"დედა, იყავი სანტა და მამა დაგვიბრუნე"
"დედა, იყავი სანტა და მამა დაგვიბრუნე"
04-01-2016
"ნაძვის ხეზე უზარმაზარი კონვერტი ეკიდა და დიდი ასოებით ეწერა - "დედას"


ნინომ რომ შეიტყო, ქმარს საყვა­რელი ჰყავდა, ელექტრონული ფოსტით წერილი მისწერა: "უკვე ვიცი, რომ არც საკუთარ თავს სცემ პატივს (ჩემს შეურაცხყოფაზე აღარაფერს ვამბობ!), ამიტომ­ გთხოვ, ბავშვებს ნუ დაუმახ­ინჯ­ებ ცხოვრებას. წადი, ვისთანაც გინდა, იცხოვრე, იზრუნე ბავშვებზე­ და ეცადე, აუხსნა, რაც მოხდა ჩვენ შორის"."

ლევანმა სცადა, ქალი დაერწმუნებინა, შენთვის არ მიღალატიაო, მაგრამ როცა ქალმა მამხილებელი ფოტოები გაუგზავნა, კაცმა ბრძოლა შეწყვიტა. კადრებში მოალერსეთაგან კაცი ცოლს ღალატობდა, ქალი კი ქმარს, თან ორივე ერთ საავადმყოფოში მუშაობდა და ფოტოები ამძაფრებდა ეჭვს, რომ მათი რომანი კარგა ხნის წინ დაიწყო.

ბავშვებმა ძალიან განიცადეს, მაგრამ დედას ამ თემაზე ვერ ელაპარაკებოდნენ - გული ეტკინებაო. უმცროსმა თორნიკემ მამას ჰკითხა, ხომ შეიძლება, ახლა ვინც გიყვ­არს, გადაგიყვარდეს და ისევ დედიკოსთან­ დაბრუნება მოგინდესო. დედა არ მომცემს ამის უფლებასო, იმართლა თავი მამამ. ბავშვებმა ვერ გაბედეს დედასთან შუამდგომლობა, მაგრამ მამა წააქეზეს, იქნებ ისეთი რამ ჩაიდინო, მისი გული ისევ მოიგოო. იფიქრა კაცმა და სამსახური შეიცვალა,­ იმ გარემოს დაემშვიდობა, სადაც იმ ქალთან უწევდა შეხვედრა. ნინო კი ქმრის გარეშე ყოფნას ეჩვეოდა და არც უფიქრია ღალატის პატიება.

ნინო: - მის შესახებ არაფერი მაინტ­ერესებდა, თუმცა, ცდილობდა ახლობლების საშუალებით გამეგო, როგორ ვუყვარვარ, რომ მე სამყაროში საუკეთესო ქალი ვარ. ამაოდ, არაფერი მხვდებოდა გულზე... ცუდია, რომ კაცებს არ ესმით, ცოლისთვის რა საშინელებაა ღალატი...

- ქმარს მაინც შეურიგდით...
- არ ვფიქრობ, რომ ლევანმა გულწრფელად მოინანია, გულის სიღრმეში მგონია,­ თუ შესაძლებლობა მიეცემა, კიდევ მიღალატებს... შესაძლოა, ბანალურად ჟღერდეს, რასაც ახლა ვიტყვი, მაგრამ შევურიგდი შვილების გამო. ის ძალიან კარგი მამაა და ბავშვები ძალიან განიცდიდნენ უმისობას.
მეც ექიმი ვარ. როცა მორიგე ვიყავი, ლევანი ჩვენს სახლში რჩებოდა ბავშვებთან. ახალი წლის
ღამესაც ვმორიგეობდი. ლევანი კი ჩვეულებისამებრ ბავშვებთან დარჩა. დილით რომ დავბრუნდი, ჩემს საძინებელში ეძინათ მამას და სამივე შვილს. ლევანს სანტა კლაუსის ფორმა ეცვა... გულისამაჩუყებელი სურათი იყო, მაგრამ ესეც ვერ მოახდენდა გავლენას, რომ არა... ნაძვის ხეზე უზარმაზარი კონვერტი ეკიდა და დიდი ასოებით ეწერა - "დედას". კონვერტში წერილი იდო. ბავშვები მწერდნენ: "საყვარელო დედიკო, დღეს აღმოვაჩინეთ, რომ სანტა კლაუსი არ არსებობს და მის ფუნქციებს ყოველთვის შენ და მამა ასრულებდით. არადა, ჩვენ წერილი მივწერეთ მას და ვთხოვდით, მამა დაებრუნებინა. სანტა არ გამოჩნდა, მაგრამ მოვიდა სანტას სამოსში გამოწყობილი მამა, რომელიც გამოგვიტყდა, რომ ამ ხნის განმავლობაში გვატ­ყუებდით... იმდენად ლამაზი და საინტერესო ტყუილები იყო, სიამოვნებით გაპატიებთ­, მაგრამ გთხოვთ, დედა, კიდევ ერთხელ იყავი სანტა და დაგვიბრუნე მამა".

დაღლილი, ღამენათევი დავჯექი და ავტირდი. კარგა ხანს ვზლუქუნებდი. თავი რომ ავწიე, ოთხივე ჩემ წინ იდგა, დაღონებული, სახეწაშლილი... იმდენად სასაცილოდ იყვნენ აჩაჩულ-დაჩაჩულები და გაბურძგნულები, სიცილი ამივარდა. მას შემდეგ ერთად ვართ და ვცდილობთ­, ჩვენი შეწებებული ურთიერთობა არ დაიმსხვრეს. კარგია, თუ ბოლომდე შევძლებთ­ ამას...

სოფო გამრეკელი
ათენა-ს
10 თებერვალი 2016 00:08
ძალიან ცდები,რადგან ნამდვილად არ ვარ ,,სხვის ომში ბრძენი" და ზუსტად ვიცი,რომ ერთი წუთითაც არ ვიცხოვრებ ჩემი შეურაცხმყოფელი ქმრის გვერდით! იმაშიც ცდები,რომ გგონია,თითქოს ერთგული ქმრები არ არსებობენ,რადგან უერთგულესი ქმარი მყავს და აზრადაც არ მოუვა ჩემი შეურაცხყოფა,ასე რომ ყველას მაგიერ ნუ იფიქრებ და ილაპარაკებ!
ათენა
11 იანვარი 2016 00:06
"სხვა სხვის ომში ბრძენიაო" უთქვამთ... გულზე მჯიღის ცემას ნურავინ დაიწყებს - მე ასე ვიზამ და ისეო! ღმერთმა ყველა ქალს აშოროს მსგავსი სიტუაცია, საშინელებაა... წინასწარ არავინ იცის, ვინ რას გააკეთებს! კიდევ ძალიან ცდებით, თუ ვინმეს გგონიათ, რომ ერთგული კაცები არსებობენ! მითუმეტეს საქართველოში.
შვილები დაიზრდებიან და თავიანთ გზას იპოვიან... მეუღლეები კი სიცოცხლის ბოლომდე ერთმანეთის განუყოფელი ნაწილნი რჩებიან.
მამაკაცებო! ნუ ატკენთ გულს ცოლებს, რომლებიც თავიანთ თავს და ცხოვრებას გიძღვნიან მთლიანად! დააფასეთ, რაც გაქვთ და თქვენც უნდა მიხვდეთ, რომ გარე-გარე თავგადასავლების ძიება აღარ გეკადრებათ! (ვიცით, რომ ჩვენგან განსხვავდებით, თქვენი ბუნებაა ასეთი პოლიგამიური, მაგრამ მაინც! ცხოველისგან ამით განსხვავდება ადამიანი!). ჩვენც გვაქვს თავმოყვარეობა, რომელსაც შვილებიც კი ვეღარ გადაწონიან!
ბედნიერებას გისურვებთ ყველას!
სხვა სიახლეები
დილით ქმართან დალაპარაკება ვცადე, პირის გაღება ვერ მოვასწარი, რომ გიჟივით წამოხტა და მუშტი მომიქნია, მერე შეტრიალდა და გარეთ გავარდა
დაწვრილებით...
PRIME
"ჩემმა შვილმა იმდენჯერ წამომაძახა, - შენ ეს ბოზი არჩიე ჩემს თავს, ამას დედა კი არა, მტერი არ უზამდა კაცსო. მივხვდი, გამოუსწორებელი შეცდომა დავუშვი"
დაწვრილებით...
"მინდა, ოჯახი შევინარჩუნო და ვიღაც კუდიანი კახპის გამო არ დამენგრეს"
დაწვრილებით...
ახალგაზრდობაში კი არა და ბავშვობაში (16 წლის გოგო ბავშვია, აბა რა) მე და ერთ ლამაზ ბიჭს ერთმანეთი შეგვიყვარდა. მთელი 5 წელი ვგიჟდებოდით ერთმანეთზე, ვდნებოდით და ვკვდებოდით სიყვარულით, ერთ მშვენიერ დღეს კი ჩემმა დაქალმა (მისი მეზობელი იყო) დამირეკა და მითხრა, - შენმა შეყვარებულმა ცოლი მოიყვანაო.
დაწვრილებით...
"გიჟივით მომვარდა, მუშტი ჩამარტყა, მერე კი მკლავზე მიმაწვა სიგარეტი"
დაწვრილებით...
მეგობრები ხშირად ვკამათობთ ქალისა და მამაკაცის ურთიერთობაზე და ბოლოს ვასკვნით: შესაძლოა დედამიწაზე ყველა პრობლემა მოგვარდეს, მაგრამ ქალსა და მამაკაცს შორის გაუგებრობა ყოველთვის იქნება.
დაწვრილებით...
ინტერნეტმა ჩემი ცხოვრება მთლიანად შეცვალა. არც ისე პატარა გოგო ვარ, უკვე 34 წელი შემისრულდა. დიდი ხანია, კომპიუტერთან ვმეგობრობ, მაგრამ არასოდეს მომსვლია აზრად, რომ რომელიმე სოციალური საიტის მეშვეობით ვინმე გამეცნო.
დაწვრილებით...
"ჟურნალ "ვოგში" მოხვედრა ყველა ხელოვანისთვის დიდი პატივია. ჩემი ნამუშევრები ბრიტანეთის "ვოგის" სამ ნომერში გამოქვეყნდა"
დაწვრილებით...
26 წლის ვარ. ერ­თი შვი­ლი მყავს - 3 წლის თა­მა­რი. ბა­ნა­ლუ­რად და­ვიწ­ყებ: სიყ­ვა­რუ­ლით გავ­თხოვ­დი. მე და ჩემ­მა ქმარ­მა სა­ა­ვად­მყო­ფო­ში გა­ვი­ცა­ნით ერ­თმა­ნე­თი. ორი­ვეს დე­და გვყავ­და ავად და ერთ პა­ლა­ტა­ში იწ­ვნენ.
დაწვრილებით...
სასწრაფოდ! იყიდება გოთუას ქუჩაზე 84,
სახლი არის 2 სართულიანი. მე-2
62 კვ.მ. +90კვმ ბინის თეთრი
სოფელ ვაზიანის ცენტრში ლილო მოლიდან
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები