მართალია, საქართველოს ეკლესია ძველი საეკლესიო კალენდრის მიხედვით ცხოვრობს, მაგრამ მსოფლიოში არიან მართლმადიდებელი ქვეყნები, რომელთა ტაძრები ახალი საეკლესიო კალენდრით მსახურობენ (აღდგომის დღესასწაული კი ყველა ქრისტიანულ ტაძარში ძველი სტილით, ერთ დღეს აღინიშნება). საქართველოს ეკლესიის სასულიერო პირს, რომელიმე ასეთი ქვეყნის ტაძარში მოხვედრისას, სრული უფლება აქვს დაესწროს ან ჩაატაროს წირვა-ლოცვა. მაგალითისთვის გავიხსენებთ ათონის მთის მართლმადიდებელ ბერებს, რომლებიც მიუხედავად იმისა, რომ ათონის მთაზე ძველი საეკლესიო კალენდარი მოქმედებს, საბერძნეთის ქალაქებში ჩასვლისას მიდიან ან ღვთისმსახურებენ იმ ტაძრებში, სადაც დრო ახალი საეკლესიო კალენდრით აღინუსხება.