შეიხ ულ ისლამი ილია მეორეს: "მინდა გამოგიტყდეთ, რომ თქვენ ჩვენი ოჯახისთვის წმინდანი ხართ"
შეიხ ულ ისლამი ილია მეორეს: "მინდა გამოგიტყდეთ, რომ თქვენ ჩვენი ოჯახისთვის წმინდანი ხართ"
"მთელ მსოფლიოში შესაძლოა, ანალოგი არ მოიძებნოს იმის, რომ - მუსლიმური რელიგიის შეიხი პატრიარქს ეწვევა, ხელზე კოცნის მას, აღიარებს მას თავის უხუცესად. მე მსურს ქართველმა ხალხმა გაიგოს და აქ დამსწრე მუსლიმებმაც, რომ მისი უწმინდესობა, კათოლიკოს-პატრიარქი ილია მეორე გახლავთ უიშვიათესი ადამიანი", - ამის შესახებ კავკასიის მუსლიმთა სამმართველოს სულიერმა ლიდერმა, შეიხ ულ ისლამ ალაჰ შუქურ ფაშა-ზადემ საპატრიარქოში პატრიარქთან შეხვედრაზე განაცხადა, სადაც იგი დელეგაციის წევრებთან ერთად მივიდა.

კავკასიის მუსლიმთა სამმართველოს სულიერმა ლიდერმა შეხვედრაზე განაცხადა, რომ საქართველოში იგი პატრიარქის მოსანახულებლად ჩამოვიდა. როდესაც შეიტყო, რომ მისი უწმინდესობა შეუძლოდ იყო, გადაწყვიტა გერმანიაში მოენახულებინა, თუმცა ეს ვერ განხორციელდა, ამიტომ უწმინდესს დღეს თბილისში ეწვია.

შეიხ ულ ისლამის თქმით, მისი უწმინდესობა თავის კეთილ გავლენას ახდენს ქართულ-აზერბაიჯანულ ურთიერთობებზე. შუქურ ფაშა-ზადემ განაცხადა, რომ აზერბაიჯანის მოსახლეობას, მუსლიმ მრევლს პატრიარქი ძალიან უყვარს. მან უწმინდესს აზერბაიჯანის პრეზიდენტისა და მისი მეუღლის მოკითხვა გადასცა, ასევე პატრიარქს
აღდგომის ბრწყინვალე დღესასწაული მიულოცა. შეიხმა მადლობა გადაუხადა ყველას, დარბაზში მყოფთ და აღნიშნა, რომ "ეს ჩვენი ტოლერანტობის მაჩვენებელია".

"ჩემთვის ყოველთვის სასიამოვნო გახლავთ თქვენი სახით კავკასიის უხუცესთან შეხვედრა და პირადად ჩემი უხუცესი ბრძანდებით. თქვენ აღნიშნეთ, რომ კომუნისტური
რეჟიმის დროს მე შეიხ ულ ისლამის ტიტული მივიღე, თქვენ პატრიარქობამდე ამაღლდით. ჩვენ გავხდით მოწმე იმ რთულ პერიოდში როგორ საჭირო იყო ეს. თქვენი მეთაურობით სწორედ იღვაწეთ ამისთვის. მაგრამ, ჩვენ გამოვიარეთ ის რთული დღეები, გამოვიარეთ ძმობით, მეგობრობით, თანადგომით. დღეს შევიქენით ღირსი იმისა, რომ ვცხოვრობდეთ დამოუკიდებელ სახელმწიფოებში. ნება მიბოძეთ აღვნიშნო ისიც, რომ შესაძლოა მთელ მსოფლიოში ანალოგი არ მოეძებნება იმას, რომ მუსლიმური რელიგიის შეიხი, შეიხ ულ ისლამი ეწვევა პატრიარქს, ხელზე კოცნის მას, აღიარებს მას თავის უხუცესად. მე მსურს ქართველმა ხალხმა გაიგოს და აქ დამსწრე მუსლიმებმაც, რომ მისი უწმინდესობა, კათოლიკოს-პატრიარქი ილია მეორე გახლავთ უიშვიათესი ადამიანი. მე 40 წელია რაც მაქვს შეიხ ულ ისლამის ტიტული და ჩემი მსახურების პერიოდში ყოველთვის ვგრძნობდი პატრიარქის მხარდაჭერას. იმ ცუდ პერიოდში, როდესაც საშიში იყო სასულიერო პირად ყოფნა, პატრიარქი ყოველთვის მხარში მედგა", - განაცხადა შუქურ ფაშა-ზადემ.

კავკასიის მუსლიმთა სამმართველოს სულიერმა ლიდერმა საუბრისას ასევე განაცხადა, რომ იგი დღეს შეხვედრაზე თავის ოჯახთან ერთად იმყოფება. კერძოდ, სრულიად საქართველოს კათოლიკოს-პატრიარქთან შეხვედრის სურვილი მისმა ვაჟმა, შვილიშვილმა, ქალიშვილმა და რძალმა გამოთქვა.
"მინდა გამოგიტყდეთ, რომ თქვენ ჩვენი ოჯახისთვის წმინდანი ხართ. ამიტომ დღეს აქ ოჯახთან ერთად მოვედი. მათაც სურვილი გამოთქვეს, რომ ეამბორათ თქვენ ხელზე. მე გეახელით ვაჟით, შვილიშვილით, რომელიც ჩემი სეხნია გახლავთ, ასულითა და რძლით", - განაცხადა შუქურ ფაშა ზადემ.

კავკასიის მუსლიმთა სამმართველოს სულიერმა ლიდერმა სრულიად საქართველოს კათოლიკოს-პატრიარქი ბაქოში სტუმრად მიიწვია, რათა ერთად აღნიშნონ უწმინდესის მოღვაწეობის 40 წლის საიუბილეო თარიღი.

იხილეთ ასევე: ილია მეორე: "იმედი გვაქვს, რომ ქართული დაწესებულებებიც თავისუფალი იქნება აზერბაიჯანში"


"ინტერპრესნიუსი"

მკითხველის კომენტარი (3)
გიორგი
22 აპრილი 2017 00:23
ეს კიდევ ერთი მანიშნებელია იმისა,რომ ჩვენ ქართველმა ერმა უფრო მეტი გონიერება უნდა გამოვიჩინოთ და კარგად გავიაზროთ რამდენად დიდი და წმინდა ადამიანი გვყავს პატრიარქად,უნდა დავაფასოთ ეს და გვიხაროდეს,რომ ყველასთვის საყვარელი ადამიანი ჩვენი პატრიარქი და სულიერი მამაა,მადლობა უფალს ამისთვის. ღმერთმა დიდხანს გვიცოცხლოს ჯანმრთელობა მისცეს და მრავალი წელი ყოფილიყოს ჩვენი ქვეყნის მაკურთხეველი სულიერი მწყემსმთავარი ილია მეორე.
მიმართვა სულით და გულით ქართველებს ჟურნალისტების ჩათვლით!!!
21 აპრილი 2017 20:59
9:30 ყუარანი:
“...ქრისტიანები თვლიან რომ მესია იყო ალაჰის შვილი. ეს არის მათი მტკიცებულბა მათი ბაგეებიდან; ისინი იმიტირებენ ნათქვმას რომ ურწუნონი არიან ვინც არ აღიარებს მას. დაე ალაჰმა ამოწყვიტოს ისინი, როგრო არიან ისინი ცდუნებულნი? “..................................
აქ კითხვა ისმის: რამდენად აქვთ მორალური უფლება მუსულმანებს ქრისტიანულ ქვეყანაში პრეტნზია ჰქოდეთ ააშენომ მეჩეთი??? სანამ ოფიციალურად არ უარყოფენ და არ ამოშლიან მსგავს ციტატებს მუჰამედის დარიგებიდან??? ისე რომ არ არსებობს არავითარი განცელკევებილი ისლამის რადიკალიზმი რაც პოლიტკურ უვუცობასა და ავანტიურას უკავშირდება მსგავს გამონათქვათან მიმართებაში, რომელიც ბოროტების წისქვილზე წყალს ასხავს და ფარულად ხელ-ფეხს უხსნის ძალადობას. მთელი ძალადობის არსი და რადიკალიზმი არის მთლიანად ყურანი და ის ვისაც ღრმად სწამს რაც იქ წერია ასრულებს კიდეც და მეტი არაფერი! ყურანის 9:29-ში მუჰამედი ასევე ღიად მოუწოდებს მუსლიმანებს ებრძოლონ მათ ვისაც წიგნიდან აქვთ მიღებული რწმენა (ებრაელებს და ქრისტიანებს) სანამ მათ არ დაიმორჩილებენ იქამდე რომ მათ უხადონ გადასახადი როგორც მეორე ხარისხოვან მოქალაქეებმა....))) და ვაი იმ პატრიარქს რომელიც თავს იწონებს 400 მეჩეთის მშენებლობით...))) და ვისაც ეჭვი გეპარებათ ადვლად მოიძიება ინტერნეტში მრავლი მსგავსი ბარბაროსული მოწოდება ყურანიდან ისეთები როგორც არის: 9:5,2:217,2:291,47:4,8:12,4:34, 9:123, 48:29,4:89. და სხვა მრავალი... მაინც რას უნდა ნიშნავს შეიხის მსგავსი ამბორი როდესაც მათი ალაჰი კრძალავს მეგობრობასაც კი ქრისტიანებთან და ებრაელებთან? (იხ: ყურანი 5:51) და განა შეიხი გაბედავდა ასეთ ავანტიურაზე წასვლას ალაჰის წინააღმედგ რომ ამ ამბორის ხარჯზე არ დაიყოლიოს ახალი მეჩეთის მშენებლობა და ყურანის მეტი გავრცობა საქარველოში??? იცოდეთ ის რაც ევროპაში ხდება მონაგონი იქნება აქ როცა ურემი გადატრიალდება…))) და ვინ გიშველის მერე? რუსეთი? ამერიკა თუ ევროპა? განა არ ჯობს შეიხი სულ არ სცემდეს პატივს ილია მეორეს და ნაკლები მეჩეთი იყოს საქარველოში??? განა ამით უფრო მეტად არ მოიგებდა ქრისტიანობა და საქართველო??? თუ ილია მეორე უფრო მეტია თქვენთვის ვიდრე ქრისტიანობა და ღმერთი??? და საქმეს კიდევ ის ართულებს რომ მთავრობა ამ შემთხვევაში მორჩილად წყალწაღებულის ფუნქციას ასრულებს!!! სულით და გულით ქართველონო გამოფხიზლდით სანამ სულ არ დაგვიანებულა რადგან ასეთ დუმილზე ისეთივე პასუხი მოგეთხოვებათ ქრისტეს წინაშე როგორც იუდას ამბორი!!!
21 აპრილი 2017 20:12
mivesalmebi.upalma daglocot
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
თვის კითხვადი სტატიები