"საყვარელ ქალზე მხოლოდ იმიტომ არ ვიქორწინე, მეშინოდა, ხალხი რას იტყოდა... ძალიან ვნანობ"
"საყვარელ ქალზე მხოლოდ იმიტომ არ ვიქორწინე, მეშინოდა, ხალხი რას იტყოდა... ძალიან ვნანობ"
31-01-2016
უკვე 39 წლის ვარ და დღემდე ვერ ვაპატიე თავს, რომ საყვარელი ქალი ცოლად არ მოვიყვანე.  მანანა რვა წლის წინ გავიცანი და მთელი ხუთი წელი საყვარლები ვიყავით.

ის ქმარს გაცილებული იყო და შვილიც ჰყავდა. მშვენივრად ავაწყვეთ ურთიერთობა. მიყვარდა კიდეც, მაგრამ მამაკაცის ბუნება ხომ იცით... სულ იმას ვფიქრობდი - ამან რომ გაიგოს, როგორ მიყვარს, მერე პრეტენზიები გაუჩნდება, მოსვენებას დავკარგავ, ტვინს შემიჭამს, ამიტომ ჯობია, არ გავართულო საქმე-მეთქი. თავს მშვენივრად ვგრძნობდი, რადგან ვიცოდი, რომ მას ძალიან ვუყვარდი და ჩემი ერთგულიც იყო. მარტო ვცხოვრობ. თუ მას საშუალება ჰქონდა, 2-3 დღეც კი რჩებოდა ჩემთან და როცა მიდიოდა, გული მწყდებოდა, მაგრამ არც ამას ვეუბნებოდი ხმამაღლა. თავი ისე მეჭირა, თითქოს ჩემთვის სულ ერთი იყო. იმასაც ვგრძნოდი, რომ ამის გამო გული სწყდებოდა. ხშირად წამოიწყებდა ლაპარაკს ისეთ თემაზე, რაც მიმანიშნებდა, რომ სწორად ვიქცეოდი. ანუ მეკითხებოდა - მიყვარდა თუ არა, მენატრებოდა თუ არა, მის გარეშე გაძლება მიჭირდა თუ არა? მე "სასხვათაშორისო" პასუხებს ვცემდი და საუბარი სხვა თემაზე გადამქონდა.

საქმე ის გახლდათ, რომ ცოლი არასოდეს მყოლია და გამუდმებით ოჯახის შექმნაზე ვფიქრობდი. მიუხედავად იმისა, რომ მანანა მიყვარდა და ვიცოდი, კარგ ცოლობასაც გამიწევდა, მის ცოლად მოყვანას მაინც არ ვაპირებდი. ჯერ ერთი, შვილიან ქალზე დაქორწინება არ მინდოდა, მეორეც - ჩემი მშობლები სამუდამოდ მომიძულებდნენ ამის გამო...  ახლა ძალიან ვნანობ, რომ საყვარელ ქალზე მხოლოდ იმიტომ არ ვიქორწინე, მეშინოდა, ხალხი რას იტყოდა.

სიმართლეს გეტყვით და იმ პერიოდში, სანამ მანანა ჩემი საყვარელი იყო, რამდენიმე გოგოზე უარი ვთქვი. მერჩივნა, მთლად უცოლოდ დავრჩენილიყავი, ვიდრე მანანა მომეყვანა ცოლად და თან მასთან განშორებაც მიმძიმდა. ვიცი, ამას რომ წაიკითხავენ, უამრავი ქალი გამკიცხავს, უგუნურს, შტერსა და უნამუსოს მიწოდებს, მაგრამ აღიარება ხომ ამსუბუქებს დანაშაულს და ყველას ვთხოვ,
You must have Flash Player installed in order to see this player.
მომიტევოს.

ამასობაში, ერთი გოგო გავიცანი, რომელიც ძალიან მომეწონა. ავწონ-დავწონე და მომეჩვენა, რომ სავსებით შესაფერისი კანდიდატურა იყო. აქეთ მშობლები მიწყალებდნენ გულს, ცოლი მოიყვანეო და იქით - მეგობრები. სურვილი მეც მქონდა... ნინოსთან შეხვედრები დავიწყე. როგორც ჩანს, მანანა რაღაცას მიხვდა (ქალები ხომ ინტუიციით ხვდებიან მამაკაცის ჩანაფიქრს) და ცოტა ხანში არასასიამოვნო სიურპრიზიც მომიწყო. ერთ საღამოს ჩვეულებრივად დავურეკე, - ჩემთან მოდი-მეთქი, უნდა მეთქვა. - აღარ დამირეკო, შენს ზარს ველოდი, რომ ეს მეთქვა, ახლა გავთიშავ ტელეფონს თუ არა, სხვა ნომერს ჩავრთავ და არასოდეს მომძებნოო. ჩემი პასუხისთვის აღარ დაუცდია, ტელეფონი გამორთო.

რამდენიმე დღის განმავლობაში ვცდილობდი მასთან დაკავშირებას, მაგრამ ის ნომერი აღარ ჩაურთავს. მერე მის დაქალს დავურეკე ამბის გასაგებად და შოკში ჩავვარდი, როცა მითხრა, რომ მანანა თხოვდებაო... საშინლად გავბრაზდი, ჯერ დავაპირე სასწრაფოდ მომეძებნა და მეთქვა როგორ მიყვარდა, არ დამენებებინა სხვა მამაკაცისთვის, თუმცა ჩემმა ავადმყოფურმა თავმოყვარეობამ მძილია, ისევ მშობლებზე და ახლობლებზე დავიწყე ფიქრი და...  არაფერი მოვიმოქმედე და მანანა გათხოვდა.

მეც ნინოზე დავქორწინდი 3 თვეში და ზუსტად 1 წლის თავზე გავცილდით. მადლობა ღმერთს, შვილი არ გვყავს და ჩემი სისულელით არავინ იტანჯება...  ამ ამბის მერე უკვე რამდენიმე წელი გავიდა. მანანაც ნელ-ნელა დავივიწყე, აღარ მტანჯავს უმისობა, მაგრამ როცა ამ ამბავს ვიხსენებ, მაინც გული მტკივა, ერთხელ მაინც
როგორ არ ვუთხარი როგორ მიყვარდა...
ლია
19 დეკემბერი 2016 02:08
მე ვფიქრობ აქ ,,რას იტყვის ხალხი'' არაფერ შუაშია ძმაო.კარგად ჩაიხედე საკუთარ თავში.ერთი წლის მერე რომ ოჯახი დაანგრიე,ისიც ხომ ხალხის განსასჯელი გახდებოდა.იმ დროს რატომ არ იფიქრე რას იტყვის ხალხიო.
19 დეკემბერი 2016 00:24
ეს მარტო თქენი არა, ზოგადად ქართველი კაცების პრობლემაა სხვისი აზრებით ცხოვრება, დიდი იმედი მაქვს რომ ახალი თაობა დამოუკიდებლად მიიღებს გადაწყვეტილებას თავის პირად ცხოვრებაზე, მითუმეტეს როდესაც საქმე სიყვარულს ეხება!
სხვა სიახლეები
ძალიან მძიმეა ამდენი წლის შემდეგ უშენოდ გაზრდილი შვილების ნახვა.
დაწვრილებით...
PRIME
უკვე 8 წელია, რაც ცოლი მოვიყვანე. ვერ გეტყვით, ცოლისთვის არასოდეს მიღალატია-მეთქი, ყოველთვის დავძვრებოდი ქალებში, მაგრამ ამ ორი წლის წინ ერთი ქალი უზომოდ შემიყვარდა. მე თვითონ არ ვიცი, რა დამემართა...
დაწვრილებით...
რას ამბობს ავთანდილ ცქვიტინიძე კალაძის ახალ იმიჯზე
დაწვრილებით...
"მამლის ასიმეტრიული ქოჩორი ქალების ვარცხნილობაზეც უნდა აისახოს"
დაწვრილებით...
"პირველად ბავშვები ეკრანზე რომ დავინახე, ვერ ვიცანი. სიხარულისგან ვბღაოდი, მერე გული ტკივილმა მომიწურა - შვილები უცხოსავით მელაპარაკებოდნენ"
დაწვრილებით...
ქმარ­მა წლე­ბის წინ მი­ა­ტო­ვა. რო­გორც ამ­ბობს, მან ღირ­სე­უ­ლად გა­უძ­ლო ტკი­ვილს, ჭო­რებს, ბა­რი­ე­რე­ბიც გა­და­ლა­ხა და პრობ­ლე­მებს ვაჟ­კა­ცუ­რად გა­უმ­კ­ლავ­და.
დაწვრილებით...
"სახიფათო ავანტიურაზე წავედი, ქეთის სართულის აივნიდან გადავხტი ისე, რომ მას ჰგონებოდა, გადავვარდი. ასე მოვიტეხე ფეხი და აღმოვჩნდი საავადმყოფოში"
დაწვრილებით...
"ძაღლმა და ბავშვმა ერთმანეთისკენ გაიწიეს, ითამაშეს, ორივე ბედნიერი იყო, რამაც უფროსებიც გაგვამხიარულა"
დაწვრილებით...
"ვიცოდი, რა დროს გამოდიოდა სკოლიდან და როგორც კი შესაძლებლობა მეძლეოდა, გავრბოდი, ვუთვალთვალებდი"
დაწვრილებით...
"დედა-შვილი ცრემლებს იწმენდნენ და ერთმანეთს ეხვეოდნენ. როგორც გაირკვა, გამზრდელმა დედამ გარდაცვალების წინ დაწერა წერილი, სადაც შვილობილს მისი ბიოლოგიური დედის შესახებ უამბო"
დაწვრილებით...
ნუცუბიძის ქ. 201-ში ქირავდება დღიურად,
ტერიტორიაზე განთავსებულია: ადმინისტრაციული შენობა 650კვ.მ;
ქირავდება 2-ოთახიანი ბინა დღიურად თვიურად
ქირავდება 1,5 ოთახიანი ბინა დღიურად,
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები