვიუზე ძლივს დავითანხმე.

- მთელი ცხოვრება კერძო ბიზნესში ვიყავი ჩართული, ერთხანს ხილ-ბოსტნეულის მაღაზია მქონდა. საამქროშიც ვიმუშავე, მეხანძრეც ვიყავი... არასდროს მყოლია ავტომობილი, თუმცა ცხოვრება რომ შეიცვალა, გადავწყვიტე, მართვის მოწმობა ამეღო და მეც იმ
რამდენიმე დიპლომიანთა რიცხვში ჩავწერილიყავი, რომლებიც ოჯახს ტაქსაობით არჩენენ. ჩემს მანქანას `პანდელანი~ დავარქვი. ჩემი, მეუღლისა და შვილების სახელების აბრევიატურაა...

მოკლედ, ერთ დღესაც გადავწყვიტე, ჩემი კოლეგებისგან განსხვავებული და ორიგინალური ვყოფილიყავი. ვფიქრობ, გამომივიდა. ჩემთვის ყველა მგზავრი პატივსაცემია. ტაქსის მძღოლი უნდა იყოს კეთილი, კომუნიკაბელური და პოზიტიური ადამიანი. სხვა ტაქსის მძღოლებისგან იმით განვსხვავდები, რომ ქუჩაში არავის ვტოვებ, შეიძლება საკმარისი ფული არა აქვს, მაგრამ მგზავრი მაინც მიმყავს დანიშნულების ადგილამდე. როცა მგზავრი მაჩერებს და ავტომობილში ჯდება, პირველი რეაქცია გაოცებაა, ზოგი აღფრთოვანებას ვერ მალავს, ზოგიც ცდილობს, არ შეიმჩნიოს. როცა ყავას, ჩაის ან ტკბილეულს ვთავაზობ, აი, მაშინ კი უფართოვდებათ თვალები და მეკითხებიან, რომელი რა ღირს. როცა ვეუბნები, რომ უფასოა, ვერ იჯერებენ... აი, ეს არის ჩემი რეკლამა, რითაც მუდმივი ვიაიპი-კლიენტები გავიჩინე.

მანქანაში სულ მაქვს მამაკაცის რამდენიმე სუნამო, სურვილის შემთხვევაში, შეუძლიათ მიიპკურონ. განსაკუთრებით მან, ვინც პაემანზე ან მნიშვნელოვან შეხვედრაზე მიდის.

- ეს ხომ ხარჯია?

- ასეთი მარკეტინგით უკვე იმდენი კლიენტი მყავს, რომ ნორმალური შემოსავალი მაქვს და ის ხარჯი, რისი გაწევაც მიწევს, სულაც არ არის დიდი დანაკლისი.­ ჩემი მომსახურებით კმაყოფილი კლიენტი ინიშნავს ნომერს და აძლევს ახლობლებს. ვიაიპი-კლიენტისთვის ყოველი მერვე მგზავრობა უფასოა. მაქვს ჟურნალი, სადაც გამოძახებებს ვინიშნავ. ვიაიპ-მომხმარებლებს, მათივე სურვილისამებრ, თვეში ერთხელ კაფეში ვპატიჟებ. ერთხელ ორი ასეთი ერთგული მომხმარებელი დავპატიჟე რესტორანში და ძალიან კარგადაც მოვილხინეთ.

ბევრ ადამიანს დავუახლოვდი, ისინიც მეპატიჟებიან შინ და კარგ დროს ვატარებთ. დღესასწაულებზე ვცდილობ, უფრო სახალისო გავხადო მგზავრობა და ფერად-ფერადი ბუშტებიც მიმიმაგრებია ავტომობილზე.

- ალბათ, გხვდებათ უჟმური მგზავრებიც.

- კი, მყოლია, თუმცა შემიძლია მათი კარგ ხასიათზე მოყვანა...
ერთხელ ახალგაზრდა მამაკაცმა ჯერ სოლოლაკში გამიყვანა, იქ რაღაც უნდა აეღო და მერე მისი შეყვარებულისთვის გაგვევლო. როცა სოლოლაკში მივიყვანე, მითხრა, არ გეგონოს, რომ გავრბივარ, თუ გინდა, ფულს დაგიტოვებ და ახლავე გამოვალო. უარი ვუთხარი, როცა გამოხვალ, შენს შეყვარებულს გავუვლით და ბოლო მისამართზე მიგიყვანთ, მაშინ გადამიხადეთ-მეთქი. გადავიდა და ცოტა შეაგვიანდა. ამასობაში ვიაიპ-მომხმარებელმა დამირეკა. დაცდა აღარ გამომივიდა და გამოდის, გადავაგდე კლიენტი, თუმცა პრეტენზია აღარ უნდა ჰქონოდა, რადგან უფასოდ მივიყვანე ერთ მისამართზე.

ერთხელ ვარკეთილში გამომიძახეს, ჩემი ვიაიპი-კლიენტის ახლობელი იყო. აეროპორტში უნდა წამეყვანა. რომ მივედი, რამდენიმე ჩემოდნით გამოვიდა გოგონა სახლიდან. ჩავალაგე ბარგი და დავადექით კახეთის გზატკეცილს. მასთან საუბარში ისე გავერთე, რომ აეროპორტის გადასახვევის ნაცვლად, ორხევში გადავუხვიე. როცა მივხვდი, რომ მისამართში შემეშალა, არ შემიმჩნევია, ისევ განვაგრძობდი საუბარს, თუმცა ვერ გამოვაპარე. პანიკაში ჩავარდა, ვამშვიდებდი, მაგრამ არ გაჭრა, ისე დავიძაბე, რომ კახეთის ცენტრალურ გზაზე გამოსულს, ვეღარ გამეგო, აეროპორტის გადასახვევი საით იყო. მოკლედ, როგორც იქნა, დანიშნულ დროს მივიყვანე და რეგისტრაციაზე არ დააგვიანდა...

თუ რომელიმე დღესასწაულზე, ქუჩაში ბუშტებით დამშვენებულ ტაქსიში ჩაჯექით, ნამდვილად არ ინანებთ, კომფორტული მგზავრობა, უფასო ბარით მომსახურება, უსაფრთხო გადაადგილება და გახალისება გარანტირებული გაქვთ. (იხილეთ ასევე: კანფეტებიანი მძღოლი)

თორნიკე ყაჯრიშვილი
მკითხველის კომენტარი (16)
maladec
24 აპრილი 2017 12:52
Ra magariaaaaaa. Didi siamovnebit vimgzavrebdi. Rajobia mxiarul taxis mdzgols. Aba isaa kargi cxvir-piri Rom chamosgiris da xmas ar igebs. Manqanas borblebi lamis gadzvres da tmagaburdzgnuli Rom zis sachestan. Fuuuu
Мари
24 აპრილი 2017 03:32
Memgoni arasworia faqtiurad klientebs ukargavs sxva mdzgolebs da xalxs abrmavebs amit ro titqos mxolod mat ketilganwyobaze zrunavs ert erti eshmakobaa esec da namdvilad ar chavjdebi iset taqsshi romelic gafirmebuli iqneba suleluri ragaceebiit
ნატალი
20 მარტი 2017 12:55
მეც უჟმური ვარ:))) არ მიყვარს უცხო ადამიანებთან საუბარი. ამიტომაც ჩვეულებრივი ტაქსი მირჩევნია.
irakli
18 მარტი 2017 11:37
ასეთი ტაქსით ნამდვილად არ ვიმგზავრებდი როცა ვმგზავრობ მანქანა მანქანას უნდა გავდეს და ცირკში არუნდა მეგონოს თავი და ტკბილეულით არუნდა მაბრმავებდეს ვინმე პატარა ბავშვივით. აქედან გამომდინარე კარგად ჩანს საზოგადოება თუ როგორ აიტაცებს ყველა სისულელეს
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები