"ფანტასტიკა რეალობად იქცევა" - კაცობრიობისთვის ახალი ეპოქა იწყება?!
"ფანტასტიკა რეალობად იქცევა" - კაცობრიობისთვის ახალი ეპოქა იწყება?!
"გრავიტაციული ტალღების შესწავლა სამყაროს იდუმალ მხარეს ფარდას ახდის. დროთა განმავლობაში გრავიტაციული ტალღების გამოყენებით ფანტასტიკა რეალობად იქცევა"

გრავიტაციული ტალღების­ არსებობა 100 წლის წინ იწინა­სწარმეტყველა აინშტაინმა. ამ მოვლენის კვლევა გასული­ საუკ­უნის 60-იანი წლებიდან აქტიურად დაიწყო, 1992 წელს კი ამერიკამ გამოყო მილიარდი დოლარი და ტალღების დასაფიქსირებლად უახლესი ტექნოლოგიებით აღჭურვილი ორი დეტექტორ-ობსერვატორია ამერიკის სხვადასხვა პოლუსზე განათავსა. დეტექტორები გრავიტაციული ტალღების აღმოსაჩენად კოსმოსიდან მიღებულ სიგნალებს­ აანალიზებდნენ, კვლევებში კი მსოფლიოს ათასამდე მეცნიერი მონაწილეობდა. ბოლოს და ბოლოს,
You must have Flash Player installed in order to see this player.
7 მილიწამის განმავლობაში ერთი და იგივე გრავიტაციული ტალღა ჯერ ერთმა ობსერვატორიამ დააფიქსირა, მერე მეორემ. სწორედ ამის შემდეგ განაცხადეს მოვლენის მკვლევრებმა, რომ კაცობრიობამ ახალი ეპოქა დაიწყო.

რატომ უწოდეს აღმოჩენას ეპოქალური და რას უნდა მოვ­ელოდეთ მისგან, ამის შესახებ ფიზიკოსი გია ბუსხრიკიძე გვესაუბრება.

- ალბერტ აინშტაინი ამტკიცებდა, რომ აჩქარებით მოძრავი ნებისმიერი ობიექტი ქმნის სივრცისა და დროის გამრ­უდებას; ანუ წარმოქმნის გრავიტაციულ ტალღებს; ამასთანავე, რაც უფრო დიდია ობიექტის მასა და აჩქარება, მით მეტია მის მიერ შექმნილი დროის და სივრცის დეფორმაცია; თუმცა ეს იყო თეორიული მტკიცება.
ფაქტი კი მეცნიერებამ მხოლოდ ამ აღმოჩენით დადო. დიდი დრო, ფული და რესურსი დასჭირდათ მეცნიერებს, ტელესკოპებით 1,2 მლრდ წლის წინ კოსმოსში ორი ობიექტის შეჯახებით წარმოქმნილი გრავიტაციული ტალღების დასაფიქსირებლად.

- და ამ ტალღებმა ახლაღა მოაღწიეს დედამიწამდე?
- დიახ. კვლევებით დადგ­ინდა, რომ ჩვენამდე
მოღწეული გრავიტაციული ტალღები დედამიწიდან დაახლოებით 1,3 მლრდ სინათლის წლით დაშორებულ "ტერიტორიაზე" ორი კოსმოსური ობიექტის შეჯახებით წარმოიქმნა; ერთის მასა ჩვენი 36 მზის მასას უდრიდა, მეორისა - 29-ს. ეს ობიექტები შეიძლება იყოს მკვდარი ნეიტრონული ვარსკვლავები, ან შავი ხვრელები. სავარაუდოდ, უფრო შავი ხვრელებია. დაჯახების შემდეგ წარმოქმნილმა ტალღებმა მთელი სამყარო გამოიარა, ვიდრე სი­ნათლის წლის სიჩქარით გავრცელდა და ჩვენამდე მოაღწევდა.

- ესე იგი, გრავიტაციულმა­ ტალღებმა რაღაც ინფორმაცია­ უკვე მოიტანა... ანუ ყოველი ტალღა, რომელსაც მომავალში დააფიქსირებს მეცნიერება, ახალ-ახალ ინფორმაციას მოიტანს კოსმოსური მოვლენების შესახებ.

- დიახ, ეს ასეა... გრავიტაც­ი­ული ტალღები აბსოლუტურად განსხვავდება ელექტრომაგნიტური ტალღებისგან და სულ სხვა ხასიათის მოვლენას წარმ­ოადგენს. ფიზიკოსების ვარაუდით, ეს არის მიზიდულობისთვის დამახასიათებელი ტალღები, დანარჩენს მეცნიერება გამოიკვლევს. ერთი, რაც ცხადია, მათ ელექტრომაგნიტური ტალღებისაგან განსხვავებული ინფორმაციები მოაქვთ და განსხვავებულ პერსპეტივებსაც გვისახავენ... გავიხსენოთ, რა მოჰყვა ელექტრომაგნიტური ტალღების აღმოჩენას - რაც დღეს გაგვაჩნია, ელექტროდენით დაწყებული, უსადენო ტექნოლოგიების ჩათვლით, რომლებიც ინფორმაციას კოსმოსიდანაც კი გადმოგვცემენ, სწორედ ელექტრომაგნიტური ტალღების აღმოჩენის წყალობაა. ამჟამად სულ სხვა ხასიათის მოვლენასთან გვაქვს საქმე. რასაკვირველია, ყველაფერს დრო დასჭირდება, და მისი შესწავლა სამყაროს იდუმალ მხარეს ფარდას ახდის. დროთა განმავლობაში გრავიტაციული ტალღების გამოყენებით ფანტასტიკა რეალობად იქცევა. ასეთია მეცნიერთა იმდები. სწორედ ამას გულისხმობდა გრავიტაციული ტალღების დამფიქსირებელი ერთ-ერთი მეცნიერი, - ჩვენ თვალი გვქონდა მიპყრობილი ცისაკენ, მაგრამ იქიდან მუსიკა არ გვესმოდა, ამიერიდან კი გავიგონებთო...

ეთერ ერაძე
მკითხველის კომენტარი (7)
ინგა
01 აგვისტო 2016 12:19
ნურავის ნუ ეგონება ილუზია,რადგან თქვეს გააკეთებენ კიდეც ყველაფერს ადამიანები რომ ყველა საიდუმლოს ფარდა ახადონ ,დღეს ისე წინ წავიდა ტექნოლოგია აწი უფრო და უფრო მეტს გამოიკვლევენ ,
28 ივნისი 2016 02:54
პატივცემულ აჩიკოს,ეტყობა,არც ფიზიკა ესმის და არც ასტრუნომია.მას არაფერი გაუგია "სინათლის წელიწადის" თაობაზე.
....
19 თებერვალი 2016 08:11
გრავიტაციული ველების შესწავლა არასოდეს ყოფილა ფიზიკის საქმე! ასტრონომიაა მისი ამომხსნელი და არა ფიზიკა. ძველად და სწორედ ვიდრე დღეს თავს იყუებენ და სხვასაც ნაცარს აყრიან ფიზიკა ქართულად ფიზიკურობას განსაზღვრავდა და გალაკტიის საქმე არასოდეს ყოფილა მისი ჩარევა, ეს ასტრონომიის საქმეა. როცა სამყაროს ასაკს ფიზიკის კანონებით ითვლი რა დაცემული გონების სამყაროში ცხვრობ უმალ იგრძნობ! და რაც მთავარია სულ ტყუილია ყველაფერი! მე ვიცი რა არის ფიზიკა და სად მთავრდებოდა მისი ხედვა!
gizo
18 თებერვალი 2016 16:13
ვეთანხმები პირველ სამივე კომენტარს. თვით ეს მოვლენაც მეტად სპეციფიურია და არასპეციალისტისათვის მისი ახსნა შეუძლებელია, ამიტომ შეეშალა ავტორსაც, რაზეც სწორად მიუთითა achiko-მ, თორემ ფიზიკოსი ტერმინს სწორად ეტყვოდა.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
თვის კითხვადი სტატიები