კრიშტიანო რონალდოს სასიყვარულო თავგადასავლები
კრიშტიანო რონალდოს სასიყვარულო თავგადასავლები
13-01-2013
იყო დრო, მეფეები საკუთარი შვილებისთვის ძლიერი სახელმწიფოს უფლისწულებს არჩევდნენ, რათა საკუთარი სამფლობელო კიდევ უფრო განევრცოთ... დღესაც არსებობს მეფესავით მდიდარი ხალხი და არ გაგიკვირდეთ, რომ ისინი "საკუთარი სამფლობელოს" გაფართოებას და ჯიბის კიდევ უფრო შესქელებას ისევ ქორწინების ხერხით ცდილობენ. მაგალითად, ფეხბურთელი დევიდ ბექჰემის პოპულარობა პოპ-ჯგუფ შპიცე Gირლს-ის მომღერალ ვიქტორია ადამსზე დაქორწინების შემდეგ გაორმაგდა. დღევანდელ ცხოვრებაში კი პოპულარობა სარფიანი სარეკლამო კონტრაქტების გარანტიაა. ბექჰემი, როგორც ჩვენში იტყვიან, ოჯახის კაცი გამოდგა და სახელის მოხვეჭას დამატებითი ინტრიგებით ნაკლებად ცდილობს. მადრიდის "რეალისა" და პორტუგალიის ნაკრების თავდამსხმელი, კრიშტიანო რონალდო კი როგორც მოედანზე გამოირჩევა ექსტრავაგანტულობით, ასევე სასიყვარულო ფრონტზეა დაუოკებელი... ძნელი სათქმელია, განგებ აკეთებს თუ არა, მაგრამ ფაქტია - კრიშტიანო სასიყვარულო სკანდალებით კიდევ უფრო ცნობილი სახე გახდა.

ბოლო სასიყვარულო ამბავი იტალიელ "დონას", ნიკოლე მინეტის უკავშირდება, რომელიც ყოფილი მოდელი, ამჟამად კი ლომბარდიის პარლამენტის დეპუტატი და დიპლომიანი სტომატოლოგია. სხვათა შორის, "დონა ნიკოლი" იტალიის ყოფილი პრემიერმინისტრის, სილვიო ბერლუსკონის "ახლობელია" და მისთვის არაერთი გასართობი საღამო მოუწყვია, რომლებზეც დონ სილვიო უამრავ ლამაზმანს იწვევდა.

ჰოდა, 2012 წლის დეკემბერში ნიკოლე მინეტის რონალდო მადრიდში შეხვედრია, პირველ დღეს ერთად უვახშმიათ, მეორე დღეს ქალაქში საყიდლებზე გაუვლიათ, ხოლო მესამე დღეს უფრო რომანტიკულ სიტუაციაში - იტალიელის ოთახში, "შამპანურების" გარემოცვაში რონალდო შუაღამემდე გაჩერებულა.

ამასობაში ირინა შეიკი მაიამიში ისვენებდა... ალბათ იკითხავთ: - ვინ არის ირინა? მოგახსენებთ: იგი რუსეთიდანაა, კერძოდ სათათრეთიდან - ირინა შაიხისლამოვა. კრიშტიანო რონალდოს ორიოდე წლის წინ სარეკლამო კლიპის გადაღებისას შეხვდა და მას მერე პორტუგალიელი ფეხბურთელი წვეულებებზე გვერდიდან არ იშორებს. უცხოური სააგენტოები იმასაც იუწყებოდნენ, რომ მათი ქორწილი 2012 წლის 12 ივლისს რონალდოს მშობლიურ მადეირაზე უნდა შემდგარიყო, მაგრამ, როგორც ჩანს, წყვილმა შეუღლება გადადო.

რუს მოდელ ირინას ფეხბურთელის იტალიელ ლედისთან შეხვედრის შესახებ საქვეყნოდ კომენტარი არ გაუკეთებია (არავინ იცის, რა დღე დააწია პირადი შეხვედრისას), სამაგიეროდ, თავად ნიკოლე მინეტიმ იტალიური ჟურნალისთვის მიცემულ ინტერვიუში განაცხადა: "რონალდოს საყვარლად არ ვისურვებდი, იგი საწოლში ჩავარდა. მინდა, რომ ჩემი მომდევნო ბოიფრენდი ლამაზი ნეაპოლელი იყოს".

თავის მხრივ, მასთან შეხვედრა კრიშტიანო რონლდომ უარყო. ფეხბურთელი ამას წინათ ფიფა-ს მიერ ორგანიზებულ 2012 წლის საუკეთესოთა დაჯილდოებაზე ირინა შეიკთან ერთად გამოცხადდა. ასე რომ, ყველაფერი წეს-რიგშია.
უნდა გავიხსენოთ, რომ გასულ წელს პორტუგალიელი სპორტსმენი ერთ არანაკლებ ხმაურიან სკანდალში გაეხვა. აგვისტოს ბოლოს იგი პაპარაცებმა სამშობლოში, ღამის კლუბში დააფიქსირეს, სადაც ძველი ნაცნობის, მსახიობისა და ტელეწამყვანის რიტა პერეირას კამპანიაში ერთობოდა. მაშინ ირინა შეიკმა თქვა, რომ კრიშტიანოსთან კავშირის გაწყვეტას აპირებდა, მაგრამ როგორც ზემოთ მოგახსენეთ, ისინი დღესაც ერთად არიან.

კიდევ უფრო ადრე, რუსმა ლამაზმანმა კიდევ უფრო საინტერესო კომენტარი გააკეთა: მზად ვარ კრიშტიანოს ვაჟი საკუთარი შვილივით გავზარდოო. ეს მორიგი საიდუმლოებით მოცული ისტორიაა. საქმე ისაა, რომ რონალდოს მართლაც ჰყავს მცირეწლოვანი ვაჟი, რომელსაც ფეხბურთელის დედა და და ზრდიან. ამ ამბის შესახებ კრიშტიანომ "ფეისბუქზე" დაწერა: "მამა გავხდი. ვაჟის დედას არ
You must have Flash Player installed in order to see this player.
სურს, მისი ვინაობა საზოგადოებამ გაიგოს. ამიტომ, მეც არაფერს ვიტყვი. ბავშვი ჩემი მეთვალყურეობის ქვეშ გაიზრდება".

უმალ გაჩნდა კითხვა: ვინ არის ფეხბურთელის შვილის დედა? როგორც საზღვარგარეთული მედიასაშუალებები წერენ, შეიკს მუცელი არ დამჩნევია... პორტუგალიურ გაზეთ "დიარიო დე ნოტიციასს" გადავხედოთ: "კრიშტიანოს და ამტკიცებს, რომ ბავშვი ამერიკაში, სან დიეგოს კლინიკაში 17 ივნისს დაიბადა (2010 წელს). ჩვენი ინფორმაციით, პატარის დედა ამერიკელი სტუდენტია." ბრიტანული გაზეთი "სანი" კი ამტკიცებს, რომ რონალდომ მას შვილის გაჩენის სანაცვლოდ 20 მილიონი დოლარი გადაუხადა. ეს თანხა ფეხბურთელმა ამერიკელის ანგარიშზე 5 ივლისს გადარიცხა.

მოკლედ, ჩვენი პუბლიკაციის გმირი როგორი მოუსვენარიც საფეხბურთო სტადიონზეა, ისევეა მოედნის მიღმა. წელიწადი არ დაწყებულა და რონალდოს უკვე ხუთი გოლი აქვს გატანილი (ორ მატჩში).

ვაჟა სიმონიშვილი (სპეციალურად საიტისთვის)

მკითხველის კომენტარი (0)
კომენტარი ჯერ არ გაკეთებულა.
იყავი პირველი!
სხვა სიახლეები
"კოტე მახარაძე დათო ყიფიანს ფეხბურთის "ჭკუისკოლოფას" ეძახდა"

"კოტე ხუმრობდა - გინესის რეკორდების წიგნში ვარ შესაყვანი, ჩემს თეატრს სიდედრის სახელი ვუწოდეო"
დაწვრილებით...
შოტლანდია 43:16 საქართველო
დაწვრილებით...
"საქართველოში არაერთხელ ვყოფილვარ და ყოველთვის დიდებული მიღება, მხიარული და გულღია ხალხი მხვდება"

"ისე ძალიან ვიყავი დარწმუნებული ჩემს შესაძლებლობებში, ისეთ აღმავლობას ვგრძნობდი, მეგონა, მთებს გადავდგამდი!"
დაწვრილებით...
საქართველო 22:28 იაპონია
დაწვრილებით...
"დარასელიას აფხაზეთში ყველა იცნობდა, როგორც კარგ ფეხბურთელს და ადამიანს. დღემდე ძველებურად უყვართ და იუბილესაც კი უხდიან"!
დაწვრილებით...
"გამტანობა და ხასიათი გვეხმარება - ქართველს არ უყვარს უკან დახევა!"

"უკვე ყველა ასაკის ადამიანი მოდის ჩვენს თამაშებზე. არა მხოლოდ ინტერესის გამო - სიყვარულით მოდიან!"
დაწვრილებით...
"ევროპის პირველობაზე დაშვებული შეცდომები მსოფლიო ჩემპიონატსა და ოლიმპიადაზე მეხმარებოდა - იქ იმავე შეცდომას აღარ ვიმეორებდი!"

"ფსიქოლოგიურ წნეხს არც სპორტსმენობის დროს შეუშლია ხელი - სტიმული უფრო იყო"
დაწვრილებით...
16 ოქტომბერს ვაკის პარკის მიმდებარე ტერიტორიაზე, უკვე მეორედ გაიმართება ქართული ველოსპორტის ისტორიაში უპრეცედენტოდ მასშტაბური ველოფესტივალი.
დაწვრილებით...
"პირველ რიგში, ფეხბურთზე უნდა იფიქრო და მხოლოდ შემდეგ მანქანაზე"

"50 წლის შემდეგ, ალბათ, მესიზეც იტყვიან, მის დროს რა ფეხბურთი იყოო!"
დაწვრილებით...
მხედველობის პრობლემების მქონე 29 წლის ძიუდოისტმა რიო-დე-ჟანეიროს პარალიმპიურ თამაშებზე სამივე ორთაბრძოლა მოიგო და ოქროს მედალი მოიპოვა.
დაწვრილებით...
ქირავდება 4 ოთახიანი ჩეხური პროექტის
სასწრაფოდ! იყიდება ახალაშენებულ, დასრულებულ
სასწრაფოდ და იაფად! იყიდება 90
ქირავდება დღიურად ბინა საბურთალოზე, საუკეთესო
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები