"5-ვარსკვლავიანი ჯიჰადი" (ექსკლუზიური ფოტოები)
"5-ვარსკვლავიანი ჯიჰადი" (ექსკლუზიური ფოტოები)
26-12-2016
"კვირის პალიტრამ" მოიპოვა სირიაში მებრძოლი საქართველოს მოქალაქეების ექსკლუზიური ფოტოები

2011 წლის თებერვალში სამხრეთ სირი­ის პატარა ქალაქ დარაში, კედელზე გაკეთებული ოპოზიციური წარწერების გამო რამდენიმე სკოლის მოსწავლე (12-15 წლის) დააკავეს და პოლიციის განყოფილებაში "ჭკუა ასწავლეს". აღშფოთებული მოსახლეობა ქუჩაში გამოვიდა და მოსწავლეების გათავისუფლება მოითხოვა. სამართალდამცავებმა­ ცეცხლი გახსნეს... იყო მსხვერპლიც. 25 მარტს დარას ქუჩებში უკვე 100 000 კაცი იდგა. მიტინგის დაშლას 20 მშვიდობიანი მოქალაქე ემსხვერპლა... მაშინ ვინ იფიქრებდა,­ რომ სწორედ მოსწავლეების დაკავება გახდებოდა სირიაში "არაბული გაზაფხულის" დასაწყისი, რომელსაც მსოფლიოს უახლეს ისტორიაში ყველაზე მასშტაბური და სისხლიანი სამხედრო კონფლიქტი მოჰყვებოდა...

მარცხნიდან: რამზან ბაღაკაშვილი, მუსლიმ კუშტანაშვილი

თუმცა დღე, რომელმაც მთელი გეოპოლიტიკა თავდაყირა დააყენა, 2012 წლის აგვისტოში დადგა - სირიიდან მსოფლიო "მუსლიმ ძმებს" სირიაში ჩასვლისა და "ჯიჰ­ადში" მონაწილეობისკენ მოუწოდეს... მას შემდეგ სირიაში, სადაც უკვე ორმოცამდე ქვეყნის ინტერესები იკვეთება, ყველა­ ყველას წინააღმდეგ იბრძვის. თუმცა, ტერორისტული ორგანიზაცია­ "ისლამური სახელმწიფოს" "ჟღალი გენერლის", თარხან ბათირაშვილის, 2014 წლის ივნისში ერაყში შეჭრისა და 29 ივნისს ერაყისა და სირიის ტერიტორიაზე "ისლამური ხალიფატის" გამოცხადების შემდეგ, მსოფლიომ ცხადად დაინახა, რომ მას დიდი საფრთხე ელოდა. "ხალიფატი" ნამდვილად არ ჰგავდა სხვა ტერორისტულ ორგანიზაციებს. ამოუწურავი ფულადი რესურსი, მასობრივი კომუნიკაციების სრულად ათვისება და "ხალიფატის" იდეების მთელ მსოფლიოში ქადაგება იმხანად "ისლამური სახელმწიფოს" წარმატების გარანტად იქცა. "ხალიფატის" იდეების დასაცავად სირიას ათასობით მოხალისე მიაწყდა. სამწუხაროდ, ამ ავანტიურაში ჩართული საქართველოს მოქალაქეებიც აღმოჩნდნენ.

პანკისელი ახალგაზრდებისთვის ხშირად ხელმიუწვდომელი იყო სწავლა-დასაქმება და მხოლოდ "ხალიფატის" წევრობით შეეძლოთ ფულის შოვნა. მათთვის (არა მარტო მათთვის) სირიის ომი "5-ვარსკვლავიანი ჯიჰადი" იყო - საუკეთესო იარაღი, ბინა, მანქანა, მონები, სექსჯიჰადში მონაწილე გოგონები მსოფლიოს სხვადასხვა ქვეყნიდან და უმთავრესი - ყოველთვიური ხელფასი 2.000 დოლარი, რომელიც მათ ოჯახებს­ საქართველოში ამოსუნთქვის საშუალებას მისცემდა. ახალგაზრდები, რომლებმაც თოფის დაჭერაც კი არ იცოდნენ, სირიაში ერთ კვირაში საზარბაზნე ხორცი ხდებოდნენ. ამის მიუხედავად, პანკისიდან სირიაში "მეომრების" იმპორტი არ წყდებოდა და ეს მეტწილად რეკრუტორების დამსახურება იყო, რომლებიც თითო მოხალისეში "ხალიფატისგან" პრემიად 1.000 დოლარს იღებდნენ. 2014 წლის ბოლოს, როდესაც სირიაში საქართველოს მოქალაქეთა შორის მსხვერპლმა იმატა, პანკისში საგანგაშო მდგომარეობა შეიქმნა. ბევრი ოჯახი ცდილობდა, შვილები გროზნოში გაეხიზნა, რათა ხეობაში რეკრუტორების მსხვერპლი არ გამხდარიყვნენ, ბევრისთვის კი ვაჟის ყოლა სანანებელი გახდა. ცხადია, შინ არავინ ამბობდა, სირიაში საომრად რომ მიდიოდა. ახალგაზრდები ვითომდა თურქეთში სამუშაოდ მიდიოდნენ. მშობლები ხშირად მხოლოდ მაშინ იგებდნენ შვილების ნამდვილ ადგილსამყოფელს, როდესაც სირიიდან მათი დაღუპვის ამბავი მოვიდოდა. მიცვალებულთა ჩამოსვენება არ ხერხდება, დედებს შვილების საფლავებიც კი არა აქვთ.

ავღანეთი, 2010 წ. მარცხნიდან: ელიხან მუთოშვილი, ახმედ ფარეულიძე (სირიაში თარხან ბათირაშვილის დაცვის წევრი იყო), აიუფ ბორჩაშვილი

2015 წლის მარტის ერთ დღეს 16 წლის მუსლიმ კუშტანაშვილი და 18 წლის რამზან ბაღაკაშვილი სკოლიდან შინ არ დაბრუნებულან. აფორიაქებულმა მშობლებმა შვილების კვალს ვერსად მიაგნეს. რამდენიმე დღის შემდეგ მუსლიმმა მოიწერა, სირიაში ვარო(?!) და თანატოლებს ვიდეომიმართვა გამოუგზავნა - სირიაში
You must have Flash Player installed in order to see this player.
ჩამოდითო. არასრულწლოვნის სირიაში წასვლას საზოგადოების დიდი ვნებათაღელვა მოჰყვა. სახელმწიფო, რომელიც აქამდე პანკისში მიმდინარე პროცესებს მხოლოდ თვალს ადევნებდა, იძულებული გახდა, ხელი გამოეღო. სისხლის სამართლის კოდექსში შესული ცვლილებები ეფექტიანი, თუმცა საკმარისი არ იყო, რადგან "ხალიფატის" იდეებს მხოლოდ პანკისში აღარ ქადაგებდნენ. "ისლამური სახელმწიფოს" ემის­რები გამო­ჩნდნენ ქვემო ქართლში, გურიაში, აჭარასა და სამცხე-ჯავახეთში. ამასობაში პანკისის ხეობიდან სირიაში პატარძლების გაყვანაც დაიწყეს. 2015 წლის მაისში მომხდარმა კი ყველა მოლოდინს გადააჭარბა - ორი ყარაჯალელი ქალბატონი - დიანა­ ღარიბოვა­ და ანა სულეიმანოვა გაემგზავრნენ სირიაში საომრად(?!), ოჯახებს კი წერილები დაუტოვეს. ცოტა ხნის წინ სულეიმანოვა შინ დაბრუნდა...

2015 წლის 14 ივნისს თბილისის აეროპორტში დააკავეს თურქეთში მიმავალი სამი ახალგაზრდა ეთნიკური ქართველი. სამართალდამცავებმა დაადგინეს, რომ ისინი სირიაში საომრად მიდიოდნენ. დაკავებულებმა ქისტი თანატოლებისგან განსხვავებით, ვერ დაასახელეს მიზეზი, თუ რატომ აპირებდნენ ომში წასვლას.

იმავე დღეს სპეცსამსახურებმა სოფელ გომბორთან დააკავეს პანკისელი აიუფ ბორჩაშვილი, ხეობაში ჩატარდა სპეცოპერაცია, გაიჩხრიკა რამდენიმე სახლი. სამართალდამცავების თქმით, აიუფ ბორჩაშვილი 2013 წელს, უცხოეთიდან დაბრუნების შემდეგ, თავს "ხალიფატის" წარმომადგენლად აცხადებდა (სწორედ ეს გახდა ჯამაათებში განხეთქილების მიზეზი). ბორჩაშვილის რეკომენდაციით, აჭარაში ჯამაათის ლიდერი ხვიჩა გობაძე გახდა. ბორჩაშვილის დაკავების შემდეგ ის ორ თანამოაზრესთან ერთად სირიაში გაემგზავრა, სადაც სიკვდილამდე (2016 წლის იანვარი) მისი მოვალეობა ქართულ ენაზე მუქარის შემცველი ვიდეომიმართვების ჩაწერა-გავრცელება იყო.
ჩვენი ინფორმაციით, კიდევ ერთი სპეცოპერაცია ჩატარდა - ამჯერად მაღალმთიან აჭარაში, სადაც "ხალიფატის ჯამაათის" 4 ლიდერი დააკავეს, მათ შორის ემირი გიორგი ბახუნტარიძე და ე.წ. ნაიბი ლაშა გობაძე. სწორედ მათი გამოძიებასთან თანამშრომლობის შედეგად გახდა ცნობილი იმ მოსალოდნელი პროვოკაციების შესახებ, რომელსაც "ხალიფატის" აჭარული ფრთა საქართველოში გეგმავდა. თურქეთის არხის ჩაკეტვის შემდეგ, 2016 წელს, "ხალიფატმა" ამჯერად ახმედ ჩატაევის მეოხებით სცადა აემუშავებინა ე.წ. უკრაინული მარშრუტი. მოხალისეები ახლა უკვე კიევის გავლით მოხვდებოდნენ თურქეთში.

მარცხნიდან: ჯამბულ აბდულაევი, გოჩა გობაძე, გიორგი ბახუნტარაძე, ბედირა ირემაძე, ლაშა გოგაძე

"ხალიფატის" წინააღმდეგ საერთაშორისო კოალიციის და რუსეთის გააქტიურებამ სირიულ "ჯიჰადში"­ მონაწილეობის სურვილი ბევრს გაუქრო, გარდა ამისა, არც საქართველოს ციხეებში წლობით გამოკეტვის პერსპექტივა ხიბლავდა ვინმეს. "ხალიფატი" დიდხანს ვერ ეგუებოდა პანკისელების ურჩობას, 2016 წლის ივნისში მუქარის წერილებიც კი გამოგზავნეს ხეობაში, სადაც იქაურებს "სწორ გზაზე" დადგომას და სირიაში ჩასვლას ურჩევდნენ, თუ არა - ჩამოვალთ და დაგსჯითო!
29 ივლისს, თარხან ბათირაშვილის სიკვდილთან ერთად, "5-ვარსკვლავიანი ჯიჰადის საგა" საქართველოში წარსულს ჩაჰბარდა.
წელს საერთაშორისო ორგანიზაციების­ და სახელმწიფოს მხარდაჭერის პროგრამებმა ძირეული გარდატეხა მოახდინეს მოსახლეობის, კერძოდ, ახალგაზრდების განწყობებში. დღეს არავინ ლაპარაკობს სირიაში წასვლაზე, თუმცა ხეობა ყოველდღე შიშით ელოდება იქიდან ამბავს ახალი მსხვერპლის შესახებ.

"კვირის პალიტრისთვის" ცნობილი გახდა, რომ დღეს "ხალიფატში" ჩვენებურების მდგომარეობა მძიმეა, მათი უმრავლესობა მოსულსა და რაყაშია თავმოყრილი, რომელთაც ყოველდღე ბომბავს საერთაშორისო კოალიციის ავიაცია, არის მსხვერპლიც. 13 დეკემბერს მოსულთან მოკლეს რამზან ბაღაკაშვილი... წელს სირიის ფრონტებზე 11 საქართველოს მოქალაქე დაიღუპა, 2012 წლიდან დღემდე ომს 25 ახალგაზრდა ემსხვერპლა, უმრავლესობა 18-26 წლის იყო.

2016 წელს საქართველომ "ხალიფატის" საფრთხეების პრევენცია შეძლო, თუმცა, შეინარჩუნებს თუ არა ამ მდგომარეობას, ძნელი სათქმელია, რადგან, როგორც ბოლო დროს სირიაში განვითარებული მოვლენები ცხადყოფს, "ისლამური სახელმწიფო" არსად წასვლას არ აპირებს, მეტიც - მზად არის, კიდევ არაერთხელ შეაძრწუნოს მსოფლიო...

ნინო ბურჭულაძე
მკითხველის კომენტარი (0)
კომენტარი ჯერ არ გაკეთებულა.
იყავი პირველი!
სხვა სიახლეები
"საახალწლოდ ხალიფატი ტერორისტულ იერიშებს ევროპის კიდევ ბევრ ქალაქში აანონსებს"
დაწვრილებით...
როგორ იქცა ელიტური სპეცსამსახურის თანამშრომელი ტერორისტად, გამოძიებისთვის ამ კითხვაზე პას­უხის გაცემა თავად ტერორისტს შეეძლო - მარტოოდენ პისტოლეტით შეიარაღებული­ ადამიანის დაკავება, რომელიც გაქცევას არც ცდილობს, სამართალდამცავებს უპრობლემოდ შეეძლოთ...
დაწვრილებით...
ბაღაკაშვილი 2015 წლის გაზაფხულზე სირიაში არასრულწლოვან მუსლიმ კუშტანაშვილთან ერთად წავიდა
დაწვრილებით...
შარხან მარგოშვილი საქართველოს მოქალაქეთა იმ პირველ ტალღას მიეკუთვნება, რომლებიც სირიაში სამოქალაქო ომის დაწყებისთანავე მუსლიმი ძმების ჯიჰადისკენ მოწოდებას გამოეხმაურნენ და 2012 წელს თურქეთის გავლით სირიაში ჩავიდნენ.
დაწვრილებით...
ჩამოხრჩობას გადარჩენილი დარეჯან კოხტაშვილი "კვირის პალიტრასთან" მალაიზიის სკანდალური საქმის უცნობ დეტალებზე ალაპარაკდა

"ვოცნებობდი შვილებთან შეხვედრაზე. მოზარდები ისეთ დროს დავტოვე, როცა ყველაზე მეტად სჭირდებოდათ
დედა და ახლა უკვე თავად არიან დედები"
დაწვრილებით...
მოსულის 12 რაიონს უკვე საერთაშორისო ძალები აკონტროლებენ, "ისლამური სახელმწიფოს" ლიდერმა, აბუ ბაქრ ალ ბაღდადმა კი ქალაქი დატოვა და სირიაში "ხალიფატის" დედაქალაქ რაკკას მიაშურა
დაწვრილებით...
სირიაში საქართველოს კიდევ ერთი მოქალაქე დაიღუპა - საერთაშორისო კოალიციის ავიაიერიშის მორიგი მსხვერპლი ამჯერად 24 წლის მუჰმად ხანგოშვილია (ცნობილია ჯიშკაევის გვარით)
დაწვრილებით...
არის საშიშროება, რომ ბოლო წუთს "ისლამურმა სახელმწიფომ" ქალაქის აფეთქება გადაწყვიტოს (ალბათ ქალაქის ქვეშ შუა საუკუნეების კატაკომბებსა და გვირაბებს გამოიყენებენ) და მოსული ისტორიაში თვითმკვლელი ქალაქის სახელით შევიდეს
დაწვრილებით...
27 სექტემბერს სოხუმის დაცემიდან 23 წელი გავიდა

"გიორგი მიროტაძე 29 დეკემბერს დაგვეღუპა. სადღაც დაიძახეს - დაჭრილიაო და ისიც წამოდგა. 2-მეტრიან ბიჭს მტრის ტყვიამფრქვევმა ღვიძლი და ბარძაყი დაუზიანა. სამწუხაროდ, იმ ადგილამდე მანქანა ვერ მივიდოდა. ლადო კეკულაძემ და თანამებრძოლმა ექიმებმა გიორგი 6 კილომეტრი ხელით ატარეს ლაბადით. სამწუხაროდ, ამას დიდი დრო დასჭირდა... ის იყო პირველი ტკივილი ჩვენს სამსახურში..."
დაწვრილებით...
ქართველმა საზოგადოებამ მისი არსებობის შესახებ 2015 წლის 12 იანვარს მის მიერ გავრცელებული მიმართვით შეიტყო. "ხალიფატის" მებრძოლი თამაზ ჭაღალიძე საკუთარ ქვეყანას და ხალხს დაჩოქებით და თავების დაჭრით ემუქრებოდა...
დაწვრილებით...
იყიდება მიწის ორი ნაკვეთი დიღომი
ტერიტორიაზე განთავსებულია: ადმინისტრაციული შენობა 650კვ.მ;
ულტრა თანამედროვე რემონტი, იდეალური სისუფთავე,
გირავდება ბინა ცხოვრების უფლებით,
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები