სამწუხაროდ, დღეისთვის მიმრქმელის (ნათლიის) ინსტიტუტმა მიიღო ფორმალური და ზედაპირული მნიშვნელობა. ძველად ქრისტიანები უპირატესად ინათლებოდნენ ყრმობის ასაკში და მშობლები ცდილობდნენ, ნათლიებად შეერჩიათ ეკლესიურად, ღვთისსათნოდ მცხოვრები ადამიანები, რათა მათ განესწავლათ ნათლულები საღმრთო ჭეშმარიტებებში; მათი ცხოვრებაც ნათელი მაგალითი ყოფილიყო ნათლულისთვის. დღეს კი ხშირად ნათლულიცა და ნათლიაც ერთნაირად საჭიროებენ ქრისტიანულად განსწავლას და ასეთი ნათლიის სახელს ზოგჯერ მღვდელმსახურნი მათ დაუსწრებლად იხსენიებენ ხოლმე ნათლობის დროს, თუმცა, წესით, მიმრქმელი აუცილებლად უნდა იღებდეს ნათლობაში მონაწილეობას!