"როგორ ავუხსნა, რომ დედამ უარი თქვა მასზე?"
"როგორ ავუხსნა, რომ დედამ უარი თქვა მასზე?"
ორი წლის წინ ახლობლის შვილი დაქ­ორწინდა. ერთადერთ ვაჟს დიდებული ქორწილი გადაუხადეს. მერე კიდევ ერთი კვირა იშლებოდა სუფრა სიძის ოჯახში. სიძე-პატარძალი კუნძულ ბალიზე გაუშვეს, მეორე კვირა ახალდაქორწინებულებმა პარ­იზში გაატარეს... ალბათ იფიქრებთ, რომ ასეთ ოჯახში­ შესულ პატარძალს ფეხი ფეხზე­ უნდა გადაედოო. ასეც იყო, არავინ არაფერს სთხოვდა, როგორც დედოფალს, მოსამსახურეები ეხვია თავს. მიუხედავად ამისა, ხუთი თვის ორსული მშობლებთან გაიქცა - ძალიან ახალგაზრდა ვარ, უნდა გავერთო, არც ის ვიცი, მინდა თუ არა მაგ ბიჭთან
You must have Flash Player installed in order to see this player.
ცხოვრებაო. ბიჭის მშობ­ლებმა იუკადრისეს, - ამიერი
დან აქ მაგის­ ფეხი არ ვნახოთო. გოგოს ოჯახი ჯერ შვილს დაუდგა მუხლებზე - გონზე მოდი, რას სჩადიო, მაგრამ ის გაჯიქდა - არც ცოლ­ობის თავი მაქვს და არც დედობის. ბავშვი უნდა მოვიშოროო. საწამლავი დალია.­ გადაარჩინეს. ნაყოფიც გადარჩა. გოგოს მშობლები ბიჭს ემუდარნენ, - გვესმის, რომ უპატიებლად იქცევა, მაგრამ შენი შვილის ხათრით იქნებ დაიყოლიო და იმდენი ხანი ითმინო, სანამ ბავშვს გააჩენს, მერე იქნებ შვილის დანახვამ მოულბოს გული და გონზე მოიყვანოსო. მართლაც, ბავშვის გამო დათანხმდა გაალქაჯებული პატარძლის მშობლებს და 7 თვის ორსული შინ მოაბრუნეს.

დაიბადა ულამაზესი გოგონა. ბედნიერმა მამამ ქვეყნიერება შეძრა, პატარა პრინცესა მოევლინა ქვეყანასო. დედამ არც დახედა ბავშვს, პედიატრი და ექთანი­ გამოყარა პალატიდან, ჩემმა დედამთილმა წაიყვანოს და გაზარდოს, ეს ბავშვი მათ უნდოდათო. დედამთილი, ლიკა, ახლახან ვნახე შვილიშვილთან ერთად და რძლის ამბები მოვიკითხე.

- იმ გოგოს არა აქვს ჯანსაღი ფსიქიკა.­ შვილიც კი არ აინტერესებს. მისი საბრალო მშობლები შვილიშვილის სანახავად მოდიან ხოლმე, მოიოხებენ გულს ბავშვის ალერსით და მიდიან. ისიც არ ვიცი, რით ვანუგეშო?

- სად არის ახლა ის გოგო?

- საბერძნეთში ვიღაც ნათესავთან გაიპარა და ბარში მუშაობს, სტრიპტიზსაც ცეკვავს. იქნებ ოდესმე მოვიდეს გონს, მაგრამ ჩვენს ოჯახში ფეხს ვერ შემოდგამს. შვილზეც არანაირი უფლება არა აქვს. ბავშვი გვეცოდება. როცა გაიზრდება, როგორ ავუხსნა, რომ დედამ უარი თქვა მასზე?

- მამა ცოლის შერთვას დააპირებს ალბათ.

- ასე უნდა ქნას, აბა, რა?! თუმცა, ამბობს, მხოლოდ ის ქალი იცხოვრებს ჩემ გვერდით, ვინც ანანოს დედობრივ სიყვარულს აგრძნობინებსო.

სოფო გამრეკელი
მკითხველის კომენტარი (4)
ketino
08 ნოემბერი 2016 22:35
გმერტმა გაზარდოს პატარა და ბედნიერი კოპილიკვეს მის მამასტან ერტად არც კი უნდა გააკარონ გვერდსჰი ეგეტ დედას დედობაც უნდა ჰამოარტვა საბერდზნეტსჰი ზის დროს ატარებს და სჰვილი მიატოვა სიტკვა დედაც არ უნდა უცოდოტ მას გახრცნილი სულის კალია მეტი არაპერი უვარგისი არაპერი პსიკიკა ასჰლილი არ არის უბრალოდ დროს ტარება უნდოდა პუპუნებასჰი კოლა მოვალეობის ცინასჰე რომ დადგა როგორც მეუგლე და დედა გამოამზგავნა მისი ხასიატი ვინც არის მოაცილეტ ეგეტი რდზალი კი არა სჰვილიც არ მინდა რომ მკავდეს
lali
08 ნოემბერი 2016 22:08
ალბატ მდიდარი ოჯახიდან აარჩიეს სარძლო და მაგიტომ..ასე რომ ბედნიერება ფულიან საცოლეში არაა.მოეყვანა უბრალო ოჯახისშვილი და მშვენიერ ცოლობას გაუწევდაა
ზოია
07 ნოემბერი 2016 18:28
მე ასე ვფიქრობ გოგოს მშობლებმა იცოდნენ ფსიქიკა რომ ჰქონდა მოშლილი რომელ მშობელს არ უნდა ? თავისი შვილის ბედნიერება?
ლიკა
07 ნოემბერი 2016 14:18
ამ ქალბატონს ალბათ ჯანმრთელი ფსიქიკა არ ააქვს,დედა შვილს, რომ მიატოვებს ის ნორმალური არ მგონია. საერთოდ რას თხოვდებოდა!
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები