ქუთაისში ,,ბიბლუსის" მესამე მაღაზია გაიხსნა
12-09-2011
"ეს წიგნი მიყიდე, რა, დე... ესეც, ესეც, გეხვეწები!"

ქუთაისში, ჭავჭავაძის პროსპექტზე ,,ბიბლუსის" რიგით მესამე მაღაზია გაიხსნა. მაღაზიის წინ გაჭიმული ცისფერი ლენტის გაჭრისთანავე ასობით მოქალაქე მიაწყდა მის კარს.

"რას გავახარებ ბავშვებს! - ამბობდა სადად ჩაცმული შუახნის მამაკაცი, რომელიც ხარაგაულელი შაქრო თაბუკაშვილი აღმოჩნდა, - სულ მეხვეწებოდნენ იმ ლამაზი წიგნების ყიდვას, ჟურნალ-გაზეთების სარეკლამო გვერდებზე რომ ნახულობენ. "კვირის პალიტრა" და ჟურნალი "გზა" ჩემი ოჯახის "საპატიო წევრები" არიან. მართალია, დაგვიანებით აღწევენ ჩვენამდე სოფელში, მაგრამ მაინც ყველა ნომერს ვკითხულობთ. "ბიბლუსის" მაღაზიები რომ იყო ქუთაისში, ვიცოდი, მაგრამ ვერ ვაგნებდი, არც მეცალა ქალაქის ცენტრალურ ნაწილში გასასვლელად. აქ კი, რამდენჯერაც ჩამოვალ ჩემს საქმეზე, როგორც კი ავტობუსიდან ფეხს ჩამოვდგამ, უპირველესად აქ შემოვივლი. გაიხარეთ ჩვენი გახარებისთვის".

ქალაქისა და რეგიონის პირველი პირებიც გახარებული იყვნენ. ცისფერი ლენტის გაჭრის პატივი წილად იმერეთის გუბერნატორს, ლაშა მაქაცარიას ხვდა: - იმედია,  კიდევ გაფართოვდება ქუთაისში "ბიბლუსის" მაღაზიათა ქსელი და არა მარტო ქალაქში, რაიონებშიც, რადგან წიგნზე დიდი მოთხოვნაა. მინდა ქუთაისელებს მივულოცო ეს მოვლენა და მერე "ბიბლუსსა" და "კვირის პალიტრის" მედიასახლს ვუსურვო ახალი მწვერვალების დაპყრობა ამ ეროვნულ საქმეში. ქუთაისში იციან წიგნის ფასი და იმედია, ბევრი ქუთაისელი აღმოაჩენს ლიტერატურის საოცარ ხიბლს ამ ახალ მაღაზიაში.

ბუნებრივია, დიდი ყურადღება მაინც ბატონი რეზო ჭეიშვილისა და მისი ახალი წიგნისკენ იყო მიმართული, რომელიც "პალიტრა L"-ის საგამომცემლო სახლმა გამოსცა და "ახალი კურუ" ჰქვია.
ელგუჯა თავბერიძე, ქუთაისის საგამომცემლო ცენტრის დირექტორი: "ახალ კურუს" შეიძლება თანამედროვე "სიბრძნე-სიცრუისა" ეწოდოს. თავად ავტორმა თქვა, რომ ამ წიგნის დაწერა  სულხან-საბას "სიბრძნე-სიცრუისამ" და ივანე ბატონიშვილის "კალმასობამ" შთააგონა. მართლაც, წიგნში არის ბევრი იუმორი. ამ მხრივ კი ის ნაწილი გამოირჩევა, სადაც ქუთაისური ამბებია მოთხრობილი და ნახსენები არიან ის ადამიანები, რომლებიც იუმორის უზადო ნიჭით იყვნენ დაჯილდოებულები".

ბუნებრივია, ახალი წიგნის შესახებ თავად ავტორსაც გავესაუბრეთ.
- ამ წიგნზე მე რა უნდა გითხრათ იმაზე მეტი, რაც წერისას ჩავდე შიგ და ახლა რიგი თქვენზეა, თქვენ უნდა მელაპარაკოთ მასზე, როცა წაიკითხავთ! - იღიმება და ეტყობა, რომ ბედნიერია ახალი წიგნის დაბადებით.

- ქუთაისში სულ იყო წიგნის მაღაზიები და ძალიან განვიცდიდი, რომ რამდენიმე წლის წინ ვიღაცამ ისინი ქალაქისთვის ზედმეტად ჩათვალა. ბედნიერი ვარ, რომ ეს შეცდომა დღეს სწორდება. მარტო "ბიბლუსმა" გახსნა უკვე ქალაქში მესამე მაღაზია. ეს ქუჩა ხალხმრავალია და შენობაც იმდენად ლამაზი, უკვე გარეგნული იერით იპყრობს ყურადღებას, ვერავინ უძლებს შიგნით შესვლის ცდუნებას. აქ კი საოცარი სამყარო ხვდებათ და ხელცარიელი წასვლა ეძნელებათ. ბედნიერი ვარ, რომ ჩემი ახალი წიგნის პრეზენტაციაც ამ მაღაზიის გახსნას დაემთხვა!

თენგიზ ხელაია, "ბიბლუსის" მაღაზიათა ქსელის დირექტორი: "ბევრი მკითხველი ჰყავს ქუთაისს, რაც ძალიან გვახარებს და არ შეიძლებოდა მათი მოთხოვნისთვის ანგარიში არ გაგვეწია. ის ორი მაღაზია ქალაქის ცენტრალურ ნაწილშია. აქ კი სულ სხვა მომხმარებელია, ყოველდღიურად ათასობით ადამიანი მიდი-მოდის, მხოლოდ ქუთაისელები კი არა, რეგიონებიდანაც ჩამოსულებიც".
თეიმურაზ ლანჩავა, ქუთაისის მწერალთა კავშირის თავმჯდომარე: "მისასალმებელია, რომ ქუთაისში  კიდევ
You must have Flash Player installed in order to see this player.
ერთი წიგნის მაღაზია გაიხსნა. ამ მაღაზიას არ ექნება მკითხველის ნაკლებობა. მით უფრო, რომ  კარგი, ხარისხიანი წიგნებია გამოფენილი როგორც შინაარსობრივად, ასევე პოლიგრაფიულადაც. არც მხატვრული ლიტერატურის ნაკლებობაა და არც სამეცნიეროსი".
"ბიბლუსის" ახალ მაღაზიაში ქალაქისთვის ცნობილი უამრავი პირი ტრიალებდა, მაგრამ ყველა დაჩრდილა პატარა ბიჭის აღტაცებულმა შეძახილებმა, როცა საბავშვო წიგნების თაროებს ათვალიერებდა:

- ეს წიგნი მიყიდე, რა, დე... ესეც, ესეც, გეხვეწები!
ეს ბიჭი 9 წლის ლუკა ასათიანი აღმოჩნდა, ქუთაისის 41-ე საჯარო სკოლის მოსწავლე: "ძალიან მომწონს ეს წიგნები. ადრე წიგნის კითხვას კომპიუტერთან თამაში მერჩივნა, მაგრამ ისეთი ლამაზი ნახატები აქვს ამ წიგნებს, რომ ვათვალიერებდი, წაკითხვაც მომინდა".

ნონა საღირაშვილი, "ბიბლუსის" წარმომადგენელი, მენეჯერი: "შედეგმა მოლოდინს გადააჭარბა, გახსნისთანავე დადგა რიგი. ამ ერთგულებისთვის ყველას, ვინც კი ათი ლარის შენაძენს გააკეთებს, დაგროვებით ბარათებს გავუხსნით. ქულების დაგროვების შემდეგ კი რასაც აირჩევს, იმ საჩუქარს მიიღებს. ჩვენს მაღაზიებში არჩევანი ნამდვილად დიდია, "პალიტრა  L"-ის წიგნების გარდა, სხვა გამომცემლობების წიგნებიც იყიდება. გაიყიდება სასკოლო სახელმძღვანელოებიც გამომცემლობების ფასად, დანამატის გარეშე. სხვა რა გითხრათ, მოვა მკითხველი და თავად ნახავს, რა საოცარი სამყარო დახვდება.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!
სხვა სიახლეები

"ნებისმიერი ადამიანის კონსტიტუციური უფლებაა თუ კანონს არ არღვევს და არავიზე არ ძალადობს, რანაირი ფოტოც უნდა ისეთი გადაიღოს საკუთარ საცხოვრებელში და საჯაროდ გამოფინოს. გინდ შიშველი პოზირებდეს, გინდ ტიტველი და გინდ წურბელებით კისერზე"

დაწვრილებით...
"ძალიან მინდა ვიყო... გრიშა კაკაჩიასავით მდიდარი, რომ ქველმოქმედების საშუალება მქონდეს"

დაწვრილებით...
ბათუმი განსაკუთრებული ახალი წლისთვის ემზადება.
დაწვრილებით...
შარშან ნაძალადევში, ნაქირავებ ბინაში, ახალგაზრდა­ ცოლ-ქმარი დაიღუპა. ქალი 7 თვის ფეხმძიმე იყო, როცა ახალგაზრდები­ აღარ გამოჩნდნენ, მეზობლებმა მოიკითხეს. ბინა მაშველებმა შეანგრიეს და...
დაწვრილებით...
6 დეკემბერს სასტუმრო რედისონში პაშა ბანკი პროექტის MEETING ROOM-ის ფარგლებში გაიმართა რიგით მეორე ბიზნეს-კონფერენცია,
დაწვრილებით...
"გვარამია ნულია ჩემს თვალში! ეს არის მიხეილ სააკაშვილის რუპორი და ყოფილი პროკურორი, რომელმაც რატომღაც გადაწყვიტა, რომ მუსიკაში ერკვევა..."
დაწვრილებით...
ძველად ონიქსს „ბელადების ქვას“ უწოდებდნენ, რადგან მას თავისი ძალით შეუძლია მფლობელს მოუტანოს ძალაუფლება, გონებამახვილობა, დაეხმაროს პატრონს მტრის გეგმების გამოცნობაში.
დაწვრილებით...
5 დეკემებრს, ბათუმში, შაჰინის სახელობის სკოლა-ლიცეუმის ორგანიზებით ჟურნალისტებისთვის სპეციალური საინფომაციო ტური ჩატარდა.
დაწვრილებით...

სილქნეტის მომხმარებლები სულ უფრო ხშირად იყენებენ ისეთ მომსახურებას, რომელიც გაუმარტივებს ყოველდღიურობას ან სახლიდან გაუსვლელად  მოუგვარებს პრობლემას.

დაწვრილებით...
"დგახარ 5049 მეტრ სიმაღლეზე და ქვეყანა შენი გგონია"

"მყინვარზე ასასვლელი­ რთული გზაც არსებობს და იოლიც. ჩემს ასაკში გაცილებით რთულია, მაგრამ ერთი რამ, რაც მთებში სიარულმა მასწავლა, ძალისა და ენერგიის განაწილებაა. მიზნის მიღწევაში, რა თქმა უნდა, ბუნებამ და ამინდმაც უნდა შეგიწყოს ხელი"
დაწვრილებით...
ქირავდება ახალ აშენებულ კორპუსში ახალი
ქირავდება დღიურად 3 ოთახიანი ბინა
ქირავდებ დღიურად 2 ოთახიანი ბინა
ქირავდება დღიურად 2 ოთახიანი ბინა,
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები