იგავსიტყვით მოგახსენებთ პასუხს და დასკვნა თავად შეგეძლებათ გამოიტანოთ: ეგვიპტელ წმინდანს, ღირს ამონს, მშობლებმა მიუყვანეს თავიანთი მომაკვდავი შვილი და ცრემლებისაგან თვალებდაოსებულნი შესთხოვდნენ, სააქაოს მოებრუნებინა. ბავშვი ცოფიან ძაღლს დაეკბინა და ექიმის ყოველი მცდელობა ამაო გამომდგარიყო. წმინდა ამონმა მიმართა მათ: «თქვენი შვილი ჩემთან მკურნალობას არ საჭიროებს; ის მაშინვე გამოჯანმრთელდება, რაჟამს თქვენ დაუბრუნებთ პატრონს იმ პირუტყვს, რომელიც მას მოჰპარეთ». ასეც მოხდა: როდესაც დაუბრუნეს პატრონს მოპარული ხარი, ბავშვი მაშინვე გამოჯანმრთელდა.