"ზურაბ ზვიადაურს ბოლო სამი წელია ქართული ძიუდოსათვის ხელის შეშლის მეტი არაფერი გაუკეთებია"
"ზურაბ ზვიადაურს ბოლო სამი წელია ქართული ძიუდოსათვის ხელის შეშლის მეტი არაფერი გაუკეთებია"
29-01-2016
პარლამენტის სპორტისა და ახალგაზრდულ საქმეთა კომიტეტის წევრი ზურაბ ზვიადაური ძიუდოს ფედერაციის პრეზიდენტ დავით ქევხიშვილს უპირისპირდება და აცხადებს, რომ ძიუდოში 90-იანი წლები ბრუნდება. ძიუდოს ფედერაციაში არსებულ პრობლემებთან დაკავშირებით ზვიადაურმა კომიტეტის სხდომაზე ილაპარაკა. მისი ინფორმაციით, დღეს სპორტსმენებს არ აქვთ შეკრებებისა და ვარჯიშისათვის სათანადო პირობები, სავარჯიშო დარბაზებში არ ურთავენ გათბობას. ამ თემაზე საინტერესო მოსაზრებები გამოითქვა გულშემატკივართა წრეებში, ზოგი მათგანი მიიჩნევს, რომ ზვიადაურის ეს განცხადება იაფასიანი პოპულიზმია, რომელიც ემსახურება ზვიადაურის სამომავლო გეგმას. საქმე ისაა, რომ დიდი ალბათობით ის "ქართული ოცნების" საპარლამენტო სიაში ვეღარ მოხვდება და ამიტომაც ძიუდოს ფედერაციის პრეზიდენტობას აპირებს. ეს მოსაზრება ლოგიკურად შეიძლება მივიჩნიოთ იქიდან გამომდინარე, რომ მიუხედავად ზვიადაურის ნათქვამისა - ძიუდოს სავარჯიშო დარბაზებში გათბობა არაა ჩართულიო, სპორტსმენები საწინააღმდეგოს ამბობენ. მათი მტკიცებით, გათბობა არც გამორთულა. ავსტრიელი მწვრთნელის პიტერ ზაიზენბახერის ნაკრებიდან წასვლის მერე, ყველა ერთხმად აღნიშნავდა, რომ ქართველი მწვრთნელების და ფედერაციის ხელმძღვანელობის დამსახურებით გუნდს ერთსულოვნება დაუბრუნდა, რაც შედეგებზე აისახა კიდეც. ჩვენ დავუკავშირდით ძიუდოს ფედერაციის პრეზიდენტს დავით ქევხიშვილს და ზვიადაურის განცხადებაზე კომენტარი ვთხოვეთ:

- ზურა რომ არაადეკვატურია უკვე ყველა კარგად ხედავს. ისეთ განცხადებებს აკეთებს რაც ქართულ ძიუდოს არ შეშვენის. შეიძლება ითქვას, რომ ზვიადაური თავის ქცევებით ძიუდოს თემს გაუუცხოვდა.

- არაერთი ვიდეო გვინახავს, რომელშიც ზვიადაური საქართველოს ეროვნულ ნაკრებთან ერთად ვარჯიშობს...
- არა, ჩემო კარგო, სადაც ჩვენ ვართ იქ ზვიადაური არ მოდის. არც ერთ აღმასკომს არ დასწრებია და თუ ათასში ერთხელ სადმე გამოჩნდა, ვერ გეტყვით რატომ.

- 2016 წელი, ძალიან მნიშვნელოვანია ძიუდოსათვის, რადგან კარსაა მომდგარი რიოს ოლიმპიადა. ზვიადაურის ეს განცხადება ხომ არ იქონიებს გავლენას შედეგებზე?
- ეროვნულ ნაკრებს მოსამზადებლად, შეიძლება ითქვას, მსოფლიოს სტანდარტების პირობები აქვს, რომლის მსგავსი არასოდეს ჰქონია. ნაკრების ხელმძღვანელობის ყველა მოთხოვნა დაკმაყოფილებულია და
თუ სამომავლოდ რამე დასჭირდებათ, იმასაც აუცილებლად გავითვალისწინებთ, რათა ბიჭებმა უპრობლემოდ ივარჯიშონ. თქვენ კარგად იცით როგორი ყინვებია, თუმცა სავარჯიშო დარბაზებში ეს ყველაფერი არ იგრძნობა. მხოლოდ ერთ დარბაზშია მცირე პრობლემა და სადაც 10-12 გრადუსია ხოლმე სითბო, თუმცა ეს სრულებით საკმარისია ვარჯიშისათვის.

- ლაპარაკობენ, რომ ზურაბ ზვიადაურს  ძიუდოს ფედერაციის პრეზიდენტობა სურს...
- ეს მას უნდა ჰკითხოთ.

- მას შემდეგ, რაც დეპუტატი გახდა, მისი მხრიდან რაიმე სახის დახმარება თუ ყოფილა?

- არანაირად არ გვეხმარება. მას ქართული ძიუდოს მშენებლობაში პატარა აგურიც არ დაუდია, თუ არ ჩავთვლით იმას, რომ ათასში ერთხელ მივა რომელიმე კონკრეტულ სპორტსმენთან და მასთან ერთად ვარჯიშობს. ზურაბ ზვიადაურს ბოლო სამი წელია ხელის შეშლის მეტი არაფერი გაუკეთებია ქართული ძიუდოსათვის. მისი მთელი დახმარება ქართული ძიუდოსათვის დაიწყო და დასრულდა იმით, რომ გახდა ოლიმპიური ჩემპიონი.

ლადო გოგოლაძე (სპეციალურად საიტისთვის)
ყვარელი
08 თებერვალი 2016 12:54
კვამლი უცეცხლოდ არ არსებობს, ქევხამ აღმასკომი ძმაკაცებით რომ გაავსო რატო მაგაზე ხმას არ იღებთ, როგორი ლობიოც აქ იყო გამგებლობის პერიოდში ისეთი ლობიოა ეხლაც. ძალიან რომ ებღაუჭება პრეზიდენტის სავარძელს იმას რატო არ ამბობს რომ ყვარლის მაჟორიტარობაზე მეოცნებეს ხელი რომ მოეცარა და ეხლა ტაკუნებს ათამაშებს ზვიადაურმა არ მოგათრია ყვარელში გამგებლად? კაბინეტში გორაობის მეტი არაფერი გაუკეთებია და კიდე ამბიციები აქვს.
megra
31 იანვარი 2016 23:56
კი ქევხას ძაან უყვარს ძიუდოს ოჯახის ფულები რაც დაეტყო თუნდაც გათბობას,რას იზავ ეს ჩუმჩუმელა ახალს რას მოიფიქრებსს
სხვა სიახლეები
რიოს ოლიმპიადა დასრულდა, ბევრი დადებითი ემოცია დაგვიტოვა, რომელზეც კიდევ კარგა ხანს ვილაპარაკებთ, თუმცა იყო იმედგაცრუებაც... ქართველი გულშემატკივრისათვის, ერთ-ერთი ყველაზე გულდასაწყვეტი ვარლამ ლიპარტელანის ფინალში განცდილი მარცხი აღმოჩნდა.
დაწვრილებით...
გუშინ რიო-დე-ჟანეიროში მიმდინარე ზაფხულის ოლიმპიური თამაშები საზეიმოდ დაიხურა. ეს ოლიმპიადა საქართველოს სპორტული დელეგაციისთვის წარმატებული აღმოჩნდა. ჩვენი ქვეყანა ოლიმპიურ თამაშებზე დამოუკიდებელი გუნდის სახელით 1996 წლიდან ასპარეზობს და ამდენი მედალი ჯერ არ მოუპოვებია.
დაწვრილებით...
"ოლიმპიადის წინ რვა(!) კილოგრამი დავიკელი. ეს უკვე წლებია გრძელდება და დრო იყო, გადაწყვეტილება მიგვეღო"

"ოლიმპიადიდან დაბრუნების შემდეგ საბოლოოდ გადავწყვიტეთ, რომ ამიერიდან 100 კგ-ში ვიჭიდავებ!"
დაწვრილებით...
"შტანგაც მძიმეა და გამარჯვებამდე გასავლელი გზაც!"
დაწვრილებით...
რიო დე ჟანეიროში მიმდინარე ოლიმპიურ თამაშებზე თავისუფალ ჭიდაობაში ქართველმა სპორტსმენმა გენო პეტრიაშვილმა (125კგ) ბრინჯაოს მედალი მოიპოვა.
დაწვრილებით...
აქამდე მსოფლიოს და ევროპის ჩემპიონატები მოვიგე, თუმცა მიზანი და ოცნება, ცხადია ოლიმპიური ოქრო იყო,
დაწვრილებით...
19 აგვისტოს თავისუფალი სტილით მოჭიდავე ვლადიმერ ხინჩეგაშვილი რიოს ოლიმპიადის გამარჯვებულია.
დაწვრილებით...
თავისუფალი სტილით მოჭიდავე ვლადიმერ ხინჩეგაშვილი (57) რიოს ოლიმპიადაზე მეოთხედფინალში გავიდა
დაწვრილებით...
რიო-დე-ჟანეიროს ოლიმპიური თამაშების დასრულებამდე რამდენიმე დღე დარჩა. საქართველოს სპორტულმა დელეგაციამ ძიუდოისტების არადამაჯერებელი გამოსვლის შემდეგ აქტივში პირველი ოქროს ჯილდო ჩაიწერა.
დაწვრილებით...
ქართველი ოლიმპიური ჩემპიონი ლაშა ტალახაძე ოქროს მედლისთვის 170 000 ლარით დაჯილდოვდება.
დაწვრილებით...
სასწრაფოდ! იაფად იყიდება სახლი ბორჯომში,
იყიდება შავი კარკასი საბურთალოს ცენტრში,
სასწრაფოდ! იყიდება ბინა მოსაშვილზე, ვაკის
ქირავდება 17.85 კვ.მ
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები