"ორი ქმარი მყავს... პირველი არ მანებებს თავს, შენი ქმარი ვარ და ასე მოვკვდებიო"
"ორი ქმარი მყავს... პირველი არ მანებებს თავს, შენი ქმარი ვარ და ასე მოვკვდებიო"
19-12-2016
"პირველად ბავშვები ეკრანზე რომ დავინახე, ვერ ვიცანი. სიხარულისგან ვბღაოდი, მერე გული ტკივილმა მომიწურა - შვილები უცხოსავით მელაპარაკებოდნენ"

ბევრი მსმენია ისეთი კაცების შესახებ, რომელთაც ერთდროულად­ ცოლი ჰყავთ და საყვარელიც, მაგრამ ვერ წარმომედგინა, რომ შეიძლებოდა, ერთ დღეს მენახა ქალი, რომელსაც ერთდროულად ორი ქმარი ჰყავს და არც ერთი არ აპირებს მის დათმ­ობას. ნანა 48 წლის არის, სამი შვილი და ორი ქმარი ჰყავს.­ უფროსი ორი შვილი პირველი ქმრისგან შეძენია, მესამე - მეორე, უცხოელი ქმრის შვილია.

ნანა:
- წლების წინ, ბევრი ქალის მსგავსად, პატარა შვილები ქმრის და დედამთილის ანაბა­რად დავტოვე, რომ ბავშვები­ შიმშილით არ დამხოცოდა და უცხ­ეთში წავედი სამუშაოდ. მა­შინ ჩემს ქმარს თითიც არ გაუნძ­რევია, რომ თვითონ ეშოვა­ სამუშაო. არც ჩემს წასვლაზე უთქვამს უარი. ძალიან მშვიდად დათანხმდა ერთი ახლობლის შემოთავაზებას, რომ 2.000 დოლარის­ სანაცვლოდ ავტობუსის საბარგულით, დიდ ჩემოდანში ჩამძვრალს გადამიყვანდა საბ­ერძნეთში. ეს მოხდა 18 წლის წინ. ჯერ საბერძნეთში ვიმუშავე, მერე იტალიაში, იქიდან შვედეთში გადავედი, სადაც გავიცანი კაცი, რომელმაც გამომიცხადა - უშენოდ სიცოცხლე არ შემიძლიაო. ქვრივი იყო, მის შვილს ვუვლიდი - დედასთან ერთად მოჰყვა­ ავტოკატასტროფაში და დამოუკიდებლად მოძრაობა არ შეეძლო. ბიჭს ისე შევუყვარდი, დედას მეძახდა.

- საქართველოში რომ ქმარი და შვილები გყავდათ, ახალი ოჯახის შექმნაში ხელს არ გიშლიდათ მათზე ფიქრი?

- შვილებს არაფერს ვაკლებდი, მაგრამ წარმოიდგინე, წლები ისე გადის, რომ ბავშვებს ვერ ნახულობ... ინტერნეტიც ხომ გვიან გაჩნდა. პირველად ბავშვები ეკრანზე რომ დავინახე, ვერ ვიცანი. სიხარულისგან ვბღაოდი,­ მერე გული ტკივილმა მომიწურა - შვილები უცხოსავით მელაპარაკებოდნენ. ქმარი კი ნამდვილი ნაძირალა აღმოჩნდა, რისი ეჭვიც წასვლის წინ გამიჩნდა. 2.000 დოლარი რომ მომიტანა, პროცენტიანი ვალი ავიღეო, მით­ხრა. ის პროცენტი კი რამდენიმე წელიწადს მახდევინა. თურმე მატყუებდა, არანაირი პროცენტი­ არ ჰქონდა გადასახდელი, ის ფული მის ჯიბეში ჩადიოდა. ეს რომ გავიგე, დავურეკე და ვუთხარი,­ გშორდები, ბავშვების მეურვეობას კი ჩემს დას დავაკისრებ და ფულსაც მას გამოვუგზავნი-მეთქი. რა სიგიჟეა,­ მტრები გყავს, ვიღაც შხამს გაწ­ვეთებს, რომ ჩვენი ტკბილი ოჯახი დაინგრესო. ოჯახი, რომელიც აღარ არსებობდა, თურმე ტკბილიც იყო.

მასთან ხელი მოწერილი არ მქონდა, ამიტომაც იოლად დავქორწინდი შვედთზე. საქართველოში რომ ჩამ­ოვედი, დამხვდნენ დაზრდილი შვ­ილები, რომლებ­ისთვისაც უცხო ვარ. მათთვის გავხდი ყულაბა და დედის ფუნქ­ცია დავკარგე. მოკ­ლედ, სახლი, სადაც ბავშვები და მათი მამა დავ­ტოვე, ჩემი მშობლების ნაჩუქარი იყო. ჩემს ე.წ. ქმარს კი იქიდან­ ფეხის მოცვლა არ უნდა. მე შენი ქმარი ვარ და ასე მოვკვდებიო. ამას იმიტომ ამბობს, რომ ლოთი და უვარგისია და ბავშვებისთვის გამოგზავნილი ფულით დღემდე ხეირობდა. გამოდის, ორი ქმარი­ მყავს...

- შვილები რას ამბობენ?

- არ მინდა, დავიჯერო, რომ შვილები სამუდამოდ დავკარგე. ასე მითხრეს, - შენ ხომ მაინც აქ არ იცხოვრებ და იყოს მამა აქ, რას გიშავებსო. ისინი ჩემს შვილებადაც კი აღარ აღიქვამენ თავს. ჩემმა შვედმა ქმარმა მითხრა, რომ ბიჭები ჩვენთან წავიყვანოთ. ისინი
You must have Flash Player installed in order to see this player.
უნდა დაიბრუნო, რათა მიხვდნენ, რომ ყველაფერს მათთვის აკეთებდიო. ასეც ვიზამ. ყოფილმა დედამთილმა­ შემომითვალა, ის ხომ კარგი იყო, შვილები რომ დაგიზარდეთ, ახლა აგდებ ჩემს შვილს სახლიდანო?
მოვუწოდებ ყველა ქალს, გაი­თვალისწინეთ ჩემი შეცდომა. თქვენი ქმარი უმუშევარია? ოჯახში შემოსავალი არ გაქვთ? ყველაფერი გააკეთეთ იმისათვის, რომ ის წავიდეს თუნდაც უცხოეთში, შვილები არ დატოვოთ, ან თუ წახვალთ, წაიყვანეთ.

სოფო გამრეკელი

lia
13 იანვარი 2017 09:17
ძალიან ძნელია უმუშევარი ქმარი არჩინო ჩემი ქმარიც ეგრეა არაფრით არ უნდა რომ იმუშაოს გაიძახის არაფერი სამუშაო არ არისო. გადამახდევინა სამაოდ დიდი ვალი რომელიც სხვას გამოატანინა ბანკიდან და აგარ გადაიხადა სახლის გაყიდვის შიშით წავედი სამუშაოდ ყველა ვალი რომ გადავიხადე ახლა რემონტიო მერე მანქანაო ყველა სურვილი რომ აისრულა ახლა გახდა ძალიან მოსიყვარულე და მზრუნველი და კატეგორიულად მომტხოვა ჩამოდიო მე კი არ ვიცი რა გავაკეთო საქართველოში თვითონ თუ ვერ შოულობს სამუშაოს მე როგორ ვიშოვი ერტი დეტალი გამომრჩა ჩამომყავს ხოლმე რამდენიმე თვით აღრ ვიცი როგორ მოვიქცე
eka
03 იანვარი 2017 21:57
მორალი აქ სვაა. არ გაქვს ოჯახის SHENAXVIS SHNO ? AR GAQVS XELFASI DA XAR UPASUXISMGEBLO MUQTAXORA? AR GAACHINO ARC SHVILI ARC COLI MOIYVANO. DAJEQI KOMPIUTERTAN DA AWKAPUNE KOMPIUTERSHI ROBOTEBI DAXOCE AN CS I ITAMASHE METIS ARAFRIS KETEBA NISHNAVS AR SHEGDZLEBIA.
სხვა სიახლეები
ძალიან მძიმეა ამდენი წლის შემდეგ უშენოდ გაზრდილი შვილების ნახვა.
დაწვრილებით...
PRIME
უკვე 8 წელია, რაც ცოლი მოვიყვანე. ვერ გეტყვით, ცოლისთვის არასოდეს მიღალატია-მეთქი, ყოველთვის დავძვრებოდი ქალებში, მაგრამ ამ ორი წლის წინ ერთი ქალი უზომოდ შემიყვარდა. მე თვითონ არ ვიცი, რა დამემართა...
დაწვრილებით...
რას ამბობს ავთანდილ ცქვიტინიძე კალაძის ახალ იმიჯზე
დაწვრილებით...
"მამლის ასიმეტრიული ქოჩორი ქალების ვარცხნილობაზეც უნდა აისახოს"
დაწვრილებით...
ქმარ­მა წლე­ბის წინ მი­ა­ტო­ვა. რო­გორც ამ­ბობს, მან ღირ­სე­უ­ლად გა­უძ­ლო ტკი­ვილს, ჭო­რებს, ბა­რი­ე­რე­ბიც გა­და­ლა­ხა და პრობ­ლე­მებს ვაჟ­კა­ცუ­რად გა­უმ­კ­ლავ­და.
დაწვრილებით...
"სახიფათო ავანტიურაზე წავედი, ქეთის სართულის აივნიდან გადავხტი ისე, რომ მას ჰგონებოდა, გადავვარდი. ასე მოვიტეხე ფეხი და აღმოვჩნდი საავადმყოფოში"
დაწვრილებით...
"ძაღლმა და ბავშვმა ერთმანეთისკენ გაიწიეს, ითამაშეს, ორივე ბედნიერი იყო, რამაც უფროსებიც გაგვამხიარულა"
დაწვრილებით...
"ვიცოდი, რა დროს გამოდიოდა სკოლიდან და როგორც კი შესაძლებლობა მეძლეოდა, გავრბოდი, ვუთვალთვალებდი"
დაწვრილებით...
"დედა-შვილი ცრემლებს იწმენდნენ და ერთმანეთს ეხვეოდნენ. როგორც გაირკვა, გამზრდელმა დედამ გარდაცვალების წინ დაწერა წერილი, სადაც შვილობილს მისი ბიოლოგიური დედის შესახებ უამბო"
დაწვრილებით...
იყიდება ზემო ვერაზე 2-სართულიანი კაპიტალურად
ქირავდება დღიურად! ბინა ახალი რემონტით
ტერიტორიაზე განთავსებულია: ადმინისტრაციული შენობა 650კვ.მ;
ქირავდება სავაჭრო ფართი(მაღაზია), ბიზნეს ცენტრ
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები