პა-სპორტი - ირაკლი აბუსერიძე
პა-სპორტი - ირაკლი აბუსერიძე
05-08-2013
- მორაგბე რომ არა, ვინ იქნებოდი?
- ფეხბურთელი...

- სპორტსმენობა პატარაობიდანვე გინდოდა?
- არა, ბავშვობაში ექიმობაზე ვოცნებობდი. :)

- რაგბიში როგორ მოხვდი?
- მეგობრების რჩევით ვცადე... მომეწონა, ვნახე, რომ რაღაც გამომდიოდა და დავრჩი... :)

- რაგბის გარდა რა გიყვარს?
- ფეხბურთი.

- რა გაღიზიანებს ყველაზე მეტად?
- ტყუილი!

- რას ნანობ? კარიერის თავიდან დაწყება რომ შეგეძლოს, რას შეცვლიდი?
- ყველაზე მეტად გული 2007 წლის მსოფლიო თასზე ირლანდიასთან წაგების (საქართველოს ნაკრები მსოფლიოს ერთ-ერთ საუკეთესო ნაკრებთან დაძაბულ ბრძოლაში - 10:14 დამარცხდა. - ავტ.) გამო მწყდება... რას შევცვლიდი? უფრო მეტ წარმატებას მოვუტანდი ჩემს სამშობლოს...

- მატჩი, რომლითაც ყველაზე მეტად ამაყობ...
- 2003 წლის მსოფლიო თასის შესარჩევი მატჩი: საქართველო-რუსეთი 17:13!

- კარიერის ყველაზე ემოციური ეპიზოდი...
- ასეთი ბევრი იყო, მაგრამ განსაკუთრებულად ეროვნულ ნაკრებში ჩატარებული ბოლო მატჩი მახსოვს...

- საოცნებო კლუბი...

- "ტულუზი"!

- ყველაზე უცნაური რა თვისება გაქვს?
- არ მაქვს უცნაური თვისებები... :))

- ნივთი ან აქსესუარი, რის გარეშეც სახლიდან არ გადიხარ...
- საფულე და მობილური ტელეფონი. :)

- სიტყვა, რომელსაც ყველაზე ხშირად ამბობ...
- სიტყვების ამოჩემება არ მახასიათებს. :)

- საყვარელი წიგნი, ფილმი, მომღერალი...
- ნოდარ დუმბაძის "მე, ბებია, ილიკო და ილარიონი", ფილმებიდან - "ნათლია", მომღერლებიდან კი ბევრი მომწონს  და რომელიმეს გამოყოფა გამიჭირდება.

- სიმღერა, რომელსაც ყველაზე ხშირად ღიღინებ...
- "თბილისო"...

- საყვარელი კერძი და სასმელი...
- მიყვარს საცივი და ბაჟე. თუ დალევა მიწევს, არაყს და ვისკის ვამჯობინებ...

- ქართული ღვინო სჯობს თუ ფრანგული?
- ფრანგული ღვინო ნაკლებად ტანინიანია, ამიტომაც, დასალევად იქაური სჯობს...

- ყველაზე ეგზოტიკური საჭმელი, რაც გიჭამია...
- რვაფეხა და ბაყაყი. :))

- ქვეყანა, სადაც იცხოვრებდი...
- საქართველო, რადგან ჩემი ოჯახი და ყველა ახლობელი აქ ცხოვრობს...

- იდეალური ქალი შენთვის არის...
- ჩემი მეუღლე!

- ადამიანი, რომელმაც ყველაზე დიდი ზეგავლენა მოახდინა შენზე...
- მამაჩემი!

- საყვარელი სპორტსმენი...
- მარადონა!

- შინაური ცხოველები თუ გიყვარს?
- დიახ და მყავს კიდეც ყაზბეგური ნაგაზი...

-
You must have Flash Player installed in order to see this player.
სოციალური ქსელით ხშირად სარგებლობ?

- საკმაოდ ხშირად.

- მხოლოდ ეს ერთი მეტსახელი გაქვს?
- დიახ, ყველანი აბუს მეძახიან... :)

- ყველაზე უცნაური ჭორი, რაც შენზე გაგიგია...

- რომ თურმე კლუბში სულ სათადარიგო ვიყავი და არასდროს მათამაშებდნენ. :)))

- რა არის საჭირო წარმატების მისაღწევად?
- მიზანდასახულობა და ძალიან ბევრი შრომა!

- დაასრულე ფრაზა: "მჯერა, რომ"...
- ...ყველაფერი კარგად იქნება!
goga
05 აგვისტო 2013 14:51
გაიხარე ირაკლი მართლაც ღირსეული კაპიტანი იყავი,რაც შენ და ნაკრების ბიჭებმა სიხარული და მოგებები მოგვიტანეთ ღმერთმა სულ ეგრე გამარჯვებულები გატაროთ. თქვენ იყავიტ საქართველოს სახეები და ხართ, იმიტომ ხართ მაგარი კაცები!
სხვა სიახლეები
20 იანვარს, თბილისის დროით გამთენიისას, NBA ALL STAR-ის აღმოსავლეთისა და დასავლეთის ვარსკვლავების გუნდების მონაწილეთა ვინაობა ოფიციალურად ტელეარხ TNT-ზე გამოცხადდა. სამწუხაროდ, არ გამართლდა ქართველი გულშემატკივრის იმედი - სასტარტო ხუთეულში ვერ მოხვდა "გოლდენ სტეიტის" ცენტრი ზაზა ფაჩულია.
დაწვრილებით...
NBA-ს ფეისბუქის ოფიციალურ გვერდზე გამოქვეყნდა "ყველა ვარსკვლავის" მატჩის ხმების შუალედური შედეგები, რომლის მიხედვითაც ზაზა ფაჩულია თავის კატეგორიაში მე-2 ადგილზეა!
დაწვრილებით...
საქართველოს 2016 წლის საუკეთესო სპორტსმენის ოფიციალურად დასახელებამდეც ცხადი იყო, რომ წლეულს ყველაზე მეტის ამწევი ლაშა ტალახაძე ამ ტიტულის სიმძიმესაც სხვებზე იოლად შეეჭიდებოდა.
დაწვრილებით...
2016 წელს ქართულ სპორტში არაერთი მნიშვნელოვანი მოვლენა მოხდა
დაწვრილებით...
2016 წელს მსოფლიო სპორტში საინტერესო ამბები მოხდა
დაწვრილებით...
"პირფერობა არც ჩემს ხასიათშია და არც არაფერში მჭირდება, გულშემატკივრის სიყვარულს ისედაც სულ ვგრძნობ"
დაწვრილებით...
"კოტე მახარაძე დათო ყიფიანს ფეხბურთის "ჭკუისკოლოფას" ეძახდა"

"კოტე ხუმრობდა - გინესის რეკორდების წიგნში ვარ შესაყვანი, ჩემს თეატრს სიდედრის სახელი ვუწოდეო"
დაწვრილებით...
შოტლანდია 43:16 საქართველო
დაწვრილებით...
"საქართველოში არაერთხელ ვყოფილვარ და ყოველთვის დიდებული მიღება, მხიარული და გულღია ხალხი მხვდება"

"ისე ძალიან ვიყავი დარწმუნებული ჩემს შესაძლებლობებში, ისეთ აღმავლობას ვგრძნობდი, მეგონა, მთებს გადავდგამდი!"
დაწვრილებით...
ბინა 48 თვიანი შიდა უპროცენტო
ქირავდება 2-ოთახიანი ბინა დღიურად თვიურად
2-ოთახიანი, 60 კვ.მ. დღიურად!
იყიდება სასწრაფოდ და იაფად! საწყობი მდებარეობს
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები